千の味刺身壽司專門店 (海福花園商場) (已結業)

老公最愛外賣壽司店成日都係我介紹有咩好野食，今次要介紹老公最愛大件夾抵食既壽司店千之味刺身壽司專門店🍣佢平時會幫襯大埔分店，今次到我去大圍第一間千之味刺身壽司專門店買外賣比佢食🤣Budget $300 就可以有曬成個壽司拼盤，店員仲pack 得整整齊齊連埋冰包比我拎返屋企。今次叫左千之味刺身壽司拼盤有7款唔同款式，16件都唔使$300。三文魚、赤身、油甘魚、帶子、鰻魚，仲有巷物，每一款都唔錯。千の味刺身壽司專門店 (海福花園商場) (大圍)大圍積運街海福花園商場地下31-C1地舖

I have been craving for Japanese food for awhile and remember that my friend said there’s a good sushi takeaway shop in Tai Wai. I spent quite a bit to look for the shop and then realised it was right at the back of the building. After I ordered, it didn’t take long for it to be ready. They even gave me an ice pack so that the sushi will still be fresh when I reach home. The sushi platter looked so good. All the fish looked fresh and tasted sweet. They were soft and easy to chew. Rice was warm a

自從上星期去咗食日本菜之後，一定念念不忘，今晚屋企人無煮飯，我有藉口陪佢地食壽司啦！ 我想食的壽司店唔近屋企，車程都起碼半小時先返到，但又想同屋企人食啲有質素的壽司店，我在網上搵到有保溫袋及乾冰提供的千之味，除咗壽司之外，仲有卷物和小食，買到返去仲Keep到溫度，好新鮮呀！ 總共叫咗8款嘢食，有火灸三文魚、特大赤蝦壽司、油甘魚壽司、吉列炸蝦卷、花之卷、軟殼蟹反卷、三文魚腩壽司和小食拼盤，食物質素比我想像中，唔似普通連鎖壽司店咁啲壽司無晒生命，口感與味道完全是兩碼子的事。 最好食的係特大赤蝦壽司，隻蝦又新鮮又大隻，超回本，另外三文魚腩壽司和油甘魚壽司都係必食推介，炸蝦卷和軟殼蟹反卷仲好脆口，食得出係新鮮炸起，小食拼盤的八爪魚好味，如果汁無咁多仲好！

大圍勝在小店多，唔想幫連鎖店就特登過黎買外賣試下，套餐價晚間貴午餐十蚊，包飲品即叫即整四色丼 有三文魚，油甘魚，甘蝦，蟹籽，墨魚份量十足，魚生厚切，食得出新鮮火炙丼 火炙三文魚，火炙左口魚，赤蝦，玉子火炙過後一開盒已嗅到好香火炙左口魚幾乎入口即溶赤蝦大大食，勁滿足軟殼蟹反卷 軟殼蟹炸到脆身，成個反卷有好多蟹籽口感一流火灸壽司拼盤 有芝士帶子，芝士三文魚，三文魚腩等等愛食火灸壽司，但又好似我咁樣樣都想試叫個拼盤就岩哂整體黎講新鮮好食，重點夠平

大圍海福附近都有幾間食肆，趕住返屋企唯有買外賣，burger與壽司之間我揀咗後者，呢間千之味我記得之前想訂到會嘅時候都有睇過，不過果次最後冇訂到，今次就可以試吓啦。鋪位細細，基本上就係一個廚房加收銀位置，落完單就企喺度等，等左陣發覺幫襯既人都唔少，這點很重要，因為多人買d食材先去得快先至夠新鮮！外面有張吧枱，不過疫情之下都相信冇人會即場企喺度食。外賣紙上邊有各式各樣嘅刺身、壽司、小食和冷麵等，都有唔同價錢嘅壽司拼盤或盛盒，不過後來發現旁邊嘅易拉架有平價晚餐，$55起仲包飲品，五點前落單當午餐價仲平啲，太抵食所以叫咗四個。四色丼（$78）有三文魚、油甘魚、甘蝦、墨魚、蟹子，刺身都切得幾大片，而且都新鮮，質素對得住個價錢！壽司餐（$98）十件包括三文魚（兩件）、油甘魚、白身魚、赤蝦、吞拿魚、蟹子、玉子、熟蝦及饅魚，件件飽滿，質素算唔錯。為咗照顧小朋友口味，所以叫咗兩個冇刺身嘅飯。燒汁牛肉飯（ $60 ），牛肉份量都幾多，似一般的打邊爐肥牛，個汁都幾好味。照燒雞扒飯（$55）塊雞幾厚切，而且都滑，個汁夠濃，同前者相比我會鍾意雞扒多啲。同時叫左一小盒蟹柳卷等小朋友有壽司食，$20/6件性價比高

