南大門

营业中

休息中

九月十日 同家人慶祝就選擇去食飯 南大門經常滿坐 所以要一早訂定檯 由於酒樓家人已經訂好 我同家人先黎就直接去 【美和漁港海鮮】選海鮮 之後先入酒樓 我地坐係21號檯 第一味餸食豉椒炒聖子 跟著就食蒜蓉粉絲蒸扇貝 之後就食家人最期待既澳洲龍蝦焗伊面 第三味菜完全反映到侍應既效率 換碟換得好快 所以都要係到讚下 服務員霞姐姐 食完芝士龍蝦成手芝士無影到條蒸東星班 跟著就食油焗奄仔蟹 個奄仔蟹D羔真係好多好肥 繼續落黎就係為老人家而點既大班炆骨 最後食埋炸蠔 南大門個王經理都好好服務 見佢都有問家人意見 真係十分欣賞 當晚味道海鮮大家都好滿意 期待下一次再黎

對上一次嚟鯉魚門食海鮮已經係n年前嘅事，見好多人讚南大門嘅做工唔錯，價錢合理又有靚景，一於襯屋企兩位男士生日嚟試吓。我哋係喺觀塘買海鮮入嚟加工，本身book咗七點，過到嚟6點都未夠就先去南大門放低啲海鮮，諗住周圍行吓等夠鐘先再返嚟，點知佢話驚啲海鮮放得耐會唔新鮮，見我哋人齊就叫我哋早啲入去，呢點值得讚👍🏻今晚總共食咗五款海鮮-芝士焗龍蝦伊麵底，椒鹽瀨尿蝦，豉油王海棕蝦，蒜蓉粉絲蒸扇貝同埋油鹽焗奄仔蟹，每一款嘅味道都恰到好處，尤其係豉油王海棕蝦走油出色，食到最尾嗰隻都仲舔舔脷😋不過額外叫嘅魚湯浸菜芯就比較失色，無下次😝最後要讚吓今晚負責13號枱嘅英姐，風趣幽默，服務殷勤，仲送咗海鮮湯同甜品俾我哋添❤️總括嚟講南大門都係一個唔錯嘅選擇，不過下次要再早少少嚟坐「真」窗邊位，可以嘆住日落chill吓😆

一早訂位，所以可以坐窗邊位，5點半入座，6點左右日落🌄靚景加海鮮！係隔離樂意買左海鮮係呢邊加工，老闆娘好好人，好細心介紹👍🏽。而南大門服務唔錯，會起菜前確認多一次訂單，值得幫襯！（特別表揚侍應阿英）

生日老公問我想食咩，我話想去chill d既地方飲兩杯，食咩都得，最尾佢決定左去鯉魚門食海鮮。初初一路行入去，好多舊式既酒樓餐廳（都好乾淨企理），不過行到尾見到南大門係有眼前一亮既感覺，一入到去坐低就望到好靚既落地玻璃海景，雖然坐路到玻璃窗隔離，但餐廳唔算好大，隔一兩張枱睇個景都係好正。服務亦很好，侍應姐姐又幫手影相，又勤收碟換碟倒酒，食飯過程十分高興。食物我同我老公都認為佢地既處理得恰到好處，上湯龍蝦鮮甜，底既煎米粉都香脆，侍應姐姐都有提醒我地要先將米粉夾開，以免太淋。鹽焗奄仔蟹一上枱時就聞到香味，鹽焗既處理手法都有帶出奄仔蟹d膏既香味。蒜蓉粉絲貴妃蚌係一貫酒樓水準，十分香口，老公話如果唔係我地叫太多野食，都會叫碗白飯送汁。另外我地仲點左油泡鮮魷西芹，菠蘿咕嚕肉，酸薑皮蛋，全部都好食👍🏻**海鮮係出門海鮮檔揀，任何一間都可，我地有朋友推薦果間都真心唔錯**

趁中秋節同一家人過黎鯉魚門食海鮮🦞。環境闊落，乾淨衛生。食物水準一流海鮮好新鮮。叫左豉汁蟶子，辣酒煮花螺，薑蔥蠔🦪，椒鹽奄仔蟹，生炒骨，薑汁芥蘭，全部都好好食。蟶子隻隻都好大，煮得好香好入味。花螺唔會太辣，十分野味。全場最好味係奄仔蟹。賣相好吸引，相都無影就開始食。隻隻都爆曬膏仲要啖啖肉非常正。生炒骨同芥蘭味道都好好。整體黎講十分滿意。值得讚賞既係服務員態度都好好，英姐服務得好周到仲送埋糖水俾我地食，下次會再棒場

周末来了南大门，特别值得推荐。服务员英姐服务热情周到。海鲜都是周围市场买的，特别鲜活，味道好极了。服务员安排在靠海边的位置，风景独特，美景和美食搭配。下次还会来值得推荐

我哋喺黃昏嘅時候到達，個景真係好靚。吳小姐照顧得我哋好周到，同埋海鮮都好新鮮。有一點想提醒大家。如果餐厅唔忙嘅話，記得要求佢哋海鮮逐個上，咁你就可以慢慢欣賞，唔怕啲嘢凍哂。最令人難忘嘅尤其是嗰個煎米，一定要試，包你食過返尋味。

