千両 (國際金融中心商場)

营业中

休息中

前日同男友去食，等左40mins 有位。其實我唔太好食日本野，不過男友鍾意。佢覺得otoro好好食，又新鮮，而且$45一碟唔貴。軟殼蟹手卷都幾好食，$18都抵。平時佢一定會叫吞拿魚刺身，不過個日d吞拿魚好似好唔靚咁，我地冇叫。2個人埋單$240。我又唔覺佢地d staff咁差，我去過幾次，reception就態度ok (前日個個女仔都幾好禮貌tim)，入面waiters我覺得態度都唔錯丫。P.S. 元氣卡用到2月尾就冇得用喇~

年初二我都有去千兩食野．我係座係門口對正位跟手被掉去卡位的食客．當日好鬼多人排隊咖．我地見到都唔想排，我地拎百幾號籌，前面仲有成四十個喎．不過唔緊要啦，我地照等．其間好多人不耐煩走左，叫籌叫得時快時慢喎．我地兩個人都等了四五十分鍾喎．好啦，坐下食了一半左右啦，門口見到有人過飛同一位門口小姐理論．其實係我地等個時哩，都看到有約干人過飛不獲補位咖啦，所以我地無行開咯．點知過飛個幾條友哩，好唔禮貌咁樣又話人地握佢地又剩，但係其實張飛上面有些如過果飛係唔會補位的，仲ｈｉｎｇｌｉｇｈｔ　左的．你唔識字都算啦，佢地仲要係門口五六七條友係咁大聲嘈又講粗口又剩．雖然我都覺得過飛唔補位係佢地公司ｐｏｌｉｃｙ　唔好，唔ｆｌｅｘｉｂｌｅ，但係新年流流咁樣講粗口鬧人地都真係幾無品，講真，那裏是中環不是旺角．你大聲唔代表你無禮貌但係你講粗口亦唔代表你威咯．其後有卡位我見有ｓｔａｆｆ　安排佢地入座，佢地係唔肯入喎，話點都要等齊人入．咁人地安排俾你您又唔入你想點？其後我同我老公被安排兩個人入卡位跟手俾佢地座了我們的門口位，我不知用意為何不過佢地一入座就噪喧巴閉，我肯定成間舖都聽到．你這是有品的行為嘛，我想我要重申一

本來高高興興於大年初二去食日本野，朋友介紹呢間野，咪去試下囉，一行七人於晚上七時五十分拿了飛(號碼:129)，見還有十多張枱才到我們，咪上天台睇煙花囉。我地上到天台，煙花於三分鐘內便開始，歷時二十三分鐘。睇左大半(約晚上八點十八、九分)我地打電話去問到了我們沒有，他們回答還已到了127 號，還有兩張枱便到我們。我們馬上派人由天台落返去拿枱。三分鐘後其餘幾人亦於煙花完場後從四樓天台回去(八點二十三分)，點知落到去(約八點二十五分)我兩個朋友企響門口，佢地話己經過左一張枱，(朋友話俾我知，127 號未被人畫，奇怪的是128 及129 號被人畫了)我們覺得非常奇怪，入去睇清睇楚每一個位置,包括bar 枱及卡位的數量及每個位置食野既進度(果度共十三個沖茶用的水龍頭，約每兩個坐位共用一個，即bar 枱位約可坐二十六個人，再加上四張四人枱卡位，共十六人，即全店可坐約26+16 = 四十二人)，發現原全沒有一個連續的七人bar枱位置及兩個卡位是新坐下來的。我質問店內陳姓男店長，原本想安排我們一行七人坐於那裏，他指着兩張正在吃了十多碟壽司的卡位，硬指(誐稱)那兩枱卡位便是我們miss 了，而給了其他客

由於男朋友不愛sushi，所以一直都無機會，終於來ifc開會緊係來呢到食晏。雖然呢到同元氣係同一個集團，但係就比元氣新鮮好多，而且價錢都唔係差好遠，如果有機會一定會再來!

