千の味刺身壽司專門店 (海福花園商場) (已結業)

今天5月1日，當然要應網民號召，全天候支持黃店。所以，是夜晚餐便到「千之味」外賣日式丼飯。住了沙田廿多年，現在才知道海福花園有間壽司外賣店。「千之味」於612當日已發聲，收銀機旁貼有紙摺的反送中文宣，又呼籲市民登記做選民，得黃很有良知！由於支持黃店的人甚多，我叫雙色三文魚丼時，店員也預警話需要等半小時。幸好，最後只需20分鐘左右，比預期的爽快！雙色三文魚丼（$68）原味三文魚和火炙三文魚各佔半，全部都很肥厚，口感新鮮，完全沒有冰味！丼飯包一款飲品，有茶有汽水任你揀！今期更加送Yell Card呢！

今日同事嗌外賣翻公司食，第一次食呢間外賣，三文魚壽司同玉子壽司都大路正常，帶子刺身都新鮮好食，但反而甜蝦壽司就一般炸，有陣雪味，加洲卷都唔錯，整體壽司都好食，有時lunch多一個選擇都唔錯

抵食魚生店一個魚生丼set $60/70就有！呢一間做外賣嘅魚生店其實都有堂食嘅區域㗎！佢嘅魚生飯係好足料魚生亦唔係薄切🥰魚生亦非常新鮮睇到佢嘅油甘魚都未發紅就知喇😍一個set仲包小食同埋一包嘢飲😆個飯都幾大👍🏻

#中意嘅請分享請點讚🍻----------#黃店 💛大圍分店除左外賣，後面仲可以比人堂食，食完仲有memo紙比你慢慢寫，好過食元氣啦。-黎緊想繼續介紹黃店，但人手有限，有黃店推介可以inbox我，要大大力推薦比更多人去懲罰佢！！！-🐣照燒雞扒飯定食 $48除咗壽司刺身仲有好多定食，照燒雞扒飯醬汁勁濃，雞扒好厚，仲送飲品同小食。-👨‍🎓👩‍🎓學生優惠三文魚魚生飯/三文魚腩麵/照燒雞扒飯/燒汁牛肉飯+飲品 都只係$30----------🔎千の味刺身壽司專門店🚩大圍積運街海福花園商場地下31-C1地舖🔎御品。千之味🚩深水涉荔枝角道390號地下C鋪 (深水涉警署對面) 🚩大角咀大全街22號地鋪

是日實在太熱，唔想出街又想食好野，精挑細選下揀左千之味order 外賣。香港壽司店來來去去都係果幾間集團式，要係當中突圍而出，就唯有靠品質造口卑黎吸客。雖然呢間係小店，但用料一d都唔少，每件壽司size比集團式大少少，飯唔乾身，軟但唔會散。各種食材都新鮮，我尤其喜歡三文魚腩夠肥，海膽唔腥，份量仲好多添，絕對唔會就成本就用下價貨比客人。呢間小店其實已經幫趁左好多次，已經做埋VIP，有折之餘仲有三文魚刺身送。我都係最近先發現原來一直都無幫佢寫過食評，點得架，好野梗係要比多D人知啦。

前幾日公司攪左個活動，同事話公司請大家食lunch，大家都議論紛紛食咩好，返正公司請，我地就諗食d貴野先，不過都有限金額千之味第一間店就係大圍開的，見幾年個人氣同評價都唔錯，就一於試下 成個落單過程及付款都非常方便，用whatsapp 落單，付款方式是過數或payme 又或者轉數快都可以，我地就早一日落單穩陣D我地想12:00-1:00左右到，當日12:20司機就打電話比我話1個字左右到，叫我地準備落樓取pizza 外賣就叫得多，但壽司就第一次叫，感覺都唔錯，壽司質數都比我想像中還要好，一定會有下次

新界區如果不想去堂食，偶爾得閒行過路過也會去的地方就是這個刺身。我比較中意簡單，就是中意呢個包裝。芥末不需要太多，醬油少許。或者再加上少少辣油便是我的下午茶最值得期待的地方。

