千両 (圓方)

营业中

休息中

#新鮮#口感千兩是新鮮的!午市定食套餐款式不算多，但味道一流。珍壽司烏冬定食的壽司很新鮮，烏冬口感好食，天婦羅香口，炸蝦好香脆，$98加一是抵食。性價比相當高。喜歡食壽司的我對於特上豐洲魚鮮壽司很滿意！牛油果赤蝦、加添蝦膏點綴，還有肉厚的帶子、肥美的甜蝦等等，灸燒三文魚腩充滿魚油又帶灸燒香氣，共10件壽司。盛惠$158加一。子薑和wasabi都要一試。平日外出午膳，我幫襯時間已過了下午2時，只需等一張枱便可入座。服務員態度良好，圓方是不同的。曾經是千兩會員的我，要出動了！

☑️珍壽司·烏冬定食 $98千両有Lunch Set，我次次黎到都會食哩個，有6款唔同既壽司🍣3件天婦羅🍤同埋一個烏冬。壽司好新鮮，飯無論係軟硬定酸度都好適中，天婦羅每次都唔同，今日係南瓜同炸蝦🍤好香脆☺️烏冬雖然好似平平無奇，但佢既烏冬口感係好好食，軟硬適中😋

小時覺得千両是十分貴價的壽司店，一直未敢光顧~長大有了經濟能力~可以自給自足了~極上刺身拼盤(2人用)擺盤十分精緻~刺身質素普遍不俗大拖羅及三文魚油份十足筷子難以夾實的地步但亦有一兩款比較普通　魚味欠奉灸燒明太子三文魚卷不過不失~壽司算大件~炸軟殼蟹有驚喜~!!上台已經香味十足而且有蟹膏炸粉不厚即炸口感很好!!~~椰子雪葩椰子味濃~但質感與正葩有出入以椰奶雪糕形容會更為貼切雙色雪糕燸米卷黑芝麻味濃~有點蓋過豆腐雪糕~

食咗好多野，因為生日有優惠，所以真係平d😍個海鮮湯好鮮味，入面仲有少少海鮮，不錯。刺身就無乜特别，不過都新鮮。壽司都好食，至愛海膽！反而甜品最有驚喜！兩個都好食。生日去食又有折，幾好😛

本來想食中菜，因為趕時間費事行咁遠，又唔洗等位便張就去了千両！無諗過要對這些飲食集团的連鎖店寫食評，所以沒拍照！但真係太過難食，有啲嬲...........先上檯是特上刺身既魚居然有筋，一塊係咁，兩塊又係喵；我唔食牛既，我阿媽話三件和牛之中有兩件也有筋要吐渣；然後天婦羅，一件南爪一件茄子一隻蝦，件件都返炸，上碟如其名冷冰冰兼送上油膱味，從未食過咁難食既天婦羅真有點後悔吞左落肚！吞拿魚卷沒味道可言！只有蒸蛋和烏冬比較正常！！！！

下午茶時間，嚟到叫住一個定食，諗住食完唔夠飽再加其他壽司食啦！啱啱食完個烏冬，放底筷子，飲啖茶。侍應就即刻收走哂所有餐具，包括筷子。即係唔比人再加嘢食？ 咁咪算數囉！，趕客咪下次咪唔嚟囉！

平日中午午餐，開11點半，一早入去，不久便陸續有人入來，平日午市都有套餐，選擇大慨十款左右，加八元有餐飲果茶或咖啡。特選創作便當，九格食物每樣試小小不錯，而靖魚部分沒有骨，非常好，可，今天食A，D，F歺，滿意，大部分午歺百多元至200元左右。12點半離開，門口已排隊了。

近排經常到這間圓方千両光顧。皆因食物水準高，加上職員非常熱誠介紹餐廳的出品。刺身和壽司用的海鮮非常新鮮。其他熟食嘅菜式選擇很多，而且味道也很好。唯一缺點係因為多人排隊，等位可能時間長一些。

離睇戲時間唔夠一個鐘，就喺戲院附近食少少嘢先外表平凡嘅壽司，款款都好新鮮尤其是牛油赤蝦同埋加咗蝦膏、青瓜嘅蝦壽司更為好味因為冇肉，所以冇畀個爐仔我哋熱住。湯底太清，連我食得淡都覺得冇味，蘿蔔又唔入味！失望！我要生牛肉，因為驚熟牛肉會韌。湯的溫度剛好將牛肉燙熟，烏冬軟硬適中。我哋將雪見鍋的材料放埋入烏冬湯裏，好味好多😀

