博派麵館 (已結業)

來博派麵館就是因為看到那個炸珍珠奶茶才遠道而來的。這個炸珍珠奶茶果然沒有辜負我的期望，它就像台灣的炸鮮奶一樣裏面是甜甜的外面是脆脆的。炸珍珠奶茶裏面的餡十分足夠。有許多珍珠味道又不會太甜。店裏還會附上煉奶，如果覺得不夠甜的話可以加點上。除此之外，我還點了一個蒜蓉金菇。蒜蓉金菇用錫紙包着送上來，有香濃的蒜味。送上來還時還是熱的，但是等候的時間會比較長因為是即叫即做的。建議一到餐廳先點了這個然後再慢慢看餐牌。加上我還點了雞翼尖。辣度十分足夠，喜歡吃辣的人必定要點這個。雖然是一間台式餐廳，但這家餐廳的佈置十分特別。從餐廳名看已經可以看到好多transformer的蹤影。然後進入餐廳裏，它的辣椒醬就是用transforer的模型裝着，十分特別。

今日一個人落荃灣買野和做運動，當然不少得醫肚，經過見到間麵館有變型金剛，咁有型既麵館真少見，入內見到都幾多父母帶小朋友來食麵，雖然唔算主題餐廳，但都氹到小朋友乖乖食哂碗麵。麵食有8-9款，由牛肉、豬肉、雞肉至海鮮都有，素食朋友都照顧到，價錢$48-68。小食款式有8款，都算多選擇，價錢$26-32，比較特別有脆炸珍珠奶茶，必點來食啦。飲品櫃有各款飲品，跟店員落單就ok由於點了炸物，都是揀涼茶類岩我，夠凍夠大支。孜然燒雞中翼 $32，一客四隻，比一般大隻厚肉，燒得好香口。唔乾而且皮脆肉嫩，夠哂熱辣辣，好香孜然粉的香料味，但不未去到羊肉串用香料的刺鼻，所以值得一食。燒安格斯牛肉牛舌湯米 $68牛肉和牛舌都各有四塊，燒得香口惹味，而且薄切好有咬感。牛舌非常爽彈，味道頗咸香，配米粉剛好。牛肉有嚼勁，越咬牛味越突出，不肥膩肉感好。大大碗米線，仲有配料雜菇、肉碎同菜芯，湯底味道溫和帶香，米粉吸哂湯汁好好味。小朋友至愛，差點當玩具來玩，真係要眼明手快保住個「頭」，因為內有乾坤。原來放有辣椒油，而且特製的，超級辣，一滴已經見效個隻，無辣不歡的朋友快來挑戰。我放了一點點，已經夠辣好刺激，但令整碗米粉更香

睇變形金剛就睇得多啦，裏面有正反派，其中小編最愛嘅太別係博派！因為佢哋全部都係正義朋友，一齊拯救地球。今日喺荃灣德海街發現有間博派麵館，真係沿用博派嘅元素去建立！未入店內已被出邊嘅大黃蜂吸引，大概有兩米高，栩栩如生的機械人在店內做吉祥物，都不失為一個好嘅招徠方法。裏面嘅擺設亦都唔馬虎，飲料櫃亦都有博派嘅標誌，而且有多款飲料選擇。我地點左個麻辣小窩紅薯粉、黃酒雞柳湯米線、手拍青瓜、蒜蓉焗金菇仲有就係唔少得呢度嘅招牌菜炸珍珠奶茶！全部嘅款式都好似係出邊好少食到。先來嘅係炸珍珠奶茶，同我嘅預期有啲出入，本來以為整舊炸物中內裏是流心的，但發現原來是充滿口感，非常彈牙。珍珠扮演着一個非常之重要嘅角色，令到整建雜物外脆內韌，點上香滑的奶油，美味非常。再來就是麻辣小鍋紅薯粉，沒想到是這麼足料，有豬大腸、豬軟骨和雞翼尖，還有滿滿的脆花生。這個湯底令我感到意外非常，因為嚐得出是經過熬製的，而且湯底沒有重味精的感覺，感覺是天然的辣，反而讓人感到好喝。經過查問後發現原來湯底經過8小時的熬製呢！令我還叫了黃酒雞柳湯米線，一來的時候是充滿藥膳的味道，湯底包羅萬有，淮山、杞子、冬菇、人蔘、滑雞、蜜棗、芽菜樣樣齊。

