南越南咖啡廳

营业中

休息中

黎呢幢大廈搭升降機按一字，打開門就見到呢個吸睛燈箱，再見到入座率都已八成，心裏暗喜有訂到位。肚餓啦，叫野食。先黎個越式無骨鳯爪沙律 ($52)，望落簡簡單單唔花巧。酸辣度都幾夠，無骨鳯爪相當脆口，索晒D酸辣汁，唔係食落無味道。大量生菜，紫洋蔥，蘿蔔絲及車厘茄及酸辣醋汁，基本上撈埋已經好令人開胃口。香脆食物好難抗拒，見到南越金絲網蝦春卷 ($48)，一客有四條，伴生菜包住食。絲網替代傳統春卷皮來得更鬆脆，入口食到綿滑饀料，單獨點醬汁食又好味D。有蝦仲有蟹，叫埋南越蟹肉絲網卷 ($45)，一客六條，相當抵食。絲網卷系重點係鬆脆位，入口有蟹肉嘅獨有味道，揸住個蟹鉗位食相當霸氣。呢幾款都係新出品，餐單未有，要掃二維碼先見到架。餐廳自家製出品嘅特飲，叫咗斑蘭龍眼茶 ($25)及香茅青蘋果茶 ($25)。送上冰杯保持凍度，甜度適中，幾有消暑感覺，值得一試。要選最能打卡菜式獎，呢客惹火上身鹹檸豬頸肉 ($70)應該當之無愧。侍應點火化成呢一刻，即刻捕捉，幾秒熄滅。豬頸肉質感爽軟，配埋個青檸酸汁中和，一啖一件確係盞。天氣一下子變成初夏，最岩就係食撈檬，咁就黎碗新出品，順化豬肉串撈檬粉 ($68)。三串

朋友系越南華橋，每年佢嘅生日，我都會揀一間越式餐廳慶祝。今年嚟到位於旺角嘅NAM VIET NAM CAFE食晏，餐廳環境寬敞，卡位設計舒適，陽光透過大玻璃灑落，感覺好放鬆。餐廳主打越式Fusion菜式，南越蟹肉醬配脆球餅，蟹肉醬鮮甜，搭配脆球餅，兩者融合得好好；越式惹味粟米條口感脆口，配上特製醬汁，食落甜甜地又有啲辣，真係好過癮；惹火上身鹹檸豬頸肉入味，有些微炭烤嘅香氣，鹹酸嘅味道非常開胃。越南撈檬嘅靈魂係佢嘅甜酸汁，集甜、酸、鮮於一身，搭配炸豬肉春捲、扎肉同配菜，每次都一定要點。至於越式咖哩牛肋條，咖哩微辣，牛筋軟糯，味道入味，搭法包食正好。另外，佢哋特別推介新菜——南越全絲網蝦春捲，真係要試，春卷脆得嚟有層次，建議上枱即食，係最佳口感。服務方面，員工都幾友善，lift一開，佢哋即刻安排，等位唔會太耐。呢間餐廳真係值得再嚟，滿$100仲可以攞刮刮卡，運氣好仲可以中小吃！我已經約定下星期再嚟，期待再試其他菜式！

呢日嚟咗呢間喺旺角嘅樓上越南🇻🇳餐廳食午餐🤣$48「南越金絲網蝦春卷（4條）」：店員妹妹建議我哋趁熱食，熱辣辣脆卜卜好香口有蝦肉鮮味🤣$45「南越蟹肉絲網卷（6條）」：都係熱辣辣脆卜卜好香口，仲有自家製醬汁，配埋生菜一齊食，幾夾🤣$90「烤蔞葉難配青蘋果條*半隻雞」：青蘋果條撈咗啲越式醬汁，咁又惹味啲🤣；雞肉肉質結實幾好味🤣$72「苗族椰汁淡咖哩雞肉湯米線」：湯底有淡淡嘅椰香味，米線就好滑🤣$52「越式無骨鳳爪沙律」：鳳爪咬落幾爽脆🤣$58「越式時蔬」：時蔬係 Brussels Sprout，新鮮爽脆，越式炒加咗啲蒜頭🧄同醬汁，咁又好味啲🤣，Brussels Sprout 好多時都有少少苦澀味，但係呢間餐廳嘅 Brussels Sprout 就完全冇苦澀味🤣$30「參參愛梨（熱）」：熱辣辣，有一大片梨喺裏邊，大大杯少少甜感覺幾滋潤🤣$38「荔枝雲朵咖啡」：賣相幾靚，有咖啡香味又有荔枝甜甜哋嘅味道，仲有「雲朵氣泡」都可以食🤣

