南대門3號

营业中

休息中

今日同朋友兩個人嚟咗呢度屹立韓國街11年的韓式小店餐廳南大門3號同一條街有很多韓國料理但係點解我哋會選擇依間？唯獨是這一間麻雀雖小五藏俱全入到去已經人山人海幾乎全院滿座我同朋友都好中意食韓國嘢叫咗芝士年糕佢本身係有辣嘅但係我哋兩個都唔食辣所以叫咗走辣個年好cheese 好juicy D芝士拉絲咁長之後就係我朋友最愛的人蔘雞湯好足料成隻雞咁大隻放落去煲湯而且個湯好香一煲可以分幾碗炒粉絲好夠味而且好夠鑊氣紫菜飯卷係我至愛佢呢個餡料亦都好好味超正呢度啲菜式都好正宗韓國人處理

呢幾日天氣突然間涼咗🌬所以好想食又熱又辣嘅野🌶韓國菜係最好嘅選擇!!一坐底點完餐 店員就遞上三碟前菜 辣泡菜 涼拌辣蘿蔔絲 南瓜 全部都醃得好好食 好有家的味道🫶🏻\ 🍲海鮮豆腐湯 ($ 85) /凍冰冰最好就係飲個辣湯一上枱熱騰騰嘅豆腐湯 配料都幾足鮮嫩嘅豆腐 再加上蝦 蜆 魷魚等等嘅海鮮煮出黎嘅湯都幾鮮甜\ 🥩鐵板牛仔骨 ($ 179 ) /本身想點牛肋排但售罄 店主推介話牛仔骨一樣咁好食牛仔骨配上熱騰騰嘅鐵板 上枱嘅時候香噴噴 勁吸引🤤望上去醬汁唔多 但醃得好入味 再加上微微嘅鐵板焦香份量多有成十幾片 惹味到我同朋友2個人KO晒成碟🙊🙊\ 🐙鐵板八爪魚飯 ($108) /八爪魚炒得剛剛好 有嚼勁搭配辣醬汁同大量蔬菜 非常適合配白飯🍚同埋想再強調份量真係偏大!!!呢間算係非常地道嘅韓國餐廳🇰🇷部份店員都會識得講韓文 加上簡潔嘅傳統韓式裝修增添咗幾分韓國嘅味道

尖沙咀地道韓國菜🫶🏻-好耐冇食韓國嘢，咁啱喺尖沙咀行開就決定去呢間試吓🥸-🍜炸醬麵 ($85)份量好多，而且好足料，出邊好多炸醬麵都唔係好食得到豬肉，但係佢哋嘅豬腩肉都幾大粒，而且炸醬夠多，每一啖麵都食得到🥹另外面底亦都夠晒煙靭，而且好掛汁，味道亦都好地道🥰🌮海鮮煎餅 ($143)一樣都係好足料，塊餅煎得外脆內軟，裏面有好多魷魚、蝦仔、魚肉同埋青口仔，而且啖啖都食得到蔥，好滿足😙🥗前菜三小碟分別有自家製泡菜、芽菜同埋翠玉瓜，三種唔同嘅菜都好入味，泡菜唔會好辣，但係又好香，幾開胃！我哋嗌嘅嘢唔多，不過份量好多所以都好夠飽，餐廳仲有好多其他唔同嘅菜式選擇，而且味道都幾正宗，小編見到有韓國人都去幫襯🤣如果想食地道嘅韓國菜嘅話，不妨嚟呢間試吓😗味道 8/10服務 7.5/10環境 7.5/10回頭率8/10總評 7.75/10😋🤍人均消費 $170💰-📍 南대門3號 尖沙咀金巴利道65-67號太平洋大廈地下3號舖#米食尖沙咀 #米食韓國菜 #尖沙咀 #尖沙咀美食 #美食 #hkfood #hkfoodie #hkig #hkeat #hkgirl #hklifestyle #foodiegr

