十字冰室 (The Argyle)

营业中

休息中

今日因為工作關係路經勝利道呢條寵物街，見到喺西環開到過嚟嘅十字冰室，同個客人去食一個快的午餐，我們點了：1. 精選午餐B（焗海鮮飯）$58，焗飯個汁好好味，不過海鮮料好像沒有蝦，有魚和魷魚；+$12叫咗杯朱古力奶昔（杯朱古力奶昔好好飲喎！但係玻璃樽外面的拉花造型就冇西環嗰間咁似乳牛身上的花紋了）2. 火腿爆蛋菠蘿包$26，唔錯！當然唔可以同旺角弼街嘅金華冰室比較（金華冰室的菠蘿皮比較鬆化）3. 椒鹽雞全翼配懷舊雜果沙律，$38，正！個雜果沙律就係我想念的味道，雖然沒有薯仔！椒鹽雞翼都好好味！原來一碟係有兩隻雞全翼的。4. 瑞士雞全翼兩隻，$35，正！唔會鹹得滯！5. 凍檸檬茶，$20，冇乜特別。6. 朱古力奶昔，午餐B加了$12，佢哋標榜用香港人的十字牌鮮奶做的，客人話味道好好！餐廳面積比較細小，所以座位比較密，但係都OK，啲裝修同西環一樣咁中西合璧，最緊要自備紙巾同濕紙巾；紙巾用來分享菠蘿包，濕紙巾用手抓住雞全翼你食之後可以抹手。服務都唔錯！上餐超級無敵快！埋單$189。

今日黎到旺角，聽聞十字冰室係旺角開左新分店諗唔到食咩就再黎食啦依間新店裝修又幾精緻喎又有聖誕氣氛，唔錯唔錯黎到當然例牌必定要叫--香濃番茄牛肋肉湯通粉配黑松露炒蛋啦黑松露炒蛋真係間間分店都做得出色好重黑松露味，而且個蛋炒得非常嫩滑應該間間都係炒嘅過程加十字牌牛奶，所以食落好綿滑然後就試下其他幾款小食nutella朱古力榛子醬厚西多新鮮炸好，好鬆脆香口西多非常厚，抵食糖漿另上，可以根據自己口味加入，唔怕會太過甜，啱曬食開唔同甜度既人一齊食懷舊蝦多士炸得夠酥脆懷舊薯條配松露蛋黃醬跟住係卡邦尼意粉估唔到作為一間港式茶餐廳，佢個卡邦尼意粉竟然意外地好食熱辣辣送到，個汁唔係平時出面食好稀嗰種，而係比較creamy同濃郁，而且有好濃嘅芝士味，啱曬我呢啲鍾意忌廉嘅人而且入面加入左好多煙肉同蘑菇，食落好有咬口，真係唔錯不過留意翻，佢嘅卡邦尼意粉有加到蔥，如果唔食蔥嘅人士就記得要落單嗰時同伙記講翻啦最後叫左兩杯野飲士多啤梨奶昔同芒果木瓜奶昔夠曬大杯抵飲，賣相又靚

今日撞巧帶愛犬到勝利道睇獸醫，姑娘話前面仲有十幾個客人，撞巧見到呢間新開的十字冰室，就入去坐低食住等，一入去已經聞到好香的奶茶味，我地一行二人點了兩客招牌皇牌茶餐，分別係十字牛奶豬骨濃湯通粉常餐及皇牌香濃番茄牛肋骨湯通粉，番茄牛肋骨通粉的湯底香甜，牛肋骨入口軟熟😀香滑奶茶也調配得怡！另外點的牛奶豬骨濃湯通粉的湯底相對地就比較一般，配搭的牛油多士及牛奶炒滑蛋跟很多出名冰室比較，水準還是有點距離🙊

茶記一向都係香港人最愛🤩 十字冰室已經開到去旺角同銅鑼灣都有，唔可以錯過咁近自己嘅地方🤣叫咗啲飽肚嘅嘢食先~ 瑞士雞翼撈一丁麵 ($42) 雞翼整得幾入味，全翼大大隻。面嘅口感啱啱好，但係覺得有少少乾。懷舊鮮茄焗豬扒飯 ($58) 我最鍾意食嘅嘢就係焗豬扒飯🤣 呢度嘅豬扒飯真係做得唔錯架！佢呢個番茄係超夠味，好濃🤤 豬扒都好好食，唔會太冧~ 仲有好多芝士花生醬厚多士 ($28) 呢個係最邪惡嘅食物！一大塊牛油係西多士上邊，再灑上糖漿🤩 一咬啲花生醬味溶哂入口，正🤘🏻籠仔椒鹽燒賣 ($28) 炸燒賣係永遠不敗😆 個皮燒到脆卜卜，熱辣辣，仲有少少椒鹽味，食落更加惹味飲品揀咗奶茶紅豆冰 ($28)同美祿山 ($28) 2杯都大大杯超級抵食，奶茶味唔太重，但唔中意重花奶味既朋友可以一試。

