南記粉麵 (福苑)

营业中

休息中

湯較濃味好多chilli flakes 辣度適合重口味的人應該會喜歡招牌春卷同豬肉不錯但冇乜特別 不明白為什麼是招牌魚腐似綿花糖 好可愛但米線好淋好碎個人較喜歡譚仔三哥

早兩日同朋友諗唔到食咩就是是但但咁去左哩間南記食一入到去自己搵位坐D台仲要未執 我叫左招牌春卷米線 感覺份量比以前細左好多性價比冇以前咁高 而且我唔太鐘意佢地間鋪既油煙味太重

近排lunch想食清淡d，濃味怕多鈉，肥膩又脂肪多，辣又怕熱氣，可能人大左就係會咁。粉麵米線，譚仔食得多，凝住湯底有味精味。同事間中就食南記，我之前都好少食，宜家變左常客。點解變左常客呢？除左因為夠清淡，佢清淡得黎有招牌魚肉春捲同埋大大舊魚腐，兩樣送都好得我心。春捲簡直係罪大惡極，就咁食夠惹味，但係點佢地自己既辣醬，再怕熱氣都忍唔住要點。就好似乾炒牛河加辣椒醬咁，點一點個辣醬真係惹味好多。至於魚腐，第一次食真係好surprise，半個拳頭咁大舊，當然佢個質地唔係實淨果種，但呢種索哂湯又軟綿綿既魚腐，食落都好滿足。前排拎走多，兩送，分湯，三十蚊。係三十蚊丫，雖然下晝會餓，但真係好抵食。

以前經過見甘多人排隊已經怕左，但最近無咩人，終於入去一試，試左出名既魚皮餃+shek shek春卷，招牌辣豬肉，真係停唔到口，第一次食shek shek 春卷，感覺似抄某間快餐店，彈幾有創意，不過有點油，叫咗一個麻辣湯底，辣度剛剛好，完全滿足想食辣嘅感覺又唔會太辣，因為自己唔食牛肉嘅關係，呢度就有辣嘅豬肉可以選擇。肉質比較乾，肉眼睇未必分得出豬定牛，套餐有限制不能單點辣豬肉，分量剛剛好，如果比較大食嘅朋友，可能未必夠飽。

第一次食南記真係唔知點嗌先可以最抵食😑酸辣湯底單餸生菜餐就$56，凍檸茶要再加$5😑一共$61。味道係唔錯嘅不過真係少少貴，酸辣湯底都不賴，酸菜比其他米線店嘅好食。魚片都比得幾多，米線就一般份量。枱頭豆瓣醬加落生菜會更加好食，但佢蠔油落得太多。

見很久沒有吃南記了，所以今日和朋友來吃這間米線店，今日都不少人要等一陣才可去吃飯，A牛魔王小窩套餐，飲品有細豆漿或汽水，我就選擇了汽水，來到見到牛肉都不少，但比較硬身而且沒有牛肉味，牛丸保持到好味道又彈牙，牛腩不少但比較大舊同吾夠淋身入味，食完都幾飽，汽水應該是百事有點甜。朋友叫的雙併小窩米線，春卷和墨丸米線，春卷比之前的薄，味道就差不多，墨丸大粒味不錯，米線的口感幾滑身，幼身不錯，份量都不少，不過要$38有點貴，可能下次要回清湯可以便宜十元更好。

今天去了南記吃晚餐，我們大約7點多點到人流不算太多，空位蠻多的點了一個招牌春卷腩肉酸辣米線和一個清湯米線加墨魚丸和牛𦟌，另加半份芽菜招牌春卷腩肉酸辣米線的湯底酸中帶點甜我不是很喜歡😑我自己喜歡那種酸辣的，春卷是真的蠻好吃的，里面是魚腐，很香的魚味，外皮雖然不是那種脆的，但吃起來相當香口，很喜歡，不過牛腩有點老🤨怎麼咬也咬不斷🙃淸湯真係好清，無咩味，反而個墨魚丸幾彈牙，牛𦟌夠淋入味總體我覺得還好，試過就算了

其實我真係好鍾意食米線🍜，由其是酸辣小窩米線。呢間南記粉麵，我都成日去食嫁！今次我就叫左個肥牛酸辣米線，加春卷，加肉碎。因為我唔食腐竹，唔食九菜，唔食芽菜，所以我都一一走哂！剩返酸菜！而辣我係叫左小辣！呢個米線點解咁吸引我就係因為個湯底囉！好濃郁！咁另外我當然叫左杯凍檸茶啦！呢個晚餐我叫左$70 ，有1碗麵，1杯檸檬茶！其實佢每將單既下面都有張優惠卷既！不過我好少用，所以無認真咁睇。所以有興趣既朋友可以留意下囉！

突登要開個acc黎打食評，真係忍唔住一入到黎南記，都已經無咩人。落左單後去揾位，行過取餐處個邊，成5-6個職員企哂係到吹水，見我揸住張單，有個啊姐就話：喂！整野啊(叫人煮野.....) 呢個都由佢啦拎左野食揾位坐底，發覺張枱都無抹乾淨，都算。食野期間，一個啊姐行去我對面揭開張櫈拎野(調味料，紙巾等)﹐無講過任何一句野，之後'澎'一聲襟翻埋..... 隔離枱都呆左。然後過左5分鐘，食食下野又再一聲'澎'..... 原來又係揭開第二張櫈拎野，今次前後左右都嚇左嚇，有枱客話唔識慢慢放翻好既。我係呢間南記只係逗留左一粒鐘，去到後面都仲聽到幾次'澎'既關櫃聲.......唔怪之得無客啦，根本係趕客

