南記粉麵 (福苑)

营业中

休息中

( ｡˃ᴗ˂｡)ﾌﾟﾌﾟ今日晏晝突然好想食酸辣既野🫶🏻就去左買南記食，嗌左碗招牌春卷小窩米線加紫菜💓酸辣小辣～┈┈┈┈┈┈┈┈┈┈┈┈┈┈(*´∇｀*)春卷依舊好食！有成3條！好滿足而且酸辣湯會配上辣肉碎同酸菜粒！份量都多米線好彈牙，煮得岩岩好！好好食😋紫菜都好多 ┈┈┈┈┈┈┈┈┈┈┈┈┈┈不過辣度就差咁啲，話曬都係小辣。但我覺得無乜辣既感覺🥲如果再辣小小會更好！不過原來酸辣啲湯係偏粉紅色🤔好特別😹定其實係因為啲紫菜而變色😹

又是返夜更的晚上，想食少少野但唔想太飽太油膩，所以就揀左南記。老老實實，其實本人第一次食南記，餐牌有極多選擇，唔想用腦揀的話可以叫餐，我就煩啲，想有菜有肉但唔唔油膩，就叫左個紫菜加招牌春卷清湯底米線。個招牌卷其實都係正常野，味精味，紫菜比想像中多好多，米線可以再淋啲，唔知可唔可以order個時request 呢。整體份糧比想像中少，但女仔食係夠飽嘅，係快食果腹嘅好選擇。順帶一提，佢檯上面帶啲辣醬，加埋個春卷一齊食，好match。

🤰🏻今日放工，同事陪我去旺中睇醫生🩺，之後就過對面食南記。我同同事都係米線控，我諗我哋身體有80%都係米線🍜（同鈉）造的。因為壓力大，所以今日叫咗大麻酸辣·辣豬肉春卷米線舒緩一下心情，對不起🧎‍♀️，我的胃。💡註：如果你叫「辣豬肉春卷」，辣豬肉就係主打，春卷會有2️⃣條。相反如果你叫「春卷辣豬肉」，春卷就會係主打，有4️⃣條，辣豬肉就會相對少。一望到已經流晒口水🤤，正呀喂！味道一如以往的好。我平時食米線都鍾意食酸辣，比較少食麻辣，但南記嘅麻辣真係好香好濃郁，宜家可以兩辣合併，真係一碗就可以滿足晒兩個慾望。🥢南記嘅湯底真心無可挑剔，辣得好有層次，辣中帶有淡淡的甜。大辣都唔算好辣，胃應該唔會穿窿的。🥢米線煮得啱啱好，軟硬適中，亦吸收晒湯底嘅精華，每一條都好有味。🥢春卷係我嘅至愛❤️，亦係南記嘅招牌👑🥇，口感煙靭彈牙，魚肉味好香，亦帶有少少🤏🏽酥脆味。🥢辣豬肉係我嘅第2️⃣最愛🥈，亦係店內人氣之選。肉質彈牙爽口，亦帶有少少鹵水甜味，掂！好滿足嘅一餐🥰，不過食完都真係有點口渴，可惜南記飲品無套餐價，奶茶🥤十幾蚊杯唔太捨得飲，唯有出去買嘢飲🧃。

無左晚市堂食，我地只好黃昏5點到南記食晚餐，最多在家中食宵夜。我地先睇下有乜野食，睇左好耐，揀左大什錦麵和四寶紫菜河，再加菜心，多食菜健康D。大什錦麵有好多餸，有幾種不同的丸，包括牛丸、魚蛋、墨魚丸、魚皮鲛和春卷，款式多，春卷最好食，彈牙，麵就爽滑，湯底略淡，加上魚露較為適中，尚算不錯。我特別鍾意食紫菜，所以叫左四寶紫菜河，紫菜好食，各種丸都彈牙好食。大豆漿好飲，有濃郁的豆味，很不錯。另一個人叫左凍檸水。

之前聽好多朋友介紹南記，特別係佢哋嘅春卷，今日路過嚟試吓，總括而言真係「「唔係我杯茶」」⋯入到嚟先要排隊買票，然之後等叫號碼，自己攞野食，大家樂快餐，又或者而家大部分強國食市零服務質素，我都唔知點解要咁，食譚仔同三哥米線好過，一開始已經扣分⋯叫咗一碗粉、一碗米線，再加杯凍檸茶，共銀$94，話平唔係平，起碼比好多茶餐廳都貴，但要「「零服務」」，都唔知為乜⋯兩碗嘢我叫左清湯底，想試吓佢個湯底有幾好，但一試應該都係師傅湯，非常之失望⋯ 再食佢嘅牛丸同墨魚丸，都係果句零驚喜，條春卷更加唔係我杯茶，一D都唔特別，或者有D乜嘢感覺⋯結果食咗一半唔夠走人，都係果句，返食指數係「零」⋯

