半島漁港/阿翁火鍋館

营业中

休息中

星期日嚟到天水圍同家人飲茶，嚟到呢間酒樓，發覺午市等枱都係等六張，就決定等呢間鮮蝦菜苗餃：果皮好食，唔會太淋，有好多菜同埋蝦肉，好飽滿，每一啖都有蝦同埋菜，非常滿足沙嗲蒸魷魚：好大碟，嚟到見到係水魷，有啲失望，本身認為鮮魷比較夾啲，點知食落個沙嗲醬好香，同水魷幾夾，水魷又唔un ，幾好雷沙湯丸：黎到見到佢細細粒，有少少歧視佢，點知黃豆粉包住嘅湯圓，入邊居然有餡，仲要係咬中間會爆出黎嗰隻，朋友講起先知佢嗰粒係花生餡，原來係花生同芝麻每樣兩粒，有驚喜至於鳳爪同叉燒酥就比較正常呢間嘢食物水準不錯唔使點等咁多張，估計係因為佢入邊真係好大間

乳豬肥到無肉，塊皮係脆爆，表面無燒燶，但食嘅時候可以有陣燶苦味。蚌一食就要吐，濯口乸脷，殘留住一陣好似哥士的嘅味道… 成碟要倒鵝掌完全無味，只得陣雪味，我只幻想到溶雪煲腍，淋個汁就當煮咗。 炒魚片，又係啲傭廚求其走油，之後兜個無味薄汁，又係過哂火，硬到…所謂嘅靚湯，只係一堆豬皮豬骨雞腳花生加咗好多水溝淡嘅例湯…燒鵝最失禮。全場咁多人叫，應該熱辣辣至啱，上碟係凍到起膏，唔怪得整色整水放個蠟燭架…荷葉飯，一食隻蝦，勁呀，好硬但一咬裏面可以係霉㗎… 應該係雪傷咗… 龍蝦鉗個手柄好似酷刑咁…海鮮，燒鵝無樣掂，專門店唔係寫就當係…

昨晚叫咗一個抵食套餐，坐低後叫阿姐幫我開咗帶嚟枝酒，阿姐好似扮聽唔到咁，首先嚟個龍蝦，個伊面好食既，不過龍蝦望落都似梅梅地，試咗個蝦尾，仲食得入口，點知蝦頭有臭臭地味，2）雙蚌炒蜜糖豆，稱不上好食，不過不失，3，4）龍躉兩味，叫做過得去啦，5）湯，我覺得係最好飲既，不過係入面發現條橡筋，經理好識做地，幫我哋換，但係賣晒，換咗個蟹肉（更），中途都有叫多兩次阿姐幫我開酒，不過都係無人理我哋，6）乳豬不過不失啦，基本上有乳豬蘇味咁囉，7）嚟咗個鮑魚鵝掌，個樣可怕到無人敢食，因為上面好似好多黑色既泥咁，應該係無洗過，就攞去炆，伯娘膽粗粗食咗一隻話味道可以，所以夾咗落盒，話攞回家試下可唔可以洗返乾淨食，8）最後追咗一次，等了十多分鐘才來燒鵝，全晚燒鵝係最靚最好味的，經過這次，我們決定永不錄用這間酒樓吃飯了。到最後我枝酒原封不動帶回家。

星期六中午來取票，不用等。福建炒飯好多餸，味道好，餸與飯的比例剛剛好，正。口水雞麻辣食得好滿足，不算太辣，但麻的感覺幾強烈。後來再加了牛柏葉，醬汁有少少甜，也很有水準。

端午節3人到半島晚飯，全場爆滿，好好生意，d出品又點呢？我哋叫咗個餐有4個餸另加一個例牌燒鵝冬菇炆鵝掌，好野！連最吸味嘅冬菇都無味嘅而且冬菇本身都唔香，鵝掌好似煲過湯咁林，簡直無牙都食到燒鵝係呢度嘅招牌，香氣味道都正常，主打野嚟講合格有餘啦豉油王基圍蝦，炒得夠香，但料頭少，蝦都新鮮嘅係細隻咗d龍躉兩味, 甜豆炒龍躉球，又係完全無料頭，一粒蒜蓉都見唔到，甜豆炒到半生熟咁我就唔係咁鍾意我最想講嘅重點嚟啦，就係碟蒸班頭腩，幾舊都完全冇處理過啲魚鱗，浪費左咁有膠原嘅魚皮，仲話自己係深海龍躉專門店，係咪唔包刮魚鱗㗎，失敗🙄

