南記粉麵 (謝斐道)

营业中

休息中

又係米線，沒法子，因為我係米線怪!今日冇乜胃口，想食得清d，少d，所以揀了南記。叫了她的招牌米線 + 豆漿。招牌米線細細碗，有2丸、2出名魚巻，清清地，加埋冬菜就味道啱啱好!豆漿都ok!很抵食，只係$16!!!!灣仔都好難搵到咁平、又好味!!!

如果係港島區食米線,南記會是我的首選,因為我覺得呢度d腩肉好味程度係謹次於荃灣雲貴川風味,其實嚴格d來說,我覺得南記d粉麵的味道比較大眾化應該能夠配合大部份人的口味,而雲貴川風味的味道則比較特色d,但南記味道都好好味,而且佢多分店,去開CWB,WANCHI,CENTRAL 都好容易搵到佢蹤影我最鍾意食呢度d腩肉同魚肉春卷米線,仲有招牌麵,食過呢度d招牌麵都會覺得佢好抵,裹面有魚肉春卷(2件),牛丸(2件),魚蛋(2件),都只係$16,不過,我唔係咁鐘意魚旦!

此前幫襯過南記的招牌河，現在則趁入書展前來試試米線。要了碗腩肉米線，小辣。先喝口湯，不太濃味也不算辣，是惹味的；後嘗嘗腩肉，味道實在特別，醃得很入味並微辣，薄薄爽爽的很易入口，也很滿足！想不到這兒的腩肉那麼好吃，實是意料之外。室內環境頗差，很逼！而且某些地方十分之污糟，應要留意一下吧？不過港島區是不是太少雲南米線鋪呢？

食左一次南記嘅小窩米線後，在短短嘅幾個星期又去多左兩次，對於鐘意每日試新野嘅我都算好難得。其實再次拜訪嘅主要原因係同事們好似好喜歡，不過冇咩所謂因為有一定嘅水準。第二次去到本來諗住試個招牌河，點知一入到去就聞到嗰陣好香嘅酸辣味，最後都係忍唔住叫左個春卷小窩米線，仍然係小辣。照舊，小窩要等十分鐘。阿姐們仍然好有效率好似工廠咁工作，都幾惡架。等左十分鐘，終於得啦。所有野基本上同上一次一樣（請參考http://www.openrice.com/restaurant/commentdetail.htm?commentid=1919055），只係個湯底遜色左! 雖然兩次都係小辣，但個湯明顯冇上次咁辣...直情可以話係淡。個湯底淡晒，嗰陣好香嘅酸辣味亦都冇咁出，好失望呀。水準好似有少少飄忽喎。試一試個春卷先，好好味! 入面嘅魚肉好肉好煙韌，出面嘅腐皮因為炸過下亦都好香，唔太林有D口感。第三次食終於冇叫到小窩啦。叫左個紫菜四寶河，揀左魚餃、春卷、貢丸同墨丸。唔係小窩果然快好多，真係一分鐘就搞掂...又會差咁遠嘅...因為外賣，湯同河粉係分開裝架，又幾好喎。河粉同貢丸冇咩特別，春卷就仍舊好食。墨丸幾彈

對米線唔係太大興趣的我，見到openrice南記既食評都心郁郁，今日終於可以去食啦! 嘩，好多人呀......入面已經好逼好細，仲要有一條長長的人龍排隊買飛。見到咁多人咁難搵位就決定買外賣返公司食喇。叫左個「豬腩肉小鍋米線，小辣」($25)，阿姐話要等10分鐘。係度等既時候，見到廚房入面真係好繁忙，有成六七個阿姐係入面好似d工廠咁! 佢地全部都開晒「摸打」咁所以都幾燥幾惡...。等左5分鐘多少少就有啦，拎左包放晒係度既冬菜就開開心心返去。打開個蓋，一陣酸酸辣辣既味就即刻湧出來，好香呀! 加左包冬菜，發覺原來佢仲畀左包辣椒醬我，試左少少 - 嘩超級麻辣，好彩冇落! 食第一注麵 - 唔係太辣喎，起碼冇聞落去咁辣。食食下先發現原來個底好多料，有芽菜、肉碎、酸菜同腐竹，全部都好多，令到成碗粉既口感豐富好多! 個湯酸酸地，加埋d酸菜，有少少辣，好正呀! 而d肉碎就好香! 米線冇咩特別(可能係我本身唔太鐘意?)，不過好味既湯底令佢生色不少。豬腩肉睇落去好似好乾，不過食落去......太好食啦! 好林而且好有味! 雖然叫「腩肉」不過係唔肥，但仍然好香! 好食而且好飽既一碗野! 下次要試下個春卷至得!

