千鶴日本料理

营业中

休息中

今晚公司annual dinner，老闆請我地去左千鶴食餐人間美味😂😂 大家期待已久的日本料理！先上左刺身拼盤，多種新鮮肥美的刺身集而為一，著眼點當然放係刺身之首的拖羅！非常粉嫩，油脂極多，一食難忘之後上的係壽司拼盤，飯的size 剛剛好，同魚生配上一起吃亦都會令人愛上。壽司亦用左正宗的方法去整： 魚生下面放入了wasabi。而我的最愛係唯一的卷物： 拖羅小卷。由於拖羅的油脂太豐富，都會滲透到飯的裏面，令到每粒飯粒之間都夾雜著拖羅的油脂味，非常香口。然之後的炸物亦都非常出色！ 炸得很香酥，咬落去感覺到層層薄透分明的炸漿。內裏亦保持到水份。食到燒物的時候已經食飽了，但都吃了一兩口，另外有燒魚，甜甜又滑滑，非常喜歡。

已經係第二次食依間餐廳了，之前食個時職員話今個月會有週年優惠，加十三蚊就可以加小食，而且小食嘅選擇有鵝肝多士及和牛等食物，所以真係非常抵，不過每一份餐只限加一樣小食喔套餐方面我揀咗炸廣島蠔加刺身，套餐包咗沙律、蒸蛋、湯、飯及甜品，飯可以揀白飯或者炒飯，而我就揀咗炒飯。甜品係雪糕，有綠茶、紅豆、芝蔴、柚子雪糕揀，我因為之前食過柚子味就揀咗綠茶。今次嘅沙律同上次食唔同，多咗雜果係面，比之前好味啲炸蠔炸得好脆，而且蠔好大隻又多汁，好好味。刺身方面，三文魚唔夠肥不過味道好，夠鮮甜。而甜蝦就非常好味，肉質爽口之餘好鮮甜，好新鮮蒸蛋、炒飯、湯就不過不失，看似份量少，不過其實女生嘅食量黎講已經好飽13蚊小食優惠我就揀咗燒帶子，雖然十三蚊但份量都唔少，而且帶子好滑，有少少酒味，好滿足綠茶雪糕都好味，不過唔特別，我會比較偏好之前食過嘅柚子味多啲

今日公司有同事生日, 同事選擇了這間在公司附近的日本餐廳食飯, 首先餐廳位於海逸酒店內, 環境真的值得一讚, 而且員工非常有禮貌及友善。 不過因為是酒店內的餐廳, 價錢當然比較貴。其實亦有比較便宜的選擇, 例如烏冬。但因為今日好想食三文魚刺身飯, 所以就選擇了三色刺身飯。其實我很少食海膽, 因為怕遇到不新鮮的會有腥味, 但這個海膽味道鮮甜, 而且三文魚非常多, 令人十分滿足。而蒸蛋及湯就中規中矩, 蒸蛋內有蝦、菇及雞肉, 尚算有誠意。 另外想提醒各位魚生飯內有滿滿的薑味, 應該有薑粒拌入飯內, 如果不喜歡薑味的朋友可以跟職員order時提出走薑

趁老闆放大假，今天我和同事們到千鶴享受一下豐富的午餐。侍應帶我們到窗邊檯坐下，對面便是紅館。每隻餐碟上有１隻小紙鶴，配合餐廳的名字，每隻鶴用的紙都不同，很有心思。我選了忛立貝拼蔬菜天婦羅，落單後幾分鐘食物便送到。侍應首先送上沙律，有幾片桃，火箭菜和其他沙律菜，混了日式的芝麻沙律醬，味道不錯，份量也足。接着侍應送上味噌湯，凍豆腐，主菜，鐵板炒飯，漬物。味噌湯材料豐富，除了必有的海帶，豆腐外，還有少許本菇，冬菇和蜆，鹹味適中。凍豆腐上有少許木魚絲，蔥花和薑蓉，令味道和口感更豐富。主菜中的天婦羅有蘆筍和番薯各兩片，薄薄的粉漿讓人清楚看到食材，像披了一層薄紗。天婦羅很脆，而且絕不油膩，墊底紙一滴油也沒有。另一款主菜是帆立貝，用鐵鍋盛載，估不到是吉列的，因爲帆立貝浸在有洋蔥，蛋，冬菇的湯汁裏，吉列皮淋了，粉漿太厚，比帆立貝還厚。帆立貝很新鮮雪白，用炸的方式烹調浪費了食材。湯汁也太甜，味道很假，也掩蓋了食物原味。鐵板炒飯足足有一碗份量，很乾身，粒粒分明，可惜味道不夠香。吃完以上食物已經很飽，還有雪糕和餐茶。雪糕有３款選擇：紅豆，綠茶和黑芝麻。我選了黑芝麻。雪糕有濃濃的黑芝麻味，甜度適中。我的同事説

