原作養生湯米線

营业中

休息中

大約2:30鐘去到唔駛等位有午餐午餐係一個米線+1個小食再加一杯飲品當然要試吓佢嘅招牌龍蝦湯米線龍蝦湯上枱嘅時候已經超級香第一啖即刻試咗佢嘅湯底超級濃郁嘅龍蝦味但係又唔會死鹹仲有其他海鮮嘅鮮味講咗龍蝦先啦龍蝦肉其實韌,唔係好有彈口令我覺得可能係over cook 但係龍蝦嘅蝦膏其實真係幾多仲有一個龍蝦鉗龍蝦鉗好貼心咁中間已經有一條裂痕所以好輕易就可以將龍蝦鉗既肉扯出嚟食其他嘅海鮮就冇乜特別，反而貝類仲有啲韌米線唔會太淋滑口食米線嘅時候飲埋啲湯簡直係絕配小食我就揀咗炸魚片頭第二個set都係嗌咗舖頭最主打嘅龍蝦湯米線但係配小食就係花膠，有兩舊都幾大嚿，而且有膠質嘅感覺唔係Hea飲品要咗羅漢果水，唔會太甜大家記住要落佢枱面有嘅辣菜莆非常之好味

My gf and I visited this establishment on a Sunday. Everything was fine until the waiter realized that he gave me extra toppings for my order. He slowly retrieve the receipt from the original order and slipped a new receipt next to my gf with charges from those extra toppings. Who does that?!!?!?! We called him out. I thought those toppings came with my noodle dish but It turns out that the extra toppings was intended for the adjacent table. We would have been ok if they spoke to us to let us kn

又到左養生時間🙃呢間主打無味精湯底香濃嘅米線，見到menu都想即刻飲湯🤫🔆桃膠椰子雞湯米線$68湯底清甜帶有椰子香，有少少雞油但飲落唔會油膩，可以一直飲無口乾😚入面仲有杞子、蟲草花同桃膠，即刻覺得自己年輕左10年呀😇雞有四件，分別係雞翼同雞髀位置，所以都好多肉😋喜歡滋補嘅我仲用$24加左兩件花膠🥰一件好淋同算滑，另一件就無咁滑🔆桂花蜜糖雞翼$32 原本以為會係蜜汁果種，但其實佢擁有香脆嘅外皮再澆上桂花蜜糖汁🍯唔係全炸食落都唔會太heavy，蜜糖汁就一定係無得輸嘅🙌🏼

去紅磡尋找養身美食，就嚟到呢間原作養身湯米線。Lunch set有六款湯米線，配六選一嘅小食加飲品，勁多選擇。我揀左少見嘅桃膠椰子雞湯米線，桃膠椰子呢個超級甜品嘅combo搭上雞湯米線後竟然毫無遺和感，好有層次咁先嚐到清甜椰子味再嚐到鮮雞湯，湯底比同事揀嘅蟲草花膠雞湯米線杰身，骨膠原十足。桃膠有嚼勁，蟲草花爽口，雞肉滑嫩，無論湯底、配料、米線嘅水準都非常好。小食揀左脆香魚片頭(二件)同原味脆魚皮share。魚片頭落鍋走油後好香口，魚皮就可能擺耐左唔係好脆。飲埋自家製羅漢果茶同檸檬柑桔，為養身美食之旅畫上完美句號!

家住附近，每天都經過，但今天第一次進來。早上11點半入座，時間尚早只有我一人，環境簡潔明亮。前兩天頭痛，所以點了川芎白芷魚頭湯米粉。湯底清澈，味道鮮美，有半個大魚頭，其他配料如杞子薑片龍眼肉齊全，藥材味濃，真材實料。確實符合店名養生湯之名。如此高質小店，應多多支持，下一次再來試試其他！