我依家佢嘅春卷係最好味㗎無人能及！佢嘅酸辣湯底都好好味，口感豐富, 開胃又美味的酸辣！麵條好有彈性！就算唔係好食得辣嘅人都可以接受到冬天到，最好就是吃一大碗熱騰騰的米線！這個是非常簡單易做又美味的食物，酸辣開胃！ 🥰🥰🥰😍😍😍

因為上次食完有票尾可以免費加生菜(價值$8)，所以今次再試一試佢嘅下午茶，依家用雲閃付買滿$30仲有得減$10！性價比好高！阿張點餐👦🏻 $26 下午茶《招牌河粉》評分（10分滿分）：7️⃣食評💬：有招牌春卷、牛丸同魚蛋，用埋票尾加生菜，大大碗當午餐食都夠飽！ 隨餐附送飲品，可以揀豆漿或汽水，加錢可以轉其他特色飲品～張媽點餐👩🏻$36 下午茶 《春卷魚片酸辣小窩米線》評分（10分滿分）：8️⃣食評💬：有大蔥、芽菜、招牌春卷、魚片、腐皮同辣肉碎，辣得嚟幾惹味！又係大大兜一定夠飽。記得記得張單唔好掉，留票尾下次用可以送生菜！南記粉麵 (旺角)📍旺角西洋菜街138號福苑1樓 👉🏼旺角站D2出口行1分鐘👈🏼

講到「南記粉麵」，相信無人不曉，尤其係住港島區嘅朋友，不過而家已經唔再係港島人獨享嘅恩物啦，係九龍都開左唔少分店，不過今次真係小妹第一次跟男朋友黎！😂全日都有套餐優惠，$40起，仲要包汽水或細豆漿，抵喎！👍🏻男朋友最鐘意食南記春卷同魚片頭，所以就揀左D2套餐，$45包一碗自選單／雙拼清湯粉麵和魚片頭一份，單／雙併可以揀招牌春卷、貢丸、魚餃、八爪魚丸、魚蛋、魚片、墨魚丸、魚腐等（轉牛丸、牛腩或牛筋 就要加$3）單拼春卷就有四條每條有一隻手指咁長，炸得微脆嘅腐皮包住爽彈嘅墨魚肉，真係幾好食，唔怪得男朋友咁着迷～😂配上爽滑米線，唯一唔好嘅係套餐必定係只可以揀「清湯」，唔可以轉其他湯底，不過「鬼叫我窮，頂硬上」，就係呢個意思吧～為左慳錢，可以去到幾盡！😂好彩仲有無限量可添加秘製辣椒醬，咁就可以要幾辣有幾辣。😏三角型嘅魚片頭炸至金黃，外層厚皮香口，裏面彈性結實，灑上少許胡椒粉，正！

香港仔南記粉麵，真係無乜人唔識~~以前公司附近就有, 真係一個星期食幾日都唔厭相比之下其實旺角呢間味道一般般，但勝在地點方便上星期我們仨既我們，都食外賣黎!!個辣醬我每次必食!!!!今晚會出旺角除左要買NOTE10之外, 最主要原因就係因為要食南記餐牌都係大同小異, 但係無黎一排裝潢唔同左, 位置同空間更實用以前成日覺得出麵個位好怪, 但今次裝修後, 我覺得幾好喎但係由於個人仲係好唔舒服, 所以就算對住南記, 都無咩胃口, 竟然食唔晒~~嗚!!!!!但係個春捲脆粒, 呢個推介大家, 真係好香脆!!!好味道~~~

南記招牌春卷是我的最愛，每次也是在中午或是晚飯時段吃，難得空閒的早上，就到南記來個早餐吧！與朋友點了2個餐，糯米雞+牛丸紫菜湯，糯米雞外觀很大好像很豐富，當滿心期待吃下去，冷冰冰的，糯米又硬，味道怪怪的，叫店員翻熱一下，態度很差，很不願意地去翻熱。牛丸紫菜湯，紫菜很多，但湯底相信是味精湯。招牌春卷肥牛蕃茄米線，整碗最美味就是招牌春卷，肥牛沒什麼味，蕃茄湯也很淡呢。牛腩咪腸，牛腩超硬，咬不開，又是一整碟冷冰冰(´･×･`)總結是早餐真的不會再試了，還是乖乖地吃酸辣米線。

記得我食南記，已經係多過五年前嘅事。當時覺得只係好普通嘅四寶河，就冇再幫襯。點知同行友人好鍾意食南記，就拉咗我去食，真係食過返尋味呀。牛魔王酸辣米線碗米線裏面有牛丸牛展同牛腩。酸辣惹味，唔會辣到流晒汗，啱晒我呢啲又唔食得辣但係又唔想食清湯嘅麻煩友。珍寶麻辣米線呢個就係我同行友人叫嘅，見到啲辣油就知佢有幾辣。有春卷有墨魚丸有牛丸有魚蛋，啱晒啲唔想食咁多肉嘅但又想飽肚嘅人呀！春卷脆粒呢個炸春卷粒就真係要食喇！炸春卷加埋椒鹽粉，真係可口小食。不過我就嫌佢將牛油紙唔係幾索油，算係美中不足啦。