當提起都會海逸酒店，大家只會想起那豐富的自助餐，可是大家又知不知其實還有一間日本料理呢？它就是早在十多年前，已憑鐵板燒打響名堂的千鶴日本料理了。 時至今日，千鶴仍然是區內不少老饕的心水食店。同時，每位客人光顧時都會發現餐巾上放有一隻紙鶴，寓意幸福。最近，他們推出了「廚師發辦」的餐單，分「松」、「竹」及「梅」三級，主廚會因應當日時令的食材烹調，不時不食，即席為客人度身訂造一個美味的餐單，務求令客人有意想不到的驚喜。 「松」是三者中最為高級，共有八道精緻的菜式。就由香桃大根沙律開始，將清新、爽脆及甜美混為一體，精髓卻落在自家製的柚子醋上，清新得很，擔當了中間的一道橋樑。 前菜是順菜醋漬、櫻花卷及芝士蟹肉天婦羅，首先以滑溜的順菜醋漬來刺激食慾，再以沾滿櫻花糖的壽司卷來作間場，最後則以外脆內軟的芝士蟹肉天婦羅作結，芝士與蟹肉的組合相當合襯，配合薄脆的外層，令人垂涎。 海鮮清湯的用料相當豐富，碗內盛載著花竹蝦、左口魚、帶子、蜆及菇菌等多樣材料，再將木魚昆布清湯注入，灑點青檸汁，突出了鮮味，加上海鮮材料的生熟程度恰到好處，爽口鮮美。 來到刺身時間，主廚巧妙地運用最時令

老老豆豆 食之前無諗過咁好食 純粹想探下朋友 蠔啦 炸蠔唔易整架 能夠炸到外面咁鬆化 而蠔的鮮味和肉汁又完全keep返晒既 大廚Jason功力確實超班老婆中意飲果香多d既酒 咁咪是但order左支真澄囉 點知最後連我都愛上 仲要大半支都係我清既！由細到大 都認為帶子係較難整得好食既野 個人認為通常要煎香左味道先出到黎 生食既話 除非好新鮮 否則一定難食 呢度就做到生食都咁鮮甜囉個蒸蛋一定要講 佢裡面既菇味滲透晒落d蛋度 蛋香加菇香做出最完美配搭 必試之選！最後多謝你們細心的招待 大滿足唷 Yatta!

千鶴位置紅磡都會海逸酒店內, 平時真的沒甚麼機會去酒店內食日本菜,今日老闆請客, 自自然然要揀返家鄉菜啦每坐位的碟上都會擺放一隻紙鶴,代表佢地餐廳"千鶴"都蠻有意思的, 店是對著紅館可以望到少許海景, 吃飯也特別舒服 我揀左海鮮丼定食Lunch set　（チラシ丼） ($258)包味噌湯, 日式蒸蛋（茶碗蒸し）以及漬物海鮮丼包括了7款魚生包括常見的吞拿魚赤身, 八爪魚, 三文魚亦有高級一點的赤貝, 帆立貝,油甘魚 用料生鮮, 賣相立豐富, 但以這酒店級價錢竟然沒有海膽, 真的非常失望.整體味道沒甚麼問題的, 如果有老闆請客可以一試, 自己就不會選擇這地方了.最後酒店亦都送上了芒果拿破崙作甜品

千鶴是令人期待的日本料理翻一番Menu毫不猶豫Order了差不多最貴的午餐索價＄500 的 和牛元貝和牛沒有想像中的好味牛味不夠 濃郁而且 overcook 不是入口即溶那一類確實是有點失望元貝不夠鮮味其他配菜還可以餐廳環境尚算寧靜總算可以安靜地吃過午飯不過座位略嫌 擠迫了一點

在這裡叫了一個午餐定食，甚為豐富，除了主食外，還有茶碗蒸，湯，前菜，漬物，等等，還有一份甜品。我自己頗喜歡其茶碗蒸，甚有溫度，吃是溫熱滑溜，除了蛋香，也夾有香菇，銀杏等的味道，十分不錯。湯也頗為鮮美，雖然偏咸，但個人來說還是可以接受的。主食的吉列豬扒水準很高，炸漿固然薄脆，而豬扒甚是鬆軟且有肉味，吃時有一陣熱氣衝入咽喉，很是過癮。最後的甜品是綠茶雪糕，清新，茶味濃郁，雪糕本身的質地算是軟滑，但和味道相比，就不是十分特別了。

食午餐… 三送一， 餐牌上所有定食都可享此優惠，選擇有幾十款，包括刺身、壽司、懷石料理、天婦羅及鐵板燒，不過價錢以午餐來說， 最平的$235只有一兩樣… 跟住已經係$275,.$285..$3xx, $4xx, 的確高價的午餐， 不過見有三送一便即管試試。 我揀左是日刺身飯… 有八款時令刺身， 包括:八爪魚，三文魚，鱆魚，油甘魚，赤貝，吞拿魚 蝦同帶子， 每款有兩小件， ，食落去都算鮮味，不過覺得唔係太值$285 未加一的一份set lunch。 可能因為咁，午市都係得幾枱… 同事們叫了另一款只有海胆加三文魚和三文魚子的刺身飯， 這刺身飯比是日刺身飯出色，好多海胆，三文魚亦都好肥美，三文魚子都好好味。甜品時間，雪糕有芝麻、青檸，酒店水準，兩隻都各有出色。

