博多屋台

营业中

休息中

成日覺得上水站附近冇咩好食又懶得入去石湖墟今次行去彩園商場試到呢間都唔錯門口幾光鮮幾日式，好怕啲餐廳望落好陰沉入面都幾有特色，有幅屋台嘅壁畫，又掛曬啲日式紅燈籠，座位都幾闊落，乾淨企理炸雞軟骨好夠熱，炸嘢最緊要夠熱，夠熱嘅炸嘢一定好食👍香脆可口份量足玻璃蝦壽司，嚟到都幾大件，玻璃蝦算新鮮，飯又唔會太酸呢個麻辣牛肉飯最有特色，都真係幾特別幾好食，好香好麻又唔會太辣，麻辣牛肉送飯超級邪惡，有好多配菜，感覺即刻冇咁邪惡😂自家製餃子夠熱好好食，煎得香脆，一口一件停唔到食咗咁多嘢都係大約$150，日本嘢嚟講一啲都唔貴，性價比唔錯👍

上水彩園嘅呢一間日式餐廳有好多唔同嘅定食套餐中午仲可以優惠價加配小食壽司🤭豚骨湯拉麵 $64係好香濃嘅豬骨湯底 唔會過鹹三片叉燒肥瘦適中，肉質非常好😝😍肉質非常鮮嫩🤤🤤拉麵係比較幼身 但係非常彈牙有咬口🤤.另外仲加配左 三文魚子軍艦 $35三文魚子份量都唔少一咬魚油四溢而出真係好享受😍😍🤤不過紫菜唔太夠脆～.另外，仲叫咗個三品壽司盛 $30.8有火炙芥末皇帝棒壽司七味火炙玻璃蝦壽司麻辣火炙三文魚壽司🍣我最鍾意嘅係七味火炙玻璃蝦壽司😍🤤玻璃蝦非常鮮甜爽口！而且麻辣火炙三文魚都唔辣🤭仲好厚身 魚油脂豐富 極為滋味😎

早餐必吃之滑旦多士、奶茶，朋友早了起來，跟我吃了一個日式及港式早餐，感覺很棒。看了一下餐牌，早餐大致上有美式早餐，歐陸早餐，日本風早餐，港式早餐等選擇。歐陸早餐之雞扒炒旦多士雞扒烤得幾香。鮮嫩多汁，要起來做早餐不易，出去吃，有和風感覺，很棒！另外配有牛油多士，可點牛油方包同時也有不同配料，雞蛋/火腿/腸仔，很經典港式早餐～夠晒飽飽牛肉湯米日本風早餐滿滿的牛肉湯米，牛肉味道帶甜，肉質很嫩，面底可以自選，米粉爽口彈牙～牛肉之量多，滑滑～湯頭是雞湯味道，湯頭是很喜歡感覺，濃濃之香味，清淡不錯。港式奶茶港式奶茶，喜歡的港式早餐，日本店子也有點冰室感覺之味道～早餐時間不用排隊，吃一個港式的早餐，放鬆，感覺不錯。很多時候，冰室大排長龍，店子居然不用排隊，朋友因此決定了要明天跟我再點旱餐呢。

商場鋪夠大冷氣，鋪位幾大，主要用木枱，坐得好舒服。餐牌有好多套餐，除左主食仲有小食同野飲好滿足，套餐來講都好抵食。🌟炭火燒牛肉湯烏冬（一人前定食套餐） $77烏冬個湯係鰹魚湯好鮮味，牛肉份量唔少，又唔會太肥，食落又真係有炭火味道。烏冬滑身，連同少少湯一齊食好正。套餐可以揀配炸雞或者章魚小丸子，我地一人揀左一款。唐揚炸雞件 (3 pcs) 上碟熱辣辣，皮好脆，雞肉又好多汁。個餐仲配飲品。🌟豚骨湯拉麵（一人前定食套餐）個拉麵有叉燒輕輕燒過，豬骨湯好香，章魚小丸子粒章魚好大粒，外皮少少脆好味🌟半熟糖心蛋 $12食拉麵通常都有得追加糖心蛋，佢呢度就另上，乾食或濕食都得。蛋黃橙紅色岩岩好半熟好香蛋味。🌟炭火燒鯖花魚 $33鯖花魚好厚身，有魚骨但都好大舊易睇，唔會唔小心食左，上面灑左七味粉，同魚油勁夾。🌟炸唐揚雞軟骨 $28雞軟骨口感酥脆，炸到金黄色，入面嫩滑多汁🌟燒三文魚骨 $28同鯖花魚一樣都好易食，骨唔會太幼，又係超香魚油

