千之瀧日本料理 (已搬遷) 新店位置

今日小妹一行三人初試這間千之瀧日本料理,感覺幾好,現在立刻同大家分享....我地Order了幾款刺身:包括章紅、帶子、活赤貝、油甘魚、劍魚腩...三個麵豉湯、三件海膽壽司、海膽三文魚飯同鰻魚飯店員好細心,將我叫的這幾款刺身做成拼盤給我們一人一碟...Good!其間師傅問我地乜冇叫三文魚咩?仲送了幾件三文魚腩俾我地試試,嘩....真係好正...好肥美(挪威來貨係唔同d嫁真係 ! ! !章紅同帶子都好鮮…活赤貝就勁爽甜…油甘魚絕對係靚野...好正...劍魚腩d魚油勁豐富呀(I Love it )海膽三文魚飯同鰻魚飯份量好夠,海膽好甘香鮮甜美味,鰻魚都好肥美…燒得好香 !飽飽了,好滿足,埋單都係二佰零蚊炸....好味兼抵食哦..呵..呵..呵..

第一次o黎到的的時候千之瀧就給我有一種有如去到日本的小店一樣,很地道、鋪頭細細、店員和老闆也很隨和很友善,我地一行7人一入到去服務員就立刻過o黎招呼我地,我急不及待就問佢今日有乜好介紹喇，經佢介紹過後我就點o左以下d野食喇1 )三文魚腩刺身好肥美、好鮮甜(可能係娜威番o黎的關係啦,鋪頭出面有張海報寫住的)2 )帶子刺身都唔錯...ok,都幾大隻嫁3 )劍魚腩刺身好正、一咬落去個d魚油直頭出o黎咁呀!又爽、又滑......正呀!4 )海螺都幾好、好清甜(帶點海水味)5 )象拔蚌刺身爽肉、好鮮甜、值得一讚的係個口感好好、有咬這口、可能係切得厚的關系啦)6 )秋刀魚刺身唔冼落檸檬汁都得喎...一d腥味都冇(意料之外)7 )海膽好甘甜、冇腥味,最好的係佢地跟的紫菜、醋飯同青瓜絲配搭得好好,用紫菜包住o黎食,外脆內軟、尤其個青瓜絲令到d海 膽 的味到好出...Good!8 )活赤貝刺身都係一樣夠新鮮、爽甜,但係大家唔好食件赤貝就算、記住要食埋條邊呀....都好好味嫁!9 )蟹籽沙律一般啦,而且份量都偏小10)燒象拔滂仔燒得時間恰到好處、唔會乾爭爭、保持到燒海鮮的精粹!11)牛俐燒得好

星期日訓到點幾鐘先落街食 lunch , 出大門 , 過馬路 , 第一間見到o既就係呢間日本餐廳千之瀧 , 成日行過見到個黑板 , 覺得好貴 , 今日認真咁望下個 menu , 原來有 d lunch set 係幾抵食喎 , 一於試下呢度地方較窄 , 要小心翼翼踮高腳趾咁行 , 怕個 pat pat 撞到人碗面店員友善 , 服務熱誠親切 , 茶具 , 裝潢及小擺設都有少少日本風格午市套餐款式甚多 , 拉面 , 定食 , 刺身 , 壽司 , 飯類等 , 我地今次試刺身為主揀左一個三文魚海膽飯 , 一個雜錦刺身冷面 , 套餐配以面豉湯同前菜面豉湯淡淡地幾清幾好飲 , 裏面有滑豆腐同蜆肉 , 前菜係辣味螺肉 1. 三文魚海膽飯~ 三文魚有六片 , 好薄 , 食落感受唔到是否肥腴 , 但味道係鮮美o既 海膽係一隻片大o既切一半 , 甘甜豐潤 , 好好味 , 唔捨得撈落飯度 醋飯味道唔錯 , 香軟煙韌 , 豉油偏咸 , 落好少好少個飯都好夠味無太多o既配料 , 只有少許紫菜絲同蘿蔔絲 , 帶來一點清新感覺2. 雜錦刺身冷面~ 比我想像中豐富得多 , 平時雜錦刺身多數都係切成丁粒 , 有三文魚

