南大門

营业中

休息中

Friend's birthday meal.  The seafood was very fresh and  tasty, everything was done right, nothing overcooked! I thoroughly enjoyed all the dishes but I highly highly recommend the lobster dish with fried noodle (not your usual e-fu noodle!), it was out of the world! Service was really good too, we got a free calamari & free desserts (mangos and sweet soup, both very tasty). It was an unexpectedly good experience as I was just expecting dai pai dong kind of standard.  10/10 will eat there again!

環境食物都是一如既往的好，美和的海鮮很新鮮，食物美味。英姐的服務很周到。我們三個人點了4道海鮮，龍蝦伊麵味道非常不錯。蟶子味道也很好。東星斑價格公道。瀨尿蝦也非常不錯。用餐過程中服務很好，頻繁幫我們換碟，酒樓環境也很不錯，窗邊位風景漂亮。提前預定非常值得。鯉魚門最好的海鮮酒樓。餐後的水果也非常好吃。無論是食物質素，用餐環境，服務質量都可圈可點。酒樓位置在鯉魚門海鮮街的最裡面，非常建議大家來吃海鮮的時候考慮南大門

久違既海鮮 去左老豆鐘意食既南大門 當日坐左係17號枱 直接對住個海景 風景非常靚.不得不講既係 裝潢靚既同時 侍應都好好人 食海鮮一定遇到既成碟殼 娟姐一見到就會幫我地換碟 都唔洗我地叫人幫手換 首先上枱既係生蠔 非常新鮮/惹味 可以同侍應講要啲辣椒仔 加1、2滴再食就一流第二碟就係南瓜汁龍蝦炆米 南瓜汁配上新鮮既龍蝦 仲有脆口米粉 非常好食第三碟就係豉汁粉絲蒸北寄貝 北寄貝超大隻 食之前 淋返啲豉汁上面再食 紮實既口感加上豉汁 正第四碟係豉椒炒蟶子 呢碟十分惹味 煙韌既蟶子搭上香口既豉椒 搭配一流第五碟係炸鮑魚 成個鮑魚最為畫龍點睛既點就係上面既椒鹽 又香又脆 再配埋紮實既鮑魚 冇得彈第6碟係海鮮湯 魚同蜆一齊煲 因為落左豆腐 仲有點豆香味 食完咁多海鮮後再飲 令到個湯十分香甜最後就到蒸魚 蒸魚就冇咩好講啦 同咁多海鮮相比 就難免有啲失色 但係作為最後一碟 佢成功填滿我地胃最後既一絲絲位置

海鮮有鑊氣，衛生，服務好👍🏻我們在附近買了龍蝦聖子賴尿蝦和鮮魷，很美味，弄了上湯龍蝦、椒鹽鮮魷賴尿蝦、豉椒蟶子，特別喜歡椒鹽的味道炸漿不是很厚，侍應服務很貼心

三號風球下的晚上，無阻我們相約在南大門！6人海鮮餐，我們在相熟嘅店舖（美和）揀海鮮！雖然在休漁期中，但海鮮也有選擇！這個是我們的菜單：象拔蚌刺身，膽用來煲粥配豉油王炒麵鹽焗奄仔蟹白灼聖子椒鹽鮮魷白灼蝦龍蝦米粉底大滿足的晚上！餐廳送的芒果🥭好甜好好味😋南瓜糖水也不錯！今晚我們坐16號枱，感謝店員保珍姐為我們細心服務！很有水準的餐廳！很好的服務！

8月6號與老友三人來南大門海鮮酒家慶祝•老友的兒子事業有成請吃飯！另特別開心是飯店嘅霞姐特別好招呼，仲特別開天台位俾我哋，多謝晒！我哋買4樣海鮮🦞過嚟加工，飯店煮嘢係我覺得全港最美味的酒樓！

呢間餐廳服務又好野又好食呀。特別係17號臺服務員🥳🥳🥳🥳🥳服務員比較真誠。會話比我哋知菜係咪應該夠，唔會亂叫我哋點太多。個地方好方便呀有好多好嘅好新鮮呀。個景色徬晚好靚，非常適合一家人，情侶去，感覺黃昏的時候最浪漫。一邊欣賞景色一邊吃海洋，感覺真係太正。海鮮推薦龍蝦刺身，炒蜆，姜蔥炒鮑魚…所以其實我哋都好推介呢間餐廳都可以好值得你一試嘅😆😆😆😆😃😃😀😀😀😄😄😄😄😄😘😘😘🥰🥰😍😍😍

今日同一家人入鯉魚門食海鮮，雖然不是第一次，但今次在南大門食到煮得恰到好處的椒鹽賴尿蝦，唔太油唔太辣剛好熟，實在好好味。另外連賣海鲜的老闆也進介的咕嚕肉，原本我一家也不信有什麼特別，但食海鮮到一半，發現枱枱也叫了一碟，最後我們也忍不住叫了一碟，之後我們就明白了，真係食海鮮時的小菜首選，酸酸甜甜啱晒食海鮮時食，但份量少而價錢貴了少少。另外我今晚坐十號的枱服務員，服務態度一流，一個小動作已經知道我哋想要什麼，令我一家不其然也飲多兩杯，今晚的體驗真的不錯，下次我哋應該會再選擇南大門。

