半島宴會廳阿翁火鍋館

营业中

休息中

以前食開天水圍頌富個間，但近排係元朗開左分店，貪近就來食晚飯。首先叫左個菠蘿咕嚕肉，睇賣相就唔錯，似乎係原個菠蘿切出嚟，不過就功高蓋主，個咕嚕肉係麻麻哋，雖然係細細粒容易食，但係就炸得唔夠酥脆，食菠蘿開心過食咕嚕肉。跟住就係個金蠔煲，唔錯，金蠔粒粒都好大粒，雖然份量就少咗啲，但係蠔呢d食得多都漏啦，所以我係OK嘅。最後就係金銀蛋浸時蔬，估唔到呢味最簡單反而做得最差，我見佢用咗白菜都已經有少少失望，雖然時蔬都係好似開盲盒咁，但係舊幾水俾白菜人食，真係有人會高興咩？重點係味道真係唔得，唔知係啲鹹蛋問題定係點，我食到有浸酸味，當然酸得來係接受到，唔係即時要投訴嗰隻。總括成晚最唔滿意係呢味。