卷之屋

营业中

休息中

我每次放假都必定幫襯，因為老闆用心，食物質素好，價錢平宜。從佢係一樓開業到而家因為租金太貴搬上3樓，什麼都沒有改變，我食過其他的同類食店，我都係覺得葵芳你係最好味既。我會繼續支持小店。

火炙芝士三文魚手卷 ($21)超超超肥美既三文魚呀😭😭❤️搭配熱溶芝士同沙律醬...再慢慢流落飯粒度😳☺味道好夾 極邪惡 但又不能抗拒!!!😂😂😂厚切之餘 油脂好足☺️但可惜....紫菜係淋身💀🤦🏻‍♀️敗筆呀😭希望下次黎會有驚喜!!!

雖然葵涌廣場的手卷店比往時多，但是我還是對卷之屋有個人的情意結，也有不少回憶，所以今晚第一站「掃街」就是吃手卷。我看見店上貼著的炸「半隻」軟殼蟹手卷照片挺吸引，加上看見別人點的實物如照片般讓人垂涎欲滴，那我就嚐嚐看。 雖然手卷製作看似簡單，可是要把手卷做得好並不容易，光是包著手卷的紫菜已不能看輕。軟殼蟹手卷的紫菜脆度十足，足以證明卷之屋在食材細微方面不馬虎，都是新鮮的。酥脆的天婦羅炸漿包裹著軟殼蟹吃起來有濃濃的炸物風味，加上軟殼蟹上的沙律醬，一個香脆一個開胃路線配搭起來滋味十分。軟殼蟹份量足料，由頂裹至手卷底部，壽司飯不會過於黏稠，微微醋意，握得不鬆散，真的不錯。朋友的海膽甜蝦手卷鮮美度破表，滿滿的海膽與甜蝦吃得她都心花怒放。海膽不腥不膩，甜甜的，入口即化，帶來無窮幸滋味。甜蝦口感彈牙，鮮滑軟嫩，跟海膽相當搭配。

葵涌廣場小食咁多如果你問女皇有啲咩係必食嘅話可以話係手卷葵涌廣場都有六七間嘅手卷店但係女皇就一定會幫襯呢間咁多間相信呢間係開得最耐 由1樓搬到上黎3樓雖然人流唔夠2樓嗰間咁多 價錢唔係最平 但係講到魚生新鮮程度 同埋飯既味道 我都會揀佢而搬左上黎三樓之後 新推出左火炙系列今日我同朋有幫襯左2樣野三文魚海膽手卷 $39三文魚同海膽比例剛好 而三文魚亦都包到落底 炸蝦反卷$18蝦係新鮮炸出黎 飯都夠醋味 係比較散少少三文魚手卷(外賣番屋企食）$16三文魚手卷返到屋企隔左四個鐘先食但係三文魚都仍然好新鮮因為紫菜係用咗外賣紫菜所以都仲好脆身

食勻葵廣咁多間既手卷，最難食既一定係問卷，最好食既一定係卷之屋，抵食又好味，今次黎食卷之屋，搬左屋，搬左去 3 樓唔知賣衫乜乜乜果到入面，幾隱敞下，唔通想做隱世小店 😂——————————————————————#海膽三文魚手卷 $39估計有半板海膽左右，而且食落係好新鮮，帶有海膽味同小小鮮甜，而家食好多海膽手卷係冇海膽味 😂 而三文魚圖中睇都係靚魚加厚切，直落到底，底到冇得再抵 🤤 真係冇得輸 🤤🤤🤤#鰻魚手卷 $20燒得靚、冇骨兼、口感唔黏已經係無懈可擊，除左面頭果一大塊，中間仲有一大塊去到，食落去覺得都有半尾份量，大份抵食好味之選 🤤——————————————————————#卷之屋葵芳葵富路 7 號葵涌廣場3樓 T21-22 號舗