第一次光顧今日想食熟嘢，穩陣D點咗燒三文定食沙律新鮮，醬汁頗特別，好開胃，好過千島汁好多！個湯除一般豆腐、昆布外，加入蜆肉，成個湯味道好濃亦多咗鮮味！蒸蛋滑，企理三文魚皮好脆，肉質嫩有層次，口感ok,連埋魚皮一啖食仲正！甜品揀了海鹽雪糕，有海鹽味，只是略太甜！整個午餐好滿意，服務及環境都不錯！

假期，旺區更多人，更唔啱我，所以揀左較靜嘅紅磡區😊雖然叫嘅定食仲未到，不過已經被禮貌嘅款待 ，同埋舒適嘅環境，令我心情由靚變靚靚😀份餐到左！omg!!! 叫錯左！一時心急，見有茄子選擇，又咁啱想食，就即時叫左，竟然連主食係吉列雞嘅"吉列"两個字都睇漏左！喉嚨易敏感，平日怕怕食煎炸！點算？😦算啦算啦試吓啦！咦～食吓食吓，好味之餘，喉嚨竟然接受到！相信係因為靚食材加埋廚師嘅廚藝😃對我嚟講，哩個定食，除左碗湯喊左啲外，其他樣樣都令我好滿意！而碗炒飯，更食到我再三回味😄不可不讚球綠茶雪糕，滑滑濃郁綠茶，令我有透心涼(爽)快(樂)感覺！杯咖啡雖然未算頂級，但已經係我欣賞嘅酒店咖啡🍨☕今日個lunch，除左欣賞食品，我更欣賞嘅係服務！今餐少左睇手機，多左留意其他客人，幼嘅有两個坐BB櫈嘅 baby，老嘅有位行動不太方便嘅婆婆，餐廳員工都主動又樂意咁幫佢地就坐👍

由於晚飯後會到黃埔看電影⋯⋯所以朋友就選擇了這間我們一行四人⋯⋯大家都是第一次來這間⋯⋯所以我都沒太大期望星期六晚還好這裡並不算太多人⋯⋯一開始Order當然少不了刺身另外還叫了鐵板燒⋯⋯梅酒⋯⋯茶壺海鮮湯⋯⋯及甜品綠茶雪糕刺身點了四種但除了拖羅之外⋯⋯其他的都十分一般鐵板燒二人餐裡有鵝肝⋯⋯厚／薄燒牛⋯⋯龍蝦⋯⋯炒飯厚／薄燒牛＜＜我只能說太油膩而其他都真的是一般店內侍應們都有禮貌⋯⋯只是我酒杯沒有酒他們都沒有為意甜品我Order了我至愛綠茶雪糕。。這一個是唯一要讚的有濃郁的綠茶味⋯⋯所以我都一口氣吃了2球

到達此餐廳，佈置雅致，頗有和風的簡樸美感。每枱放上紙鶴2隻,可見心思。打開menu，估不到有至少30款定食，簡直花多眼亂，最後決定點了鰻魚飯定食。主角鰻魚光是賣相已滿分了，外皮呈現漂亮颜色,鰻魚香氣十足，外皮完全和魚肉也是融為一體，肥美的鰻魚淋上甜味適中醬汁，加上綿綿米飯，天衣無縫。味道非筆墨能夠形容，很難得鰻魚肥得不油膩。

這天日本菜食癮起，便與朋友一起去千鶴食個午餐。說實的，要不是來千鶴，平日真的甚少會跑到紅磡都會海逸這邊。千鶴裝修優雅企理，地方整潔，加上大玻璃透進些自然光，用餐氣氛休閒，坐得舒適。 這次我選了角切魚生飯定食。跟餐還有日式燉蛋茶碗蒸及麵豉湯，和飯後甜品。角切魚生飯的配料豐富，單看賣相和顏色已覺得吸引無比。配料有三文魚，帶子，吞拿魚，八爪魚，甜蛋等，份量佔了約2/3碗超足料，加上全部都新鮮甜美，每塊都切得大大粒又肥厚，吃得極過癮！此外碗裡還有爽脆青瓜粒和紫菜絲，伴著粒粒香軟的飯粒，轉眼就把整碗食完。茶碗蒸蛋蒸得香甜嫩滑，裡面，有雞肉粒，白果，菇粒等，配料認真。麵豉湯夠熱辣辣，味道不會過鹹，飲落肚舒服。飯後甜品可選綠茶，芝麻或紅豆雪糕或柚子雪芭，如果想再健康點的話亦有水果拼盤可選。我們怎能抵擋雪糕的誘惑呢，我們都分別選了雪糕或雪芭。我的黑芝麻雪糕雪得夠凍，滑黑芝麻的香很濃。值得一讚是店方連裝雪糕的碗都雪得冰冷，令我們就算慢慢吃，食到最後一啖雪糕還未溶。此安排真夠細心。滿足度滿分的午餐！