每個星期放假都會嚟飲茶，點心種類多，食極都唔會厭。例牌必點：流沙包$25.8😍😍😍😍😍食過好多間酒樓嘅流沙包覺得半島嘅流沙包係最好食😋每次一咬開都會有好多奶黃餡流出嚟。而且味道非常之濃，通常我會細細啖咁咬嚟食，怕辣到嘴。燒賣$33.8😍😍😍外形大大粒，咬落雖然啖啖肉、但蝦太小。味到一般！超足料：菜苗餃$29.8😍😍😍😍😍呢一碟做得非常好，每次都保持住水準。皮薄餡多非佢莫屬🤩咬開之後有好大舊新鮮嘅蝦，菜苗份量都好足。每次食呢碟都超滿足，又可以食下菜同時補充蛋白質。蒸牛柏葉$29.8😍😍😍😍牛柏葉爽脆又入味，湯底似雲吞麵嘅湯。份量都幾多。即炸腐皮卷$33.8😍😍😍😍記得限聚令放寬至四人嗰陣去食，炸出嚟個樣好靚，食落都勁脆，而且一份有3條，佢切開咗六舊，熱辣辣，好酥脆，蝦嘅份量都係好足料！但都第二次點嘅時候，賣相有少少縮水，同埋唔係即炸，好明顯係煎，因為食落口感偏韌，吾脆。希望再下次去食，會變返第一次即炸新鮮的水準。第一次點時：第二次點時：潮州粉果$19.8😍😍😍😍同樣都係皮薄餡靚😋入面足料，食落好香口，一啲都唔馬虎！超多汁：豉汁蒸鳳爪😍😍😍😍鳳爪好肥美，大大隻！醬汁都好多！連底下啲花生都索

放假同家人一起去酒樓飲茶，半島漁港一直都好想去試下，但每次門外都好多人排隊等飛，所以次次都無試到。今次平日經過見唔洗等位，即刻就成家人決定去半島漁港飲茶嚕。😹首先，我地係門外有幾個部長定經理佢地好似有啲混亂咁，因為而家要安心岀行同掃針咭，無一個清楚指示安排客人排隊等等，眼見啲人係咁衝過去😹😹😹到我們入座後，食物種類都算多，我地就隨便叫咗點心，同埋BB乳鴿品嘗😆煎米腸，好好食，食落唔會覺得好粉，口感也是綿綿的😋呢款尖椒魚肉都值得推薦大家去食，煎得好看之飲，味道剛好，有小許辣好開胃😊呢度嘅燒賣都大大粒嫁，好咬口同好足料，蝦🦐都大大隻，不過就好似得一隻😂 BB乳鴿細細隻，每人食小小香口唔漏😋😋另外其他點心都好食的，下次可以嘗試更加多的款式🥰如果去天水圍酒家，真心建議呢到係首選🥰😘

天水圍T-town 半島漁港 限聚令放寛，屋企長老過嚟睇孫，約左佢地去T town飲茶，可能隔離海港裝修，啲茶客過晒嚟，午市時間係超多人。而且叫number又係細枱為主，我地要分檯嘅就等咗好耐。 坐低就即刻叫嘢食，好彩佢出點心都好快，落左單一陣食物就上檯了。佢啲點心的確唔錯，唔怪之得咁多人食啦！特別佢個牛肚，好嘢味。腸粉都做得好好味！入邊仲有包生菜，食落會有口感啲。呢間嘅虾蛟比燒賣好味，而且都大粒。最差嘅就應該係個排骨飯，啲排骨好肥，所以整體個飯好油，而且啲豉油無咩味，落左同無落一樣，後來加左啲腸粉豉油落去，即刻有返味！兩只豉油原來唔一樣🧐不過整體都係好味嘅～雖然就茶錢貴左啲，但都最緊要好味！Ps:店內網絡收得好差

愛人探老人常行經半島阿翁，次次都好多人等。不過見開飯評一般般....呢期見佢有$1優惠，今晚又放得早，專程去試試囉。2人同行晚5點45分抵達。 唔係講笑，成廿人在等！ 要問亞姐取票，準6點叫號派卡入座。內面環境都幾大，唔算太逼$1可三選一，2人選了燒鵝1/4隻。 上桌一望已流口水，🈶色🈶香嘩咬落塊皮..脆呀少少鵝油香滿口肉又夠厚，調味適中，2人均讚不絕口至鐘意佢有個小火慶住，使鵝油保持流動不會琼住本計劃再點兩個菜，但碟鵝份量真係夠，只點多一個「涼瓜班腩煲」真心份量好足，班腩好彈亦滑，好好味。忍不住叫個靚仔(白飯)，2人一碗完全KO整個煲呀 最後服務員姐姐送來两碗熱呼呼陳皮紅豆沙，(可能頭輪) 足料唔會水啷啷連茶介共$196。 齋睇價錢少貴但睇左份量及食材味道，抵！ 即約朋友食4人餐，哈哈