今晚收工要食自己，屋企附近聽講有間外賣壽司，一於去試吓啦反正都諗唔到食乜嘢呢間外賣壽司就係海福花園嗰度，原來都有啲枱俾你企度食嘅，既然係咁就唔好煩食埋先返屋企啦有唔同嘅套餐推介本身呢度有提供嗰啲一大大盤嘅壽司㗎，仲有傳說中嘅壽司蛋糕添，好似仲未送貨我就叫咗玉子壽司，帶子壽司，芥辣八爪魚同北寄貝壽司，全部都係即叫即整唔係擺定喺度整左好耐嗰種，所以都好好食除咗壽司之外佢都有供應拉麵，我就叫咗個餃子拉麵，餃子係新鮮炸起都幾好食呀

話說我媽媽生日，所以預早兩日前已經透過whatsapp訂購，確認了取貨時間為下午7點 -8點。當天約7點50分去到店舖準備取貨，卻被告知乜都冇準備好，未開始整 完全漏咗我張單？店員服務態度差，對唔住都無句，叫我企向度等。等左半個鐘之後，約8點20分，終於有得取貨。但係拎到返屋企，食嘅時候發現，飯根本未煮熟，但是又凍又冰，一定擺響雪櫃雪完咗拎出嚟。魚生亦唔新鮮，簡直係花錢買難受，而且價錢亦都唔係特別平。 完全唔明白點解咁多好評，俾多少少錢食元氣好過，簡直係天堂和地獄壽司既對比

行開大圍，黎到海福商場的千之味刺身專門店，上網睇到呢到既評價好好，於是就決定幫親一下。Menu 有唔少壽司，刺身，小食，但天氣關係想食熱既飯，叫左照燒雞肉飯同沙律～粟米蟹子沙律$48可以揀沙律或芝麻醬，而我選擇走醬，更加健康。沙律好大盒,有好夕青瓜絲,栗米,蟹子粒,仲有蟹柳絲,非常足料。飲品可以加,買左支烏龍茶$12可以揀唔凍既，作為飯後飲品不錯。照燒雞肉飯$48飯係珍珠飯黎，口感好好，份量足夠。照燒汁好香，雞肉好彈牙同充滿肉汁，炒香左既洋蔥同燒汁好夾。

終於放假啦!!!返工返得咁辛苦緊係要餵勞下自己先啦😂😂今日男朋友話帶我食好西，仲話係日本野喎😆仲以為佢帶我去啲集團式日本餐廳，點知黎到大圍呢間外表唔太出眾但勝價十分高既日式小店!!😍間野由大圍站行過去十分近約四分鐘，過條天橋就到👍👍好近屋苑，一落樓就有野食👍等緊野食途中都有好多人叫外賣😋$40 有二款自選手卷👍👍款式十分多，仲冷有熱食!仲有唔同組合選擇👍師傳即做玉子，勁多層，仲熱熱地，十分有口感👍👍因為天氣涼涼地，我地都外賣去附近公園食😆😆我地仲叫左二品刺身$88 3件三文魚，3條甜蝦😍😍超鮮甜!!!三文魚厚切好鮮味!甜蝦大大隻好有口感!👍👍👍另外仲散叫左啲壽司!🐡🐡壽司總括黎講都好大件!啲飯夠實絕對無散開👍有我最鐘意既芥末八爪魚😍😍 $18/2件火灸芝士熟蝦 $18/2件同火灸芝士鰻魚$20/2件👍好厚身，啖啖肉既感覺真係好滿足😆😆男朋友果然無介紹錯呀!!下次一定會再去😍

在大圍區吃過甜品後, 便打算外賣一些壽司回家和弟弟吃。在逛街的時候, 經過一間壽司小店, 環境看似不錯，所以便決定在這裏買壽司。我買了蟹柳壽司、蟹柳玉子燒、辣味螺肉、火炙芝士熟蝦壽司、火炙芝士帶子壽司、軟殼蟹手卷等等。回到家的時候, 我立刻放入雪櫃, 吃的時候才拿出來吃。壽司蠻新鮮的 , 我挺喜歡吃玉子燒, 那個蛋嫩嫩的 , 幾嫩滑, 有蛋香味。 蟹柳玉子燒上面還有很多很多沙律醬!火炙芝士帶子壽司也不錯, 冰凍的芝士在口中融化。辣味螺肉的辣度對我來說剛剛好, 它的辣味令到我很開胃。

