半糖主義 (已易手) 新餐厅

多餘野唔講咁多，熱腐竹糖水OK正常，木筒豆腐花面頭多豆皮(似蒸水蛋個面唔靚仔咁)，賣相及面頭質地唔得(質感形容唔到)。底層雖然算係滑，但豆腐花無豆味，我真係唔知食緊乜。提提兩項服務需要改善，第一，抹枱塊布唔係用成日唔駛洗，你抹完一陣酸縮味，叫人點有胃口。第二，如果你見個客碗野食咗兩啖就埋單，你可以試試問下碗野有乜問題，唔係人地埋單你收走碗野就算。如果你有興趣改善一下你D質素的話。(希望店家會看到我的意見)

無意中經過這間甜品店，估唔到啲西式甜品咁好味，而且價錢相當抵，完全係性價比高！基於我同朋友晚餐都食唔多既關係，我們一點就點左豆乳拿破崙，Oreo雪花冰，仲有未見過既伯爵茶燉蛋！最意外是居然有花茶，食完甜品可以飲花茶解甜，好難得呀！喺等緊野食既同時，佢側邊有得攞啲board game玩，唔會太悶，好似去左Café咁，好寫意。首先係個豆乳拿破崙，佢有3層，每層都勁鬆脆同勁薄，再加埋豆腐味既cream, 唔會太濃味，仲有配埋啲小丸子同埋個雲尼拿雪糕，好好味👍🏻跟住係個伯爵茶燉蛋，完全係意外驚喜，茶味勁燶，又好滑身，超正！最後個Oreo雪花冰勁大個，啲Oreo粉多到跌曬落黎，勁足料，仲有件cheesecake勁大舊，但估唔到既係個底居然仲有紅豆，本身雪花冰冇乜味，所以配埋個紅豆就啱啱好。之後嘆翻壺花茶，先$30, 勁大壺😂😂

約咗老朋友出來交手信，大家也是甜品控，所以每次大家發見好餐廳，也會即時相約去試。 今次她帶我去＂半糖主義＂，令我十分驚喜。 味道不太甜，讓人品嚐到真材實料帶出來豐富味道。店內掛上光猛燈飾配上白梳化，令人感覺清新。有中式糖水又有西式甜品，更有很多不同款式組合選擇紫薯拿破崙酥皮十分香脆，紫薯茸唔甜又香滑 。 用义輕壓在酥皮上，已聽到鬆脆聲音。桃膠蓮子燉奶奶味香滑不太甜，桃膠蓮子份量十足，吃完感覺皮膚也滋潤了。芒果汁甜度適中，入口帶濃濃芒果清香味。原味梳乎厘班戟即叫即整超級新鮮梳乎厘，雖然要等得較耐。 但經過他們的用心製作，每一口也是超鬆軟感覺質感，令人感覺到就算再等耐D也是十分值得。

作為西環街坊，睇住啲糖水鋪不斷開不斷執，有時可能食都未食過佢就已經消失左,所以，今次快快手就去左屋企附近呢間半糖主義試下~ 佢個位置唔算易搵，佢唔係喺主街，附近都係車房，連街坊都要google map 下先個位~ 一入去，入面裝修好簡潔簡單，我地去嗰時唔算太多人我同朋友就第一時間衝去「半糖」打卡位坐低! 吖，係喇呢度係標榜甜品只用半糖/少甜，好啱啲港女們ss ahahha!!睇睇menu有好多選擇，中西式都有，依家好HIT既梳乎厘pancake, waffle, 心太軟,拿破崙，雪花冰,芒果西米露等等除左甜品，原來佢仲有all day 同tea set食，嘩先$48/ $98 因為今次係aim 甜品，所以下次先試呢個! 我地叫左: 芒果芋圓小丸子$42糖水個底好濃芒果味，加埋我最愛既小丸子同芋圓好正~~~ 士多啤梨奶味雪花冰（細，$42）呢個有驚喜! 雖然係細份，但士多啤梨嘅份量唔少! 雪花係好綿嗰啲，而且佢入面有啲爆珠珠，再加埋煉奶甜味剛剛好喇! 我仲買左個甜不甩 $22外賣比爸媽，佢地話好好味~~ 佢地係用原粒花生，因為我爸好鐘意食花生所以佢大讚! 