估唔到星期日中午都好多人來食南越金絲網蝦春卷（4條）$48炸得好鬆脆脆米紙薄餅$ 58呢個好食，脆米紙唔係平嘅，凸凸凹凹，加埋啲蘿蔔絲青瓜絲同臘腸肉粒越式無骨鳳爪沙律 $52酸酸甜甜好開胃NVN 咖啡骨$70我哋以為呢個就係雲朵咖啡，倒埋杯入邊之後飲咗咖啡，沒有食肉骨😅惹火上身鹹檸豬頸肉$78上枱時會用火槍嗆燒一下，記得拿手機出來影相📸NVN 南越法式麵包（一分二）$78份量好大，建議細食的女生如有食呢個不要order太多其他食物越式咖哩牛肋條配斑蘭椰香飯$88都覺得份量大，斑斕椰香飯好食，淋上咖哩汁又另一種風味班蘭奶蓋咖啡（凍）$45荔枝雲朵咖啡$38兩種咖啡都好好飲，而且好睇

旺角就有一間隱蔽越式美食，他位於彌敦道726號1樓，平常真的未必可見到，但往往好野食就藏在其中！南越南咖啡廳那大玻璃設計，引到大自然光，配上木系傢具和綠色佈置，有一種和諧舒適的感覺。荔枝雲朵咖啡 / 斑斕奶蓋咖啡雲朵咖啡賣相討好，細膩奶泡搭配咖啡的濃郁，香甜滋味；而奶蓋咖啡則添上斑斕香味，啡味濃郁，增添不少風味。南越蟹肉醬配脆球餅香脆的脆球餅，再將蟹肉醬放入脆餅中，味道鮮味脆口，口感豐富，真是絕佳的搭配。NVM咖啡骨賣相罪惡！棉花糖懸掛於杯上，再淋上越南咖啡，令豬軟骨添加甜味；豬軟骨以越南滷水汁滷，軟腍入味，微甜又帶有陣陣咖啡香。越式惹味粟米條粟米條爽口微辣，淋上酸甜醬汁，惹味醒胃。惹火上身鹹檸豬頸肉這道菜的上桌過程非常戲劇化！店員用火槍燃點豬頸肉上的魔術紙，瞬間火光四射，視覺效果非常吸引。豬頸肉以鹹檸檬醃製，搭配新鮮的大金菠蘿和酸甜青椒汁，讓人一試成主顧。越式咖哩牛肋骨條配蒜茸法包牛肋骨條肉質鮮嫩，搭配香脆的蒜茸法包，濃郁的越式咖哩香氣撲鼻而來，讓人忍不住多吃幾口。富國島之椰子奶凍白雲造型奶凍，加上蝶豆花椰漿，營造出藍天白雲，賣相夢幻吸睛！椰漿椰香十足，下層有芒果粒、西柚及西米爆珠粒

