博多屋台

营业中

休息中

原本諗住簡簡單單食大家樂，點知發現隔離有間日本餐廳，望完餐牌覺得又唔算貴就入去試吓，原本無咩期望，試完發覺味道都唔錯，未至於話好有驚喜，但我覺得都算中上啦。入到去環境都可以，座位都舒適，唔算太多人，係手機落單麻煩少少，因為餐廳入面電話收得唔係咁好，Wi-Fi 又好難先連到，最後都係要叫 waiter 幫手落單，btw 啲店員好似樣樣嘢都好唔願幫你咁，連臨尾埋單都串串哋。一人前定食都幾好，份量剛剛好，有份小食加飲品，叫咗個黑蒜油腩肉拉麵。另外就喺 main menu 叫咗個炭火燒牛肉拉麵，湯底係鰹魚湯，鮮鮮甜甜咁，食曬拉麵之後仲飲曬成碗湯底，牛肉都食到炭火香味。之後又叫多個小食炸雞軟骨，炸得唔錯，可以慢慢坐住吹水一路有啲嘢咬下。整體嚟講都算唔錯，下次行開上水彩園呢邊有機會會再食多次

你哋呢度真係服務勁差！自己上錯枱都可以鬧人！尤其是係戴眼鏡嗰個男經理！ 調返轉走去鬧個客！仲有個蟹子沙律啲青瓜好多水！唔會有下一次差差差差差差差差差差差差差！如果唔係冇得選擇都唔會選擇你

芝士咖喱雞焗飯（$45）一般，但對得住價錢！芝士分量很多，而且是拉絲，芝士控會很喜歡。雞肉分量也多，不過味道一般，有少少雪藏味。咖喱有點多，令飯很濕。餐廳環境舒適，裝修得很有日本特色，適合與朋友慢慢聊天。

午餐叫了三個餐，豚肉飯好多油又咸😵‍💫拉麵冇味道而且好淋，叫了凍奶茶+凍阿華田，完全冇味😵‍💫最差是服務，侍應惡過你，叫問佢拿一隻匙羹，佢俾夠五隻你😵‍💫😵‍💫冇下次😡

上水彩園廣場的食肆唔多，選擇亦不太多。經過見到午飯時間但門口無咩人排，所以入去食 入到去就被告知用手機落單，如果手機無數據上唔到就可以主動同店員落單。Menu:叫左一個飯，加個山葵八爪魚，我等左大約半個鐘都未有，催左三次之後先有。我明白午飯時間的客比較多，店嘅人手有限，不過催完幾之後搵埋個類似店長嘅人反映先有，呢種感覺唔太好。希望可以改善。炭燒牛肉飯嘅牛肉量多，味道香濃，而且欣賞佢有唔同嘅蔬菜🥬 感覺較健康，店面裝修其實幾靚：

上星期踩完單車，得知上水彩園邨早前開咗間日式餐廳叫博多屋台，一於試下食個晚餐。滑蛋豬扒丼 $62賣相就睇落一般，但豬扒都算幾大塊嘅，可惜滑蛋豬扒味道比較淡。餃子鏗魚湯烏冬 $56餃子都煎得幾脆，鏗魚湯味道都唔錯，烏冬都算OK。整體嚟講好一般。

上水真係美食沙漠黎，難得開左新既日本餐廳，梗係要黎試下😆餐廳啲裝修都好靚，少少去返日本既感覺👍🏻🤣🤣另外要用QR code落單，都方便既，奈何我電話上網好慢🤣✨火炙三文魚帶子丼 & 什錦刺身丼價錢唔算貴，叫左兩個刺身飯都算ok，可以下次再黎食👍🏻

講到係上水食日本野，唔少人即刻諗起舊墟嗰3間店，但下下碌到落舊墟食日本野都幾辛苦，尤其係大熱天時添！博多屋台就係火車站旁彩園商場裡面，行過去都係大概5分鐘路程，都幾方便！今次小妹就試下晚市食物如何～炭火燒雞扒丼定食，有齊沙律、麵豉湯同綠茶，有菜又有肉，價錢都係$64。雞扒厚身，醬汁香濃，不過係側邊件粟米燒燶咗d。火炙三文魚帶子刺身飯，每件刺身都好新鮮，厚度都正常，三文魚輕輕燒過再加上芝麻同醬汁，食落口感唔錯，亦食得出三文魚嘅鮮甜。哩個套餐係會跟一客麵豉湯。整係食飯又點可以滿足本身餓底嘅我！？同場追加兩款小食，蒜味螺肉 同 炸雞件！蒜味螺肉係微辣嘅，蒜味濃，醬都幾多，好彩裡面螺肉唔算少！炸雞件係新鮮炸起，所以都放咗係枱涶延三尺過先放得入口，非常脆口之餘，雞肉比例都多。去食嘅朋友要留意，有d食物要係掃描QR code落單先見到架，唔好只係跟餐牌叫呀～