這間連鎖日本菜餐廳有多間分店，今日同家人去sky100，順道去了附近圓方的分店吃個飯。餐廳環境都好舒適。.🐟大吞拿魚腩配鹽麴吞拿魚蓉 $52🌟千両壽司 $58職人壽司用上豐州直送時令魚鮮，見到好吸引，就選左兩款食下。大吞拿魚腩配鹽麴吞拿魚蓉壽司用上最肥美的大拖羅，加上爽口的三文魚籽和鹽麴，食落口感層次豐富；而千両壽司的海膽好清甜，吞拿魚蓉又充滿魚油香，配搭起來一齊吃，味道的層次又提升了不少。.💕珍寶帶子 $65用北海道產的帶子，大粒又厚身，食落好鮮甜。.🍣特選壽司拼盤 $225拼盤有10款壽司，每款都不錯，而且用料新鮮。個人特別推薦珍寶帶子、炙燒三文魚腩；帶子壽司的帶子夠晒肉厚，而且好鮮甜；炙燒三文魚腩充滿魚油香之餘，又帶炙燒香氣。.🦐炸蝦卷 $32炸蝦新鮮炸起，好香脆。.🦀軟殼蟹手卷 $32好足料，每啖都食到香脆軟殼蟹。.🍳千両自家製日本厚燒甜蛋 $22厚玉子好香甜，側邊還伴有柚子皮幾特別。.🍰上林春松 抹茶卷蛋 $58抹茶卷蛋茶味香濃，伴碟還有香甜紅豆、冰涼蕨餅和雪糕糯米糍，真係大滿足。

圓方商場，到處都是美食，今次試下日本料理。今次來到千両，店坐位不多，店員帶我到吧枱坐下，看到有午市套餐，午餐有幾款選擇。價錢也合理。我挑選了，特選壽司拼盤配牛肉烏冬，套餐跟一杯飲品。美食來了，賣相也不錯，拍幾張照片先。先試試壽司，好食的，新鮮的，套餐內有7件壽司，每件壽司都是即做，刺身很有魚味的，壽司飯也軟硬適中，以這個價錢是合格的。炸物就一般了，吃上口有點油膩。牛肉烏冬也好吃，牛肉很嫩滑，有牛肉香味。前菜小食，就是蕃茄秋葵配沙律醬，味道0K。服務態度一般啦。整體用餐是合格，壽司做得比較好。午市套餐$198。有加一服務費，結帳就是$218。

千兩絕對係想食日本壽司時候唔想諗太多嘅一個選擇，因為佢有一定程度上嘅保證。相信大家都會知道其他嘅壽司都唔係唔好食（相信大家明白我講緊邊間）但係千兩就係比佢哋好食少少🤏😂。以佢嘅選擇亦都比其他嘅多咗個少少🤏，所以其實少少再加少少加埋加埋，就真係同其他有分別。試多一兩次你就會明另外有機會嚟到千兩嘅朋友可以推介你試一試佢嘅魚鮫，唔同時期會有唔同口味嘅魚鮫。本身我自己係一個唔鍾意食魚嘅人，但係每一次去到都一定要嗌一碟嚟食

近排疫情真係好嚴重, 大食妹唯有乖乖地留喺屋企嗌外賣啦今日好想食壽司, 大食妹就上網搵咗搵, 發現千両嘅都有啲熟嘅壽司, 於是就嗌咗份<炙燒壽司一人前>睇開大食妹食評嘅朋友都知道, 大食妹唔係好食生嘅嘢食今次就嗌咗炙燒壽司一人前炙燒壽司一人前總共有12舊壽司, 分別係炙燒中吞拿魚腩、炙燒油甘魚、炙燒牛油珍寶帶子、炙燒牛油珍寶赤海蝦、炙燒鰻魚、炙燒左口魚裙邊同加州小卷如果大家好似大食妹一樣唔食生野嘅, 可能會覺得炙燒中吞拿魚腩、炙燒油甘魚同炙燒左口魚裙邊有啲過生用料雖然新鮮, 但係唔夠肥美炙燒牛油珍寶帶子同炙燒牛油珍寶赤海蝦味道鮮甜, 質素唔錯炙燒鰻魚同加州小卷呢啲完全熟食類就不過不失

如果食千兩一定要join 佢地嘅member,到你生日嘅時候，千兩就會送張半價coupon。呢間壽司我真係好中意，平時都吾太舍得食，因為價錢真係少許偏貴，但佢地嘅食物質素真係好新鮮👍🏻每次去都必食海膽壽司，比於我本身吾係太好海膽嘅人都中意食，因為佢真係好鮮甜，完全吾會有腥味。推介食佢嘅海膽手卷，因為佢相對海膽軍艦抵食，價錢吾係差太多，但海膽手卷足料好多。帶子都係必食，夠晒大粒，肉汁口感豐富夠鮮甜。但熟食都刺身還好，冇咩太大驚喜。

🍣日式飽魚茶壺湯茶壺比想像中細，湯鮮甜，鮑魚粒、菇、蝦、蜆等味道也在湯裡發揮作用，但必須趁熱飲，否則味道會有變化。🍣千両特選壽司拼盤（ 10件）十款不同的壽司，同朋友Share剛剛好，入面有接近一半是炙燒，不食生野的朋友也可分享。🍣天婦羅蝦生春卷伴芒果醬米春卷入邊包住天婦羅蝦、生菜同埋牛油果，外軟內脆，芒果醬和生菜嘅配搭，令人覺得成件事好清新。