南大門

营业中

休息中

龍蝦芝士伊麵🍜龍蝦味濃郁不膩，龍蝦新鮮有彈性。Yummy Yummy Yummy😍😍😍椒鹽瀨尿蝦，肉多，新鮮，有點小辣.喜歡吃辣的應該會喜歡😍也很不錯nice

這天我們一家book 了28 號房慶祝家人生日，所有服務員態度非常好，特別係袁翠英服務員招呼周到，非常親切。加工食品也有水準，好有鮮味。我們一家都非常滿意。期待會再次剛顧🥳👍🏻

難得放假同屋企人出去玩，去鯉魚門食海鮮，屋企人推薦南大門，所以今次終於都要黎試下。望住個靚海景，胃口大開，煮海鮮火候岩岩好，好新鮮好好食，彈牙爽口，下次一定會再同屋企人再黎！

朋友介紹,話依家去鯉魚門食海鮮,加工費唔算貴,且煮工不會差,所以約埋屋企人,一行4人去試下,朋友推荐南大門,近海,風景靚,環境好,招呼好,星期日怕人多,所以一早打去訂了晚上5:30.朋友分享,話系係鯉魚門買海鮮可能較貴,所以系黃大仙買完料先入去加工,準時5:30去到,一入去放低海鮮,講好煮法,就坐低飲茶等食,加工費真不算貴,分$130/人和$150/人兩種價錢,因貪單邊和海景,選擇了$150/人,4個人$600包4個海鮮加工,我們買了5款,所以要另外加多元120.餐廳環境好好,可能時間還早,暫時得6-7台客，坐得好舒服，加上望住個海景，真係心曠神怡！坐咗十分鐘左右,食物開始陸續上枱:椒鹽瀨尿蝦,口感清甜, 外脆內嫩！味道剛剛好！上湯龍蝦米粉底,配以金黃色的上湯汁,蝦肉鮮嫩彈牙,而煎米粉吸收了龍蝦的鮮味和調配得恰到好處的上湯汁,好食到不得了,真係冇得輸!鼓油皇大蝦,鮮甜爽口彈牙,正!蒜蓉粉絲蒸元貝,火候剛好,肉質爽嫩,金銀蒜委好香,味道不錯！油鹽水浸花蛤王,湯汁奶白,味道鮮美.到最後還有甜品送,每人一碗木瓜糖水, 好甜好正,今餐好豐富,食得好飽,好滿足!埋單900零蚊,加埋買料1000左

海鮮好食，服務好！ 洲姐服務十分好。龍蝦好食，似龍，瀨尿蝦整得好味，食到想瀨尿！聖子很大，豉椒很配，海班會游水，游到鯉魚門。生果很juicy，正正正！！！服務一流

好多地方都可以買海鮮去餐廳加工.海鮮質素就睇本身海鮮檔嘅來貨，但要提升海鮮質素,味道嘅關鍵詞，就在於餐廳烹調方法同技巧!南大門係我食咁多間，食極都覺得係最好嘅～火候啱啱好海鮮唔會太熟～😋特別要食佢✨椒鹽同✨鹽焗嘅煮法，非常出色！調味亦唔會過鹹同時唔會太油膩😋👍🏻而且服務好好如果撞正太陽落山時間，仲有鹹蛋黃睇🌅🌅美食美酒美景🥹諗起又想約定下次～～