今日中秋節，要到上水親戚家開派對慶祝，咁就係彩園商場搵餐廳食午餐醫肚。見到呢間博多屋台門口有人等位，咁就試下啦，入到去睇好餐牌咁就打算叫侍應落單啦，侍應話*麻煩用手機落單，我好忙嫁，唔好意思*都幾大聲嫁跟住就走左去，咁我又再舉手，有個女侍應走黎，同樣又叫手機落單。大佬呀，無安心出行app都可以填紙仔呀，我電話真係無scan QR code既app係咪真係唔洗食？個女侍應終於拎部機黎落單呢個雞扒丼，醬汁好少，見店員忙都費是叫佢比多D汁黎，雞扒燒得幾香口既呢個鰹魚汁湯炭牛烏冬，鰹魚味好淡，牛就食得出炭火燒過既呢度唯一好既咪坐得奈都無人理你🤣侍應都唔得閒理你🤣🤣

係上水餐廳都比較少咁去到依一間博多屋台 依一間餐廳首先睇完餐牌想落單啦 見到旁邊食客都是叫店員黎落單 到自己想落單時店員一大聲（唔好意思！自己用電話落單） 。但首先我旁邊客人都冇用手機落單 。但點解你唔叫另一個同事黎幫我落單呢？（只有一部公司落單機） 另外上網接收都比差。 雖然有提供到wifi 但也有人基於保安的理由。都很少使用公共wifi 。另外上水也是屬於比較舊的地方 咁比較年長的人沒有智能手機 咁如何下單呢？ 食物就普普通通 係上水依一個沙漠都尚算ok. 不過下一次就免了

眾所周知上水係個美食沙漠，身為土生土長既上水居民，見彩園邨新開左間食日本野既博多屋台，梗係要去朝聖朝聖啦😋 店內裝修好有日本風味，一大幅博多油畫令客人彷如置身於日本博多🤣上水居民居水上既我都feel到陣陣既日本風情味道，特別係而家疫情時期....好掛住日本呀😆！點餐正常要用QR code點餐，不過店員都好體貼我可憐既網速，直接幫我地落單🤣 三文魚腩刺身三文魚腩夠肥騰騰😋師傅用心地將表面切到一粒粒，增加魚油在口腔既立體感！三文魚夠新鮮，解凍處理得岩岩好👍冇雪味口感彈牙仲有好濃郁既三文魚味！而且價錢合理享受高檔次三文魚！好味道推薦👍👍👍 餃子鰹魚湯烏冬鰹魚湯底有d咸，不過烏冬煙韌有口感，似係日本稻庭烏冬味道👍餃子煎得香口金黃色，入面既餡料Juicy!咬開就會爆出熱辣辣既豬肉汁😋點埋個醋食中和豬肉汁油膩感，特別要提一提佢既鳴門卷！厚切而且仲好彈牙！(第一次食咁厚肉既鳴門卷🤣)推薦推薦！👍👍👍 炭火燒牛肉定食男朋友叫既定食好豐富🤤有味增湯仲有杯日本茶！牛肉有陣陣用過炭火燒既香味，未食落口都流晒口水啦😋燒過既牛肉竟然一d都唔韌，而且燒過既牛油帶一點香脆，簡直係食過番尋味😋米飯係用左日本珍珠米，配

新開喺彩園既日本餐廳，成日見到有人等位，今日早啲去，終於試到喇～1️⃣炭火燒豚丼定食（$64）定食有細沙律同麵豉湯。幾鍾意佢有細細舊粟米，因本人好鍾意食粟米。飯既份量好多，豚肉如果冇咁乾就更好。2️⃣和風三文魚沙律（$52）三文魚都可以，但覺得蔬菜可以再新鮮啲。3️⃣炭火燒鯖花魚（$28）廿幾蚊，係幾抵食！唔錯～4️⃣加州卷反卷（$30）得嗰3舊，味道又唔係特別好食，所以覺唔獨抵。兩個人食，人均消費唔過$100，係唔貴，但可以再好食啲～

6:00pm 晚市時間去，已經要等位，等兩張飛都等咗15分鐘。屋邨商場，睇佢Menu都係平民價錢，入到去第一時間，侍應放企餐具同掃code紙，自助落單。戲玉黎啦～ 呢個商場啲wifi係廢既，電話收等差，load極load唔到，雖然好多地方都有自助落單，但係落一碗麵/定食，係咪有需要用呢個方法？ 何況7-8個樓需同經理企係度！好啦～load唔到唔緊要，舉手叫人，同女侍應講要人手落單，佢竟然答我唔係佢負責😮😮😮我即刻叫佢搵同事幫手😪我都好有禮貌地叫佢，啲員工係咪咁唔識做，第一日出黎返工？叫左一碗豬軟骨拉麵、2件火炙黑糖三文魚壽司呢個豬軟骨拉麵 $78麵係幼麵，湯無乜特別，好似屋企自己煮咁豬軟骨還好..差唔多食完拉麵，個壽司仲未到😪杯茶都唔拎俾我😪😪😪未試過食日本餐連茶水都無，感覺好差但係有啲枱又有俾茶水喎，R曬頭本身想要火炙三文魚腩壽司，但係見到menu有個火炙「黑糖」三文魚壽司，咁得意就叫黎試吓！上面濃濃地個啲係燒過既「黑糖」食落唔似黑糖，似普通既焦糖脆脆咁，下面就平時火炙三文魚咁呢間餐廳上手都係日本野，依家又係開返做日本野…定食都係平民價錢，期望唔高，質素同價錢相符！不過就唔值得去等位