今天跟女友在堅離地城附近逛街，午飯後就想著找間甜品店來個飯後甜品，在OpenRice 看到這家名叫半糖主義的甜品店，没想多久就決定嚐嚐鮮。當進入這家店時，發現裝潢還算別緻，其中一幅牆壁上，還有一個寫著「半糖」的霓虹燈裝飾，我們便毫不客氣走過去坐。餐牌上應該有的甜品都有，還有些特色糕點，我們花了若干時間，最後點了朱古力心太軟、豆乳拿破崙、檸檬花茶、木瓜奶；食物没有等很久便上枱了，我們第一時間當然為他們拍下寫真，遺憾是霓虹燈，視覺上的確很吸睛，但卻没有為相片中的食物加分，唯有自己打燈好了。朱古力心太軟，口感豐富，外層香脆的蛋糕，內層濃濃的流心朱古力，份量適中，整個吃下也不會感覺太膩。豆乳拿破崙，没有想像般濃濃的豆乳味，但咀嚼過後，卻有一絲絲淡淡的豆香，酥皮鬆脆，配合柔軟的豆乳，滿滿的幸福感，適合不愛太甜太膩的朋友們。雖然花茶没有什麼特別，但木瓜奶還算有驚喜，新鮮搞拌，上枱時還是暖暖的，牛奶和木瓜比例適中，可一嚐。題外話，由於店鋪名字叫半糖主義，我好奇心驅使下，便不客氣問店鋪員工，才得知她們並非只用一半的砂糖做甜品，而是採用希少糖，全天然的植物糖，那刻才知道原來甜品也可以吃得美味又健康。

甜品一向係令女仔又愛又恨嘅嘢，難得細心嘅老闆可以設計出一系列主打只用半糖製作嘅中西式甜品，簡直為各位注重健康又貪靚嘅美少女們帶來一大喜訊👏🏻👏🏻個人極力推薦：💜紫薯拿破崙💜紫薯蓉十分十分十分香滑，加上金黃嘅酥皮，層次分明，鬆化香脆，食咗第一啖後心心眼即時出現😍其他必食推介：士多啤梨窩夫 （甜蜜滋味）桑寄生蓮子蛋茶 （女生必備）即撞木桶豆腐花 （新鮮夠滑）紅棗蓮子燉雪耳 （滋潤之選）值得一提，半糖主義只係距離堅尼地城站3分鐘步行路程，店內裝潢簡潔清新，仲有老闆細心為大家準備嘅益智類遊戲，確實係大家飯後聚腳嘅好地方😁

四處都是糖水鋪，不過坐得舒服唔係得好多間。我比較麻煩，又要坐得闊落靜靜地，又要D食物唔錯，咁先至係享受。今晚路過堅尼地城，朋友推介我去呢間新開張的糖水鋪「半唐」打等，見個裝修唔錯，餐牌設計又有心思，就即管試一試。食物等得耐一點，不過我個Oreo 芝士雪花冰黎到，心裹的怨氣無哂。從餐具到食物，眼見廚師用心去整既糖水，係值得一等既。灑在表面的Oreo 及煉奶味道較濃，撞花冰就中和番，唔會過甜。口感方面，由於材料配搭得好，咬落去都幾正。不過我唔小心整到通枱都係，鬼叫座野太高咩！好彩係佢未跌落黎之前，影左張相。服務員都唔錯，唔洗叫，一見到我反哂白眼🙄️，都識得幫我整理番張枱。