好耐未行過荃灣,行過荃灣城市廣場附近，阿仔被個大transformers吸引到，嚷著要去這間機械人餐廳食午飯。入到餐廳內d餐修都幾cyber,最攪野係每張枱都有個細Transformers，阿仔以為係玩具，打開原來係用來裝辣椒油，店員話呢隻係「一滴辣」，用一滴已有大辣效果，我試了，果然係好辣🌶🌶🌶呢間餐廳主要係食湯米線，我地四個人，叫做三款唔同既米線，試左佢三款唔同既湯底店員推介黃酒雞柳湯米線，湯底係用藥膳做的，有淮山、黨參、紅棗等等。未食已經覺得個湯好補，食落幾特別幾好味。海鮮湯米線用魚湯湯底，個湯好鮮甜，有濃濃嘅魚香味，用了好粥，有兩粒好大嘅帶子、重有蠔仔、蜆同埋魚腐，海鮮幾新鮮。燒骨雞柳湯檬粉，個湯底係豬骨湯，好香好濃，燒骨有四件亦有幾件雞柳，夠晒食。之後我地重叫左幾個小食，最特別既係炸珍珠奶茶，個皮好鬆脆，咬入去啖啖珍珠，真係好似食緊珍珠奶茶咁，幾特式。子然燒雞中翼燒得好香、好好味而涼拌雞翼尖好入味，叫左小辣已經好辣。這間店舖雖然細細間，食物種類的選擇亦唔算多，但係每款食物都幾有特式值得一試下次有機會會再來幫襯

今日同男朋友誤打誤撞 入咗呢間主題餐廳一開始係畀佢門口個超巨大機械人所吸引入到餐廳充滿驚喜 牆上嘅設計店主是有花過心思的 平常人肉眼睇 只會見到又黑又藍既一堆嘢 但係如果用相機嘅角度嚟睇 就會見到係一個3d嘅太空艙 勁搞笑 太空艙入面食野 都係第一次咋餐廳主要都係食粉麵類 還有一些小食食物都充滿創意 同樣是有花過心思的 例如 炸珍珠奶茶 心思思真係想試下於是我真係點左一客 炸珍珠奶茶外面脆卜卜熱辣辣 咬開仲會出煙的 中間係一粒粒嘅珍珠及奶茶醬 口感煙韌彈牙 加埋煉奶一齊食 味道又好夾喎孜然燒雞翼 外皮燒得焦脆 孜然粉嘅香味獨特而濃烈 非常惹味涼拌雞翼尖 可選大中小辣 呢樣小食係凍食嘅 凍凍地辣辣地 雞皮脆脆地 好食男朋友叫咗個必食推介雞油雞絲米線 蔬菜和雞肉嘅比例剛剛好 無湯嘅米線用雞油拌食 非常香 卻沒有油膩嘅感覺 雞肉仲好滑添海鮮湯米線 非常鮮味 奶白色嘅湯底飲得出係由魚淆製而成 而且仲有帶子 蜆 蠔 魚腐等配料 令湯底鮮上加鮮 真係會連湯都飲埋最後要提下呢個辣椒油 上面已經貼住警告字眼 (我好辣!)夠膽嘅真係可以挑戰下 我自問係一個好食得辣嘅人 呢個辣椒油真係唔講得笑 非一般嘅辣