每次叫三文魚手卷都好大舊, 食到底都仲有三文魚火炙三文魚手卷同火炙帆立貝手卷超級推介 必食 而且價錢唔算貴食過咁多間壽司店, 卷之屋係葵廣入面最好食既一間以前係一樓 依家搬左去三樓

曾經一度以為佢地頂唔住貴租執左，原來只係由以前一樓搬左上三樓。雖然搬咗鋪頭但係老闆依然無變，整出嚟嘅產品仍然都係咁有水準今日我點左一個火灸芝士三文魚反卷 (呢一款反卷以前舊鋪頭係冇㗎) 。首先一定要讚佢上菜速度好快，我比完錢之後大概20秒左右，老闆已經可以將份反卷送到我嘅手上。睇住老闆即時用火槍噴上反卷上嘅芝士，所以反卷入到口嘅時候仍然保持到微暖，芝士當然都係食到溶溶地嘅感覺啦。$25 就食到一份味道相當好，足料之餘又比到你飽肚感覺嘅反卷，喺葵廣來講算係相當唔錯另外仲叫咗一個帆立貝三文魚手卷。呢個手卷價錢比芝士三文魚飯卷貴少少，但係老闆比嘅帆立貝係原粒，係一隻無論大小，厚度，鮮味都有相當高程度嘅帆立貝三文魚都一樣啦，老闆好大方，次次都係食到又大又厚嘅三文魚，而且食到手卷最底都仲係有三文魚，呢樣真係難得呀喺葵廣掃街可以食到咁好味道嘅手卷，而且三文魚係內含好營養嘅食物，壽司飯亦能飽肚。下次如果阿媽話：你又去掃街食冇益嘅嘢呀？！呢個時候我就可以大大聲話我去卷之屋食正餐啊，有益架

卷之屋黎到葵涌廣場，食啲乜野好？今日又去左葵涌廣場，發現「卷之屋」由一樓搬左上三樓，老闆依然無變，仲係佢親手整手卷。今次叫左一客「火炙芝士玉子反卷」同埋一客「軟殼蟹手卷」。先講講佢個「火炙芝士玉子反卷」，佢外面個堆芝士係多到流出黎，同埋當用筷子夾起時，完全做到芝士拉絲嘅效果，而且佢每件反卷，都做到一口一件，入口容易。另外佢件「軟殼蟹手卷」，係見到佢地用岩岩炸起嘅軟殼蟹夾係啲飯入面，第一啖咬落去，啲軟殼蟹好香好脆，再加上沙律醬，非常配合，但略嚴隻軟殼蟹細件左少少。另外，卷之屋亦提供豉油比顧客自己調味，分別有芥末豉油和普通豉油

之前經朋友介紹後 試過一次之後每次到葵涌廣場都一定會食曾經食過三文魚，炸蝦，以及火炙三文魚飯卷及手卷 個人較喜歡飯量較少既飯卷 可以一啖一件一盒有6件 特別推介係呢間既沙律醬 一定要加多d 同飯卷既味道非常夾!!!曾經試過去旺中及葵廣其他既小店 但係都唔及呢到 所以就算搬左鋪 都一定要揾返佢!!

《卷之屋無得輸手卷🖖🏻‼️》/卷之屋搬左上樓上後第一次食😝(之前仲以為佢執左，sad左一陣🙈)三文魚子三文魚手卷($38)一如既往咁新鮮😋😋，D三文魚子好大粒😻😻😻 ，咬落去好有滿足感🤓而且食落鹹香😚三文魚亦好足料💕💕，一路食到尾都仲有😳，佢無三文魚子gum鮮味🙈，但都保持到以往嘅質素🤔，同埋個三文魚真係幾大舊🙉另外紫菜亦好脆身👍🏻/😗奉勸各位落wasabi豉油個陣唔好好似我咁🤦🏻‍♀️，太過興奮🙄，落得太多豉油標曬眼水差D辣死自己🤦🏻‍♀️🤦🏻‍♀️🤦🏻‍♀️，所以記得留意番落嘅份量，唔係會蓋過左手卷嘅鮮味(同攻鼻死)🐶