甜品對我來說佔的地位十分、十分、十分 (重要的事要講三次)  高，飯可以唔食，甜品一定要有。 每那晚食過晚飯後最好當要可以品嚐甜品，這是我的心願。 那晚和友人在堅彌地城吃過簡單晚飯後，第二個胃還未開動，於是朋友帶我來到北街尋甜。   位於街角上，不太顯眼，如果唔係朋友帶路, 夜蘭人靜相信我走到 。 店子應該是新開不久，感覺很新淨，燈光充裕，一貫新新派的甜品店裝修。牆壁上一大幅壁晝相當吸睛, 大家有興趣可以慢慢欣賞。餐牌上西式甜品選擇並不是太多，主要分幾類，心太軟、PANCAKE (供應時間只到7:00 令我好失望)、窩夫、拿破倫餅、雪花冰等，味道只有亦重覆的 … 朱古力、士多啤梨、紫薯， 大熱的抹茶甜品居然無 ?! 冬天時份當然是中式糖水為主所以它們也加推了一些較滋潤的糖水。朋友點了 $42岩晒平時口苦、燥熱的友人一打開蓋見到出晒煙，糖水色澤褐色，雪耳半溶狀態，所以口感也略帶點黏黏，甜度恰好，用料足，感覺好養生， 夠晒滋潤。 我選了至愛 $28紅豆沙火候足、已煲到起沙，紅豆半開花，軟糯甜美，以全統中式煮法加入蓮子、百合，令療效更好。  甜度較低，一個人獨口吃一碗也不覺濟。 朋友話

隨著西環不斷地發展，係到既糖水鋪再唔係獨市生意。由最初既一間兩間變成而家既好幾間，今日就走左去試下呢間😂半糖主意- 原來已經開左一段時間，但由於佢位於北街咁入所以都唔係好覺佢既存在，今次係由住係附近既友人話我知所以先去試下咋，唔係既話都唔會發現佢牙🙊由於天氣凍冰冰，所以一黎就叫左壺對女士幾好既紅棗桂圓茶。佢一壺都好多，兩個人可以飲到2至3少杯，最抵既係勁多料。唔浪費食物既我連渣都食埋😋之後仲叫左2個甜品慢慢嘆豆乳芝士拿破崙其實本身自己都好鍾意食拿破崙，起初以為會好重芝士味又驚會蓋過晒啲豆乳味，食落又冇想像中咁重芝士味，又唔會過甜味道剛剛好👍🏻紫薯窩夫香脆既窩夫中間夾住啲紫薯溶，再配埋雪糕加cream 簡直yummy😋紫薯控既我必食。總括黎講，環境，食物都超值但就真係偏僻咗啲😜

中式糖水？有。西式甜品？都有！一次過可以滿足好多願望☺️冬日之選非桃膠燉奶莫屬🥣奶味夠之餘，仲好香紅棗味🤤不過最有驚喜係伯爵茶燉蛋🍮超濃超滑超創新！必試之選✅

淨係睇呢間店舖名字，都知道佢係打少糖甜品嘅店舖，一班朋友打完邊爐，係時候搵啲甜食。見到餐牌上面有一系列唔同款式嘅糖水，令我心大心細。叫咗呢度比較出色嘅士多啤梨窩夫，窩夫焗出嚟剛剛好，熱辣辣中間好有空氣感，再加埋士多啤梨醬同埋雲呢拿雪糕，感覺好窩心。另外紫薯拿破崙令人喜出望外，紫薯好香甜，但係又唔會好漏，加埋脆薄嘅拿破崙皮，味道一流。另外朋友叫咗椰汁西米露，係比較普通嘅一個糖水，但係佢係以做椰汁好香滑，竟然一啖都冇留低俾我哋食！除咗甜品之外，呢度仲有特色嘅嘢飲，我哋叫咗個檸檬薑茶好啱女士係冬天嘅時候飲用特別暖身，檸檬薑要等佢浸淫多1段時間，味道先會更加出色。

去咗朋友新開嘅甜品舖，喺西環呢度一出堅尼地城站行好近好方便，現代人追求健康，佢呢度就係叫半糖主義，食嘅甜品全部都唔係好甜，糖分都減半，所以啱晒健康嘅一班客群。呢度裝修鮮明，完全係年青人打卡嘅好地方，由於天氣都幾凍，所以我同朋友都叫咗啲中式糖水試吓，桑寄生蓮子蛋茶係我地ge主打同最愛，鍾意食蛋同想補充蛋白質嘅朋友，其實可以嗌多幾隻蛋，每隻蛋加$5咋！好補身，雖然味道淡淡地，但係都好夠風味！另外仲有個木桶豆腐花，有埋計時器，因為佢哋係撞出嚟慢慢焗，大概幾分鐘就食得。啲豆腐花好輕身，滑溜溜，可以自己揀加糖漿定黃砂糖，淨係講賣相都加晒分。其實佢除咗中式糖水之外，仲有好多唔同類型嘅西式糖水，大家下次可以黎試吓，每個人食嘢都係幾十蚊。

