千両 (美麗華廣場1期)

营业中

休息中

朋友介紹這品牌的食材都不錯，今次選了這分店吃一份午市定食。午市定食種類多而且價格相宜，由98元起至168元。我選了一個百両定食。定食的食材擺放在木盆上，有沙律，天婦羅、烏冬及壽司。沙律菜清爽鮮甜，醬汁味道適中，吃了開胃。天婦羅有三款，全部都炸得香脆可口，入口不膩。烏冬湯底清，麵質彈牙，配上帶鹹鮮味的柴魚片又非常好吃。壽司有六款，剌身類壽司材料新鮮，入口甘甜美味。炸蝦壽司鬆脆可口。食完定食，食猶未盡，再點了一份甜品及咖啡作結。北海道雙重芝士蛋糕，這款甜品有一件芝士蛋糕及一個綠茶雪糕球，配上士多啤梨及藍莓，看上去色彩奪目。綠茶味雪糕球味濃郁，口感軟軟滑滑，夏天吃很消暑。芝士蛋糕厚厚一件，也是濃滑可口。兩款水果清清甜甜，整份甜品令人吃得開心。炭燒即磨咖啡，味道香醇，濃而不苦，味道剛好，咖啡用上一隻很好看的藍調咖啡杯盛載，很高雅大方。有主食又有甜品，今次真吃了一道豐富的午餐。

🍶近來千両推出了全新季節限定餐目「夏之風味」以清爽新鮮的季節食材如松葉蟹 澳洲鮑魚等烹調出多款特色美饌 客人亦可選擇清酒體驗淺嚐三款清酒 醇濃芳香 淡麗清雅的一應俱全 巧妙融合不同烹飪方式 帶來獨特的風味💆🏻‍♀️.「夏之風味」餐目 (至28/9/2023).▪️松葉蟹盛岡冷麵| Hkd $68麵條質口感獨特 質感滑溜同時帶有嚼勁 放入特製冷麵汁 並配以松葉蟹 青瓜 番茄 沙津菜等配料 鮮甜且清新爽口 非常適合夏日享用.▪️自家製磯煮鮑魚| Hkd $168鮑魚來自澳洲 鮑身厚實 鮑魚本身已帶有淡淡的鮮甜味 經過磯煮方式慢火炆煮 充分吸收日式醬油和昆布的香氣 醬汁特別鮮甜香濃之餘鮑魚的肉質也相當嫩滑彈牙.▪️自家製磯煮鮑魚壽司| $48/件▪️韓國炙燒黑曹壽司 | $38/件▪️海膽松葉蟹箱押壽司| $58/兩件黑曹魚肉肉質結實 魚味略較清淡 沾上米醋能提昇其鮮甜度 口感清爽 炙燒過後味道更加突出 另外的箱押壽司以海膽及松葉蟹肉組成 不過略嫌紫蘇葉蓋過海膽和松葉蟹的鮮味.▪️ 鐵板鹽蔥牛舌片| $78以鹽蔥搭配薄身的牛舌 兩者互相襯托 鹽和蔥的調味讓牛肉的本身的風味更加突出 口感清新爽口 富有彈性▪️

日式料理、刺身壽司老字號店千両最近推出期間限定夏之風味特別餐目，以新爽的磯煮鮑魚、松葉蟹盛、冷麵做主題，在壽司、刺身等美食之外，提供多一些選擇。.✿ 海膽松葉蟹箱押壽司將松葉蟹肉及壽司飯放入模箱，壓成箱狀。再加上海膽及松葉蟹肉，賣相精緻有特色，感覺更清新。.✿ 自家製磯煮鮑魚壽司來自澳洲的鮑魚經過自家製磯煮烹調。磯煮亦即是以醬油、昆布慢火炆煮，令鮑魚口感煙韌、豐盈入味。.✿ 炙燒黑曹壽司韓國黑曹刺身經過火炙，帶出油份，味道豐盈。.✿ 黑安格斯牛柳粒配月見味噌醬夏之風味餐牌有不少熟食上的新選擇。來自美國的黑安格斯牛柳粒，配上生蛋黄及濃濃的味噌醬，加在一起別有一番層次。.✿ 鐵板鹽蔥牛舌片鐵板鹽燒的牛吞，加上爽口京蔥絲，甚為惹味。.✿ 自家製磯煮鮑魚厚身的澳洲鮑魚，同樣經過磯煮烹調，彈牙的肉質和鮮甜醬汁，帶出鮮味。.✿ 松葉蟹盛岡冷面清新的冷麵，配上半熟玉子蛋、及啖啖松葉蟹肉，夏日清新之選。.✿ 芒果北海道 3.6牛乳布甸大大粒芒果肉加上圓滑的北海道 3.6牛乳布甸。同樣是清新之選的甜品。.❀ 特撰唎酒體驗餐廳有提供清酒配對體驗，挑選了三款清酒包括：「天領 純米酒」、「初夏 純米大吟醸」及

