南越南咖啡廳

营业中

休息中

近排成日去旺角搵食，又比我搵到間勁多好評，就忍唔住試吓～嫲嫲南越湯-招牌金邊粉 $88有牛肉片、牛肋條、牛根、牛尾、牛肉丸、油條；個人麻麻地個湯底，覺得偏酸又唔重牛肉味，至於餸方面，牛肉丸冇乜汁，其他野就算炆得淋都冇乜牛味，份量都比較少惹火上身鹹檸豬頸肉 $70 點火的確嘅eye catching , 但豬頸肉本身偏瘦，有少少乾同hi，味道又醃到麻麻參參愛梨 $30最滿意係呢杯野飲，但係超細杯⋯富國島之椰子奶凍 $55有啲霧化效果連埋顏色係幾靚，但奶凍本身唔重奶味，芒果偏酸總結；食物有賣相岩哂打卡，但味道真心失望，環境其實都ok ge，但著重食物味道嘅我就唔會encore 了地址：旺角彌敦道726號1樓評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️⭐️價錢：⭐️⭐️⭐️

約左越南朋友仔食飯，佢話想試下香港既越南fusion菜，我就搵左呢間係旺角既Nam Viet Nam cafe 餐廳既裝修格局幾有心思，好中意每張枱有足夠空間，坐得幾舒服，唔會好逼。班蘭龍眼茶 - 班蘭既香味係前調，飲落去龍眼既鮮甜會先入口，最欣賞個包裝設計特別，仲可以自己控制濃淡☺️越式惹味粟米條- 擺盤好靚，粟米條配濃味真係好夾，上台時仲係新鮮熱辣，同個朋友一路傾計，好快就清哂。順化豬肉串撈濛- 個撈汁唔係出面一般咸到反眼，問番店員先知廚師特別就番香港人口味，特登減左咸。食撈濛時，個味覺就可以感覺番豬肉串既香脆，唔錯。NVN 南越法式麵包- 店員好細心提我地最好一分二，咁我地梗係跟🤣 法包餡係豬肉絲，驚喜係當中配切細條豬耳，食落口感韌爽，配埋熱香法包、醬同青瓜，好滿足🥰 越南朋友一邊話唔係傳統味道，但又話好食然後清哂。火龍芒芒蝦仁配脆蝦片- 蝦仁撈左火龍果汁，同芒果酸酸甜甜更加夾，放係蝦片度，食時脆脆酸酸，細細份小食好岩。烤婁葉雞配青蘋果條- 烤雞上台時係熱同脆皮，食落有淡淡既葉香，而且肉質仲係嫩。配菜係青蘋果配醬，酸酸甜甜既感覺，個人中意食哂雞之後，再食配菜青蘋果，

NAM VIET NAM CAFE 是一家專注於精緻越式料理的餐廳，提供多樣化的菜品，讓人能夠體驗到越南獨特的風味越式發酵茶葉沙律這道沙律以新鮮的蔬菜和發酵茶葉製作。脆嫩的蔬菜搭配茶葉的獨特風味，讓人感受到清新的口感，十分開胃。惹火上身鹹檸豬頸肉這道菜色香味俱全，非常適合拍照打卡。豬頸肉經過精心烹調，外焦內嫩，肉質鮮美，搭配鹹檸的酸香，讓人一試成難忘。越式咖哩牛肋條配斑蘭椰香飯這道菜將越式咖哩的濃郁與椰香飯的香甜完美結合。牛肋條肉質軟嫩，咖哩醬汁濃郁，搭配香滑的椰香飯，讓人感受到豐富的口感。火龍芒芒蝦仁配脆蝦片 這個小食色彩鮮艷，十分吸引眼球。蝦仁鮮嫩多汁，搭配脆脆的蝦片，加上火龍果的清甜，增添了清新的口感，讓人感受到夏日的氣息。越式惹味粟米條粟米的自然甜味與調味料的香氣相互融合，而且香脆可口，讓人感受到越南料理的獨特魅力。Citrus Blossom造型超靚😳😳呢款無酒精飲品清新怡人，適合搭配各種菜品。西柚的酸甜味道，能夠有效中和口中的油膩感。TEARS OF MERMAID呢款無酒精飲品色彩繽紛，十分吸引眼球。口感柔和，帶有微微的甜味，十分適合在炎熱的天氣中享用。