葵芳愈開愈多手卷店舖，我第一個手卷是在卷之屋食的，所以我經常覺得卷之屋是手卷店的老字號。可是自從他搬遷了到3樓後，我在沒有吃過卷之屋了，我試過上3樓找了幾次可是也找不到。可是很幸運今天在3樓逛街，在top世界中找到了。吉烈豬扒飯卷，我喜歡吃卷之屋的卷物其中一個原因是通常飯都是暖暖的，而且吉列豬扒飯卷不是到處也有得買，所以我每次到卷之屋都會買一份。不過今次有點失望的是，發現卷物份量比從前少了一點，而且還有一件是沒有豬扒，還是好吃。

話說呢間卷之屋係葵廣第一間既手卷鋪做起左"去葵芳食手卷"呢個熱潮佢地既賣點係"食到最底都仲有料"以前一直係葵廣OpenRice既第一位紅到鋪頭門口外永遠一定有人排隊可惜最近佢地搬左鋪舊有的OpenRice好評全部冇晒同時葵廣有好多新開既手卷鋪望落更吸引可能好多第一兩次黎葵廣既人就會去左新開果d鋪跟住就話"其實葵廣手卷冇咩特別"我想講，因為你地去錯左呀我都有試過其他手卷鋪但最後都係返番呢度原因如下:1. 手卷食到最底仲有料!!!2. 飯的比例適中，唔會好似其他鋪頭咁太多飯3. 飯的醋酸味唔會太重，搶走刺身味道4. 紫菜好脆5. 等候時間係咁多間之中最短，師傅手勢快靚正，最快試過落完order後30秒就食得6. 如果你order左兩個或以上，師傅會問你使唔使等你食完第一個先俾第二個你，呢樣好細心今次試左佢地既新野火炙芝士三文魚手卷$20驚喜係芝士唔係得表面食到下面都有架正!另外我成日都會食的軟殼蟹手卷$20軟殼蟹熱辣辣好香口面頭的蛋黃醬中和左d油膩感食完好滿足最重要既係兩個手卷食到最尾都仲有料架唔會得番d飯!

葵廣真係好多野食，咁岩見到間壽司店，主要係壽司同埋手卷。當時比d餐廳又好爆場，所以唯有是但買個手卷啦。買左個蟹子手卷上面一大堆蟹子凍凍地又好爽口，味道小小咸都咁錯。不過飯太暖，同個溫度有好大反差。出面個紫菜仲保持到好脆但係溫度反差已經令人覺得好有問題。

無去葵廣一排 原來卷之屋搬左😮搬左上三樓新開個美食街到 鋪位大左 食物選擇都多左吞拿魚沙律手卷每次必食😋佢吾係名貴野但我就係中意佢個沙律味而且平時都少地方有得叫今次我仲試左個厚燒玉子 略嫌燒得燶左小小💢但吾影響個味 玉子吾算太甜 中間夾心有壽司米面頭加埋沙律醬好惹味👍🏻$15可以一戰

三文魚卷，不明白小怪獸為何不明原因的喜歡，每次經過總要叫上一份，就是搬了鋪，他的為食小雷達還是能找到此店的存在。本人還是比較喜歡這家店的三文魚手卷，吃到尾還能見到三文魚的蹤影，運氣好的那天，還能有三文魚腩的部分。貼在櫃檯上的餐牌明明寫著厚燒玉子$15，見到實物覺得ok，和平時玉子壽司的尺寸差不多大。咬開後，原來暗藏玄機，不是整件玉子。其實就是玉子壽司，只是把飯藏在中間，兩塊玉子夾住。失望，就是不想吃飯才買厚燒玉子，我再回頭看一次餐牌，明明沒有寫上壽司二字，覺得被欺騙了。味道還是不錯，加入芝士醬，沖淡了甜蛋原本的微甜，淡淡的鹹香味，但個人認為，炙燒還是配三文魚最適合。