千の味刺身壽司專門店 (海福花園商場) (已結業)

黎到大圍附近商場閒逛見到一間壽司店，之後就响度買左晚餐既外賣回家，呢間小店款式選擇多，我叫左一客刺身拼盤，入面有嫩滑既帶子，三文魚，爽口魷魚，赤蝦大大條仲有好多蝦膏，新鮮，仲有甜蝦鮮甜，火炙壽司拼盤都好多款，有芝士火炙，帶子厚切火炙，三文魚軟淋火炙半熟後更美味，熟蝦火炙，左口魚火炙等等，而且件數多少都有幾款拼盤盒可供客人選擇，岩晒唔食魚生既朋友，價錢合理，鰻魚芝士壽司，鰻魚好滑加埋香濃既芝士口感好香。

行街去開大圍，都要去呢間千之味外賣！希望佢可以越做越大，再開更多分店🤓可以隨時食到！#火炙盛盒A 💰284 呢個係次次去都一定會叫！！因為一盒可以滿足你5個願望，佢有五款既壽司🍣，分別係芝士三文魚、三文魚腩、芝士熟蝦、芝士鰻魚、左口魚。每舊既飯份量係坊間既二倍！總之係火炙必叫！😍😍#辣味三文魚卷 💰43佢既選擇都幾多，有唔同款既卷物。呢個有四件/八件揀，size都好大。🤓😋覺得如果辣味再重啲就好！

放假冇出街留左係屋企煲劇！發現好耐無食日本野，所以就叫屋企人去左附近「千之味」買外賣！呢間丼飯一向岀晒名新鮮抵食夾大件㗎喇！雖然係外賣但擺盆都非常靚仔，今次叫的 #五色丼 好足料！有三文魚子、勁大隻赤蝦、三文魚、赤身同埋油甘魚！成盒飯鋪滿晒刺身，真係睇見都開心呀！我仲將三文魚子加埋醬油攪拌成拌飯咁食，每一啖都勁有鮮味！壽司餐 10件壽司包左三文魚、油甘魚、白身魚、吞拿魚、蟹子、熟蝦、玉子、鰻魚夠及當中鮮甜大隻既赤蝦壽司超級好味 ！燒汁牛肉飯定食配中華沙律及螺肉小食 ，每片牛肉吸收哂燒汁味道入口軟嫩唔鞋,炒熟既洋蔥好清甜！加上中華沙律好爽口！唔錯！

今日放工晏左又趕唔切堂食🙌想食日本野即刻諗起「千之味」貪佢選擇夠多元化☺️壽司🍣烏冬拉麵🍜丼飯及小食應有盡有！而且價格唔貴👍性價比算高😎今晚我同屋企人分別點左五色丼🥰壽司冷麵餐及大赤蝦刺身🤤套餐仲包左罐裝飲品添😜五色丼係我最愛❤️刺身非常新鮮🤤當中有三文魚、吞拿魚赤身、油甘魚、赤蝦🦐及三文魚籽🥰壽司飯軟硬適中👍點埋芥末豉油一齊食又豐富又正🥰🍣壽司冷麵餐🍜包左5件壽司🍣三文魚、白身魚、北寄貝、脆卜卜蟹籽及芥辣八爪魚🐙冷麵配埋胡麻醬超級好食😋大赤蝦刺身一客有5️⃣隻❤️ 巨型赤蝦食落真係好甜🤤大隻到成個口都full晒🙌我仲將啲蝦膏混合埋丼飯一齊食真係勁滿足😍

幫屋企人去集運取包裹，看見在附近一間唔起眼嘅壽司刺身專門店喺度。 雖然唔係開正響大街，但我等緊攞包裹嗰時都見到不停有人買外賣。 我行去睇吓發覺佢啲價錢都抵，同埋見都多人買，信心大增。 揀選左兩款套餐及海膽花之卷，兩個套餐都包括左飲品，除了一般既可樂之外，仲細心有烏龍茶或兩款零卡路里嘅飲品選擇。刺生每片又厚又新鮮，三文魚籽大大粒，好正壽司飯細細塊加上大大片刺生，一啖一件好有滿足感海膽花之卷美味配搭，入口好有豐富口感