🌟南越炸豬肉春卷（6條）🌟炸起上嚟細細件，容易入口。味道同平時中式春卷好唔一樣，內餡填滿豬肉汁香嘅肉碎。外層炸到金黃香脆，包埋生菜一齊，多重口感🤭🤭🌟南越蟹肉醬 配脆球餅🌟呢款菜式賣相特別，打下一流😜材料十足，滿滿鮮味嘅蟹肉、卜卜脆嘅蟹籽，加上沙律點綴，再放入超級脆口嘅球餅一齊食，層次感豐富👍👍🌟NVN南越法式麵包🌟正宗越南法式麵包，可取之處就係麵包夠脆口，加埋內餡有豬耳絲、扎肉絲、豬肉絲、青瓜絲、紅蘿蔔絲，加埋秘製帶一點點辣味嘅醬汁，好好食，非常滿足。🌟半隻烤蔞菓雞配青蘋果條🌟烤雞醃得入味，外皮烤到脆口，帶有黑椒、香葉嘅味道，香氣四溢。伴碟有青蘋果條配上泰式辣醬。而佢嘅醬料最特別，夾雜咗好多香濃嘅越南海產味道，質地比較厚，塗上烤雞一齊食份外滋味😋🌟苗族椰汁淡咖哩湯米線🌟椰汁加上淡咖喱做湯底，非常惹味，帶輕輕嘅香辣味道，配埋扎肉、竹崙卷，非常飽肚👍👍🌟南越蛋咖啡🌟呢個咖啡好特別，面層好厚嘅一層，比燉蛋更加香滑，甜甜地。加埋底層嘅齋啡造成強烈嘅對比好好飲。🌟柚子雲朵咖啡🌟打卡一流嘅飲品，柚子味道非常重，酸酸甜甜，感覺好特別👍

🥢✨ 南越南咖啡廳 | 旺角越南Fusion美食旺角南越南咖啡廳食特色的南越Fusion菜，從小食到主食，每樣都好有驚喜，好特別！🍗 Shake Shake雞軟骨，起得意！上桌時會附上一個紙袋，自己搖一搖讓調味均勻，入口香脆，帶點微辣，脆辣口感🌶️🥢 越式春卷嘅外皮炸得金黃酥脆，內餡滿滿的扎肉、蝦仁和蔬菜，沾上魚露醬汁，酸甜開胃，口感層次超豐富！ 🍜 嫲嫲南越湯船麵，湯底濃郁鮮甜，配料超豐富，包括牛尾、牛筋、牛丸和牛腩，金邊粉吸湯力強，入口滑溜，每一口都是越南風味的精髓🛶！ 🥣 南越撈矇，呢個就普普通通正常撈檬冇乜特別，可以留啲quota試其他嘢🤓🤓🤓📍 南越南咖啡廳 | 旺角彌敦道———————————————————————

今日行完花墟便跟朋友落旺角的彌敦道726号 的NAM VIET NAM CAFÉ 南越南咖啡廳晚飯, 睇openrice介紹佢哋係越南 Fusion 菜主題餐廳, 食物賣相呈現非常有特色及吸晴。荔枝雲朵咖啡一嚿玫瑰雲騎在咖啡液體上, 底下是荔枝汁, 外觀配搭很有美感, 令我對這個配搭充滿期待感, 攪拌咖啡及荔枝汁後喝一口, 先感受到的味道是冰凍香濃的咖啡, 隨後而來的是滿滿荔枝的果汁香甜, 朋友就飲班蘭龍眼茶。 扎肉心內美米紙卷顏色配搭鮮豔, 米紙卷配料豐富, 內有紅蘿蔔絲、大件扎肉、豆芽菜、青脆青瓜及紫蘿蔔片, 伴花生粒芝麻醬食, 清爽健康。越式咖哩牛肋條配蒜蓉包牛肋條炆得腍滑鬆軟, 肉味濃郁, 還有爽口牛筋, 越式咖哩汁辣度温和, 反而咖哩香味強勁, 蒜蓉包脆卜卜, 蒜蓉香氣飄逸, 就咁食已經好好味, 如果想再香啲, 可以加少去香辣咖哩汁伴食, 更惹味, 個人覺得不加汁蒜蓉包脆口啲, 好食啲。脆米紙薄餅很有創意的越南薄餅, 米紙做pizza薄餅底, 加上大量越南臘腸粒、紅蘿蔔絲及青瓜絲, 上面喞上千島醬, 越南臘腸跟香港臘腸不同, 越南臘腸除咗有臘肉的油香, 味道還有少許甜味, 米