鋪頭細細﹐顧客超多﹐多到有d離普。d人多到人貼人﹐塞到行都行唔到。可能個個都知道人多到離晒普﹐所以3/4 企係度既人都係等外賣。本人叫左#6菜肉雲吞米線+腩肉(走辣)。交完飛比廚房話要等8-10分鐘﹐但不久已有得食。菜肉雲吞細細隻﹐好似有6-7隻﹐腩肉3-4片﹐一d都冇肥肉。可能佢地落得太多酸菜﹐攪到個湯好酸。所以落埋放係臺上d冬菜都食唔到個味道。成碗野得個酸字。已後絕對唔會呢個時間來﹐同在人山人海既新年維園花市坐底食野冇分別。

一直都沒大留意這間小店. 原來中午時段超多人, 只見地上放了一個一個的膠筒, 都是用來接冷氣機的滴水, 非常混亂. 於是決定買外賣. 相信佢一日未sort out呢個問題, 我都只會買外賣.選了酸辣小窩米線配魚蛋, 春卷. 阿姐話要等十五分鐘, 奇怪? 真的是即整嗎? 終於, 沒有騙人, 真的等了十五分鐘. 雖是外賣, 但仍是熱辣辣的一碗米線. 個湯好香, 有酸菜, 芽菜,同辣肉碎. 米線底都幾厚, 可能經過一段外賣路程, 米線吸收了小窩湯, 味道不錯.魚蛋沒有味道; 相反, 春卷一流呀! 下次要試腩肉.

最近南記成為我的lunch飯堂，好像每星期都要來一次，為的是它的米線和春卷。這天babe難得陪我吃，作出新嘗試，試了豬腩肉x春卷x魚餃米線(和babe的crossover)。原來豬腩肉一點也不肥膩，非常入味，魚餃做得不錯，主角當然還有煙刃春卷和煮得剛好的米線，酸辣湯底十分好味，very good，很抵食。當然，環境是十分擠迫和嘈吵的。

佢果度d米線同出面果d好唔同,幼好多同滑好多,同仲個湯底真係好正!!!食左佢兩年,菜肉餃小鍋米線都係有七粒餃~再加埋感覺好衛生既飲品杯~好抵食!!

試了春卷墨丸小窩米線春卷很煙刃，湯底夠酸，墨丸大大粒，不過很淡美中不足的是，外賣是比堂食細碗的。lunch time時，外賣和堂食的人也超級多，把店內擠得水洩不通，不得不佩服D阿姐，完全不會漏單，有秩序地叫號碼，還有quality control - 其實一位叫號碼的阿姐竟打開其中一盒菜說"乜d菜咁少架?!"

諗起以往O係灣仔返工時..差唔多每個星期都會幫襯2,3次,自從公司搬左官塘之後,一次都未食過啦..我既酸菜牛腩小窩米線呀..知道佢依年開多左幾間分店..,唔知幾時會會開到九龍啦..

粒牛丸好入味,春卷ok,魚旦彈牙但沒味,價錢扺到蘭,豆漿無味,整體泥講ok,不過嗰到好多蚊,有一隻飛咗落我姨媽婉麵到！

我唔食得辣~不過對酸就有少少興趣就揀左佢既小窩走辣，味道幾好，我仲自選左春卷同埋叉燒，浸過既叉燒多數都會淋D肉汁多D既而家仲要甜中帶點酸，好開胃架!佢既腐皮先係正，又酸又香。仲配左杯豆漿，甜左少少不過都有D豆味，下次就試下好少好少辣，咁豆漿甜都無問題啦~LUNCH算係咁啦~

今朝想食湯粉做早餐, 去南記快餐型式經營, 服務一殷啦叫個招牌河食, $13一個粉, 加$1有杯豆漿春卷好食, 河粉好滑, 不過牛丸有Ｄ實同雪味, 魚旦爽口但無魚味, 少少削個沙爹辣醬幾正, 又夠香辣, 以$14食到個早餐, 分量剛好, 真的不錯,

經過今朝麵包樹不快早餐一役後﹐為免再度谷氣﹐我決定去間快靚正既餐廳食lunch。南記係我既第一選擇。因為有事做所以等到兩點鐘先去﹐結果平左($14)﹐又快左(無人咁滯﹗)。招牌麵絕對抵食﹗份量岩岩好(for 女仔啊﹐男仔我稔要2個喇﹗)質素不俗﹐唔算超級好食﹐但一定抵食﹗