畢業之後就好少再黎黃埔食野，估唔到依度開左好多好正既餐廳。平時成日出街食會比較油膩，見到依間主打養生米線，湯底用原材料熬足8小時既餐廳就好想試一試。餐廳設計係以白色牆搭配木系傢俱擺設，並掛上一盞盞吊燈，燈光柔和，營造出一種溫馨又舒適既氛圍～除左米線，依度既食物種類都有好多款，例如：泡飯、雞湯及小食等，睇得出店主對食材非常講究，用心製作每道菜。❀ 蟲草花膠雞湯米線一上枱就見到滿滿既配料。雞肉好嫩滑，肥美多汁，仲有三大塊花膠，煮得好腍又夠入味，再加上大量既蟲草花，真係好足料！雞湯味濃郁，而且好鮮甜，唔會太鹹及太油，飲晒成碗湯都唔會口乾，證明湯底無落味精，原汁原味。而米線都幾彈牙，好掛湯，味道唔錯❀ 原隻紅蝦龍皇湯泡飯估唔到主打米線既餐廳，連泡飯都煮得咁出色。依個湯底係由新鮮蝦肉及龍蝦肉經長時間熬製而成，味道非常鮮甜，濃得黎又唔會稠，好有驚喜，忍唔住成碗飲晒。泡飯加左澳洲脆米，好香又有口感。而配料都好豐富，有紅蝦、帶子及蜆，當中特別中意紅蝦，非常鮮甜。❀ 桂花蜜糖雞翼老闆推介既小食，味道真係唔錯。雞翼外脆內嫩，而桂花蜜糖份量好多，夾埋雞翼食好正，香甜可口～❀ 洛神花茶❀ 檸檬金桔檸檬金桔味道

蟲草花膠雞湯米線🐣🍜 $68湯底係比較清但係又好鮮嘅雞湯料非常足🥰有大大舊花膠仲有蟲草花同切件雞肉雞肉超級嫩滑！！！完全唔會鞋口👍原隻紅蝦龍皇湯泡飯🦐🍚 $98湯底有好濃郁嘅龍蝦味🦞超鮮但又好香濃仲有一隻大紅蝦🦐和其它海鮮係面好多料飯泡在湯裡好索味，勁jeng！🤤飯上面灑的澳洲脆米乾食好香脆吸左汁係另一種風味變得比較煙韌，更香兩隻食法都好jeng！呢嗰泡飯真係令我大開眼界🤩咁樣真係超好味😋一定要去試下🥰桂花蜜糖雞翼🐝🐥$25係我食過覺得最鍾意嘅雞翼👍💕好香脆而且帶有有清香桂花味雞翼完全唔會油膩反轉左我對雞翼嘅印象食完會仲想再食！❤️洛神花茶🍹（冷）$18檸檬金桔🍹（冷）$18呢兩杯嘢飲睇落去平平無奇但一飲落去第一啖就🥰😌😋哇⋯不得了好清新嘅感覺仲有d開胃XD重點係唔會太甜！🤩飲落好舒服😌❤️一定會再幫襯！高質得黎菜式選擇又多！有機會要再黎試埋其它菜式😝

今次選下午茶時間幫襯，因為怕中午等位...好幾次經過都見門外有人排隊等位。下午茶時間客人不算太多，門面同餐廳內走木類風格，望落去舒服養眼，枱同枱之間距離亦不會有迫的感覺。打開餐牌時，其實好多款同岩哂「為食貓」我的口味，花多眼亂🤩 可惜另一半不太肚餓，只點了小食： 黃金炸魚皮而我開始是點那個下午茶套餐- 龍蝦湯米線，加花膠～點餐後再望menu, 又比佢個「極尚過橋米線」吸引了，因為記得另一半去過雲南，當地米線正是這樣子上餐的。我既餐大約等了5分鐘就到了～擺設精緻，店員教先落米線，之後就按自己想吃的先後順序夾落湯麵度食...（最後係...我將所有餸一齊落哂😹）比較驚喜係，雞絲非常嫩，一啲都唔「鞋」，而鮑魚都唔錯～會計劃再來，因為菜單上的確有好多好多野想試😼😼