上次同一班朋友尼過呢度所以再來依然桌紙係玩味濃厚風柑桔檸檬茶加冰。冰涼想拎走慢慢飲，原來瓶子飲品是只限dine-in use今日27度。呢杯冰涼！粟米條配特調甜酸醬餐前小食完全唔飽肚食完開胃。。。。。NVN餐廳咖啡骨。第一次食咖啡熱煮的食物外面咖啡味入面豬肉味。扎肉米紙卷。餐前食。入面蘿蔔絲已經醃咗酸。開胃。炸素肉春卷。配生菜粟米條個甜酸醬太春卷配生菜都點埋一齊豬肉串檬粉。炸豬肉串。。。。。。。。。

今日放假，約咗舊同事食飯，佢帶我去旺角一間好有特色嘅越南餐廳Nam Viet Nam Cafe首先呢度樓底好高，有大玻璃望出街，傾偈食飯好啱，至於食品，竟然不停有驚喜呀！先食小食開胃一下，火龍芒芒蝦仁配脆蝦片，冇錯，小食名已經講晒裏面有嘅材料，首先我未試過火龍果芒果一齊食，甜甜哋唔錯喎，相信揀選生果都落過功夫，加埋蝦仁同脆蝦片，幾樣唔同咬口嘅嘢，一齊放入口，好精神好開胃跟住點咗惹火上身咸檸豬頸肉，想睇吓點樣惹火法，原來上菜嘅時候，有菠蘿墊底嘅豬頸肉，正當奇怪豬頸肉上面有塊黑色嘅片唔知係乜嘢，然後店員行埋嚟用火槍點一點，塊黑色片就即刻着咗火，好好玩喎，過火輕輕熱灼一下啲豬頸肉，點埋個鹹檸汁入口，酸酸鹹鹹嘅感覺好爽喎，呢度選食材真係有一手，菠蘿非常之鮮甜，將菠蘿同豬頸肉一齊放入口，口感最佳又有第二樣嘢玩喎，叫咗NVN咖啡骨，一個杯有好多白色嘅泡沫，跟住店員將熱咖啡倒入去泡沫就用晒響裏面嘅豬軟骨，常常覺得咖啡入饌，係一個難度高嘅動作，除咗咖啡要選得靚之外，仲要食材嘅味道配合得到先至得，今次試呢個咖啡甘香可口，提升咗豬軟骨嘅味道有多一個層次，同埋豬軟骨本身都處理得好好，唔會韌口，正食埋個飯就啱

.南越南咖啡廳 NAM VIET NAM CAFE ☕️ 餐廳侍應服務態度非常之好，好快就安排咗我哋入，餐牌都好清晰所以好快都落好單。火龍芒芒蝦仁配脆蝦片 $58 (4.5/5⭐️) 火龍配蝦仁味度清新，再搭上蝦片脆口而唔油膩，係一個唔錯嘅開胃菜，適合做頭盤，顏色鮮艷用黎打卡一流招牌金邊粉 $88 (4.5/5⭐️)金邊粉爽口，牛肉丸、牛肉、牛筋同油炸鬼等配料熬製出嚟嘅湯汁夠晒濃郁而油炸鬼吸滿濃郁嘅牛肉湯又唔會太油膩Shake shake 雞軟骨 $42 (4/5⭐️)同Shake shake薯條相似，自家製紙袋加入特製調味粉，令每一粒雞軟骨都均勻沾滿調味粉，口感香脆可口而味道剛剛好，怕濃味就可以落少量調味料NVN 咖啡骨 $78 (4/5⭐️)初初以為係咖啡，原本係煲湯骨，湯底燉煮時間充足，令到牛骨味道好出眾，湯底加上棉花糖，有鹹鹹甜甜嘅味道非常特別野食份野足夠，以上食物是兩個人份量，非常足夠！下次多d人可以要叫多d🫶🏻