好彩今日早o的落黎, 十二點鐘到唔使等位..5個人食左40碟sushi都咪話唔誇張~~ 呵呵本身及同事覺得軟榖蟹手卷好好食, 我大舊蟹, 同埋充足o既牛油果, 咬到最尾果啖都仲有好多餸喎, 正爆.其他魚生都好新鮮~~海膽都好食; 甘海老掂; 炸蝦卷就同返元氣差唔多; 青瓜好似有南乳味咁o既? ; 帶子正; 油甘魚肥美... (不能盡錄)最後, 紅豆雪糕都好重豆味, 綠茶就冇咩驚喜..食左咁多以為過千, 點知都係八百九十蚊落樓. 唯一係地方淺窄, 唔好預好坐~~

跟靚女一起午餐, 原本想去IFC新開的翡翠拉麵, 怎料才12時多已三,四十人等候, 唯有轉移陣地到千兩~等了大概二十分鐘才有位, 已有點不耐煩~ 不過見到迴轉帶上的安格斯牛壽司, 又真的是火氣全消~試想想, 安格斯生牛肉一片, 外邊grill熟了, topping加了少許蔥花及生蒜, 入口啖啖牛味, 2件都只售$18, 最難得的, 是靚女小老闆不吃牛, 結果我一口氣吃下兩件, 樂事樂事~炙燒三文魚也是不錯的選擇, 外熟內生, 鮮味十足, 入口即溶~軟殼蟹手卷相對失色了, 軟殼蟹只是僅僅放上了手卷之上, 結果我一咬下, 軟殼蟹跌了下來, 失禮死了...埋單一百八十多, 謝靚女小老闆請客~

在IF C就一定有返甘上下水準，真的是不錯，吃了兩次，兩次的水準still保持一樣，不過就真的是等的太耐了，所以沒有那麽多的時間去等。。。偶爾去下而已。

Yes, agree with some others' comment before, the staffs for this Japanese restaurant are little bit INCH, they think they have a lot of people waiting outside and not care for the customer feeling.Besides, the store area is quite SMALL and UNCOMFORTABLE, paying around $250 per person seems not worth indeed.

我們昨晚六時許到中環IFC千兩食壽司，可能時間尚早啦，不用等位。各類的刺身都非常新鮮，尤其是泛立貝和牝丹蝦特別鮮甜。穴子一本和豆腐都好嫩滑。不過三文魚頭湯的味道頗咸。我們兩夫婦還點了是日推介的赤貝刺身，味道鮮甜但價錢略貴。56元得4小片。我們另外還叫了三文魚壽司、海壽司、腐皮壽司、吞拿魚等等。合指一算，我們叫了總共二十碟，真嚇人。

12 Nov 2005其實我十分同意下面位fongcchichi人兄所講既說話，佢哋嗰種過咗number就唔會比返人既事件確實令我好唔高興，我覺得應該比人客有五個number既走”讚”，咁萬一啲人人有三急去咗厠所都唔駛覺得唔抵吖．．．但係佢哋門口嗰兩位員工既態度都好囂張，好吋咁，我同朋友原本一早攞咗張飛，係要等成15張枱度，等咗成半粒鐘，見仲有成10張枱至到我哋，咪去買本雜誌囉，但係要行好遠，要去到地鐵站既Seven至有，跟住返黎時己經過咗2張枱，但真係好唔抵，只係兩張枱咋，咁我哋唯有再攞過張飛，又要等多10張枱．．覺得己經有晒心情食，但係又一心黎呢度試，所以死都唔走，要試過至心息。但係門口兩人可能諗住獲贈最佳員工奬，所以其態度囂張，覺得自己舖頭好巴閉咁，話要排過就排過．．呢間既嘢既老細真係冇人性，睇黎都等執！可能由於排咗咁耐影響晒心情同食慾，所以我覺得食物一般，而且種類唔多，不過價錢並唔算太貴，或者會再去，或者唔會．．．睇下其他朋友有冇異議先啦！