出面就有部機械人,唔知代表D咩, 但都幾特出,基本上係呢間餐廳既招牌嫁啦!入面有2種辣椒, 呢隻係terrible地辣,超級辣,真係落1-2drop就好了, 除非你係勁食得辣既人,老實講呢到既牛肉幾好食, 如果我去基本上必點係個牛,可惜既係無得純叫牛肉麵食, 因為佢一定要配埋個牛舌,而咁岩牛舌我麻麻地...湯底中上, 其實都代表唔錯, 價錢唔算貴, 湯底主要係微甜得黎既好飲,麵身偏爽口, 我叫既係米線, 基本上餐廳最標誌性既係就係辣油!! 大家自問食得辣既, 快去挑戰!!!

每次講起係荃灣食野，個個都話正喎！今日咁啱入荃灣尋覓下有咩嘢食，行入城巿中心後面既細巷，見到呢間博派麵館，行到入去，老闆娘已經熱情款待，笑容滿面，望一望個環境，不難發現好多裝飾擺設都博派為題，真係好有心思，店舖雖小但五藏俱全。望一望張Menu，款式比唔上茶餐廳，但每一款都好吸引，最後同友人揀左三份小食：炸珍珠奶茶、手拍青瓜、涼拌雞翼尖，同埋海鮮湯米線一、雞油雞絲撈麵，嘢食亦都好快黎到。最特別莫過於炸珍珠奶茶，平時飲就飲得多，咁既食法真係第一次見，夠哂創新，唔比個讚都唔得！咬落去外脆內煙韌，口感十足，味道又唔會太甜，炸完之後奶茶味亦夠香夠濃，發覺珍珠奶茶可以有咁多變化。而呢款海鮮湯米線，真係不得不推介，份量十足啊！入面有帶子、鮮蠔、蝦腐、蜆肉，仲要每款料都勁多，物有所值啊！湯底清而不淡，配合軟度煮得剛剛好既米線，加埋啲海鮮，真係啖啖肉。據老闆娘話，啲蝦腐係全人手打出黎，落足心機，同出面成日食到既魚腐唔同，咬落去更加爽口彈牙。下次要試埋其他野食先！

傳說荃灣有間萬能麵館，所以就同朋友一齊去試下啦！果然名不虛傳門口嘅萬能俠充滿殺氣，以為係食日本拉麵，但原來係食米線喔餐廳嘅設計同擺設麵好特別，魔鬼一滴辣就係頭盔入面，所以食之前真係要帶定頭盔啦！餐廳亦自己製作辣油，一滴辣絕對係餐廳嘅招牌之一。點了一份燒安格斯牛肉牛舌米線。為保留到燒安格斯牛嘅味道，餐廳貼心地分開上。牛肉非常嫩口、而且都好入味，絕對推介！而配搭埋涼拌中辣雞翼尖，非常惹味。涼拌雞翼尖好有麻辣味但又唔會太油，而且都好香口，非常入味。雞油雞絲米線。呢個米線屬於少湯類嘅，所以拌起嚟好有雞油味。而且雞肉好嫩滑，超正呀！加埋魔鬼一滴辣，非常醒神。重點一提：食得辣嘅朋友記住必試，但建議都係少少好喇，因為果種後勁嘅辣真係好跨張嫁臨走發現：原來餐廳牆紙係立體3D圖，可以睇到一層層嘅機艙門嫁

提起變形金剛，大家會想起什麼？曾被電影取景的地標，或是博派與狂派之間的鬥爭？從荃灣港鐵站沿著綠楊坊行入，再接入天橋系統，再連上千色匯；這是其中一個由荃灣港鐵站前往荃灣市中心的方法。就在千色匯的出口附近，近四坡坊一帶，原來也藏著了變型金剛的踪影！說的其實是這裡的博派麵館！這間以變形金剛為主題的麵店，門口放了一個大蝗蜂機械人，甚為搶眼。食店內的麵食也甚有特色，例如其他地方較少見的海鮮湯米，味道十分鮮美，能吃到海鮮的鮮味！小吃則點了手拍青瓜和蒜蓉燒金菇，後者製作需時，但味道甚有BBQ風味，等耐一點也是值得呢！