等位時間: 在這地區, 差不多間間食店都設露天茶座(即是坐門口), 這一間日本料理, 只要你早少少打電話俾佢留位, 就一定會俾到座位你, 咁都算OK啦.環境: 其實都覺得地方很細, 但起碼唔需要坐出門口, 細細間, 你咪當自己去左日本的居酒屋囉.員工服務: 人少會同你吹水, 人多就定時加水, 去過幾次, 果位四眼服務員, 昨天一見到我就叫我馬先生, (雖然我係姓賴的) 但起碼認得我, 仲送了少少餐前小食俾我.食物: 好老實, 食物唔係最好, 但對比出面什麼$168.00日本放題, 已經好好. 千之龍沙律 ~ $60.00 (魚生多, 汁好好味, 如果多D菜就更加好)千之龍卷 ~$80.00 (因為卷內隻蝦是即炸的, 一來就吃, 味道一流)鵝肝壽司 ~$60.00 (接受唔到, 因為平時吃壽司, 清清地, 好少會有油)串燒 ~$20-30串(好好味, 但我覺得有點貴)刺身 ~ $80-200 碟 (不過不失, 但有時會俾三文魚腩)甜品~ $20-30 (心太軟, 太太最喜歡)平均消費: $130.00@ 環境細, 客人多, 服務可以, 價錢算ok, 食物味道好, 如果以 $130.00@

原本諗住除夕晚食好少少, 而且之前食過呢間都唔錯, 所以就算果日出咗旺角行街, 到最後都係番入呢間食, 但經過今次之後, 我諗有排都唔會再幫襯lor~~~ 當晚七點左右去到, 見bar枱有2個位, 窗邊有張2人枱, 中間有張4人枱, 全部都冇話係reserved, 入到去一心諗住坐窗邊果張2人枱, 但一入到去個待應問有冇book枱, 我地話冇, 佢諗咗一陣, 就叫我地坐bar枱, OK啦, 我以為果張2人枱有人book咗, 點知我地食食下, 有對男女走入嚟自己就坐咗果張枱, 咁點解人地坐得, 我地唔坐得?? 果對男女入嚟果陣都冇話book咗枱, 早知我地都自己坐低算啦~~~ 果晚凍都死, 我仲着住件羽絨, 揹住個大袋, 點知bar枱底冇位置放嘢, 間鋪又細, 搞到我要着住件羽絨食, 一路食一路流汗, 坐得又逼又唔舒服, 咁又點會食得開心丫.................而且食物質數又差咗, 價錢又貴咗, 所以冇其他原因令我會再幫襯~~~ 天婦羅蝦粉漿已經唔似以前, 宜家果d唔夠鬆脆, 而且又油咗................ 豬軟骨拉麵豬軟骨都未變透明, 但係白色, 所以唔係好

上次冇帶相機/電話影相, 今次補番數, 有3樣都係上次食過, 今次encore, 但由於今次太飽, 所以只係叫咗4樣嘢食..............由於鋪仔細細, 所以最好六點半左右到達, 如果唔係會冇位架!!! 今次我地又係咁上下時間去到, 已經有3-4枱人食緊, 而其餘枱(附bar枱外), 全部都係reserve枱, 可能見時間尚早, 所以都比我地坐, 之後陸續都有2枱wall in客入嚟, 都唔會話唔比佢地坐, 當時我心諗, 其實係咪真係全部枱都要reserve比人架?? 後尾見到再有人入嚟, 個待應要check下, 然後先比佢地坐, 因為果枱係熟客仔lor~~~講番食物, 當然全部都係即叫即做啦~~ 鵝肝三文魚腩壽司 感覺上冇第一次咁好食, 可能今次唔夠汁, 但鵝肝仍然係外脆內軟, 三文魚腩肥美肉嫩 炸年糕 個皮炸到少少脆, 個心軟軟地又煙煙un un, 但始終唔及炸芝士年糕咁香, 咁好味, 下次都係叫番芝士果款 鱆紅魚刺身 4片厚切, 而且近腩位, 好肥美, 好新鮮 炸海老天婦羅 雖然炸得好脆, 亦好香口, 但仍然係偏油, 如能改善就更perfect