越南菜天花板「南越南咖啡廳」開設係一樓，位於彌敦道726號一座食肆林立的大廈、一出LIFT 見到座無虛席，好睇有訂位相約朋友品嚐美食，聽聞餐廳注入新元素，主打創意越南菜、而且迎合香港人口味、仲有自家製咖啡骨，一於大快朵頤。甫踏進店內店員殷勤有禮，直接帶位入座。不時會更換碟同清走枱面多餘碟子，十分細心。而且仲有自助斟水🫗水吧位，可以自行添免費飲用檸檬水。Citrus Blossom :一大個泡泡🫧係杯面，打完卡之後可以篤爆佢，好有儀式感。飲落有梳打汽水和冰涼感，西柚顆粒增加甜度，含維生素、礦物質及植化素，有少少酒精但不算濃，好易入口，打卡一流。荔枝雲朵咖啡：雲朵泡沫香香甜甜，平衡越南咖啡的甘苦，冰涼可口。南越蟹肉醬配脆球餅：脆球餅仲係咁香脆，南越蟹肉醬鮮美特出，蟹肉的鮮甜味是這道醬料的核心，帶來豐富的海鮮風味。加入使醬料帶有清新的酸味，平衡了蟹肉的油膩感，仲有醃製酸爽紅蘿蔔條和青瓜，好開胃。越式咖喱牛肋條配蒜蓉法包🥖：法包烘至干脆，蒜香十足，牛油香味撲鼻。牛肋條炆得好軟焾，啖啖肉，蘸上配料極多的黃咖喱，香料味特出，最喜歡有九層塔的獨有清新香氣，咖哩比較流質，但調味好有層次，法包吸引精華食

昨天與同事A商討午餐食咩時，同事A話想食越南野，同事B介紹咗呢間喺公司附近既越南餐廳，仲可以仲openrice book定位添，讚！今日上到餐廳，發現環境唔錯，幾有情調，又有大玻璃窗彩光，感覺乾淨、舒服。去到餐廳掃QRcode落order，發現午餐款式都唔少，仲款款都好吸引，兩個同事叫咗「招牌金邊粉」，佢地話好好食，尤其是個油炸鬼好脆，個越南湯底都好好味。由於我唔食牛，所以我叫咗「苗族椰汁淡咖哩湯米線（炸蝦卷、扎肉）」，碗米線一到，果陣椰汁淡咖哩已經勁香，令人食指大動，啲湯掛上米線，真係好好味。3個餐都包飲品，咸檸7都唔駛加錢，仲要原罐7起上！

今晚，我和太太在旺角彌敦道，光顧了一間叫NAM VIỆT NAM CAFÉ（南越南咖啡廳）的高級越南餐廳。這裡的環境優雅，食物更是色香味俱全。我點了扎肉沙律，配上新鮮的生菜，口感清爽，令人開胃。接著是惹火上身鹹檸檬猪頸肉，味道鹹香可口，豬頸肉的質地軟嫩，配上檸檬的酸味，真是絕配。還有NVN咖啡骨，肉質嫩滑，咖啡的香氣滲透其中，令人回味無窮。嫲嫲南越湯的招牌金邊粉，湯底鮮美，粉條滑溜，讓我一口接一口。飲品方面，我選了黑糖生薑香芋檸檬茶，甜中帶點微辣，清新爽口，特別適合這個季節。最後，我們還試了南越蟹肉醬配脆球餅，蟹肉的鮮甜搭配脆餅，簡直是完美的開胃小食。

今日午餐好滋味，我喺旺角彌敦道726號1樓，去咗一間叫NAM VIỆT NAM CAFÉ（南越南咖啡廳）嘅高級越南餐廳食午餐。一入去，就覺得環境好有格調，服務態度都好好。我點咗越式惹味粟米條，粟米條外脆內軟，沾上特製醬汁，味道一流。再嚟個惹火上身鹹檸猪頸肉，有點火儀式，猪頸肉好鮮嫩，鹹檸味好醒胃。嫲嫲南越湯招牌金邊粉，湯底浓郁，金邊粉好有咬頭。生炸蒜香雞翼，蒜香四溢，皮脆肉嫩，好食到停唔低口。最後甜品我揀咗富国岛之椰子奶凍，口感絲滑，甜度適中，還有個很好看的乾冰噴霧儀式。仲有本店自家製柑桔檸檬凍綠茶，清新解膩，認真完美。食完呢頓，實在係太滿足啦！下次一定會再嚟。