南記粉麵 (福苑)

营业中

休息中

近排lunch想食清淡d，濃味怕多鈉，肥膩又脂肪多，辣又怕熱氣，可能人大左就係會咁。粉麵米線，譚仔食得多，凝住湯底有味精味。同事間中就食南記，我之前都好少食，宜家變左常客。點解變左常客呢？除左因為夠清淡，佢清淡得黎有招牌魚肉春捲同埋大大舊魚腐，兩樣送都好得我心。春捲簡直係罪大惡極，就咁食夠惹味，但係點佢地自己既辣醬，再怕熱氣都忍唔住要點。就好似乾炒牛河加辣椒醬咁，點一點個辣醬真係惹味好多。至於魚腐，第一次食真係好surprise，半個拳頭咁大舊，當然佢個質地唔係實淨果種，但呢種索哂湯又軟綿綿既魚腐，食落都好滿足。前排拎走多，兩送，分湯，三十蚊。係三十蚊丫，雖然下晝會餓，但真係好抵食。