半島漁港/阿翁火鍋館

营业中

休息中

開咗咁耐，終於去試下晚市小菜一家三口不能試好多菜式，所以就叫咗推介嘅combo 加多個餸。好多優惠選擇，好多1+1 combo 小菜或是幾多個人嘅小菜套餐等等。仲有任食打邊爐放題！成人$268，見到好多人都打邊爐。肥牛，海鮮，生蠔🦪都好正，下次可以試吓。招呼方面： 確實不錯，侍應會幫你更換骨碟。食物味道方面：燒鵝好食過深井蒜蓉粉絲蒸聖子比想中好食，新鮮龍蝦上湯伊麵亦無得輸，味道剛好晚市菜芥每位 15蚊 加一服務費

呢間野啱啱開時已想試下，但見佢每位258就有啲卻步，尋日因緣際會就去試下，任食火鍋會有海每枱一份嘅頭盤，有刺身、海鮮火鍋拼盤、手切肥牛、鮑魚鵝掌，除左肥手多筋少少之外都算唔錯，有牛味，其他野都不過不失。到任食部份就係災難嘅開始，任何任食嘅餐廳，漏單絕對係無可饒恕嘅死罪，寫幾張單都三催四請至上到枱，我地尋日食過:墨魚滑，鹼水味超重蝦滑，有怪味韭菜餃，塊板皮厚過腳甲，硬過紙板，韭菜饀唔好味，不知所謂芝士腸都有怪味魚皮浸完湯後好淋好韌肥牛垃圾鵝腸有怪味，越食越粉鱔冇鱔味餉鈴唔掂最好食只有金菇最後都有好多野出唔到。其實啲野好唔好食，個老細睇下啲客食剩咁多野都知咩事啦，講真價錢真係事少，食埋啲咁嘅垃圾真係幾平都係假，咁嘅酒樓竟然有幾間分店簡直令人嘆為觀止。

平時夜晚食飯無考慮過去酒樓，怕太貴，又性唔好食，呢間食肆俾我既印象都幾好。門口裝修得咁靚以前火鍋會好貴，$268/人無限時任食，都幾抵，而家新開幕仲有野送、感覺幾好。刺身種類好少，不過係送既就無辦法啦，刺身尚叫新鮮，夠凍但唔係冰，所以食到魚味，甜蝦唔霉。鮑汁鮑思鵝掌，好好味，鮑魚鵝掌都好淋唔硬，又係送所以每人得一隻，如果可以再添就好喇。湯底得4款揀，我哋要咗節瓜瑤柱，嗰湯底好得意，只可以用嚟烚吓烚吓，淨飲好難飲。送既牛頸脊肉超好味，牛味好濃，不過唔好烚到變晒色，肉會好韌，帶有少少紅色就啱啱好。菜牌上面既食材都係平過嗰啲，只係鴕鳥肉比較少見，超好食，必食推介，仲好食過牛頸脊，阿女好嘴刁，佢未食過俾我強硬塞食一舊鴕鳥肉，之後就無再烚牛肉喇。下次好有興趣想試埋小菜。

半島漁港最近新開張啊！好多優惠架啊！宜家嘅早午市點心＂燒賣＂尤其好食，又大件，十分之抵食啊！大家行開天水圍頌富商場食嘢，記得入去試吓啦！！！一定無介紹錯架！！！D 嘢食非常好味又抵食㗎，例如上次早市果D點心咁呀，叫左差唔多成十籠嘢，除咗必叫嘅燒賣，仲有孖寶果D，又叫左甜薄撐，真係食過番尋味啊！!！哈哈！😋😋😋仲有環境又乾淨，服務員態度非常好！！！大家記得要親身上去幫襯多啲啦！！！希望大家都會覺得好食啦！！！

外賣人流多，沒有好好安排，排完隊才通知菜式賣完，外賣收銀沒有穿制服的呀嬸態度惡劣，只趕著收工，新開張竟然如此服務質素，失望。希望公司可以改善外賣時段的人流管理及員工態度。