半糖主義 (已易手) 新餐厅

作為西環街坊，睇住啲糖水鋪不斷開不斷執，有時可能食都未食過佢就已經消失左,所以，今次快快手就去左屋企附近呢間半糖主義試下~ 佢個位置唔算易搵，佢唔係喺主街，附近都係車房，連街坊都要google map 下先個位~ 一入去，入面裝修好簡潔簡單，我地去嗰時唔算太多人我同朋友就第一時間衝去「半糖」打卡位坐低! 吖，係喇呢度係標榜甜品只用半糖/少甜，好啱啲港女們ss ahahha!!睇睇menu有好多選擇，中西式都有，依家好HIT既梳乎厘pancake, waffle, 心太軟,拿破崙，雪花冰,芒果西米露等等除左甜品，原來佢仲有all day 同tea set食，嘩先$48/ $98 因為今次係aim 甜品，所以下次先試呢個! 我地叫左: 芒果芋圓小丸子$42糖水個底好濃芒果味，加埋我最愛既小丸子同芋圓好正~~~ 士多啤梨奶味雪花冰（細，$42）呢個有驚喜! 雖然係細份，但士多啤梨嘅份量唔少! 雪花係好綿嗰啲，而且佢入面有啲爆珠珠，再加埋煉奶甜味剛剛好喇! 我仲買左個甜不甩 $22外賣比爸媽，佢地話好好味~~ 佢地係用原粒花生，因為我爸好鐘意食花生所以佢大讚!