原本只諗住求其搵間茶記食晚飯, 冇諗過嚟呢度食, 所以冇帶電話影低d靚相, 實在太可惜...........大約七點左右, 响門口見到坐到差不多滿哂, 只有門口那張4人枱(但reserve咗)同bar枱, 見都仲有位咪入去試下lor~~ 門口個待應招呼我地坐近窗口果張2人枱, 逼到死, 要攝入去坐的, 因為旁邊放咗張4人枱, 後面又一張2人枱, 2邊枱d櫈啱啱頂住我要坐果個位, 要人地起身讓一讓先入到去坐, 坐好唔可以周圍旭, 如果唔係好易撞到人.............由於張枱太細, 我地分開咗3次落單, 慢慢上就慢慢食, 廢事一次過上就冇位放............. 1st round order 鱆紅魚刺身 -> 有4片, 唔算厚切, 不過又未至於切得太薄...........味道幾鮮甜, 雖然唔係腩位, 但唔會un, 之前試過某間, 好似食緊香口膠咁lor~~ 炸軟殼蟹飯 -> 實在太少軟殼蟹喇~~雖然佢切碎咗, 但絕對砌唔到1隻lor~~ 頂盡係大半隻, 但我個人認為只得半隻......... 不過...........味道唔錯, 雖然搞勻落d飯度, 但都

d野唔多好食味道其實一般d sushi飯仲要一夾就散....唔通師傅換左人????如果叫我去食多次...我就一定唔制個千之瀧卷其實係好普通gei 蝦卷...但都要成$80最ok同最抵係拉麵p.s.有件事好搞笑law...有一枱叫左心太軟同場有枱熟客兼大客都叫左心太軟熟客果枱d心太軟明明都黎齊個哥哥仔拎左個last gei 心太軟出黎問枱熟客黎齊未人地都話左齊咁即係係另外果枱客ga la點知個哥哥仔問都唔問就將last 果個心太軟送左俾枱熟客我見到眼都突埋最後果枱客催個心太軟d waiter就話溜單wo....俾個第二樣dessert....都crazy問都唔問就俾枱熟客熟客大哂咩...

今晚同爸爸慶祝父親節，因為第二日要返工，諗住近近地，而且屋企人都未試過，所以去lee間，點知......間舖好細，坐果陣又逼又唔多舒服......我地叫野食果陣都被佢個「店長推介」吸引左------牡丹蝦刺身特價 $8 !!!!!!!!!!!!!好抵wor!!!於是我地豪不猶豫甘叫左2碟，另外叫左佢地個千之瀧卷、豬軟骨拉麵同軟殼蟹天使麵，我同我個妹落單果陣仲好大聲話:「8蚊甘抵」，又問個waiter有幾大碟，誰不知原來係騙局既開始......我地食完一轉，由於d野食份量太少，我地於是叫多碟幾平既牡丹蝦刺身、軟殼蟹炒飯同三文魚壽司。d三文魚壽司既飯好散，d炒飯又太濕........因為隔離枱好多人，加上間舖好細，環境變得超噪......所以我地快d食完就埋單埋單個陣就出事la!!!!! 我地又唔係叫得多，叫d野又唔係貴野，埋單竟然要成$560!!!!我當然即刻check單la, 一睇, wawawa, 牡丹蝦刺身變左$68 1 碟!!!!!!!!!!!!3碟都成204蚊!!!!!!!!!!!相差好遠!!!!我地即刻指住個「店長推介」同個waiter講,佢只係話「寫錯左 ，唔好意思」就算.

7位朋友同小妹慶生日,上openrice搵左沙田呢間食店,雖然地點係隔涉少少,見佢好評如潮就黎試試,果然係好味喎!!!間野屬小舖,我地八大一細咁入去已經冇左間舖三分一o既位,好彩一早訂左位姐!!網友訂位注意頂多8位好喇,十位真係連侍應都冇位行黎上菜架喇!!!店員後生有禮貌,勤加茶執碟,讚!!!朋友一早運左個蛋糕俾佢地雪不另收費,仲提供好多碟同埋叉俾我地除左相五張相o既食物外,仲有拉麵,飯同埋豬仔脾,一樣好食入味!!!今晚食o既所有野都好滿意!!改善空間 : d野食再大碟少少就更好喇!!