同朋友去了荃灣食個下午茶 ,係荃灣千色附近發現左呢一間食麵嘅餐廳，店舖外觀極具特色,看來老闆是變形金剛的忠實Fans , 門口和舖內都有著大大小小的變形金剛模型,特別是門口的那個大型模型 , 足足有一個人咁大.店內播著廣告話經典流行曲.滿有本地港式餐廳風味。1）豬頸肉油渣絲湯麵決定試下哩個，豬頸肉質好爽口，燒過的豬頸肉香口但不膩,十分推薦油渣絲好香，很有口感. 湯十分香濃,加上蝦干和肉碎等等,未吃就聞到香味.如果你喜歡香濃口味,這個一定要試.1）黃酒雞柳湯米線 朋友叫了這個,擺係眼前已嗅到濃濃煲製湯底味,湯底足料，有杞子、紅棗等等藥材煲製而成，完全無味精，試了一點,湯中有很香的黃酒味,湯底比起我吃的相對較清,但雞湯真的一流,十分推薦一試.3）燒物—錫紙蒜茸金菇香濃的蒜茸味,吃了就停不了口!4）燒物—燒雞翼用咗類似蒙古嘅味粉燒雞翼，很香口,推薦一試有不同種類的飲品 , 這次選了不是度度有的加多寶.香口的食物配上加多寶,一絕!

被門外的機器人吸引而來，小店位置不多，但裝修特別，以太空鎗作主題，客人開啟手機相機照著牆身便看得更清楚！店內特製辣椒辣得過癮，必試！👉🏼燒安格斯牛肉牛舌紅薯粉。$68薄切牛肉嫩嫩的，而牛舌爽口唔會太腍，紅薯粉配豬骨湯，簡直係絕配，湯底香濃，多飲也不口渴，可見標榜的8小時湯底絕無欺場👍🏻麵上還有不少肉碎、菇、菜，配料豐富👉🏼魚咀魚標上海麵。$68魚湯鮮味非常，魚頭肉嫩，魚咀魚標好爽口有咬口，配上海麵都唔錯，唔好曬左d湯，要飲呀，好好味👉🏼脆炸珍珠奶茶。$32共4件。嘩！呢個真的特別，原以為會好油膩，但竟然出乎預料，口感煙糯，咬開可見粒粒珍珠，感覺有趣又可口！👉🏼孜然燒雞中翼。$32共4隻。雞翼肉質嫩滑，孜然味恰到好處，火喉掌握得好，令雞翼燒得剛好，正！👉🏼蒜蓉燒金菇。$28好多蒜蓉香蔥滿佈金菇之上，令每撮金菇都滿載啖啖香蒜，爽口金菇，好釆嗌左

去荃灣行街，最中意發掘小店之前係fb見有推介就同朋友來食。炸珍珠奶茶係小店招牌菜，食之前一直諗炸珍珠奶茶可以點？好特別，超有驚喜以為珍珠遇熱後會淋晒點知仍然好Q彈!!炸完撕開仲有煙霧出，仲有好多珍珠!熱辣辣好好味!!奶茶我估應該事先變左糕先炸，唔會好甜，甜度適中即使食多舊都唔覺溜!必食推介魚咀魚標檬粉因為無晒魚咀，所以改左蝦腐一見到好多餸，好滿足!平時食麵都係得一條菜，呢度會有好多條!魚標大大舊，都有4,5舊，好足料!而且洗得乾淨，完全無腥味!好食，見好多客人都叫呢個麵個魚湯底好清甜!仲叫左個安格斯牛肉牛舌有超級多塊，毫不吝嗇!而且好入味，一點都唔軔重囗味的朋友應該會喜歡!蒜蓉金菇超級多蒜蓉，每注金菇都配有大量蒜蓉，煮過既蒜蓉好香，趁熱食好正!小辣雞翼尖又係勁大碟勁多隻，有分大中小辣，小辣已經好入味，配上芝麻香，用來送酒一流!