開心的旅行就快到, 今晚約埋一齊去旅行的朋友再confirm景點, 約左去朋友的屋企集中傾下。知道今晚會傾得夜, 所以打算買定野食作晚餐。我就負責買壽司外賣。朋友住大圍的火車站, 原本係公司附近買, 但自已平時好輪盡, 肯定拎到大圍已經亂埋一堆。所以出發前已經係Openrice search左一間近火車站不遠壽司店 - 千の味刺身壽司專門店, 乘搭火車在大圍站D出口, 一出轉左上樓梯過天橋, 大約2分鐘便找到。小店除了提供外賣, 還可以在門外食都得。睇睇外賣紙, 原來除了壽司刺身, 還有熱食, 拉麵。食物種類比想像中多, 買滿$100 仲可以 $10 要10隻甜蝦。壽司款很多, 選擇困難症又黎啦 ! 最後意然比我見到有壽司拼盤兩款 (一款8件$58, 一款12件$78) 份量剛好我地食。向職員查問, 職員好細心幫我圈出拼盤那些壽司, 還再加一客海膽軍艦壽司 $40。 等緊食物期間, 留意到小店內有兩位年輕職員工作,  等候期間也見其他客人幫襯, 人流也不錯。好快外賣壽司已有, 職員將兩份拼盤壽司放係大圓盒內, 真係忍唔住要影返相先。一去到朋友屋企就馬上食啦 ! 兩份拼盤壽司都係 $13

外賣為主的小店，門前亦有位置可供4人用膳，夜晚堂食的風味應該不錯。麻雀雖小，五臟俱全，完全適合形容此店。店的空間不大，但卻有滿滿的餐單，選擇蠻多的。所有食物即叫即整的感覺，炸物都熱乎乎的，所以需要略為等特，但邊吃邊等其實也很快。堂食也會提供醬油碟，一人一個小小的，方便吃。軟殼蟹天婦羅4件$58最先上的菜，會燙口呢！要小心！外層很脆，蟹味很濃。吉列炸蝦卷4件$38好脆喔，粉不會太厚，份量也不少，以這價錢實在划算。厚燒玉子4件$25咬開還熱呢！上面還有少量蟹籽，搭配一起吃，口感也豐富了。玉子壽司(自家製)2件$12;甜蝦壽司2件$28;鰻魚壽司2件$18;油甘魚壽司2件$32;海膽軍艦2件$40;火灸芝士熟蝦2件$18;火灸左口魚邊2件$22所有壽司同時送到，全部放在一個盤子裡蠻漂亮的。這裡面我最喜歡火灸芝士熟蝦，吃起來溫溫的，芝士跟蝦很配呢！最意想不到是海膽軍艦，跟其他比起來沒那麼好看，但味道卻有驚喜，味道清甜。油甘魚也很肥美鮮甜肉質嫩滑。

今天找朋友一起午餐，早了到就在附近逛逛，看到一間壽司店就想吃。店門口就是很簡單清楚，走近一點看都會看到有食物種類跟款式都貼出來，因為壽司店都主要做外賣的，但有位置可以立食，店上方有簷蓬不怕會曬到。我們這次就立食，師傅弄好壽司遞出來，我們就馬上可以享用，感覺都很有風味。門口外有點餐紙給我們看再選擇食物。而外賣只需要滿$300起就可以免費送貨（當然不同地區金額都會不同），都是很細心的服務。外賣刺身當天也有做優惠！除了吃的還有飲料可以選擇，邊吃邊喝。（$58/4件）軟殼蟹天婦羅，剛剛炸出來，天婦羅外皮脆脆的，但入口都很軟很稔，是軟殼蟹的口感！蟹很香也有蟹的甜味，不會很油膩，另外灑了點調味在上面，令味道更加凸出。（$12/2件）自家製玉子壽司，是甜甜的蛋壽司，煮出來形狀都很好，也不會煎到很乾，好吃。（$18/2件）鰻魚壽司，鰻魚肉都很嫩口，再加上鰻魚汁就更香濃。（$22/2件）灸燒左口魚邊，經火燒過後左口魚的油香都爆出來，燒完馬上吃就更滋味，入口滑溜有融化的感覺。（$18/2件）灸燒芝士熟蝦，燒過後的蝦也很爽口，加上了芝士再多了點creamy的口感，裡面亦有少許蛋黃醬味道很配。（$32/2件）