一月十六日今日我地屋企做冬 一如以往屋企人一早打電話去餐廳訂左海景房，今日我地坐位於二樓既海景39號房間呢間房有電視機 同獨立洗手間唔使同人爭，行出去有個無敵露台，小朋友有電視機食完有電視睇唔會甘悶，由於今晚做冬特別請海鮮檔 ［美和漁港海鮮］幫忙訂左幾樣海鮮，一隻燒豬同埋燒鵝。今晚做節樣樣海鮮都係重頭戲，所以無點到貝殼類。一出場就黎食燒豬 超級好食 甘凍既天氣食特別好食 再黎就係明爐燒鵝，半隻每人兩舊份量剛剛好，之後就黎原隻清蒸加拿大阿拉斯加蟹，呢到既蟹同出面食到既有分別，鮮味好多。再黎就係呠酒焗生蠔用煲上，一攞起個蓋成間房都香味十足，再黎個招牌菜澳洲龍蝦配芝士。學飲食節目既講法 龍蝦有芝士味 芝士有龍蝦味，總之就好好味再黎又係每次黎到非點不可既椒鹽賴尿蝦。海鮮檔好老實12個人每人半隻真係剛剛好唔會浪費。之後到南大門好出名既辣酒煮花螺，由於用手成賴尿蝦無影到相最後黎過冬天必食既蟹肉豆苗，D蟹肉多到差唔多覆蓋哂D豆苗，真係好足料。每次買海鮮都黎［美和］買真係無失望。今晚辛苦哂幫我地安排房間既黃經理同招呼我地成晚又同頻頻幫我地換碟既眉姐，食海鮮換碟換得快真係好重要，真係要俾個讚佢地

好多年前去過南大門食海鮮，食完覺得無乜特別，只是較貴。上網搵下資料，發覺D 食評好多都大讚呢間海鮮酒家。今次家人生日，一行十幾人，決定再試呢間酒家，結果很有驚喜。每碟海鮮都做得非常出色！無論刺身，蒸，煮，炸時間同火路都控制得好好，食材的鮮味帶出。順帶一提，海鮮店推介，就近南大門的’美和漁港海鮮’的海鮮貨真價實，老闆一家人都很友善，海鮮鮮甜，下次一定再幫襯呢間！P.S. 南大門煎米粉底係必試，上湯掛係米粉底，入口香脆，有上湯味道象拔蚌刺身上湯龍蝦煎米粉底蒜蓉粉絲蒸扇貝蒜蓉粉絲蒸蟶子椒鹽鮑魚椒鹽墨魚清蒸海班

之前聽就聽得多， 通常都話鯉魚門食海鮮， 好味但貴。 於是今次去之前都預多左budget 大約$1000 位耐唔耐一次都冇咩所謂啦地點： 油塘站行過去都容易， 不過南大門係鯉魚門位置最入嗰間， 但個海景就係最靚ge, 對正筲箕灣愛蝶灣， 裝修都好光猛， 似係中上級中菜廳格局服務： d 姐姐好好招呼， 特別係妹姐， 唔多出聲但好幫手， 其他人都會自動波幫你收碟換碟， d 洗手水凍左又會幫你換過d 熱ge食物： 佢地自己冇海鮮， 要由出面檔口買返黎加工提示記住帶夠現金，咁就唔駛俾多10% 代付費蟶子4隻豉椒炒（好鮮甜）扇貝2隻蒜蓉粉絲蒸（正常發揮）龍蝦一隻 刺身+上湯焗 (好鮮味）瀨尿蝦 清蒸（聽梁祖堯節目極力推介咁煮，多膏，正到離L譜）下次試埋椒鹽， 據說係鋪頭招牌煮法送南瓜薏米露（好滋潤唔太甜， 完美句號）埋單剛剛within budget. 如果早知帶夠現金就平10% 代付費， 下次醒目d 先

過年前難得偷閒一日，放低小朋友同老公去撐枱腳🫰🏻之前見朋友食過南大門，朋友大贊師傅調味一流，諗起即刻走嚟試，果然正🙀👍🏻酥炸墨魚皮薄訽脆，椒鹽瀨尿蝦火喉岩岩好👏🏻👏🏻蒜蓉粉絲蒸北寄貝味道無得頂😋當然唔少老公至愛嘅薑蔥炒蟹啦😍炒豆苗又夠嫩🥳食物味道好之餘，環境都好正，個view好開揚，咁啱今日天氣好感覺好relax😌下次希望帶埋三五知己一齊嚟食👐🏻Ps Lunch time人少少好啲兔年再encall😎