今日行遠少少到火車站附近光顧新開十字冰室. 別人對十字奶有偏好, 而我沒有特別喜歡與否. 8:30左右到, 不算太多人. 被但都安排"高人"坐的吧枱向街位罝. 在不想食香腸和其他太貴下, 選了深海魚柳餐+咖啡(多奶), 侍應再三說單雖沒有寫多奶但已叫加了.咖啡 (多奶): 雖然已叫多奶和加了糖, 始終擺脫普通茶餐廳通病 - 酸和苦, 加十字奶都冇用炒蛋: 尚算可以, 雖然加奶去炒, 但有點實. 鄰座點餐時, 店員强調炒蛋全熟魚柳: 反而比較好, 上枱時是熱, 沒有油溢味, 份量尚可.一試無妨, 但以對十字奶有情義結去試, 就失望.環境: 其他食評話闊落, 但坐滿人時, 通道行一個人都勉强. 結賬時, 在另一邊門口最少有6個座位擺雜物, 是沒有管理後果

今日去旺角既寵物街幫我狗仔買糧食，經過見到有間冰室，近近地就去左呢度食飯！入到去地方好乾淨，典型既冰室格局！我就叫左一個香濃蕃茄牛肋肉湯通粉，黎到見到蕃茄湯好濃郁，飲左啖 蕃茄味好濃，仲有點蕃茄碎，食得出係用新鮮蕃茄整成，通粉吸哂湯汁既味道，十分入味，牛肋肉份量都好多，正！之後個黑松露炒滑蛋，呢度既滑蛋仲加左十字牌既鮮奶，所以食落更加香滑！黑松露既味道都好香濃，十分match !飲品我就叫左杯奶茶紅豆冰，我都係第一次飲，呢個奶茶底完全唔苦澀，仲有茶既甘香，配埋甜甜既紅豆粒，有咬口又好飲！無諗過隨意一入既冰室都咁好食，下次會再黎！

知道開咗間十字冰室，主要 sale 用大嶼山十字牌鮮奶做各式飲料， 本地牌子當然要去支持下💪💪飲品名稱牌子掛在牆上，又可以做裝飾舊式圓凳，長方枱， 餐牌紙放置在 枱玻璃下， 跟以前舊式餐廳模樣，好有懷舊 feel開放式吧檯籠仔椒鹽燒賣魚蓉燒賣用椒鹽炸完，放入籠子上枱，簡單又創新，皮脆帶咸，不用加醬油食瑞士全雞翼雞翼大隻，瑞士汁味濃黑松露炒蛋原來炒蛋加了鮮奶會更加滑溜香口， 灑了松露，簡單中覺奢華砵酒燴牛肋條飯砵酒混和番茄醬煮, 個汁撈飯食好， 牛肋骨炆得唔算太林， 肉帶少許筋，有咬口感炸蝦多士好少餐廳有，如果蝦份量再多些，就更加好紅豆西多士甜品本來想叫薑汁燉鮮奶，可惜今天所有燉奶欠奉， 叫了這個紅豆多士頂住先，初初以為只是在多士面放了紅豆算數，切開原來中間釀滿了嫩林紅豆， 普通西多士簡直無得 fight最後叫了熱鮮奶和香蕉鮮奶結束了這簡單又多款式的一餐

於旺角見完客又到晚飯時間， L 被光猛裝潢的十字冰室吸引，與同事進內醫五臟廟。跟西環分店不同，就是旺角分店地方較寬敞。L 點了這裡的常餐，當中包括十字牛奶豬骨湯意粉配香煎豬扒，用十字牛奶煮的湯入口好甜、好好飲。L 一瞬間就將湯喝光了。至於牛奶炒滑蛋則算滑，滿滿的蛋漿包着，有入口即溶的感覺、 鋪上牛油多士就是最佳配搭! 奶茶紅豆冰更是值得一讚! 首先飲管是以懷舊紅白間條紋紙做的，夠環保。另外紅豆好腍好多，奶茶雖然混了冰粒但仍有濃濃的茶味。興之所至，額外點了一杯熱奶茶及一個黑松露炒滑蛋菠蘿包，黑松露香氣 學比加上菠蘿皮面中間流心炒蛋，咬下去有令嗅覺及味覺都受到衝擊。奶茶香濃，入口茶味的 after taste 很重。

這家冰室一直都在我的“收藏餐廳名單”裡, 一直都很想試, 今次終於來了這裡吃晚餐。冰室的室內環境不錯, 有懷舊的feel~ 餐牌上有很多食物和飲品都很吸引，還有十字牌牛奶喝呢！我點了懷舊蝦多士、香酥炸巨髀、吉列魚柳作小吃來分享。主菜方面, 我點了皇牌餐。飲品方面, 我點了一杯紅豆冰, 當然亦要試一試這裏的十字牌鮮奶啦～香酥炸巨髀是即叫即炸的, 雞髀幾嫩, 大大件, 帶點油香, 會配上懷舊雜果沙律。吉列魚柳旁邊的薯條非常香脆!皇牌餐有香濃蕃茄牛肋肉湯通粉, 會配上黑松露炒蛋和牛油方包。 炒蛋幾嫩滑, 黑松露味突出。蕃茄湯通粉的番茄味幾濃, 份量剛剛好夠吃, 裏面有些什菜粒。十字牌鮮奶是樽裝的, 看到這個包裝, 亦會聯想到兒時的回憶。紅豆冰裏有很多紅豆粒, 很夠甜, 煮得夠淋。