1點幾, 唔知食乜好, 又不想食太常吃的燒味; 和朋友傾了一陣, 食日本餐啦~今日在這頭工作, 來千之瀧.上次係和豬豬女友來的, 今日她要返工, 唔得閒來, 得我和我的工作拍檔兩個咋...又不太多人噃, 不用等.朋友叫了個海鮮拉麵, 我要是日定食- 今日係咖哩豚肉飯.前菜先上, 我有個麵豉湯, 朋友有3 舊壽司仔.呀, 個哥哥回來話今日的豚肉賣晒, 咁改牛肉啦.麵豉湯喝一口, ok 啦, 一般. 不算太淡了.壽司仔朋友也話ok.之後拉麵到了, 係豬骨的白色湯底. 麵的味道正常. 海鮮都有帶子, 兩青口, 一條蝦天婦羅, 蟹柳等. 都幾ok 架.我的咖哩係中辛啦, 唔甜果隻. 牛肉係肥牛, 似吉野家啦, 飯係珍珠米.都算ok 了.服務不錯, 哥哥們都好努力, 我們進來時也好主動開門給我們. 上次和豬豬來, 已經幾個月前了...好快, 過多幾個月, 我知道, 又會和她再來呢...

第一次食.....店內空間較少, 枱與枱的位較迫, 但仍可接受食物的款式比想像中多, standard有sushi, 刺身.....特色的是千之瀧卷, 上面有好多蟹子，有紫蘇味粉，味道配合得幾好還試了豬軟骨拉麵，好好味~~湯底不錯，豬軟骨好入味及"林"帶子sushi很新鮮~蟹子沙津也算有水準~最方便係對面可以泊電單車，仲可以望住有沒有抄牌~~

週日徬晚，一家人路經崗背街，此處可算係人跡罕至的荒地，但竟然發覺有一日本菜餐廳，而且座無虛席，怕且水準會不俗，但其實其餐樓面積極細，成個廳面得幾張枱，怪唔之得爆滿，人客幾乎背貼背，再加上開放式廚房，使人有一種翳焗感，我們本想吃壽司和魚生的，但發現那廚子竟然唔戴手套，下下打真軍用手去捏壽司，衛生情况略差，可能做壽司要徒手搓捏先有感覺，但我就覺得此舉不能接受，大熱天成三十幾度高温，再加上其廚房又十分陜窄，炒爐和壽司檔擠在一起，壽司師父對手摸完東又摸西，轉過頭又去做壽司，我就唔會拿自己和家人的肚皮作賭注咁犯險，於是食熱食為主，我們選了海膽炒飯、軟殼蟹燴天使麵、鮮牛肉湯麵和煙肉薯蓉焗帶子，當中的軟殼蟹燴天使麵好像西餐食品，味道不俗，鮮牛肉湯麵就普通了一點，只是白色湯底配上紫菜、粟米和打邊爐的雪肥牛，而海膽炒飯就十分夠海膽鮮味，算係上作。煙肉薯蓉焗帶子就只有兩隻個殼大舊肉小的帶子，煙肉和薯蓉的配搭雖不錯，但成三十幾元得两隻，一口已吃了十幾廿元，可真犯本。此店的服務態度不太好，全場有一男一女侍應，男的還好，有禮貌夠主動，但女的就板起嘴面，好像全世界欠她什麽似的，叫都唔願應，應完又無表示，好像要求斟

為食日子: 5月3日~ 下午1時為食人數: 2隻為食價目: 約$94為食餐單: 炸蝦餅拉麵 $40天婦羅拉麵 $45午餐在附近找食, 朋友提出好味既日本野~ 入去原來細細間, 店面很日式, 其實係日西餐廳, 叫了2個拉麵, 蝦餅十分薄, 同想像有點距離, 天婦羅只有一只蝦, 而且似吉列蝦不似天婦羅蝦, 食物味道不錯, 但作為午餐價目會偏貴. 服務其實是不錯的, 店員主動有禮, 師傅細心, 點菜時因為未齊人, 主動詢問是否先起其中一個拉麵.

星期六中午一家三口再次幫親，上次因為食他們的午巿套餐，味道唔錯呀!這次叫了二個便當。刺身新鮮及味道唔錯及大少適中!天婦羅做得唔錯些汁料調配好!鏝魚飯汁料和味道野味小孩一定喜愛!海膽味香及入口自動容下!有一樣就要彈的地方係要加一服務費!因真唔多覺得有乜什麼服務可語!