去到食店，第一接觸到的不是食物，而是服務員。這店的服務員衣着整潔，而且親切有禮。對外藉人客耐心講解菜單，也會對其他食客有點傾談、介紹，服務一流👍談到這店的主角食物，更帶有驚喜。不但食物美味，而且款式也很特別、很吸睛👀NVN咖啡骨（$78）這個做型完全出乎意料之外。看似一個雪山，原來是棉花糖。把齋啡倒進棉花糖內，棉花糖隨即溶化，杯中的豬軟骨滲透了濃郁的咖啡香味。南越蟹肉醬配脆球餅（$68）薄脆半圓的脆球很精緻，把蟹肉醬放在球中，容易入口。而蟹肉醬充滿蟹肉的鮮味，最適合我這喜歡食蟹而怕處理蟹殼的人。越式咖哩軟殼蟹配蒜蓉法包（$108）軟殼蟹浸在香濃的咖哩汁內，令柔軟的外殼帶着咖哩的香味。這咖哩汁香濃不辣，吃多幾口也不怕熱氣。扎肉心內米紙卷（65）扎肉、青瓜、紅蘿蔔被米紙卷卷在一起，再配以醬汁（帶有花生、芝麻味道），是道清淡而美味的菜式。炸素食春卷（$44）春卷即叫即製，炸得香脆可口。接骨木花茶青蘋果（$30）花茶配以青蘋果味道清香，賣相吸引 berries($62)這杯用莓子製成的飲品充滿莓子的香甜，而這飲品略帶一點酒精，整個配搭很和諧。富國島之椰子奶凍（$55）亁冰而成的白煙不斷冒出，白

睇到咁多好評所以一試，可惜……1. 食物只係適合想打卡的人，味道一般，份量偏細份2. 坐位迫，完全無空間感。有d post 話d 裝修好吸睛，真係見仁見智3. 服務態度，已經收10% service charge，仲要自己去針水。食食下野係到傾計，服務員成日個黎問”呢碟仲要唔要，食完未” 勁打擾！！4. 用餐時間，9.15pm就拎張叫我地俾錢先，9.45pm 就話closed 今日成餐飯都好似急住叫大家走咁，真係唔會再去（從來我都唔會寫食評，可想而知佢有幾差令到我寫下第一篇）

土旺角呢間越南Fusion菜，食物及飲料都好有南越特色。同中學朋友好耐無見，就去試一試。脆米紙簿餅未食過咁樣嘅薄餅，有青瓜絲紅蘿蔔絲加啲臘腸肉，食落幾新穎 。越式咖哩軟殼蟹配蒜茸法包，蒜蓉包非常惹味，夠晒脆口，咖喱軟殼蟹，放入口非常爆好滿足。越式時蔬，小小椰菜波+濃汁, 惹味搶口.餐廳菜式有越南風味且多元化，更有越南湯粉、越式法包、越南滴漏咖啡等，加上位置適中方便，約人食飯其中之一個選擇。

一位即時有台 坐低即搜Code落單 秒揀左招牌金邊湯粉 隔離台同時間坐低左兩位 佢地吹左一輪水 隔左近5、6分鐘先落單，結果我等左13、14分鐘都沒野食到，但隔離台原來叫左同一碗招牌麵 反而到左先，於是我問個侍應，佢話廚房係睇單做唔係睇落單時間做 話叫我等下 結果隔左一輪佢地又有人話果碗麵係我既 但裡面既牛肉已經浸死哂 我嬲嬲地求其食完就埋單去 一定沒下次 味道一般 侍應歪理成文 好評可能都是刷返黎 97蚊係旺角太子大把老店小店好選擇