一直很喜歡到這間餐廳吃午餐，之前這裡裝修了幾個月，終於重新開張，急不及待來看看能不能保持水準。裝修完後煥然一新，座位也多了不少，很有日本新式風格。這次點了灸燒海洋丼，刺身一如以往新鮮甜美，以後也會經常光顧。

同友人2人晚上去到，見bar枱仲有4個位，但又有人拎飛，所以拎咗飛～～點知等成半小時，有人走，佢都無放過個4個bar枱位岀黎，而半小時內佢都無叫過飛⋯⋯只見有3-4個女staff企係度傾計😠之後我忍唔住問你哋係唔係會叫飛?我見bar枱個4個位一直空咗！個staff先話而家諗住叫,然後先安排比我地2人坐⋯⋯其實呢幾個女staff嘅安排好差，直頭倒公司米😂😂見有啲兩個人嘅等等下都走咗⋯⋯食物質素完全無問題，只係全程女staff們唔會主動倒茶同收碟，就算上菜佢見到疊埋三隻食完嘅碟都唔會主動收。茶成程無再加，一望只見兩個女staff又傾緊計，真係sorry，叫你倒茶，阻咗你哋tim講返食物，係好食，保持質素，上菜快👍🏻只係比服務拖累。最好笑係岀去埋單，佢地一直無比單我地，岀到去個女staff仲問我地坐邊！我見其他人都有單你仲好意思問我？

入咗一段时间。叫了三个餐。十分钟上一个。最后第三个餐同第二个餐系一样款式分开上。中间相差有5到8分钟。跟服务员讲。他们觉得是应该应份的。什么餐厅？香港真係玩完。

去完日本特別掛住刺身壽司🍣千両嘅壽司同刺身一向高質最近推出咗新嘅職人壽司系列款款都新鮮 味道好有驚喜🔸豐州五點🔸吞拿魚手鞠壽司🔸馬糞海膽配甜蝦🔸真鯛胡麻醬油漬🔸大吞拿魚腩配吞拿魚蓉🔸墨魚配明太子🔸真鯛配鮟鱇魚肝🔸磯煮鮑魚🔸日式黑胡麻布甸🔸九平次利酒豐州五點即係五款時令刺身，全部都好新鮮，色澤亦好亮麗，當中最出色嘅一定係真鯛刺身，食落口感鮮嫩，魚味香濃，另外帆立貝亦都好大隻，非常好味😆新推出嘅豐州系列壽司全部都設計得好有心思，賣相好精緻。吞拿魚手鞠壽司真係好似手鞠咁樣，非常特別，一啖食落去非常鮮甜，配合埋鋪喺頂嘅海膽同三文魚籽，口感好豐富😍 馬糞海膽配甜蝦亦都好出色，甜蝦好大隻，口感嫩滑彈牙，馬糞海膽亦好清甜🤩真鯛胡麻醬油漬嘅味道比清淡，可以食到真鯛嘅鮮味👍 大吞拿魚腩配吞拿魚蓉入口即浴，真係幸福嘅感覺☺️ 墨魚配明太子嘅配搭我都係第一次食，估唔到又幾夾幾特別🤤真鯛配鮟鱇魚肝食落好清甜，魚味亦好香濃，配埋魚肝一齊食好正😆食完壽司刺身就到熟食，磯煮鮑魚食落好淋，完全唔韌，火候控制得非常好，鮑魚亦都好入味，非常好味😍日式黑胡麻布甸非常滑溜，芝麻味十分濃郁，係一道相當高質嘅甜品😋 九平次利酒有三

