千之瀧日本料理 (已搬遷) 新店位置

在沙田圍區一間新開業的日本料理...因為沙田圍區係冇日本料理,都冇人之前在呢區開過日本料理,所以呢間算係獨市...由於沙田圍區茶記多,開左間日本料理對這區黎講係新鮮的事,所以都吸引路人黎呢度睇睇,試試...呢間日本料理地方唔大,只係一間小店,裝修都幾好,但就因地方唔大而做唔到花巧的裝修,比較上簡單...因為新開,所以都幾多人黎呢度食...自己要左個鰻魚拉麵定食,有鰻魚拉麵,壽司3件,沙律...先講3隻壽司...有兩件係蝦壽司,一件唔知係咩魚的壽司...ok新鮮,但唔大件,唔會一夾即散...整體ok,還有需要改善的地方...沙律就份量較少.但都只係ok...鰻魚拉麵反而唔錯...鰻魚同拉麵分開上...鰻魚都算大塊,吸收左d照燒汁,甜甜地...拉麵唔算大碗,配料都係粟米,筍,紫菜果d,拉麵有咬口,湯為豬骨湯底,味夠濃...服務就...只得兩個侍應,幾好禮貌,但人手唔夠...埋單$38,因係試業期間,所以唔收加一,但唔算平...期待改善後會更好...