睇嗰啲評論介紹，呢間嘅越南粉都得到幾高分，所以專登嚟試吓。我揀咗啲兩點幾冇乜人去嘅時間，好彩都仲有得食，呢度冇下午茶套餐，咁我就點咗一個呢度招牌嘅牛河粉啦，裏面有牛尾牛肉 ，牛柳，牛丸，啲料幾多元化，而且味道係好好，我鍾意食牛尾，雖然整體上唔算好大碗，我諗一個男人未必食得飽。之後我點咗呢個小食，係呢個南越蟹肉醬配呢個脆波。混合起上嚟係幾好食。可能我本身好鍾意食呢個脆波，咁加埋呢個蟹肉醬，好有層次。呢間嘢可以回頭

lunch又嚟食依間越南嘢😋牛肋條軟硬度啱啱好，咖喱辣得來好香（唔算太辣），斑蘭椰香飯好食🤤依個價錢真係差唔多～但係今次呢個飯就冇咗lunch set～（冇包嘢飲）Anyway值得encore再encore🤪門口依隻大熊好正～🤣埋單有張刮刮卡抽！

放lunch去左食越南野，唔洗等位～野食好好食！雖然lunch黎講價錢偏貴，但好食🤤會再encore✨✨餐包嘅冬瓜茶都好飲！坐得舒服～斑蘭飯第一次食，淋淋地唔錯👍🏻咖哩唔辣易入口，同斑蘭飯夾！下次會想試埋其他lunch set 😁埋單有刮刮卡，下次可有七五折😀

以越南Fusion菜見稱 Nam Viet Nam Cafe，食物菜式有創意，賣相又吸引，就會帶給食客有驚喜。Nam Viet Nam Cafe 位於彌敦道大街大廈之內，從電梯而出，全層都是餐廳位置，所以坐位絕對充足。餐牌菜式以南越為主，加入fusion創意，所以較為有特色，最近還新出咖喱菜式，菜式價錢又實惠，都有一定吸引力，難怪座無虛席。越南蟹肉醬配脆球餅 HKD68，將蟹肉醬放入球形餅一拼吃，賣相特別，蟹肉醬又鮮，球形餅又很脆口，無論賣相和味道都很吸引。脆米紙薄餅 HKD58，薄薄脆米紙放了些簡單食材和醬汁，吃上口脆口薄餅帶酸甜醬汁，有點像吃薄餅感覺，就已經份外驚喜。火龍芒芒蝦仁配脆蝦片 HKD58，紫紅色醬汁夠鮮艷，吃上口酸酸甜甜味道配上蝦仁鮮味，和脆口蝦片，非常開胃。惹火上身鹹檸豬頸肉 HKD70，送上枱就會點火燒下豬頸肉，豬頸肉配上鹹檸汁，再加上輕輕燒過，非常惹味。NVN 咖啡骨 HKD78，食物送上時附加一個壹，內裏就是咖啡，要把咖啡倒入表要棉花糖，等棉花糖和咖啡骨中浸泡一會，再吃骨，帶點咖啡香味，再喝一口骨中之醬汁，咖啡味更香，非常有心思的菜式。越式咖哩牛肋條配蒜蓉包 H

呢一日我一個人食飯，但又唔知食咩🥲然後就去咗旺角附近嘅一間越南餐廳食呢個招牌嘅豬頸肉撈檬粉配咗一杯咖啡啤酒🙂環境係幾唔錯嘅😊只係食物嘅質素普通未能達到原本嘅expectation如果下次可以同一班人嚟食嘅話，我諗我會推介嘅，但係如果一個人嚟食嘅話，整體用餐體驗麻麻，因為價錢都相對嚟講比較貴！如果可以多啲人嚟食嘅話呢，就應該可以試多啲唔同嘅食物好想試佢嗰度招牌嘅豬頸肉同埋氣泡酒唔好食都可以打卡呀嘛😄😂