上週我們一行十多人晚餐，餐廳窗邊無敵海景，裝修乾淨舒適。厨師手藝高超，加工海鮮香味撲鼻，軟滑鮮甜，火喉洽到好處。有客人不慎行山扭腳拗柴，職員提供藥物冰敷，關心備至。對餐廳厨藝及服務水平欣賞加贊👍👍

第3次黎南大門食晚飯 2023年第一餐海鮮宴。1月7日既今晚係我舅父生日，我地一早訂左南大間既2樓海景39號房間 亦同海鮮檔訂定海鮮 確保今晚舅父想食既都一定食到 我地去到“美和漁港海鮮”同左今晚既主角阿搵斯加蟹影左相先 同選購埋其他海鮮就開始我地晚餐，今晚因為兩圍檯，我地選擇左長老級一檯，另一檯年輕人所以兩檯既煮法都唔一樣 第一道餸先黎個清淡D跟著又係南大門必食既豉椒聖子炒米粉底再黎個鮮味既 蒜蓉粉絲蒸牙蚌我地就食芝士澳洲龍蝦配伊麵 ，而隔離檯就食薑葱龍蝦配伊麵芝士滿到呢，身為芝士控既我已經睇見都覺得好好食。椒鹽賴尿蝦處理得好好唔乾身，而且特別要讚下廚師們個蒜蓉好好食，好食到我連埋紅椒一齊食 之後就到今晚既主角，由舅父唔食得所以就唔放相啦，今晚既主角阿拉斯加蟹紅燒南非鮑魚各大長老都話好淋身 就算甘大隻連中間個芯都唔使落刀切，真係軟淋淋好好食。最後蒸海班，已經超級飽多謝哂舅父，除左多謝舅父仲要多謝海鮮檔送上一盤超大盤既芒果拼盤，D 芒果多到遮哂下層既水果最後多謝黃經理既安排，同陪左我地成晚但又無份食既林小姐同許小姐，佢地既服務同效率真係好好，同埋一眾廚師大哥為我地煮甘好食既海鮮。今晚大

今日公司食飯，決定去鯉魚門食海鮮，最後決定咗去南大門，而海鮮就去觀塘瑞和街街市買，海鮮就買咗唔使$4000，有10樣海鮮，但係做咗11道菜，加工費連埋啤酒汽水房間就$3500左右 ，整體味道非常好，但海鮮就有一兩款唔係太合格就係奄仔同賴尿蝦，因為係街市買唔係好靚，所以就普通咗啲，整體來講抵食夾大件😋

Just visited this restaurant for my grandmother's birthday, and it didn't disappoint.  The food was well cooked, it was very tasty and not salty so it's just for our family's taste.  The service was exceptional, they properly took care of everything from start to finish.  We had booked a private room because we had a large group so the dining environment was great.  Even for the main dining area, I saw each tables were properly spaced out so overall the interior provided a good dining experience

1月1號晚，鯉魚門好多海鮮酒家都坐唔滿，南大門就坐滿咗。環境好正，對住個海，夜色好靚。先去買海鮮，真係海鮮價，行多幾間比較下，最後分別喺兩間海鮮鋪買海鮮，買得多海鮮舖可以送魚湯料，送生果就一定㗎啦。記得同南大門講要佢送個湯，如果唔係會收加工費。海鮮加工好味，唔會太鹹太濕，必試咕嚕肉。珍姐招呼一流，由落單，上菜，換碟，都跟得好足。但上菜太快，個經理話你唔叫慢啲上，就係咁快㗎喇，驚上得慢啲客投訴喎。又唔係食法國菜，點會有人嫌佢上得慢啦，所以扣一粒星。芝士龍蝦米粉；薑蔥南非鮑魚煲；蒸東星斑都好好味。