尖沙咀金巴利道嘅韓國餐廳林立，呢一間南大門三號開業多年，我大學時代已經有嚟食過啦😁前菜都幾啱胃口，芽菜好香麻油味😋好耐無食過呢種韓式鐵板飯餐啦！平時出街食多數都係食豬牛雞🥩所以今次揀咗🐙鐵板辣炒八爪魚蓋飯($108)八爪魚幾有嚼勁，但因為佢切到細細粒，撈埋翠玉瓜粒、蘿蔔絲、洋蔥一齊食，口感都平衡得唔錯😛醬汁就微辣偏甜～我唔算食得辣都接受到，如果鍾意食辣嘅朋友可以再加辣醬🌶餐廳裝修好有家居小店嘅感覺，兩邊圍牆身嘅裝飾分別係兔仔同埋小王子，都係我鍾意嘅圖案♥️店員都幾友善，臨走嗰時企喺門口招待嘅韓國叔叔仲向我派心，好cute😆

金巴利道真係超多韓國菜🇰🇷今次想食家庭式嘅韓國料理～偏向湯類行過見到有個oppa 講韓文叫我入去即刻俾佢吸引咗 就幫襯🤣🤣餐廳唔大 偏向小菜類 味道正宗❤️📍海鮮煎蔥餅 ($143）覺得最好食‼️ 超級大碟 每塊都有好多海鮮😍魷魚蜆肉樣樣齊麵粉唔算厚 仲要超脆邊～最正係蔥花夠多 好重蔥味🫶🏻點醬汁食會更加惹味👅📍清燉牛肋骨湯 ($110）食呢個湯好舒服 偏清淡有牛肉味～但係配飯又特別地夾🤣有蛋絲、蔥花、紅棗、粉絲 好溫暖🔥牛肋肉係煮到好軟淋 帶有少少肥大家如果鍾意可以自行變成湯飯🥣🍚韓國人最鍾意食呢類解酒暖胃❤️📍水冷麵($92）熱辣辣食水冷麵真係100分爽💯配青瓜絲、梨絲、牛肉、蛋、碎冰韓國芥末 + 醋 係自己另外落～冷麵麵條比較Q彈幼細 好fresh🌱最正係kcal 好低 😎keep fit人士首選————————————————————味道😋：7/10抵食🥳：7/10環境🥂 : 6/10

📍好耐冇去韓國街嗰邊食飯，今次同朋友嚟食個快飯，試咗呢間韓國人開嘅小店！想講一開始比嘅泡菜醃得好好味唔會酸！鐵板烤豬肉蓋飯($89)用咗五花腩，口感比較爽口，個底有椰菜、紅蘿蔔絲同翠玉瓜等等，不過唔知係唔係就返香港人口味，個味道唔係好辣。炸醬麵($85)就好啱我哋口味，個麵底好彈牙又掛汁，洋蔥同肉粒煮到腍晒又入味！年糕餃子湯($92)上嚟嗰陣，估唔到仲會有啲牛肉粒，個湯底好重牛骨湯味，年糕份量都多，整體味道正正常常。

海鮮煎蔥餅其實食三舊都飽 佢嘅蔥油味真係。。 唔怪得知係間店嘅best 一定要趁熱食 擺太耐個底會係咁出油 啲海鮮就係帶子魷魚 食得出啲料都唔敷衍炸醬麵炒年糕軟糯彈牙、粉絲仲幾煙韌  南대門3號📍尖沙咀金巴利道65-67號太平洋大廈地下3號舖 #香港美食 #香港餐廳 #香港 #尖沙咀美食 #尖沙咀餐廳 #尖沙咀 #南大門 #南大門3號#foodiehk #foodie #hkfoodie #hkfood#韓國菜 #韓國餐廳 #泡菜 #辣牛肉湯 #冷麵 #辣拌冷麵 #豬血腸 #年糕 #粉絲 #辣椒 #辣 #joyfood_try                                               