突然好想好想食壽司。💛千之味刺身壽司專門店💛真係不二之選，於是又叫咗佢地外賣😂佢地啲set真係好鬼抵食，幾十蚊一個餐，包埋飲品，叫滿300蚊仲免運費添🤩個吉列炸蝦壽司超正，好好味😋，因為阿女留都唔留比我地，自己食哂2件🤦🏼‍♀️火龍卷都出色，好大舊，又好食👍🏻蟹籽沙律足料到呢….勁多蟹籽🤤其他壽司都好食，平民價錢，質素又ok之外，最緊要夠「金黃」又做開實事麻💛佢地各區都送外賣㗎，想食壽司就去佢地個網落order啦，好方便😃

滿$300就送外賣，超方便！嗌咗個雙色三文魚飯，$45！有六塊三文魚， 三塊係火炙， 三塊係刺身。仲有超多飯～～ 我食唔晒啲飯，剩返三份一，但係已經飽。覺得三文魚可以再多啲，先餸到飯，但係咁嘅價錢已經係抵到爛

Ordered a takeaway of a "four-coloured donburi". The salmon and the tuna looked great and the they seemed glittering. They smelled and tasted good with a hint of appetizing umami. The shrimps were okay, though they may not be the freshest ones we could get. The rice was better than that you could find in the common Japanese sushi takeaway eateries in Hong Kong. The rice vinegar was a spot on. The rice was fantastic. The price was acceptable considering the quality of the food.All in all, t

同朋友野餐又懶得整野食🤣叫壽司不失為一個好方案😆今次叫咗千之味壽司盛盒H（$288）好似係新推出嘅盛盒🤩三文魚熱愛者一定唔可以錯過😎件件三文魚都油份就充足🤩最特別嘅係辣味三文魚🍣其他餐廳比較少見🤭其實食落唔太辣🔥有種辛辣麵嘅味道😆😆每件三文魚都好肥美👍🏻👍🏻另外嗌咗火炙盛盒（$284）必點之選🤩🤩唔係個個都鍾意食魚生壽司🍣叫依個盛盒就啱☺️芝士香濃🧀燒到半溶🤤入口即溶😋仲點咗特大蟹子沙律 胡麻醬（$95）粟米係我哋自己加😂🤣胡麻醬俾得好足👍🏻👍🏻千の味壽司打卡又靚✨外賣自取或者送貨又方便🥡豉油wasabi 筷子都有整🤩重點係又平又好食😋一次滿足咗三個願望🧞‍♂️

我絕對唔會話你知係因為掛住食，得番一舊先醒起要幫佢哋影番張靚仔相放上黎比大家葡萄下🥲🥲Any肥，只可以話，佢既壽司🍣係外賣壽司店入面最高質，應該話根本冇需要同平時嗰啲平價壽司外賣店比較，完全唔係同一路數！魚生新鮮滑口，而且塊塊都厚切超high😍😍😍飯既調味做得勁好，食落去有日本醋調和左白飯本身既滯肚飽感，令到你可以一舊接一舊咁啪落口都唔會滯😂😂火炙更加唔洗講，基本上係將本身既味道上多一層樓嘻嘻😁

途徑大圍 又想食日本飯梗係過海福幫襯 <<千之味>> 大量刺身、壽司款式任你揀 又有定食真係一間勝價比高既日式小店*今次我地ORDER左~~燒汁牛肉飯 $45 連紙包飲品/罐裝汽水好多牛肉片 加埋洋蒽炒 配埋珍珠飯 真係好香好好味*照燒雞扒飯$40 連紙包飲品/罐裝汽水醬汁勁濃好惹味 雞扒又夠厚又充滿肉汁 *御品角切魚生飯 $45 連紙包飲品/罐裝汽水超多魚生 粒粒都好新鮮*所有食物都係即叫即整 好值得大大支持 --------------------------食物質素：10/10環境氣氛：10/10回頭指數：10/10-#千之味刺身壽司專門店 大圍積運街海福花園商場地下31-C1地舖免收加一