此甜品店雖然坐落於堅尼地城, 但價錢絕不離地, 卻很親民, 讚!!! 士多啤梨奶味雪花冰(細): 這是韓式雪花冰, 仿佛椰子粉狀的冰晶, 融化速度比一般的雪花冰慢, 冰晶結構也更扎實, 讚!!! 淋些用牛奶調和甜味的煉奶醬, 原來清淡的雪花冰頓時變得奶味濃郁, 再配一口士多啤梨, 香甜不膩, 一級棒!!! 朱古力心太軟: 整個心太軟都是滿滿濃厚的朱古力味道, 蛋糕外層軟硬適中, 甜度是剛剛好, 讚!!! 但流心效果卻不太出眾... 此甜品店的甜品都不會很甜, 感覺原來吃甜品也可以很健康!!! 此甜品店除了甜品外觀很精緻外, 還有打卡位, 可以和閨蜜影相影相影相!!!

雖然大部份女仔都係喜歡食甜品，但不是人人都接受到甜味。這間朋友推薦，半糖之餘，更是使用稀少糖來製作甜品，熱量低至近乎零~!!而最令我驚訝的是價錢沒有特別貴，但份量卻是超級大!!要留意的是，這家的營業時間是下午3時開始，至到晚上12時，所以別來得太早哦店內裝潢簡潔，座位都夠大的，但如果坐的是兩人枱，要留意別一次點太多，因為桌子的空間有限，而剛才都有提到了，這家的甜品份量很足，大大的一份，小心會不夠位置放~紫薯的出現，可以說是改變了很多甜品的概念~以前食甜品，最喜歡的就是士多啤梨，但近年，紫薯的甜品由味道到外觀都非常吸引，單是看餐牌圖，已經令我忍不住就點了這個~~!!超大一份，拿破崙中間的夾層都是用紫薯做成的吉士醬(?)，味道非常好，因為不會太甜的原因，所以每一口都吃到鬆脆的拿破崙夾餅帶來的牛油香味，加上紫薯獨特的香味。伴碟有不少的紫薯粒，還有一球香草雪糕。下一樣甜品，是老公嘈著要點的冰...天氣都涼了，還吃冰XD這個奧利奧芝士蛋糕奶味雪花冰，份量同樣超大(已經是選細碼)，而入面基本不停地吃到奧利奧碎和芝士蛋糕!!下層還有點冰花和紅荳的，但我卻感覺一定在吃芝士蛋糕!!!蛋糕給得毫不吝嗇，要

今日我同男朋友去咗一間半糖主義，位落於堅尼地城北街11號舖，聽老闆話稀少糖同砂糖好大分別，除了味道有些唔同之外，還可以阻擋葡萄糖吸收，比代糖及砂糖更美味又健康，大大減低咗肥胖嘅機會，相信喜歡食甜品嘅我地唔會擔心怕肥啦～😍今次我叫咗木桶豆腐花，佢用嘅糖水就係用稀少糖提煉啦～入口清甜，同我地平時食嘅豆腐花好唔同㗎，喜歡食清甜嘅你唔鐘意太甜嘅話可以不坊試下呢款呀～👍還叫咗 #伯爵茶燉蛋，賣相很靚，還看見士多啤梨是心形呀💗😍，都是用稀少糖製造喔，除了有伯爵茶味道外，有焦糖外脆，入口清甜，濃郁嘅伯爵茶嘅味道呀！🤩👍🏻除了呢2款我所推介嘅稀少糖甜品之外，都還有我地平時食開嘅甜品喔～傳統甜品也有，雪花冰，窩夫，心太軟，班戟等等全是也是我喜歡食嘅甜品呢～最後我還叫咗朱古力窩夫🍨 唔係用稀少糖製，不過味道非常可口，濃郁朱古力味，配上一球雪糕，外脆內軟，入口即融，真是美味可口。😋期待日後還製造更多用稀少糖整嘅甜品啦！🍧🍨🥧🍰🍮🍩👍餐廳名稱: 半糖主義地址: 西環堅尼地城北街11號地舖電話: 23222650