刺身壽司真係令人難以抗拒全部都即叫即製，又唔洗等太耐。店員仲好貼心跟埋雪種，免得天氣熱會影響食物質數。「角切魚生飯」粒粒角切有口感，甜蝦都好新鮮，魚生同壽司飯嘅比例恰當「火炙壽司x10」唔食生野嘅朋友可以揀火炙，燒至半熟狀態更香更好味「吉列炸蝦卷」炸蝦係即炸，入口時仲有微暖溫度，加啲沙律醬，唔點Wasabi一樣好正。「壽司冷麵餐」加入蟹籽同蟹柳，涼涼地嘅冷麵配上芝麻醬，跟埋壽司同汽水，超抵食「軟殼蟹手卷」最初擔心外賣塊紫菜會淋哂，原來同飯糰一樣，紫菜獨立包裝，食嘅時候先卷上，軟殼蟹都幾大條，好脆口

雖然成日黎大圍，但係都未食過呢間名店始終對外賣刺身壽司有Ｄ怕怕地但係呢間既水準完全照出我所想咁高質五色丼性價比超級無敵極高的一個飯呢個飯有三文魚2件、吞拿魚赤身2件、赤蝦1件、油甘魚2件、三文魚籽勁豐富，仲要件件都又大又厚最緊要係你會食得出佢真係好新鮮每件都鮮味十足，而且口感唔會霉霉爛爛咁鰻魚飯定食好抵食既一個飯，鰻魚又大條又肥美鰻魚口感食落肥而不膩，會食到陣陣魚香，醬汁更加係惹味火灸壽司餐呢個餐都可以話係相當之豐富有北寄貝、八爪魚、龍蝦沙律、玉子、吞拿魚沙律、火灸三文魚、火灸三文魚腩、火灸左口、火灸鰻魚、火灸熟蝦簡直令我呢Ｄ火灸壽司控大滿足每件都有陣陣火灸香之餘唔會遮蓋佢本身既味道真係味道同份量都滿足到你另外估唔到呢到既野飲係教主代言既飲品，梗係即時揀佢！好味道！

今天行過大圍，遇見一家日式餐廳, 主要做外賣定食和壽司。這家餐廳的外賣定食，都可配上一罐汽水或茶。燒汁牛肉定食$78定食有沙律和中華沙律，燒汁牛肉份量多，又薄又大片，燒汁甜甜得，連帶鮮甜的洋蔥，配上粒粒珍珠米，又香又美味。照燒雞扒定食$73照燒雞扒醬汁惹味濃厚，雞肉厚切，皮煎得香脆，啖啖肉今人很開胃！三文魚刺身$58三文魚刺身一碟有5 片， 厚身，魚味鮮甜，肉厚！整體來說食物質素高，性價亦比高，非常低食。

心血來潮想食日本野，放工後順路去大圍御品千之味買外賣。買了前菜拼盤，包括中華沙律，芝蔴八爪魚和辣味螺肉。食壽司，前菜不可少，這三款小食好啱作為開胃小食，份量也不少，最愛中華沙律。另外，我地鍾意食鰻魚，所以試了鰻魚飯定食，仲有飲品送。鰻魚也大件，而且幾厚身，幾肥美，口感不錯。壽司選了軟殼蟹反卷和蟹柳壽司。壽司夠新鮮，當中最愛軟殼蟹反卷，壽司面放滿蟹籽，而內裡係軟殼蟹，蟹籽卜卜脆，與軟殼蟹好夾，令人食不停口。

最近都鍾意買外賣返屋企食經常都幫襯啲小店，今次呢間千之味日本嘢，我覺得真係唔錯，居然有埋凍袋俾我拎返屋企👍🏻價錢都合理，我哋total叫咗12樣嘢其中一樣係刺身拼盤，價錢都係六百零蚊刺身最重要新鮮呢間啲食材都好新鮮,尤其是⭐️特大赤蝦刺身,夠晒大隻,蝦肉彈牙仲有蝦膏添😋⭐️吉列炸蠔夠晒肥美，仲要返到屋企食都仲趣㗎⭐️燒汁牛肉定食，洋蔥牛肉勁多，仲有埋前菜沙律抵食仲有嘢飲送👍🏻👍🏻⭐️二人刺身盛合D有三文魚,赤貝,油甘魚,帶子,松葉蟹腳 帶子真係勁鮮甜呀

