千鶴日本料理

营业中

休息中

假期，旺區更多人，更唔啱我，所以揀左較靜嘅紅磡區😊雖然叫嘅定食仲未到，不過已經被禮貌嘅款待 ，同埋舒適嘅環境，令我心情由靚變靚靚😀份餐到左！omg!!! 叫錯左！一時心急，見有茄子選擇，又咁啱想食，就即時叫左，竟然連主食係吉列雞嘅"吉列"两個字都睇漏左！喉嚨易敏感，平日怕怕食煎炸！點算？😦算啦算啦試吓啦！咦～食吓食吓，好味之餘，喉嚨竟然接受到！相信係因為靚食材加埋廚師嘅廚藝😃對我嚟講，哩個定食，除左碗湯喊左啲外，其他樣樣都令我好滿意！而碗炒飯，更食到我再三回味😄不可不讚球綠茶雪糕，滑滑濃郁綠茶，令我有透心涼(爽)快(樂)感覺！杯咖啡雖然未算頂級，但已經係我欣賞嘅酒店咖啡🍨☕今日個lunch，除左欣賞食品，我更欣賞嘅係服務！今餐少左睇手機，多左留意其他客人，幼嘅有两個坐BB櫈嘅 baby，老嘅有位行動不太方便嘅婆婆，餐廳員工都主動又樂意咁幫佢地就坐👍