呢間餐廳我之前已經點評過佢既堂食。今次想講下佢既外賣服務。首先你要去返佢既網頁落單，然後佢地就會安排出貨。有散件、有拼盤、有小食，都幾多選擇架。去朋友屋企食飯，唔想麻煩到人，最好就係叫千之味既外賣。外賣一到，大家即刻相機食先，因為擺得好靚，好壯觀。到開動既時候，大家都顧住食，無再講過野，原因只得一個:就係好好食。件件魚生都好厚切，件件肥美。火炙更加燒得十分出色，件件都做到有油香味。軍艦壽命既料更加係滿瀉! 仲有佢既炸蝦卷同炸軟殼蟹都好有質素，仲唔油膩添。好推薦大家叫佢地既外賣。（買滿指定金額仲會免費送貨）不過呢，我地叫左一大盤沙津，價值都100蚊，但黎到就無我地想像中咁大盤，而且青瓜佔最多比例，算係呢一餐飯嘅小小失望。

火炙盛盒🍣 內有火炙芝士三文魚壽司火炙三文魚腩壽司火炙芝士熟蝦壽司火炙芝士鰻魚壽司火炙左口魚壽司價錢合理，味道都中規中矩，首先壽司飯味道剛好，不會太酸。魚生不是十分優質嗰種，但以這個價錢是十分合理。價錢同味道同另一間連鎖壽司店相約，但當然優先揀呢間😌(你懂的)🖋最鍾意食火炙三文魚腩，入口即溶，仲有燒出黎既三文魚油香。🖋其次喜歡係左口魚😋 因為太鍾意，所以又另外再加左10件🖋佢地有提供外送服務，可以打電話去訂，仲送埋到屋企。

朋友介紹呢間小店，由於只提供外賣，所以要遇啱回家路程才可以試試。環境：街坊小店，清潔；店外在bar 枱應該是立食用途服務：正常有禮貌、回答問題清晰、出餐時間快食物：我見到午餐定食包括主食角切魚生飯+小食+飲品 $68，便order 呢個，付款時是$45，我好驚訝便問為什麼，收銀姐姐話宜家賣抗疫午餐，不包括小食會平啲，當刻我ok, 因為我唔需要小食。在等待期間我認真看看那裏寫抗疫午餐，最終搵唔到（當然我好盲嘅，搵到麻煩影張相俾我😅）講返個魚生飯，材料新鮮份量多，放左隻甜蝦及大葉令到外賣嘅賣相加分，由於$45連飲品，我接受佢個飯係煮得麻麻地，但係俾壽司飯我好開心，而且份量正常，無因為$45而俾細碗飯。另外飲品有Coke plus 選擇而唔係Coke zéro, 我覺得好聰明，因為plus 嘅其中一個賣點係減慢糖份吸收，好配合食飯。我本人係最唔鐘意zero, Diet Coke 又已經在香港食市絕跡，所以我今餐配coke plus 食得好開心。總結，會再反兜，試吓其他野😋😋😋

上星期經過大圍，難得入到沙田，都嚟試試附近有咩小店。果日剛好撞正食飯時間，咁就試下間壽司外賣店！呢間外賣店位於海福花園果面，午市主打便當🍱，我就隨意揀左呢款比較common既海鮮丼。坦白講，味道一定唔會話非常好食，但可以讚佢幾個位。1️⃣.雖然雙色真係得兩款餸，但蟹籽份量都幾多，三文魚雖然得5片，但都好厚身，食落都有D滿足感。2️⃣.碗丼飯真係好大碗飯，唔怕食完仲肚餓。3️⃣.呢間舖雖然係黃，但估唔到係深黃😮！4️⃣.雖然賣成$70蚊一個飯有點貴，但其實佢都包中華沙律同野飲，可接受。我唔會話呢間外賣店好高質，我只會話佢係一間大眾化，比較適合做街坊生意既舖頭，而食物質素都唔差！假如你屋企附近有，想食日本野時不妨試試！另外，呢間舖既特色係壽司外賣叫夠$300 就可以免費送貨，有朋友上嚟你屋企玩都可以大家一齊Support💛💛！