經過南記見到佢有新推岀米線套餐就一於試下啦！胡椒豬肚湯雞翼米線配香蘭葉桂圓茶(凍/熱) ($53)一取餐就見到除咗有豬肚、兩隻雞翼，仲有旋風豆腐串同花生芽，非常豐富，呢個價錢四餸加野飲好抵食。飲啖湯底，胡椒豬肚味好濃好入味，仲加咗杞子，加上杯桂圓茶，成個感覺好養生，冬天食完呢個套餐真係暖笠笠！🤩

今日想食碗酸辣味粉麵，去了官塘駿業街南記點了麻酸辣春卷豬肉湯米粉，已註明要米粉，去取餐時見到是米線即轉頭同女員工講俾錯米線，她叫我等，原來只給我弄一碗淨米粉，這是什麼一回事，是否要顧客動手將弄錯之米線拿出，再將米粉放回湯底內，再問櫃檯這女員工取碗時她態度差，好似係我點錯食物咁，要我自己去取碗，俾錢吃還要左弄右弄，一句講晒態度差！吃得不開心，以後都不去幫襯了！

南記酸辣小窩米線真係好好食，平時放假唔知食咩都會去買佢食，次次去襯都係好多人等緊，但佢出得好快又唔會話要等好耐。去南記就一定要食佢既辣豬腩肉同埋春卷，呢兩個真係南記靈魂，鍾意食南記你懂的

南記， 其實香港人一定唔會陌生啦 我就最近啲幾年經常去食， 其實主要只要真係佢嗰個春捲 嗰個春捲呢喺其他地方真係買唔到呢一個口味 所以就算有時屋企打邊爐都會走去買幾條佢嘅春捲 有得外賣 旺角呢一間呢其實佢落點係好方便 而且我鍾意佢呢個大玻璃望住新之城 其實幾舒服呀 除此之外呢佢嘅調味料嘅辣椒油都好正 真係少少都夠曬 辣， 再加少少魚露 嗰個河粉就一流 我見佢新增咗好多麻辣呀或者酸菜魚嘅口味 有機會大家試下啦 我今日就揀得比較清淡紫菜春捲 但我要畀滿分

初出嘅時候好好味，前後食第4次，今次只能用咸湯形容，我加咗半杯清水都仲係好鹹，只能食麵餸隔開湯。真係估唔到你有咁差嘅米線！完全失敗！失敗!好失敗!重勁過譚仔嘅鹹度！

南記嘅米線軟硬度適中，套餐嘅配料亦都十分豐富，而令我最情有獨鍾嘅就梗係佢嘅湯底！最鍾意佢嘅麻酸辣湯底，夠辣得來又帶酸，非常惹味！湯底入邊嘅酸菜亦都係我最愛之一。而配料入邊佢哋嘅春卷係最熱賣嘅，冬菇亦都好入味

我個人好鍾意食米線基本上諗唔到食乜就會食米線✌🏻✌🏻✌🏻其實南記我係喺銅鑼灣食過幾次就愛上左但係港島區實在太遠啦難得去旺角有開分店😂😂就決定去食下午茶啦的確去下午茶會平小小過甘啦有時會送杯嘢飲咁樣😂😂我每次嚟到都係會叫辣豬腩肉春卷米線中辣🌶🌶🌶🌶佢嘅米線份量啱啱好 個湯底會配埋啲豬肉碎酸菜等等 而且佢辣得好過癮😋😋😋佢嘅辣豬腩肉比較薄身 但係件數都比較多嘅佢嘅春卷都好特別 咬落去啖啖肉 就算連埋啲湯浸埋都好好食😋不過我覺得始終銅鑼灣分店比較好食😂😂😂

今日午餐外賣左南記腩肉春卷小窩米線中辣阿姐好好人 主動問洗唔洗分湯中辣啱啱好 辣同酸嘅味道最平衡春卷好食 平時打邊爐都會嚟外賣一打番屋企味精略重 食完兩個鐘依家好口渴同眼瞓

22蚊得2塊肥牛？好過去搶呀平時都成日食南記，但呢兜野少到咁真係不能接受 下次係後面標明得2塊肥牛我就唔會叫黎食啦賣炸春卷都有標明有九粒啦希望店家誠實d 唔好呃消費者

Lunch 一個人食粉麵 座位闊落價錢比起以前係貴左 - 進化成 類似其他米線店 以不同湯底價錢 再配搭 不同價錢的配料- 春券 腩肉 酸辣小窩米線 （小辣）如圖春卷有四條 仍然保持應有水準 口感👍🏻但腩肉 變成腩肉碎/絲 同以前一片片完整的口感大有不同😑 Order 上都新穎左，可以用機械落單 可用八達通縮短等候時間 將來可以在收銀處亦有八達通付款功能就會更方便如果你係smart tone 用戶，買滿指定金額 可送2條春春卷或豆漿