金巴利道係韓國菜愛好者的首選南大門3韓國料理餐廳好受受歡迎 主理餐廳嘅係百分百韓國男士佢喺尖沙咀稱得上係韓國地膽由於佢行平民化路線 晚飯時間都坐滿人 打開成個menu都好吸引一坐低就已經有前菜 包括芽菜、泡菜同翠玉瓜清清地做個開頭都唔錯用張小紙仔寫上號碼就可以點菜天氣開始轉凍要叫啲熱嘢食 海鮮辣豆腐湯 有海鮮 包括蜆蝦豆腐同蛋熱度十足 就算對住冷氣機 吹咗10幾分鐘都仲熱辣辣！仲有白飯送另外仲叫咗個紫菜包飯 簡單嘅配料包括腸仔蘿蔔絲青瓜同玉子成碟有十幾舊 保證你食得飽之後食咗牛肉炒粉絲好大碟兩個人真係食唔晒 有大量韭菜牛肉等配料我都好鍾意食鍋貼 呢度有煎餃子外型比較扁身 煎到有少少焦 咬落去脆脆地 加埋韓國醬油 非常可口

今日出尖沙咀做野，做完順便同同事食完個lunch再番公司，久違地想食韓餐，最後睇見呢間既午餐選擇都幾多，於是就決定食呢間🤤 餐廳牆身有小王子既掛燈，即刻諗起釜山甘川洞🌹🦊-鐵板泡菜炒豬肉飯 $89💰呢道菜真心送飯一流，醃製過既豬肉十分惹味，配埋泡菜一齊食用大大減低油膩感😋-海鲜豆腐湯 $85💰韓餐必叫之一🤤上枱仲係到滾緊熱辣辣超正，配料好多好豐富，而味道亦好濃郁帶微微辣勁，又係送飯一流🤤-鐵板牛仔骨 $179💰醬汁醃製過既關係，味道鹹香帶有少少甜味，肉質好軟腍多汁油脂非常豐富，而近骨位有嚼勁，成碟差唔多我食晒🤣

/📍hong kong 相信到過尖沙咀韓國街的大家都應該很熟悉南대門韓國餐廳～ 餐廳由韓國人主理，食物都很正宗，而且選擇很多！有時想吃韓國菜時，不妨到南대門，絕對找到大家想吃的韓國料理～ 想吃燒肉也可以到他們旁邊的分店！<辣炒年糕辛拉麵> $95<雜菜牛肉炒粉絲> $90 <紫菜包飯> $66🥢 辣炒年糕辛拉麵 / 雜菜牛肉炒粉絲 / 紫菜包飯Price: HKD $95 / $90 / $66- - - - -南대門3號 Namdaemoon Three Korean RestaurantShop 2-3, G/F, Pacific Building, 65-67 Kimberley Road, Tsim Sha Tsui尖沙咀金巴利道65-67號太平洋大廈地下2號舖#CHRISTIEinhongkong#CHRISTIE_尖沙咀

幾個月前見到堪富利士道開左間新嘅韓國餐廳，有日決定去試下，竟然執左笠。其實唔止佢，好多尖沙咀嘅餐廳都係開完又執，執完又開。因為要食韓國野填補我心靈空虛，我就去左韓國街行下，行到呢間餐廳，有個韓國oppo係門口，眯起佢果對單眼皮既眼，笑住咁同我打招呼。就咁俾甜笑吸引入左去(我係男)。後來上網就知原來依間餐廳已經開左10幾年，然後發現好多佢無得輸嘅地方。面對咁貴租金，如果咁多年可以做得住，就代表佢已經搵到生存之道。 🍖 餐牌真係正,係好正宗既韓國，韓劇成日會見到既，血腸，雪濃湯，煎餅，應有盡有。坐我隔離台既一對情侶食緊炸醬面，十足我睇running man成日見到個d，無論喺麵，醬既顏色同埋濃稠度，基本上神還原，聽到隔離枱食到雪雪聲，真係好想叫。 🍖不過最終都係揀左鐵板醬醃牛肋骨，之前好多時食牛肋骨都係跟湯，牛味會滲入湯，形成湯喺主肉係副，雖然肉質依然好，但係就少不免令佢嘅牛味減少。呢一次用烤既，而且用既係甜醬，就冇左韓國成日用辣味蓋過肉味嘅機會，甜醬亦都昇華左牛肉本身嘅肉香，再配合用傳統銀色飯碗裝嘅白飯，真係一流。烤牛肉本身係鐵板上面喺見到有相當嘅油份，但係食落就完全冇油林林嘅感覺，乾身

