影片
港铁铜锣湾站 B 出口, 步行约1分钟
继续阅读
开饭介绍
装修设计参照上海豫园城隍庙总店，仿明清古建筑且融合现代简约风格。上海总店派出两名点心师傅坐镇，制作南翔皇牌小笼包等多款获奖点心。
继续阅读
营业时间
星期一至日
11:30 - 23:00
以上资料只供参考，请与餐厅确认详情
相关文章
星期五，6点打电话订位都仲订到位 8点去到，原来唔订位都得 2个人叫左一个牛肉冷盘，份量多...但味道一般啦，nth special 之后仲有生煎包，热辣辣，个底系脆脆，又有汤汁，好味呀 跟住再上2条小黄鱼..BAD 完全唔脆，又唔够热..一食就知条鱼唔新鲜 好在之后个例牌沙锅云吞鸡，正 例牌都好大锅！温吞又多，虽然鸡得1/4只不过胜在够多，个汤都ok $88抵！ 最后甜品叫个桂花拉糕，烟烟韧韧, 好味呀 不过都几饱肚，好饱啦 overall, 以星期五放工时间唔洗等位黎讲，呢到都几好呀！
继续阅读
是曰年初二，食个靓饭开年！今午试试一星的南翔小笼包。话名小笼包，当然点番笼食下。 这小笼包皮薄肉汁鲜美，肉汁澎湃，比鼎泰丰同翡翠拉面的更好！果然无失望。上海粗炒：非常一般，样子很好但无内涵 。味道很淡，连豉油味都唔觉，仲有D油，以点名餐厅而言，只属及格 酒酿丸子：味道甜甜地，丸子烟韧，但酒酿味唔突出，苏浙汇的比较出色。但总结而言，水准中上，一试无妨。
继续阅读
上海菜香港人其中一种最常食到既中国菜呢类餐馆都晨廿到成行成巿 大间有细间有今次同友人咁岩晚饭时间谂食咩 见到呢间老字号 就入左去试下呢个餐前小菜 炸菜丝出奇地好味爽口 有炸菜香味 而且唔辣 食左就停唔到口 要左生煎包 佢个底香脆可口 但包皮比较厚入口会觉得包太多 饀太少 温度刚好唔会辣亲咀若果细个少少 皮薄啲会更好上海菜点能够无小笼包呢皮薄得黎唔会一夹就穿 热辣辣新鲜出笼猪肉饀多汁新鲜肉质 唔会有猪so味稳阵之选京都炸酱面 颜色方面同平时食开既中式炸酱面接近有冬菇猪肉碎云耳荀等等既饀同个面捞埋味道唔错 咸度适中 可惜既系一个热呼呼既面到竟然会发生咁既事变左面饼 虽然已经剪左面但痴埋晒完全捞唔到面质既问题 燘萝卜红烧肉 唔好见佢咁深色以为佢好重口味 其实系老抽加色 咸度适中 萝卜同肉都好入味 而且相当林身肥瘦适中 送饭一流 所以同友人叫多个咸肉菜炒饭一窝上 热辣辣 饭粒粒分开 有咬口之余唔会太干只系肉粒菜粒同饭既比例无咁好 可以多返少少整体黎讲 佢老字号卖既系味道而唔系卖相份量黎讲都唔细份 算唔错！
继续阅读
星期日同男朋友行行下街正谂紧晚饭食咩好，突然间想食葱油饼同担担面。所以上openrice search附近有咩餐厅，最后拣左呢间米芝莲推介餐厅。黎到门口，唔算多人，几个人排紧，所以等左10-15分钟侍应就带我地入座喇。坐低睇menu，发现原来系冇葱油饼的，而且所以汤面亦已售罄，所以系食唔到我最想食既葱油饼同担担面哈哈哈。唔紧要啦，唯有睇下有咩其他好野食啦！:::萝卜丝酥饼:::我最爱既食物之一，每次去饮茶，只要间茶楼有，我都1定会点黎食。首先卖相好靓，成只碟都系干净俐落，唔会d碎碎周围飞又跌晒落黎咁。香喷喷热辣辣咁，咬落仲外脆内软，萝卜丝清甜够晒味。最特别既地方系萝卜丝中间有d葱粒，颜色吸引d之余仲阵阵葱香味，忍唔住1口气食左两旧！:::上海粗炒:::既然食唔到担担面，唯有退而求其次叫个上海粗炒啦，但结果有点失望。卖相虽然都唔错，但食落味道真系好麻麻，有d似唔够镬气既感觉，味道系带甜，有点怪怪的。总之就完全冇一种令人想1啖接1啖食既感觉，不推介。下次有机会再试试呢度既担担面吧！
继续阅读
今日冬至，所以嚟咗呢间餐厅做冬 😁😁呢到嘅环境几好，光线唔错，都算几宽敞。😃😃我地叫咗几味小菜。前菜有醉鸡，淆肉同蒜泥白肉。😊😊醉鸡个汁好重酒香，非常香口。啲鸡又够嫩，份量都适宜。😀😀淆肉好重麻油味，个汤胶好够味，几浓。咬落去啲香味喺个口到回旋，十分香口。😁😁蒜泥白肉十分香口。虽然好辣，但辣得超好味。啲肉嘅肉质唔错，都几易口入。😄😄小笼包皮薄馅靓。肉汁充满住肉嘅香甜，汁又够浓，成个feel好夹。😃😃萝卜丝酥饼脆得嚟又唔硬，食落好有层次。啲萝卜丝有少少葱花，令成个萝卜丝酥饼更香。😂😂沙锅云吞鸡嘅鸡汤十分清甜，能带出鸡嘅鲜味，very good！云吞嘅皮非常之薄，入面嘅馅同个汤十分夹。☺☺京烧羊腩烧得好脆，但又唔觉膻。啲肉同啲脂肪烧起上来十分香。即使冻咗食都唔觉膻，仍然咁好味！😆😆火腿扒津白嘅小汤非常之清甜。用嘅金华火腿都系正宗的。因此成个汤就能带出火腿嘅香味，令成个菜更升一个层次。😄😄松子桂花鱼一啲都唔腥，啱哂唔钟意食鱼嘅朋友。食落好似食生炒排骨咁，又脆又香，值得推介！😀😀八宝鸭非常特别，呢个真系值得推介！首先卖相非常之靓，个鸭入面系好特别嘅糯米饭，又香又有鲜味。啲饭有好重嘅腊味味，好香啊！但系做出嚟又唔算好油腻，非常正！😂😂另外，服务员的态度非常之好。又唔会嫌我要相机食先太麻烦，又会同我地讲笑。另外价钱就中上啦，不过一家人过节就冇所谓啦haha.😊😊
继续阅读