本身係為左個炸珍珠奶茶黎既，但點知呢到啲湯粉麵都咁有驚喜！😆個門口有隻大黃蜂呀😍唔知係米因爲老闆好中意變形金剛呢🙈🙈個機械人頭裝左啲秘製辣醬，店員話就算食得辣都落少少試左先，因為會好超級辣😳叫左呢個魚咀魚鰾湯檬粉，啲湯奶白色咁雖然唔夠濃，但都有鮮甜味係到👍🏻幾中意啲魚咀同魚鰾，食落好爽口又唔會有腥味，仲有三個烤過既大魚頭添！$68一大碗咁足料超抵！而檬粉都好索湯😙朋友仔叫左個黃油雞柳湯米線，個湯好香濃！好有藥材味仲帶有鮮甜味，好中意呢個湯！米線唔會過稔，啲雞柳肉質較紮實有咬勁😃烤雞翼脹卜卜啖啖肉👍🏻呢個蒜香金針菇又係必食！勁有蒜香啲菇又夠juicy!!炸珍珠奶茶炸得幾香脆又唔會炸得油膩👍🏻入面有粒粒珍珠，但珍珠唔夠煙韌，奶茶味出啲會更好～

今日同男朋友放假，揀咗去荃灣拍拖拖。行行下覺得好肚餓，本人一向諗食咩都不鐘意光顧荃灣廣場、綠楊坊、荃新天地等等呢啲大型商場，亦都唔鍾意光顧連鎖店餐廳，因為食來食去都係嗰啲。所以嗰陣時喺荃灣千色附近行行下就發現左呢一間中菜食麵嘅，價錢合宜，菜式特別新穎，所以就吸引咗入去坐。見到菜單就知呢間賣點是幾款燒物和幾款店主推介必食的粉麵，店舖用心煲製8小時湯底，雖選擇不多，但質素有保證！1）黃酒雞柳湯米線 擺係眼前已嗅到濃濃煲製湯底味，轉咗自己鐘意食既米粉湯底足料，有杞子、紅棗等等藥材煲製而成，完全無味精，食完感覺自己健康咗！哈哈～2）豬頸肉油渣絲湯麵男朋友叫咗呢個，豬頸肉質好爽口，油渣絲好香，湯冇乜 似撈麵食法，重口味人士推介必食！3）燒物—錫紙蒜茸金菇熱辣辣！正！4）燒物—燒雞翼用咗類似蒙古嘅味粉燒雞翼，別有一番滋味！5）加多寶叫埋呢個涼茶飲品，至愛！

最鍾意食就係米線, 聽朋友講四坡坊有一間 又好大隻變形金剛喺門口嘅米線店。 放工之後就同幾個朋友嚟呢度試一試。叫咗個牛肉牛筋湯米線, 佢嘅牛肉牛筋係另上。 牛肉牛筋嘅汁就唔使同佢米線嘅湯底撈埋一齊。 首先係佢嘅米線煮嘅時間啱啱好 , 唔會煮得太耐好淋, 但又唔會過硬。第二係個湯底唔錯, 食米線其中一樣最重要嘅就係個湯底。味道唔可以好似拉麵咁濃郁, 但係都唔可以求其。佢嘅湯底如無意外應該係豬骨湯嚟嘅。 伴著米線食都幾夾幾舒服。跟住係佢嘅牛肉同埋牛筋, 牛筋唔錯 口感膠膠地做得好好 。又唔會好似一啲車仔麵處理到個牛筋望去好核突。 最後個價格其實就呢一個水準嚟講都尚算可以接受, 唔會太貴。 如無意外下次應該會再食, 但係應該會試下其他口味