講到食韓國野當然不得不提韓國街啦，今次去左一個係韓國街好有歷史既韓國餐廳，Menu選擇多之外都好好味，值得一試!海鮮豆腐湯 $85必點之選! 豆腐湯熱辣辣湯底濃郁，入面仲有海鮮包括蜆肉、蝦、魷魚、嫩豆腐等等，每一口都好豐富又鮮甜鐵板雞肉飯 $89鐵板上! 雞肉淋上特製醬汁，加上雜菜香噴噴，雞肉唔會太鞋，多汁又入味 送飯一流 辣拌冷麵 $92大推! 冷麵麵條Q彈有嚼勁，配料有青瓜絲、水梨、牛肉，爽口開胃，加入微辣的辣醬口感別有一番風味，大滿足韓國罐裝飲品 $15-18除左韓國酒之外餐廳仲有多款韓國飲品，清涼又開胃，有助解膩

炆牛助骨 $198 湯比較甜身 配有蘿蔔同蛋絲 牛助骨炆得非常入味同淋身 推薦辣芝士年糕 $98非常推薦 是我在香港食過的top 3~ 年糕糯度剛剛好 汁也不會太多太辣內有一點點的魚糕片 加上拉絲芝士 食到停唔到口海鮮煎蔥餅 $143 非常足料較薄身 但煎得香脆可口配上汁醬非常開胃紫菜包飯 $66 試基本功既一個經典菜式麻油香~ 酸蘿蔔 腸仔 紅蘿蔔 牛蒡 青瓜 蛋絲~ 整體評分:味道: 5/5環境: 5/5服務: 5/5抵食: 4.5/5南대門📍尖沙咀金巴利道65-67號太平洋大廈地下3號舖

之前晚上有來吃這間的韓燒烤肉，這間燒肉乾淨好味。中午有很多傳統韓國料理，真正韓式風味。韓國人主理店鋪，有幾間分店，3號舖位沒有亮眼的裝潢，但店鋪一看就有傳統店簡約的風味，也會連續播放韓文歌//韓式炆牛肋骨有幾嚿大的牛肋骨，牛肉好有口感好黏口，帶有濃郁嘅牛味，好入味//海鮮煎餅很大份、好多蔥，煎餅底面微微脆焦，餅身軟Q濕潤有彈性//傳統的韓式拌飯石窩拌飯有紫菜、牛肉、芽菜、波菜、蛋黃等食材，口感味道豐富，也有麻油既香味，有益又健康。//傳統紫菜包飯帶有麻油及芝麻的香氣，包裹著滿滿的牛肉、蛋卷、青瓜、醃蘿蔔、紅蘿蔔等等。

5個女仔gathering，見呢間韓國餐廳評語幾好，價錢都合理就試下。講廣東話嘅中年女侍應好快手幫我地合埋咗三張二人枱。因為其中一個朋友會遲10分鐘到，所以我地都order定食物先，落單後幾分鐘女侍應問我地朋友會幾時到達，我地以為佢擔心即刻上菜啲餸會凍晒。我地叫咗海鮮煎蔥餅、海鮮辣豆腐湯、水冷麵，辣炒豬肉。海鮮煎蔥餅有驚喜，啖啖都係海鮮同蔥，做到脆卜卜，唔會好似平時食開個啲煎餅咁啖啖粉漿又淡而無味。豆腐湯同炒豬肉就唔夠辣，味道都OK。食物完成咗6成，女侍應行嚟問啲嘢食仲要唔要，話我地差唔多要賣單，當時睇返時間我地入座只有60分鐘?? 女侍應態度愈來愈差，話「今日係星期五好多人等位唔可以食咁耐，係平日就唔會叫你地」。之後佢就全程企喺後面望住我地食嘢，不停過嚟收晒啲碗筷…其實如果一開頭就禮貌地同我地講用餐有限時，我地一定會配合…依家貼錢買難受咁，唔會再幫襯呢間。