之前好友喺呢度買過外賣俾我食，覺得呢度啲米粉非常之好食。所以決定今次試吓嚟堂食。桃膠椰子雞湯米線呢個米線一上枱已經聞到少少椰子味，有幾塊簿切椰子肉，同埋切粒嘅桃膠，仲有幾件雞（唔包蟲草花㗎，係喺另一碗夾過嚟嘅 🤣🤣）。湯底椰子味蓋過本身嘅雞湯，味甜，唔知有冇加到椰奶呢，飲落比較順口，雞肉係嫩滑嘅，但米粉唔知係咪浸得比較耐呢，比起上次外賣時食嘅淋過頭，冇咁彈牙，比較失色。蟲草花膠雞湯烏冬上次外賣都係食呢個蟲草花膠雞，但今次堂食轉左食烏冬。雞肉依然咁嫩滑，但今次湯底偏鹹，唔知係咪用鹹雞嚟熬湯，飲完仲覺得比較口渴添。小食叫咗油醋海蜇花同埋蒜泥白肉。比起平時食開嘅海蜇，呢個海蜇花比較有咬口，比較爽，加咗辣椒皮，有少少微辣。蒜泥白肉就真係唔好食啦，肥肉冇彈牙膠質感，沾醬又唔夠味，冇呢蒜味及辣椒味，可以講係失敗之作。飲品叫咗洛神花茶同檸檬柑桔，如果大杯啲就比較好啦😅😅。養生，就靠食物，養心，就梗係睇吓對住邊個一齊食啦。

第一次係同 同事做嘢經過附近試吓～點知好有驚喜！湯底真係好好味，飲到好香金華火腿味，亦唔係味精湯，飲完唔口渴👍🏻所以今次咁啱又喺附近做嘢，梗係再嚟幫襯今次特登早少少嚟食午餐，午餐set 真係好抵，$78 就已經食到高質的 花膠+雞米線，仲有包輕量小食&嘢飲，揀左 雞湯浸時蔬 同埋 樽裝豆漿。同上次一樣個湯比我飲到一滴都無得剩😆由於冇食早餐的關係，另外加點了 3隻黃金雞翼，新鮮熱辣做出嚟，雞翼夠Juicy。食到捧住個肚腩走🤣

一向都好鍾意食米線，見到呢間原作米線話湯底係用原材料熬製8小時即刻想試，餐廳設計好modern，有好多食物款式，我地想試晒兩個主打湯底分別叫咗：蟲草花膠雞湯米線（ $68）呢碗米線一上枱已經感受到餐廳嘅用心，花膠同雞嘅份量好足，養生湯濃而不膩，飲得出係真材實料，花膠炆得好淋，雞肉亦都好嫰滑再加埋蟲草花，食完即刻覺得補充左元氣😌呢碗米線絕對對得住呢個價格～原隻紅蝦龍皇湯泡飯（$98 ）呢個招牌龍皇湯底以鮮蝦，蝦子，花蛤，龍蝦熬製8小時而成，湯頭非常鮮甜開胃，啱晒炎炎夏日呢啲日子食，店員話係用咗阿根廷紅蝦，隻蝦真係好大隻好彈牙，泡飯撈左脆米有雙重口感，好鍾意呢個配搭！桂花蜜糖雞翼（$25）- 炸到脆卜卜嘅雞翼再帶一點桂花嘅香味，又一個有創意又好味嘅配搭～洛神花茶（$18）檸檬金桔（ $18）- 兩杯飲品都好清新又唔會過甜，飲完好醒神！涼拌貢菜（$25 ）- 少見嘅前菜，食落非常爽口清新，可以中和一下味蕾～整體嚟講非常滿意，仲見到其他小食如：口水雞，黃金炸魚皮，麻辣鴨血都非常吸引，絕對有下次！

隨著年紀漸大 身邊嘅朋友成日都分享點樣養生 點樣可以食得健康啲 今次我地出去食就揀左間以養生為主題嘅餐廳 佢健康得黎又好味 🐻🐻個人幾鐘意 所以想誠意推介比大家👍🏻 我地叫左以下食物:1. 滋補黃酒煮雞湯米線 - $66依個🐻🐻轉左米粉 吸哂啲黃酒好味道😋 依個一上枱就知啱啱滾起 熱辣辣充滿黃酒香 而且裏面有好多件雞十分足料 重點係佢啲雞每一嚿都嫩滑同帶有酒香 食完成個人暖粒粒🥰 2. 原隻紅蝦龍皇湯泡飯 - $98佢依個裏面有蜆肉 帶子同原隻紅蝦都ok大隻 配料食落都幾新鮮 但🐻🐻覺得個精粹在於個湯底 店長話係用龍蝦熬製而成 難怪十分鮮味🤤3. (加配）吉列大蝦 - $20/2隻依個吉列大蝦比我想像中細隻 但佢外皮脆唔厚粉都還好 正正常常4. 桂花蜜糖雞翼 - $25/3隻🐻🐻個人好鐘意依個小食 桂花蜜糖醬不算太甜卻清新 與雞翼十分夾 雞翼又大隻而外脆內軟 整得幾好食5. 黑松露煙燻糖心蛋 -$28/2隻唔係好食到煙燻味 但都幾好食 🐻🐻覺得依間好食又抵食 回頭率頗高🥰😋👍🏻 地點又幾方便 大家快啲去試下~~