咁啱又可以有兩個朋友放假咁就一齊食個點心先！🥢喺海港同埋半島之間作出一個抉擇 朋友係前往海港之間之間話想食半島就即刻食返半島先😆咁我就開始開始剔自己想食嘅嘢 其實我都係離不開蝦同牛 哈哈😆鮮蝦腐皮卷粒蝦好大粒 仲有少少菜粒喺度 👍🏼爽口 皮薄脆又好食～ 但呢個一定要趁熱食！爽滑牛肉腸粉牛肉入面仲有芫荽 腸粉都夠滑嘅不過再薄少少就Perfect😉鮮蝦菜苗餃呢個其實我本身都成日叫我媽外賣嘅！朋友覺得個皮厚 咁事實係嘅 不過個皮都好滑～香煎蘿蔔糕呢個唔算話好好食 但係都可以嘅如果可以再多啲蘿蔔絲就好啦水晶蝦餃正正常常囉 又係蝦 哈哈哈哈燒賣皇今次嘅燒賣王我覺得好似普普通通芝麻糕呢個係朋友嘅女叫嘅 呢個係超級無敵好油 就唔啱我食服務有正正常常冇乜特別

今晚去咗天水圍半島漁港火鍋，諗住同家人慶生，點知去到話冇生日優惠，有個姓李自稱店長話中秋“前夕“冇優惠，我話“前夕“係指中秋前一日，佢再話前一星期，我俾日曆佢睇，中秋前一星期係指由12/9～18/9，但今日係11/9，早過一星期，佢及後又話係公司指引，叫我睇返公司社交平台，但我喺佢面前開社交平台叫佢指出指引俾我睇，佢又揾唔到俾我睇，跟住佢又話生日優惠祇係星期一至五先有，唔通星期六、日生日就唔可以生日？最後所有嘢唔夠我講時就打晒官腔咁話唔滿意可幫我取消張枱，咁即係半島個龍門任佢搬，乜都由佢講晒，咁嘅集團經營方式隨時俾呢條姓李呢條友搞禍曬！🤬😡

晚市，叫左個東星孖寶($588)，餐牌寫左條魚約斤四重(見餐牌)，黎左條一斤都唔夠的斑仔(見圖)，叫個樓面經理黎睇，佢就心有屎急急腳撩爛條魚話都OK既就扮忙走左，真係嬲到爆。

星期日朝早同屋企人去飲茶大概等左半個鐘十點幾入到去本身住其他屋苑今次係第一次試依間酒樓真心逼到傻左未見過會咁樣放啲枱姐係咁大家可以幻想下三張四人圓枱好似串魚蛋咁痴到實同隔離一啲啲空間都無唔好彩仲要坐正中間嗰枱唔知以為同隔離好熟 大家一齊食其實好彩嘅應該可以坐靠牆卡位 嗰啲相信會舒服好多至於食物就都幾好嘅 上得仲幾快添嗌左大概10款點心btw茶位都要成十蚊位 都唔平下次真係no more next time寧願坐得舒服啲 慢慢坐

有漏單 問題,一坐低等20分鐘先起到湯底, 見住另一張檯遲過我張檯入坐2分鐘已經起哂前菜同湯底,我呢張要叫幾個同事跟，等成30分鐘啲前菜先到齊！官方社交平台 明明 話有Alipay 同wechat pay ，埋單先話冇得wechat pay

開咗咁耐，終於去試下晚市小菜一家三口不能試好多菜式，所以就叫咗推介嘅combo 加多個餸。好多優惠選擇，好多1+1 combo 小菜或是幾多個人嘅小菜套餐等等。仲有任食打邊爐放題！成人$268，見到好多人都打邊爐。肥牛，海鮮，生蠔🦪都好正，下次可以試吓。招呼方面： 確實不錯，侍應會幫你更換骨碟。食物味道方面：燒鵝好食過深井蒜蓉粉絲蒸聖子比想中好食，新鮮龍蝦上湯伊麵亦無得輸，味道剛好晚市菜芥每位 15蚊 加一服務費