太座鍾意去大圍街市買餸，話夠新鮮價錢又平，今日又揸車車佢去，點知度度都冇位泊，結果要去到對面街嘅海福商場先有位，諗住行返過去街市，發現呢度都好多小店，見到呢間壽司，太座話不如試吓！“燒汁牛肉定食”燒汁味道適中，牛肉夠嫩滑，個仔食得好滋味！“二人刺身盛盒D”有三文魚、赤貝、油甘魚、帶子同松葉蟹腳，刺身夠新鮮，所以味道唔會差，呢個拼盤都可以試多幾款，另外仲點咗“北寄貝”同“特大赤蝦”刺身，太座至愛除咗希靈魚就係北寄貝，佢話呢度好出色，都係因為夠新鮮！壽司方面都好多款式，較少見到“左口魚邊”，口感煙煙韌韌，得意！“辣味三文魚軍艦”都幾惹味，“軟殼蟹反卷”軟殼蟹炸得脆卜卜，配埋飯團軟熟，好味道！“吉列炸蠔”係我至愛，最緊要趁熱食，呢度隻蠔都幾好口感，炸得唔會太油！總括嚟講唔錯，有得泊車咁方便，下次又可以再嚟幫襯！

每次要外賣壽司，就會即刻諗起佢，性價比超高💕 除咗有我每次必食嘅左口魚，今次我仲叫咗三文魚壽司盛盒🤤 一次過試晒多款三文魚🍣 有火炙類、有卷物類、有軍艦類… 食到我好開心！好滿足呀🥹 🎈左口魚壽司2件 $20每次必食😂 今日無揀火炙左口魚，揀左左口魚刺身壽司😋 一樣狠好食！！！！🥰🎈千之味壽司盛盒D $288三文魚腩5件、辣味三文魚4件、三文魚粒4件、火炙黑椒三文魚4件、火炙三文魚4件、花之卷4件

🍣千の味刺身壽司專門店🍣📍:大圍積運街海福花園商場地下31-C1地舖⏰:11:00am-10:00pm呢一間刺身壽司專門店已經成日聽🙈佢哋嘅壽司同刺身都好新鮮 質素唔錯 仲有好多間分店🙈今次嚟到大圍呢間 位於大圍火車站附近 呢度冇堂食 主打做外賣 壽司即叫即做😋製作需時！款式種類選擇多 有丼飯、炸物小食、壽司、刺身 亦都有壽司蛋糕同多人刺身拼盤等😍值得一提 外賣會Pack埋一包冰袋 咁就冇咁易變壞😍🍚角切魚生飯價錢好抵食 份量都好豐富😍鋪上滿滿嘅魚生 有玉子、吞拿魚、三文魚、三文魚籽、甜蝦等 好新鮮👍🏻🦀軟殼蟹天婦羅炸到脆卜卜 熱辣辣 一拎到手非常之香 唔會太油膩！一份有四大件 足足有我手掌咁長 好抵食！🥗蟹子沙律(胡麻醬)面層鋪滿大量嘅蟹籽 青瓜好爽口 清新開胃😍🍣三文魚冷麵冷麵鋪上滿滿既胡麻醬 再加上巨量既三文魚粒 兩個人share食都夠飽😋🍤吉烈炸蝦卷(8件)炸蝦脆卜卜 好厚身 再加埋超多嘅沙律醬 好惹味香口！#香港美食 #平民美食 #大圍 #大圍美食 #香港 #美食 #hkfood #hkfoodie #openrice #hkfoodblogger #hkfoodies #f

尋日幫襯完大埔嘅千之味意猶未盡，所以今日經開大圍分店就再放低啲銀両，今次試下其他高質壽司。😆海膽花之戀 ($58/2件) : 嚟到千之味當然要試吓佢嘅名物 “海膽花之戀”，老媽子食過都話正，所以要孝敬下佢老人家。帶子 ($35/2件) : 帶子肉厚鮮甜，食落啖啖肉，超級滿足 🤤 特大赤蝦 ($32/2件) : 赤蝦亦不遑多讓，肉質晶凝通透，非常大隻爽口。三文魚腩，墨魚，赤貝 ($20/2件) : 除咗帶子，特大赤蝦非常高質外，其他壽司亦相當新鮮，以咁嘅價錢有咁嘅質素，好過某啲大型連鎖壽司店。

今日想食壽司，就黎千之味刺身壽司專門店(大圍)營業時間11:00-21:00，我買咗:御品.壽司拼盤15件，樣樣都有啲，包括:親蝦沙律、辣味三文魚、三文魚x2 、油甘魚、白身魚、赤蝦、甜蝦、呑拿魚、帶子、墨魚、左口魚、魚子、呑拿魚蓉、海膽。另外一款：角切魚生飯，又係樣樣有d，切到細細粒，大大啖食落去就好滿足，呢個魚生飯，午55蚊，晚65蚊，如果你外賣，佢哋都好細心，會放乾冰落去，回家途中，除咗好食之外重食得安心。