最近轉左office去上水返工，呢日返工之前去左附近呢間日式餐廳食早餐，呢度既早餐有好多選擇，望落去都幾吸引。呢度用qr code 落單，好方便。我地一人點左一個餐，分別係I Set 同埋 J Set。I Set係關冬煮魚餅福袋鏗魚湯烏冬，鏗魚湯清清地，好岩朝早食，福袋入面有煙韌既年糕，再加埋魚餅，好味道。我仲加左4蚊要丹麥多士，飲品點左熱奶茶。J Set係和風牛肉名門卷鏗魚湯烏冬，牛肉煮得幾入味，另外加左4蚊要牛油多士，幾香脆。飲品點左凍阿華田。食完豐富早餐，心情都靚啲啊！

好耐冇落上水啦！以家彩園多左好多餐廳，今日我地去左「博多屋台」食晚餐。餐廳裝潢好有日本風格，以卡位為主，坐得舒適。餐牌多元化，有前菜、小食、壽司、刺身、鳥冬、拉麵、丼飯，亦有一人前定食套餐，二人前套餐，價錢親民。角切魚生丼魚生有八爪魚、三文魚、玉子，蟹籽，切成一粒粒厚切魚生，魚生鋪滿在米飯上，魚生新鮮，飯的份量亦夠多，而且還有附送麵豉湯。十貫壽司盛配麵豉湯壽司有三文魚、吞拿魚、油甘魚、玻璃蝦、八爪魚、帶子、魚籽、鰻魚、玉子，飯和醋比例剛剛好，不會一夾就散，其中三文魚腩好肥美，玻璃蝦鮮甜爽口，味道都不錯。豚骨湯拉麵叉燒兩大片，肥瘦適中，好軟腍入味，不會柴口，流心蛋夠流心，拉麵的湯底很香濃，毫無油膩感，拉麵軟硬適中，非常掛湯。熱阿華田&凍阿華田

下午兩點打算去買個外賣見到呢間嘢入面都有啲人坐趕時間冇做research就嗌左個燒牛丼外賣落單嗰刻專登問佢需時幾耐經理答我5分鐘多啲嗰下心諗 咁快手？！最後，都要3個字先拎到外賣如果做唔到就唔好口行行啦….到個外賣拎上手 輕飄飄嘅明明唔係嗌下午茶，輕到咁都心知不妙返到去打開蓋，哇…牛就得幾塊，多多生菜墊底（食咗）啲牛仲塊塊都乾爭爭 又冇汁…價錢又唔係平原價$56，外賣自取9折 減$5.6外賣盒加$3..即係都冇乜平過…價錢對唔起質素冇下次

夜晚做完嘢已經八點幾，行過見到呢間嘢都平平地咼，就走入去試一試。叫咗個燒牛肉丼，仲配埋章魚小丸子三粒，加一杯熱奶茶，都係70蚊，又吾貴咼！個牛肉燒得幾香，又唔會太韌，都對得住個價錢，可惜份量就少咗啲啦，因為佢都擺咗啲蔬菜。啲飯都幾好食，可惜佢林啲汁太少，少咗啲汁送飯就差啲。個外觀係擺得幾靚嘅，不過相對上就少咗牛肉。嗰啲章魚小丸子都不過不失啦。同埋夜晚冇乜人，都坐得幾舒服，如果突然想食下日本嘢都可以幫襯。