-喺OpenRice碌吓旺角有間越南餐廳好抵食親身過嚟試吓就知龍與鳳😂 睇到個Menu入邊 真係好少餐點係Over $100😮多數都係$70至$80左右⋯我地就盡情點左六款呢度嘅份量唔算話超多 性價比OK👍🏻.🔹惹火上身鹹檸豬頸肉$70🔹南越蟹肉醬配脆米球$68🔹嫲嫲南越湯 招牌金邊粉$88 🔹NVN 南越法式麵包$78 🔹札肉心內美米紙卷$65🔹香蕉薄餅$45🔺斑蘭龍眼茶$25🔺香茅青蘋果茶$25順帶一提佢哋出餐超級快 📲QR code落單之後5分鐘內已經出咗第一款餐點😅

打開升降機門，就會見到呢堆霓紅燈箱，一間玩味十足嘅南越菜店。悶熱天氣，行到上黎都有少少汗，未開餐先叫D凍飲先。呢度除咗特飲如呢杯咁靚嘅Citrus Blossom ($52)，篤穿個氣泡就飲得。以西柚味為主體，加上梳打，香甜有氣感，有外在美之餘仲有內涵。仲有自家出品嘅柑桔檸檬綠茶 ($25)，比埋個冰底杯你，建議先搖一搖先倒。柑桔檸檬味比預製支裝來得自然，亦飲到綠茶味。炎夏天氣好岩飲呢D果味飲品。首先出場嘅係越式發酵茶葉沙律 ($54)，顏色繽紛吸引人。多種材料如以爽口生菜為基底，再有青瓜絲，蕃茄粒，各式脆豆及少少發酵茶葉作點綴。加入醋汁作沙律醬，爽脆之選。似係健康之選嘅有呢客扎肉心內美米紙卷 ($65)，一客有5件。以米紙卷包住酸甜甘荀絲，青瓜及扎肉條，再點埋個花生醬，調起晒整體味道。話晒係呢度嘅招牌金邊粉($88)，採用嫲嫲南越湯，點可以錯過?!一碗份量夠晒多，二人分享都可以。材料有牛尾，牛丸，牛筋，牛腩等，牛氣沖天。湯底好鮮甜，飲完都無話好口渴，有條油炸鬼比你索湯食; 而金邊粉入口幾爽口，以湯送粉好易食得晒。加埋有少少九層塔及芽菜，增加香味與口感。越菜除咗必叫pho之外，法包都唔

同朋友好耐無見，見呢間粵式餐廳喺網上評價幾好，就去試一試。脆米紙簿餅未食過咁樣嘅薄餅，有青瓜絲紅蘿蔔絲加啲臘腸肉，食落幾清新 。南越蟹肉醬 配脆球餅 外型同印度嘅印度脆球一樣，但佢配搭嘅餡料就啱我口味多啲，有超多嘅蟹肉紅蘿蔔絲同埋青瓜 。惹火上身鹹檸豬頸肉店員點火嗰下真係好吸睛，豬頸肉好嫩滑，整得啱啱好 。烤蔞葉雞配青蘋果條差唔多半隻雞嘅份量，雞皮整得好脆，食雞一定要食雞皮 。發現餐廳好鍾意每道菜都有少少酸酸哋嘅配菜，呢個青蘋果條就好開胃 。越式咖哩牛肋條配蒜茸法包（牛助條，牛筋，越式雜菜）呢個應該叫食極都有咖喱，焗得好香脆嘅法包蘸上咖喱，再加埋啲炆得好入味嘅牛肋條，牛筋都炆得幾好。扎肉心內美米紙卷一個好特別嘅名，心內美🤣令到我地忍唔住要叫黎睇睇 。米紙卷有超大舊嘅扎肉，真係估佢唔到凍荔枝咖啡 天氣咁熱梗係要飲返杯凍嘢，估唔到一杯荔枝咖啡嘅外型都可以整到咁特別 。蛋咖啡第一次嘗試蛋咖啡，原來啲蛋會有少少甜甜地，中和左咖啡嘅苦都幾特別