影片
博多屋台 （上水）Weekend入上水探朋友，佢话带我去垦原滋地睇雀仔影靓相，去户外考察之前当然少不了食吓嘢先啦！朋友带咗我去上水站附近嘅商场有间日本嘢，我哋去到下午茶时间，可以坐低慢慢叹。去到见到门口有夹公仔机可以玩。所以如果等朋友嘅话唔使担心，可以试吓手风夹吓公仔先。呢度嘅下午茶轻食嘢有30几蚊起，仲有一啲一人嘅定食大满足套餐，都几抵食。由于我同朋友实在太为食嘅缘故，决定单点美食，咁先可以开心拣自己钟意。我哋叫咗两个主食，下午茶时间叫主食送面豉汤。可以再用优惠价加小食同埋饮品。之后散叫咗啲寿司。三文鱼亲子丼 $98三文鱼亲子丼面上面铺满三文鱼，仲有少少鱼子，卖相一流，而且三文鱼刺身厚切，朋友食到好开心。炭火烧牛肉丼$57有烧汁牛肉嘅味道，牛肉份量十足同埋抵食。小食我哋就叫咗蟹籽沙律同埋章鱼小丸子，味道都唔错。再散叫咗两种寿司，有花之恋寿司、仲有三文鱼软壳蟹反卷（半份）。呢度啲三文鱼好好食，所以我哋不停咁叫三文鱼类嘅食材。餐厅环境都唔错，好好坐，我哋慢慢食一路倾偈都过咗一个好开心嘅下午。
继续阅读
炭火烧鸡扒鲣鱼汤乌冬 $67冻冻地既天气梗系想食汤野, 鸡扒好大块切开都有6件, 好香炭火烧味仲好惹味好多粟米粒同海苔做配料, 简单得黎好满足+$5就可以自选饮品, 杯热柚子蜜好足料好够味炸鸡拉面 $61呢个可以拣转乌冬, 但照食拉面试下!! 炸鸡香脆多汁好意外，汤汁浓郁而醇厚。炸鸡的酥脆外皮，配上弹牙的乌冬口感，口感和汤汁的香浓，让人爱不释手🍣三文鱼软壳蟹反卷（半份）$39🍣吞拿鱼小卷 $29🍣三文鱼寿司 $23寿司 / 刺身都好新鲜, 纹理好靓三文鱼软壳蟹最出色, 软壳蟹仲系脆口唔多地方做到!! 同埋最钟意系佢可以叫半份咁, 岩哂咩都想食啲既我地🤣🤣
继续阅读
今次放工就同朋友嚟到上水揾好嘢食，而今次就比呢间嘅日式装装修吸引住，就入嚟试吓⭐️天妇罗鱿鱼须鱿鱼酥炸到好脆，作为小食嚟讲冇得弹⭐️天妇罗软壳蟹软壳蟹好大只，而且口感一流⭐️炭火烧牛肉鲣鱼汤乌冬呢一个最值得赞嘅系佢嘅汤底，鲣鱼汤好甜，热牛肉都好新鲜，牛肉浸一浸啲鱼汤，龙龙嘅鲜味即刻出晒嚟，而且乌冬都好弹牙⭐️部队锅配韩国泡面小小嘅部队锅已经可以满足到几个愿望，一试韩式味道之余，多样嘅配料令人好满足，最正嘅系佢嘅芋丝，揸到好紧，同时完全吸收锅嘅味道，咬落去啲汁弹晒出嚟，好食到停唔到⭐️巨峰提子乳酸梳打 & 荔枝梳打两杯嘢饮都好清甜，配上部队锅系绝对一流嘅选择最特别嘅系间舖头出面就放咗好多夹公仔机，消费满二百几蚊，就会比一个硬币去夹公仔，又有得玩就有得食，特别嘅体验
继续阅读
🍽️ 上水 最亲民的日本料理 🍽️发现上水区最好食嘅亲民日本料理之一，真系又平又好食！位于彩园邨商场2楼嘅博多屋台，绝对唔可以错过。另外非常值得讲嘅就系 经理叔叔嘅态度超好！🍤 天妇罗鱿鱼须天妇罗鱿鱼须外脆内嫩，香脆可口，每一口都充满咗鱿鱼嘅鲜味！🥟 自家制饺子自家制饺子馅料丰富，皮薄多汁，煎得金黄酥脆，真系好正！🍗 鸡之拼盘鸡之拼盘里面有两大吋鸡软串同埋唐扬炸鸡，鸡软串嫩滑多汁，唐扬炸鸡外脆内嫩，口感丰富！🐟 炭火烧鲭花鱼炭火烧鲭花鱼烤得刚刚好，鱼肉鲜嫩，外皮香脆，非常美味！🍜 和风猪软骨拉面和风猪软骨拉面汤底浓郁，猪软骨煮得软腍入味，面条弹牙，每一口都系享受！🍹 港式冻奶茶港式冻奶茶奶香浓郁，饮完一口即刻消暑，非常解渴！🐙 章鱼小丸子章鱼小丸子外脆内嫩，章鱼块鲜美多汁，搭配酱料非常浓郁，好食到停唔到口！📍 地址：上水上水彩园路8号彩园商场3楼23号舖希望大家都可以嚟试下呢间高质素嘅平民日本料理餐厅，享受美味嘅同时又唔使洗太多钱！🍤🍜🐟🍹😊✨
继续阅读
个朋友话要带我去食佢平时食开好正嘅日本野，话啲拉面同刺身真系一流，个装修好有日本feel，啲野都好好食，试完之后果然冇介绍错，性价比都好高😊🌟炭火烧牛肉鲣鱼汤乌冬入面有好多旧牛肉，食落去好有嚼劲，d乌冬好弹牙，加咪个鲣鱼汤底既鲜甜，好推荐🌟豚骨汤拉面上面有三旧好大旧既豚肉，每一块都好大块好厚，仲有一粒溏心蛋，d拉面分量劲多🍜好有嚼劲，d豚骨汤底系煮到好浓郁，可以见到系雪白色既，我食完个拉面后都饮晒d汤，超正🌟炭火烧鲭花鱼呢个鱼次次去食日本野都比叫，只系用左简单既盐去煎，d鱼肉系好鲜甜，d鱼肉好嫩口🐟加咪个柠檬就会变得更加清新，都几好食🌟三文鱼炸虾天妇罗反卷上面既三文鱼系好大旧，劲新鲜🍣d炸虾系炸到好香脆，加咪紫菜既配搭，一啖落去下外嫩内脆，好好食🌟三品刺身盛呢个有三种唔同既刺身，有三文鱼，吞拿鱼同带子，d刺身系劲新鲜，可以见到佢d纹理，食落去系好鲜甜，好弹牙，入口即化🌟荔枝梳打入面系有果肉🍹荔枝味好重🌟玄米茶🌟章鱼小丸子我地叫左定食叫左个章鱼小丸子试下，入面系有章鱼粒，好香口，入面好足料
继续阅读