今日天氣好熱，好多年都冇黎過南大門貪佢唔會呃錢，地方又夠舒適晏晝去旺角街市買咗啲海鮮，賴尿蝦+海蝦+蟶子+花螺原本諗住買多條魚，但係驚食唔晒，所以買完直接過黎東大門加工講下啲海鮮加工質素:兩隻椒鹽賴尿蝦，炸得乾身，掂！ 一斤海蝦豉油王煎封，味道啱啱好！豉椒炒蟶子，不過不失！加左個紫菜豆腐羹，有驚喜，好好味！辣酒煮花螺，呢個都係招牌，冇得輸！臨尾仲要送左個南瓜糖水，一啲都唔Hea，好食😋不得不讚翠英姐，好好招呼，換碟都換左10幾次😂枱號24號，希望佢記得啦！滿足！不得了！一定會再黎幫襯

離港一年多,舊地重遊南大門,今特意提早5:30去,想睇日落,很幸運可以睇到大大個咸蛋黃,4個人買咗清蒸海班,椒鹽尿蝦,豉椒炒蟶子皇,辣酒煮花螺,出品同招呼都能保持一貫水準,最值得一提是女侍應娟妹推薦金獎咕嚕肉,初時心想咕嚕肉會有甚麼特別?見她咁有誠意,就叫了試吓,一試果然是非一般貨式,入口皮脆嫩,是用新鮮豬肉做的,汁醬酸甜適中,令人回味,如下再來這會是必點菜色

難得同屋企人慶祝生日嚟到鯉魚門食海鮮喺觀塘買咗海鮮再嚟到呢邊煮其實啲海鮮煮得唔錯服務態度都好好無問題可惜個敗筆就在於個咕嚕肉個價錢實在太貴大家去食真係千祈唔好嗌佢啲小菜同埋本身見到有啲youtuber去食嘅時候就算冇喺鯉魚門買海鮮都會有啲甜品送但係我哋去到問嘅時候就話要喺海鮮檔買嘢先送

椒鹽蝦頭好似垃圾，牡丹蝦刺身隻隻刺身都仲有幾隻腳黐住咗，炒通菜完全唔掂，可能閒日1:30鐘先入去，師傅已經坐喺門口食煙仔。 油鹽奄仔蟹，勁咸。最好食係煎米粉底。環境比我想像中污糟，好多烏蠅，茶壺嚟到個咀仲有豉油。

南大門每次啲食物都保持水準，非常好味道，望見廚房都好乾淨企理。啲員工又好禮貌，招呼周到，價錢合理。樓上樓下環境舒適，今次坐喺樓上V28號房，望出去維多利亞港夜景非常靚。值得再去幫襯!

一行七人，預祝父親節嘅晚餐，今次揀咗嚟鯉魚門食海鮮～首先，屋企人已經事先去咗觀塘買海鮮，然後就到南大門加工煮！安排咗我哋喺房入面嘅窗邊，睇住海景食，好正🤩仲有，服務員英姐負責我哋枱，服務一流，換碟換得好密👍🏻自己買嘅海鮮有琵琶蝦，蟶子皇，鮑魚，九節蝦同埋東星斑呢道上湯琵琶蝦煎米粉底 非常出色！個煎米粉底索晒啲汁都仲好脆好好食😋 然後仲有椒鹽鮑魚蒜蓉粉絲蒸蟶子王 呢個煮法實無錯！豉油王炒九節蝦 好入味蒸東星斑 新鮮無得輸另外仲叫咗椒鹽鮮魷同2碟菜～英姐仲送埋甜品比我哋，完美嘅句號🙌🏻食得好滿足嘅一餐🤲🏻

放假第一擊，落住雨，去食海鮮，更有情調。幻想和大海融為一體 😂😂😂好大鄉里咁樣第一次嚟鯉魚門，就去間最有名的 #南大門 飽覧呢個無敵大海景🌊自己出去買海鮮，再帶回店內加工阿姐好好客，送咗個湯俾我，本身話係蜆湯，點知最後係長腳蟹😍 不過無影到另外仲送生果，芒果布甸同糖水😆想唔肥都難🙈至於我哋買咗咩食？睇相就知道厲害了🙊蒜蓉粉絲貴妃蚌 爽口彈牙🦭豉椒大蟶子炒米粉底 米粉底好好食🤤椒鹽斑馬賴尿蝦大大隻勁多膏 🦐芝士龍蝦伊麵底 🦞白灼東風螺好鮮甜🐚奄仔蟹 平時唔食蟹嘅我都食咗一邊🦀小小東星斑夠滑溜🐟瘋狂愉快笑開懷的一晚🥰