琴日放左學後行過去試，都唔錯，D 壽司都幾新鮮！而且唔係太貴，只係比元氣貴少少，但係佢放係壽司上面既魚生都大塊D！計有食左三文魚壽司，甜蝦刺身，油甘魚壽司，三文魚子壽司，炸蕃薯，軟殼蟹手卷，墨魚壽司同炸蝦卷，全部都幾新鮮好味！服務都算唔錯，係門口派飛個女仔有少少臉色俾我地！原先等到我地時，咁我地想坐卡位，個女仔唔係好想我地等咁，跟住有另一個女仔出黎話幫我地睇下先，咁佢話要等等，咁我地都話等，咁佢都肯俾我地等個卡位！不過可能係星期六同埋我地早到既關係(大概七點半)，我地都唔係等左好耐就有位，跟住之後就好多人係門口等位lu！另外係卡位旁有個肥肥地既男仔侍應，都好好服務同禮貌！定時會黎幫你收碟同換碟，換黎既新碟仲係熱既添呀！好多謝下面個位仁兄提醒，如果有元氣卡就記住帶埋去呀，有九折架，即係免加一喇！

全部食物非常新鮮! 連Washibi應該係用新鮮植物磨出黎既, 味道明顯完全同其他日本餐廳既不同! 相比和花亭, 壽司或元氣等- 千應該係最出色既一間! (價錢都係差不多)。不過座位實在太少, 若星期五或六, 六點半後才到的話, 就要太約等兩個小時。記緊用元氣咭係有9折的(因同一個集團)。

黎開IFC便試下"千兩"...的壽司太好味又新鮮...價錢以咁好質素都抵啦...環境都算幾好...令我想又再光臨...(因為我太為食)

聽聞千兩食物質素不錯, 作為為食之人, 一定要試。不能訂坐,只好去等位.等了一小時四十五分鐘,還有6 張椅子才到我,剛巧的士司機沒有零錢找給男友,只好立即去給男友解圍. 去前再三和門口的小姐說出情況,並答應十分鐘內一定會回來(因的士停車處和餐廳頗遠,來回要大約8分鐘),請她們諒解.如承諾,十分鐘內回到千兩,故事發展到這裡,當然是我回來時剛過了我的號碼.門口小姐說過了號碼不能補發,等了一小時四十五分鐘,發生這樣的情況,當然不好受,但小姐們尚有禮貌,而明知小姐們不能作主,只好請她們請經理出來.她們給眼色在不遠處的年輕男子,而此男子絕對是在講私人電話(因很近所以聽得見),當然他沒有收線,等大概5分鐘,這所謂經理才過來.和他說話的內容實在不能盡錄,只能說他的態度極為傲慢,他的態度真的令人氣憤難平. 他回覆的精句如下﹕"過了號碼不能補發,我地冇理由要留檯比你,你重頭開始等啦" (我接著說,我從來沒有叫你們留檯,我只希望你們不要我從頭開始等(從頭開始要等超過四十張檯)我真的等了一小時四十五分鐘,我離開前亦有同門口小姐交待,我亦如承諾十分鐘內回來)"你要從頭開始等,這是"日本餐廳"的規舉"。我告訴他

睇戲之前要食少少0野(早餐+ 午餐+下午茶), 剛巧這店在戲院附近, 而且很久前已經想試. 當時已是下午三時, 但估不到仍有不少人等位. 我們足足等了廿分鐘才有位. 原本可早d 入去的, 但因未清理坐位而遲遲未能入坐; 其實以當日的人手來講是不會有這些情況出現的. 叫得高級版, 梗同一般的迥轉壽司有所不同啦, 佢0既飯做得好軟熟及大小適中, 好怕d 大大舊飯的壽司, 搞到不倫不類; 亦絕對影響口感. 當日我們所叫的壽司平均都好有水準, 油甘魚刺身鮮甜無筋, 是老公的至愛. 至於我的至愛則是魚壽司, 因本人較為喜愛爽口的魚類. 食物的價位亦定得幾平均, 中等價位的選擇亦不少; 可惜的是品種不多, 而且食食吓 仲有段時間無食物出tim!