一向喜歡日本🇯🇵千両亦是連鎖店中比較高檔次今次見佢又出左新餐牌就來試試🐠豐洲五點五款有刺身各有千秋，當中不乏當造既真鯛最為鮮甜味美，而帆立貝亦大大粒😉🐟吞拿魚手鞠壽司魚肉油香味重身，魚肉偏甜🐟馬糞海膽配甜蝦軟淋稔口既甜蝦，配埋海膽冇腥味，令到整體更加鮮味🐟真鯛胡麻醬油漬魚身色澤晶瑩剔透🐟大吞拿魚腩配吞拿魚蓉魚味偏向濃郁，油香味無得頂🐟墨魚配明太子墨魚爽口彈牙鮮味🐟真鯛配鮟鱇魚肝肉質清甜，吃到一絲絲肉質，魚味濃郁，脂肪比例偏少，魚肝亦好香🍶九平次利酒一次過可以試咗三款嘅清酒，由味道清淡開始試上去，味道平衡而且好適合女仔嘗試。🍮日式黑胡麻布甸濃郁嘅黑芝麻味在口中徘徊，值得一試

看見千両推出全新限定餐目好吸引，所以來試試， 個人食日本料理怎會少得刺身, 當然叫了新出的目張刺身二食試試 ($278)，二食包括刺身及壽司，刺身最重要夠新鮮，新鮮之餘，油份適中，肉質煙靭爽口，配上千両特制的醬汁，令到刺身味道更提升，另外有三件刺身壽司，肉質煙靭的刺身加上鬆軟的壽司飯入口有另外的滋味, 一口刺身配一啖純米大吟釀, 更突顯鮮味, 很滿足。宮城時令生蠔 (宮城產) ($58) :生蠔非常大隻肥美飽滿，最重夠新鮮金華鯖魚箱押壽司 (宮城產) ($38) :魚肉很厚身, 味道也很鮮美, 唔錯海膽壽司 (宮城產)) ($68) :海膽夠甘香，入口即溶，一啲都唔腥, 口感極佳平目昆布漬壽司 (青森產) ($22) :昆布漬可以提升魚鮮風味及保鮮, 平目肉質夠结實, 魚油非常豐富野菜比內地雞湯鍋 ($98) :很豐富的雞鍋, 有兩件免治雞塊外還有嫩滑的雞件, 加上很多野菜及香菇令成個鍋味道提升, 如果想食熱辣辣嘅食物, 這個是推介最後食埋焦糖青森蘋果卷蛋 ($48) 來結束完美的一頓晚餐:呢款卷蛋口感似食雪糕蛋糕, 因為入面的忌廉是冰凍好滑所以似雪糕, 清新不太甜, 食到有粒粒既青森

今季千両特意推出全新「日本東北限定餐目」，以東北各縣各頂級魚鮮製成不同料理，菜式驚喜豐富，再配合上等嘅清酒，等大家暖住迎接秋冬嘅來臨👍🏻🐠▪️目張刺身二食 (青森縣) 目張魚是一種白肉魚，是日本料理當中非常人氣的刺身魚類，非常新鮮，油份適中，肉質煙靭爽口，配上店舖自家制嘅酸醋汁，鮮味非常，而當中壽司則以醋飯溫熱的酸味帶出刺身嘅甜味🦪▪️宮城時令生蠔 (宮城縣)生蠔非常肥美，大隻鮮甜爽脆，配合檸檬酸汁好鮮味🍣▪️金華鯖魚箱押壽司 (宮城縣)江后時代為保持魚的鮮度，將生魚片和醋飯放入長型的「押箱」之中內壓緊，然後切成麻將大小享用，鯖魚酸味適中，壽司飯亦非常鬆軟，唔錯🍣▪️海膽壽司 (宮城縣)海膽味道鮮味甘香，入口即溶，口感極佳，配上清酒，味道更突出🍣▪️平目昆布漬壽司 (青森縣)昆布漬最初用作保鮮，後來變成提升魚鮮風味的技術，配合肉質結實，魚油非常豐富的平目，讓壽司更見濃郁甘香🍲▪️野菜比內地雞湯鍋材料豐富，地雞肉味香濃，肉質是煙韌彈牙，雞肉豆腐雜菜餅，多餡料幾好食，配合蔬菜香菇及醬油清雞湯，飲完之後好溫暖🍰▪️焦糖青森蘋果卷蛋清森蘋果香甜多汁，配上忌廉和鬆軟嘅蛋糕卷蛋，炙燒過的蘋果更加焦香香甜🥃▪️清酒

日式食品，例如刺身和壽司，到處都是。特價和正價都可以任君選擇的。但講到質素和絕對有信心的店舖，本人認為《 千両 》，非你莫屬呀！你在今個季度的限定食品又再推出了，不是只會令人有驚喜的質素，就是擺設、價錢、款式和味道，都是我絕對信任的溫馨提示： 好多朋友去到‘’千両‘’都會飲凍嘅日本清酒，但今次我特別要試一試飲暖的日本清酒配魚生和壽司。其實，我覺得少少辛辣味道，能夠剷除一啲啲魚腥味。尤其是今個季節限定的箱 器壽司。