好鐘意食米線嘅我今次就嚟到呢間養生米線試試佢🤩🔖桃膠椰子雞湯米線💰68桃膠加入米線原來都可以好夾😋一啲違和感都無🤓 口感仲變得更有層次添😇個湯充滿椰香味🥥配料仲有椰子肉㗎😚可以想像到有幾香濃😍雞件大大件又滑🐣好味！💫推薦指數: 8.5/10​🔖蟲草花膠雞湯米線🌟💰68個湯我差唔多飲哂🙈因為飲落去有超滋潤嘅感覺🥰花膠一共有三大塊！塊塊都超厚身又爽彈🤩雞件同樣都係好嫩滑🥳💫推薦指數: 9/10​🔖桂花蜜糖雞翼🌟好香脆嘅雞翼，夠哂熱辣辣😇入面好juicy🤩出面就係滿滿嘅桂花蜜糖🍯又甜又香🥳好食到停唔到啊💯💫推薦指數: 10/10​🔖蒜泥白肉🌟💰58蒜香味同醋味平衡得好好😚兩者都夠突出🤓薄薄一片，油脂分佈啱啱好，唔會令人感覺好油膩😋💫推薦指數: 8/10​🔖洛神花茶💰18無平時飲到果啲咁酸，呢到唧味道相對偏甜少少，好適合我嘅口味🤣💫推薦指數: 8/10​🔖檸檬金桔💰18酸酸甜甜嘅味道，永遠都係食嘢嘅時候最好嘅選擇🍋夠開胃😛💫推薦指數: 7.5/10​

桂花蜜糖雞翼用既係秘製既桂花蜜糖 桂花味香濃 蜜糖甜度適中 雞翼即叫即煎 好香脆 而且雞肉都好嫩滑 幾好食既一款小食醋海哲花季節限定 唔係全年都有 幾特別既一款小食 外形真係好似一朵花 咬落去爽口又帶酸甜 好開胃 一粒既size唔大 一啖啱啱好食曬 夏天食岩岩好蟲草花膠雞湯米線花膠好大塊 咬落彈牙又夠鮮 而家好滑口 好好食 蟲草花既份量都好多 雞湯超濃 啖啖都有住雞既精華 唔會太鹹 米線好掛湯原隻紅蝦龍皇湯泡飯湯底係用左原隻龍蝦熬成 勁濃郁 而且料好多 有帶子 扇貝 斑塊 都好新鮮同大隻 飯粒好口感唔錯 索曬d湯汁 啖啖都係鮮味 成個配答好好👍

🍴滋補黃酒煮雞湯米線 66 蚊 🐥🍜轉做新竹米粉黃酒湯底 夠香甜 雞肉 紀子 龍眼 紅棗 👍🏻 黃酒味香 配埋新竹米粉 幼身特別吸汁👍🏻雞肉切成比較細件 食落比較彈牙有口感 同湯底合埋一齊 雞味香濃 好食👍🏻🍴蟲草花膠雞湯米線85 蚊🐥🍜首先有3,4 片彈牙大花膠 口感少少煙韌 入面帶 d淋。硬度適中 蟲草花雞湯 湯底香濃 帶有少少蟲草花甜味 雞肉彈牙 😊而佢係米線係有 d似上海麵 粗度適中 比較爽口彈牙 同鮮甜既雞湯好 match 👍🏻🍴桂花蜜糖雞翼25 蚊🐥首先佢個桂花蜜糖汁整得好香濃🍯 甜度適中 雞翼上面亦鋪左桂花👍🏻 雞翼大大隻 炸得 夠哂香脆 🔥 咬開入面熱辣辣 雞肉嫩滑 好味😍🍴涼拌貢菜25 蚊🌿貢菜切成絲 帶 d酸甜味 口感彈牙爽口 連埋爽口木耳 凍食最啱夏天當餐前小食😄#貢菜 #涼拌 #蜜糖 #雞翼 #黃酒煮雞 #米線 #新竹米粉 #花膠Score 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Servic