第一次跟老闆到南大門食海鮮，想不到星期六午餐座位也有8成滿，食物資素應該不錯。首先，服務員很有禮貌，也挺細心，服務一流，值得讚揚。海鮮全部都很美味，特別推介芝士焗龍蝦伊麵，上枱就香氣樸鼻。牡丹蝦刺生也很鮮甜，椒鹽瀨尿蝦是重頭戲，果然沒令我們失望。椒鹽鮑魚也相當不錯，豉椒炒蟶子也很好味。雖然價錢略貴，但食物質素，服務水平和餐廳裝修，加上海景，絕對對得起這個價。想找間得體的海鮮酒家，南大門是不錯選擇。

02/09/2022 與友人在南大門聚餐。餐廳沿海邊位以大玻璃裝飾，我們事先預訂了窗邊位11號枱，所以當日美麗的落霞美景一覽無餘。此次我們是從觀塘瑞和街買的海鮮。一入餐廳門口，收海鮮的美女娟姐笑容可掬，非常熱情！用餐過程每次上2種海鮮，速度正正好，非常贊。最愛惹味椒鹽瀨尿蝦、上湯龍蝦煎米粉底，必點！負責我們檯的小姐姐好Nice ，幫手照了不少靚照。此次成班朋友仔食得好開心，即刻又在這預訂的了10月份下一次的飯局。

周末携爱妻来鲤鱼门吃海鲜，在海鲜店买了一只大龙虾和一个大螺，来南大门加工。南大门作为鲤鱼门最有名的店，那是必须来这里加工的。餐厅风景不错，就是人气太旺盛有点吵，海鲜味道不错，品质稳定，服务员英姐的服务特别好，能讲国语，有问题问她都很热情，并且还送了我们水果，吃的非常满意。

侍應有禮 service 好好食物可以叫起 唔洗食得好急👍🏻食物價錢合理 明碼實價 唔洗驚俾人燙到一頸血🔪食物有質素 象拔蚌刺身正 上湯龍蝦煎米粉底超好食 椒鹽賴尿蝦好香口環境很好 乾淨 有無敵大海景值得一試

今晚為慶祝老細大日子我哋有四圍枱一齊享受海鮮大餐坐21號枱仲有個大海景服務姐姐好細心唔會冷落每一位客人每到碟餸都會幫你換隻新碟姐姐個名叫做翠英姐姐服侍周到食物質素更加冇得頂清蒸鮑魚象拔蚌刺身豉椒炒蟶子白灼海蝦班球兩食芝士焗龍蝦伊麵椒鹽賴尿蝦蒜蓉粉絲蒸扇貝清蒸花蟹椒鹽象拔蚌膽仲送咗每位一碗糖水食物質素超級好無論環境定食物質素都非常之好我一定一定一定一定一定一定一定會再嚟幫襯Good Nice perfect

落波之後來南大門食嘢，環境很新淨，窗邊位置好好，可以看海🌊。不論朝早，晏晝，夜晚來都可以睇到好靚嘅風景。😆粉絲蒸扇貝好食，扇貝料足都好入味，亦很新鮮！蟹🦀️瀨尿蝦🦞炸魷魚🦑咕嚕肉料足，好味。瀨尿蝦好大隻。炸魷魚酥脆仲有龍蝦粥，十分綿密。蒸魚🐟新鮮，汁鮮，小朋友都好鍾意食。最後嘅生果芒果🥭都好甜，南瓜薏米軟糯服務人員專業，態度好，適合想食海鮮嘅一家大細或者朋友一齊來，係一次好好嘅用餐體驗！❤️

家住觀塘區，生日食海鮮當然係三家村食。一直知南大門呢間嘢，次次經過都想試，終於趁生日前一家三口去試下。大約1點去到，坐滿一半以上，冇book枱雖然冇窗口位，但都係近窗隔離枱，一樣可對住無敵海景用餐，感覺不錯。坐低後出去嗌海鮮，揀咗附近間「美和海港」買，心水蟶子同龍蝦係必食，3個人就叫了6隻蟶子開邊蒸，兩隻細龍上湯煮加個米粉底。最後叫多3隻大蝦豉油王煮，同椒鹽鮮魷。原本想叫多隻蟹，油鹽水焗，不過海鮮檔好老實講，話我地兩大一細未必食得晒，認真細心😎👍先嚟『豉油皇大蝦』，個殼炸得脆卜卜，味到剛好，唔太鹹，隻蝦仲有膏，我連殼食晒讚👍再嚟『椒鹽鮮魷』，正常發揮，趁熱食送酒一流。『蒜蓉蒸蟶子』，火喉剛好，夠鮮。重頭戲『上湯龍蝦開邊跟米粉底』，啖啖肉，米粉底夠脆，索晒個汁同龍蝦鮮味，比一般伊麵處理好佳👍服務員態度良好，不時主動換碟。食完仲送芒果做甜品💯食完仲去埋附近買豬肉乾，是日大滿足😋

上星期兩口子走入嚟食海鮮，叫左個琵琶蝦煎米粉底，一試難忘難得今日有朋友生日，一行六人再嚟食過。買左幾樣海鮮，樣樣都煮得有水準👍🏻上湯龍蝦煎米粉底簡直係出色🦞最緊要係員工超好記性，一眼就認得我地，仲講得出邊晚嚟食過，好野👏🏻👏🏻娟娟，你係得嘅👍🏻仲好好service, 主動加茶送糖水，性價比超高👍🏻好快會再嚟幫襯😋