今日好想食千兩，因為千兩壽司雖然都係元氣旗下，但係質素同埋款式會多好多！如果我想要白新魚都會多啲選擇午餐Shek會跟麵豉湯同埋沙律，同侍應講助手沙律醬不過佢應該唔記得咗呢度有五款刺身每樣有兩片，會有三文魚同埋吞拿魚呢兩款大路嘢，同埋我估八爪魚刺身應該係平價嘅，因為好多平價嘅壽司石都會有八爪魚刺身，不過我都覺得八爪魚刺身一般都好探微！不過另外有油甘魚同埋真錶，油甘魚普普通通真叼就幾好味，不過切得非常薄收你$128係咁㗎啦🤣🤣壽司殺定食都係咁上下，都係成為你$128.1個石，壽司款式多，有兩件三文魚卷，同埋圖中所見嘅壽司款式，最高質素嘅就係赤蝦壽司，同散嗌嘅一樣咁正咁厚肉鰻魚壽司同樣好味，不過呢張相影唔到，佢似搭非常之咁博！而最高嗰一排紅紅地同埋白色嘅刺身都係切得好薄好薄一分錢一分貨？散嗌左一件$32嘅牛油燒赤蝦，赤蝦非常之新鮮，燒過嘅牛油將蝦嘅味層次變得更加豐富再加左甜蝦刺身同埋帶子刺身，帶子好似$68有三件好厚肉好大粒嘢，佢再將一件設成兩粒，每一啖都非常之有口感！呢個真係超值，高質過我平時喺岩鹽食到嘅帶子刺身，其實佢哋都係差唔多價位，不過千兩嘅帶子刺身真係十分之推薦！甜蝦相對之下都好味

今日同老婆去咗千両食午飯，揀咗兩個套餐，一個刺身餐，一個壽司餐，抵食之選，另加咗杯凍炭燒咖啡。刺身新鮮清甜，特別鍾意吞拿魚腩，非常肥美，入口即化，魚油味香。帶子亦非常鮮甜，口感厚實，正！可惜今日無海膽，轉咗魚籽，落單前唔知，侍應無講，最後係我哋無意中發現，再問先講俾我哋知。哩啲情況，預先講聲俾客人聽會好啲，以免之後有誤會。好彩魚籽我自己都鍾意，但未必個個客人都啱口味嘛。另外仲有個小插曲，刺身一開始少咗件鮑魚，一望嘅時候已經覺得有少少唔對路，點解好似好少嘢咁嘅，拎起個餐牌逐樣逐樣對嘅時候，就發現俾漏咗件鮑魚，好彩我同老婆心水清，一開始就發現，如果唔係之後真係口同鼻拗。魚籽甜蛋飯都非常高質，珍珠米晶瑩剔透，香甜有彈性，好味😋！壽司質素都好高，每件都大大件，大滿足！

呢間壽司店，隨便叫都唔會伏😌叫下蟹🦀️、叫下貝類叫下玉子🥚、海膽、吞拿魚🐟雞泡魚乾🐡午市定食仲有杯飲品輕輕鬆鬆隨便點，都有好食的日本嘢😌又係滿足的一天🌞

今日同老婆去佢最鍾意嘅千両食晏，我哋每個月都會去九龍酒店內的千両幾次。今日去到時，簡直係晴天霹靂，心如刀割💔，竟然結業了！我哋都唔敢相信，上兩個星期先嚟過，再上OpenRice睇，點知真係無咗😢。唯有轉場，去咗Mira Mall裡面嗰間。好好彩，去到都仲有位。我哋叫咗假日魚生套餐同烏冬壽司套餐。慶幸味道一貫地好，食物水準同九龍酒店嗰間差唔多，不過擺盤無相咁靚。帶子刺身非常厚身大件，鮮甜結實有彈性。海膽都好好食，好滑好creamy，味道濃郁，清甜無腥臭味。拖羅都好正，魚油味香，入口即化。鮑魚有彈性得嚟唔會靭，鮮味十足。壽司都好食，特別係赤海蝦壽司，蝦超大份厚肉，味道鮮甜，令人好滿足！三文魚壽司🍣都好好味，肉質嫩滑，魚油味濃，中間散發住淡淡嘅焦香味，正！凍咖啡嘅炭燒味好香，無酸味，我鍾意❤️！