影片
以上资料只供参考，请与餐厅确认详情
趁晚市优惠相约爸爸到元朗新开的「半岛渔港」晚餐，整体体验超出预期，7点多来到，餐厅的客人好多，幸好酒楼占地很大，未满座。首推$1优惠的1/4只至尊烧鹅皇，份量十足，足够2-4人分享。烧鹅以烛台保温，吃到最后仍微暖，肉质软腍不柴，皮下脂肪适中，烧得很好，入口甘香鹅皮微酥脆，鹅脾啖啖肉超滋味，难怪是招牌菜。$1还可选择bb猪、文昌鸡、鱼或海鲜等。豉椒炒蚬$108 镬气十足，蚬肉炒得刚好不会过老，虽然酱汁味道较浓但仍吃到蚬鲜味，洋葱与三色椒增添爽口感，配白饭一流。大龙趸两味$338 展现师傅功架，金银蒜蒸斑头腩蒜香扑鼻，鱼肉嫩滑带胶质；蜜糖豆炒龙趸球则以甜椒、云耳同炒，甜椒清脆带天然甜味，龙趸球厚切弹牙，一鱼两吃够抵食。饭后赠送的红豆沙意外惊喜，陈皮香气浓郁，甜度适中，为晚餐完美收尾。服务方面值得一赞，店员换碟勤快，经理更主动发现有菜式出品不合标准，即时拿走重做，诚意加分。见邻桌龙虾伊面很吸引，$398套餐有龙虾与沙巴龙趸，可惜当日售罄，留待下次再试。
继续阅读
最近在网上得知元朗新开的半岛宴会厅阿翁火锅馆，晚上有小菜或者火锅选择，还有限定小菜$1优惠，我们看到这么吸引当然要去品尝这间中菜。入到去，近门口看到大大的鱼缸，巨型龙趸好震撼，以及邻近挂满烧腊的烧味部，有专人即场烧制；这里环境亮丽，装修雅致，地方非常宽阔，完全不会有压迫感，舒适写意。至尊烧鹅皇 $1见到晚市有好多优惠，极品BB猪、至尊烧鹅皇及海南文昌鸡全部都是 $1 ; 还有时令 $1 优惠，白灼海生虾、金银蒜蒸生蚝、豉汁蟠龙鳝、梅菜蒸原条吊水鲩及蒜蓉粉丝蒸元贝，真的很实惠。另外，优惠三宝 $398 一样都好划算。三款 $1 烧味优惠，我选择烧鹅，皮脆肉嫩，新鲜即切且啖啖肉，闻到浓郁的鹅油香气，好好吃。鱼汤野菌浸鱼肚 $138鲜味上汤，饮落好清甜，鱼肚和野菌都吸满汤汁，口感清爽，与翠绿白菜一起吃，口感丰富，鲜嫩爽脆。渔香茄子 $108这款都可以是吃小菜必吃的𩠌菜，一上枱已经听到咋咋声，煲是热腾腾的，令到咸香气散发出来，里面有好多茄子和肉碎，新鲜的茄子吸入酱汁味道，咸咸香香，好惹味，用来送饭一流。瑶柱蛋白炒饭 $138瑶柱炸至金黄脆脆，好香口，炒饭粒粒分明，镬气十足，吃起来每口都渗出瑶柱鲜香，炒饭份量十足，真是不简单的炒饭。最后送糖水红豆沙，香甜润喉，满足了！
继续阅读
以前食开天水围颂富个间，但近排系元朗开左分店，贪近就来食晚饭。首先叫左个菠萝咕噜肉，睇卖相就唔错，似乎系原个菠萝切出嚟，不过就功高盖主，个咕噜肉系麻麻哋，虽然系细细粒容易食，但系就炸得唔够酥脆，食菠萝开心过食咕噜肉。跟住就系个金蚝煲，唔错，金蚝粒粒都好大粒，虽然份量就少咗啲，但系蚝呢d食得多都漏啦，所以我系OK嘅。最后就系金银蛋浸时蔬，估唔到呢味最简单反而做得最差，我见佢用咗白菜都已经有少少失望，虽然时蔬都系好似开盲盒咁，但系旧几水俾白菜人食，真系有人会高兴咩？重点系味道真系唔得，唔知系啲咸蛋问题定系点，我食到有浸酸味，当然酸得来系接受到，唔系即时要投诉𠮶只。总括成晚最唔满意系呢味。
继续阅读
今日行经元朗呢间半岛宴会厅阿翁火锅馆，见到佢嘅文昌鸡$1就有半只，真系非常抵，即管去试吓😍🔥 沙嗲金菇粉丝肥牛煲沙嗲浓郁惹味，肥牛嫩滑吸收晒沙嗲汁，入口香浓😛粉丝挂汁能力一流，完全将汤底精华锁住，加埋金菇，爽口又带出层次感🍲🐟 豆豉鲮鱼炒油麦菜豆豉鲮鱼咸香十足，炒得入味，配上清爽嘅油麦菜，完全唔会过腻，仲镬气十足🥬🕊️ 红烧乳鸽（两只）乳鸽烧得外皮金黄香脆，皮脆肉嫩，正🔥🍖 文昌鸡（1/4只 | 半只）文昌鸡肉汁丰富，份量够晒足，口感滑溜，绝对系超值🐔✨临走之前，店员仲奉上一人一款红豆沙，非常满足！
继续阅读
寻日同老婆喺Yoho睇完戏谂住跟手食晚饭，喺商场入面拣嚟拣去都拣唔啱，心目中就想食海鲜小菜既，最后拣咗系Yoho附近嘅半岛宴会厅，商场行去大约5-6分钟倒都非常便利，去到大约06:00上面仲有好多位，装修好靓有贵格👍🏻，座位宽阔坐得舒服， 坐低随即点菜，拣咗【是日孖宝】西澳龙虾伊面底配清蒸沙巴龙趸仔($338)，沙姜猪手($68)、卤水猪脚仔($68)，最后仲用埋个晚市优惠($1)拣咗极品BB猪(1/4只)，除咗蒸沙巴龙趸仔之外其他菜式都好快送上，先嚟1蚊BB猪份量都够两个人食，够哂皮脆肉嫰好食又抵食，卤水猪脚仔煮得好入味相信炆咗好耐咬落去做到骨肉分离，至于沙姜猪手就刚刚相反，做到皮同肉都好爽弹再配合埋个沙姜汁 真系好夹，龙虾伊面食得出个肉质新鲜唔系雪藏货， 配埋上汤焗嘅煮法都好好食，最后出场嘅沙巴龙趸仔 虽然唔系好大条，但两个人 都好够食蒸得啱啱好唔会老配合个豉油汁非常滋味， 呢度整体食物水准都好高，现场侍应服务都好好时常帮我地换碟，如果第日行开呢头又想食小菜，呢间一定系首选👍🏻👍🏻
继续阅读