初初開張嘅時候去食係唔錯，覺得日本嘢食係咁上下價錢，但一路再食嘅時候好明顯啲食物開始用料變差！如果食物質素好嘅話貴唔緊要，但只是味精味道好而食物質素差使乜食你，服務態度一般，有種比人覺得唔憂做嘅感覺，而家見佢冇乜人食就知咩事，消費者係有味覺㗎，唔係你啲質素差咗都仲會繼續幫襯！如果未食過可能睇到你個名而食，但深入再食嘅話會好快唔食你，都唔會因為就腳而繼續食，唔值！仲要之後叫親外賣都食到個肚好唔舒服，就冇再幫襯。

叫左個燒豚肉飯，凍冰冰既豚肉，飯小小暖，無任何汁，白飯一碗.配菜栗米又生又凍，搞咩？其實最基本係要夠熱，起碼加小小燒汁唔好要人食白飯，因為飯菜凍，我感覺食到想嘔.

以前喺上水想搵間好嘢食都好難，而家就開咗好多新嘅食肆，所以以我呢個為食貓鍾意周圍去食嘢嘅人，都會經常食吓呢間食吓嗰間，而家食嘢好多選擇，呢間上水嚟講可以話又平又靚😊呢間餐廳其實都嚟過幾次，因為覺得價錢抵而且食物嘅味道都算唔錯，禮貌亦都好好，座位都叫做舒適（所以我都會間中嚟呢度食吓嘢😋）尤其是係食日本嘢，好多地方都唔係好敢食，呢間我又覺得食過唔差，而且都覺得好衛生，幾十蚊一個下午茶，包埋飲品真係抵到爛，仲可以用優惠價錢追加小食👍想食就叫，因為我係有選擇困難症的，所以我想食乜就叫乜😁😁😁😁😁—————————下午茶：六件壽司🍣配迷你烏冬：食完六件壽司加埋碗烏冬，飽哂😂味道ok，咁嘅價錢，質素唔差，掂….———————————海鮮炒飯：5:30前叫，可以當埋晚餐😂😂味道適中，大眾化的口味，大眾化的價錢足料，咪以為細細碟就眼闊肚窄，食完你就知飽😁——————————-追加小食：炸雞🍗：炸得香肉又嫩炸餃子🥟：餃子🥟味道ok，不過就無乜點炸，樣子似蒸多D😂芝士年糕：外皮香脆煙煙韌韌帶口感，熱辣辣的芝士芯，好昧道😇—————————飲品：熱咖啡☕️凍檸茶🍋———————————-幾十蚊個下午茶，食多幾

芝士咖哩海鮮飯： 冇芝士味冇咖喱味伏：⭐️⭐️⭐️⭐️柚子蜜： 成杯洗杯水咁 一條柚子皮都冇伏：⭐️⭐️⭐️⭐️⭐️鰻魚炒飯：1/6條鰻魚都冇 啲鰻魚仲要好腥 啲飯又唔熱伏：⭐️⭐️⭐️⭐️

去開上水就行下，睇下有咩特別嘅餐廳試下~屋邨內嘅商場，這間博多台屋門面同餐牌都好給引~叉燒拉麵+凍奶茶只係一碗好普通中華拉麵雜錦壽司(6件)配迷你烏冬+凍檸檬茶普通壽司(無味) 烏冬愈食愈酸, 結果都係食唔曬

其實有曱甴都唔係啲大問題，「唔好意思」嘅說話應該有一句吧？唔耐煩又粗魯無禮，買單嗰時黑口黑面仲多謝都冇句！老闆唔記得train嗎？定喺train咗都冇用？做侍應嘅冇素質就算了連做人嘅基本禮貌都冇？老闆請人時唔好是嗰人就請啊

啲嘢食一般。最難以接受嘅喺服務和衛生！有個扎馬尾的有口音的樓面大媽態度惡劣到一個點！問佢要menu好唔耐煩，送食物過來時盡然丟係枱面！食完先發現張凳上有只曱甴爬，我同八另一個樓面講，佢唔單止連句抱歉sorry都冇仲好唔客氣黑晒面咁話「換個位」。