喺旺角行街街見到一間新開以十字牌做主題嘅十字冰室咁強調食物加上十字牛奶，就同朋友去嘗試下內面一方面刻意保留懷舊嘅冰室感覺但配上簡潔新穎裝修加十字牌飾品同小小聖誕裝飾，整體感覺舒適黑松露牛奶蛋白櫻花蝦炒飯首先炒飯粒粒分明，好乾身，又唔會有油膩嘅感覺，仲要份量好足飯裏面包括有櫻花蝦，黑松露，仲有少少蛋白一食落去，一開始有好香嘅黑松露味之後蛋白加上櫻花蝦，口感好豐富常餐包含十字牌牛奶豬骨湯意粉牛奶炒滑蛋及牛油多士湯意粉隱約有小小牛奶同豬骨味感覺新奇，而且豬扒好大塊牛奶炒滑蛋好值得推薦加了十字牌牛奶的滑蛋好香而廚師把握炒蛋時間好準，滑蛋真係好滑配埋牛油多士，好夾黑松露炒滑蛋因為岩岩滑蛋好出色，所以我地決定追加黑松露炒滑蛋，果然不失所望炒蛋依舊又香又滑，加上黑松露更令滑蛋上一個層次，牛奶香同黑松露味道，絕配瑞士雞翼瑞士汁雞翼好入味，顏色都好吸引，都是下午茶之選冰鎮濃滑奶茶本身茶底做得好，加埋牛奶，而冰鎮效果令奶茶唔會變淡，真係令人醒一醒神奶茶紅豆冰本身奶茶效果好配上大粒又諗身紅豆紅豆不會好甜，喜愛最後兩個人，二百蚊左右好滿足係冰室舒舒服服傾住計食左一個好美味又豐盛既午餐

見新開張，入去試個早餐。坐低兩分鐘都冇人埋嚟招呼。眼見起碼有四至五個伙記，但個個都唔知忙緊乜咁，只感覺個個慢手慢腳，總之冇人會望下有冇食客有需要。舉手幾次終於捉到一個伙記嘅視線。叫咗份港式早餐，即係傳統多士、炒蛋、通粉、咖啡或茶。枱面冇清茶冇餐具，差啲以為對住屋企張書枱。先來通粉，心諗：使唔使咁細碟呀？火腿絲和仿鮑魚絲切得好幼，在通粉面鋪排得好散，所以「睇落好似」好多料。再來多士炒蛋，再諗：使唔使都係咁細碟呀？長方形嘅多士係一塊方包切開一半，凈係俾半塊你；一般茶餐廳全塊方包切開兩個三角形或兩個長方形而俾晒你。簡單講就係得一半份量。望住兩碟咁「的式」嘅早餐，已經覺得中咗伏。但都要食㗎。正想再搵伙記問佢攞餐具，突然醒目地發現枱下面有櫃桶，打開果然見到刀叉羹，攞完餐具，發覺唔自己抹乾淨佢真係唔係好願意用嚟食嘢，今次真係要問伙記攞餐紙巾，(好心餐紙巾嘅平嘢就主動供應俾顧客啦)。伙記態度真係講唔上係好，攞住兩張餐紙巾埋嚟都係隨手「劈」低，有一張仲已經俾佢揸皺晒。所以我都費事再問有冇清茶供應。自己細心抹完餐具，檢查清楚冇晒洗唔乾淨嘅痕跡後，終於可以開始食。先食一啖牛油多士(雖然目測唔係好覺已經搽咗

上次喺九龍灣食完之後念念不忘今晚約開朋友去旺角食飯即刻提議嚟呢度再食過呢間分店餐牌同九龍灣會有少許唔同但整體選擇好似仲多啲菠蘿油食得多 今次試吓黑松露炒滑蛋菠蘿包滑蛋好後身黑松露味濃到適中配合甜嘅菠蘿包 一鹹一甜味道好特別懷舊蝦多士分量唔算多 得兩件但即叫即炸幾新鮮 咬入去餡料幾足唔會剩係得多士 吾錯推介香酥炸巨髀 雞髀堅大隻而且肉質唔鞋配合淮鹽調味 好香口主食瑞士雞翼撈一丁值得一讚唔會好鹹 瑞士雞翼微甜好惹味至於十字牛奶豬骨湯意粉配香煎豬扒意粉份量好足 湯底偏清淡啱晒唔鍾意重口味嘅朋友仔朋友飲咗黑洞上次試過嘅十字朱古力奶昔佢都大讚朱味十足黑洞我自己就試新野十字雲呢拿焦糖奶昔味道偏甜 但啱晒我呢個焦糖控而且底部有好多餅乾碎 飲落口感豐富今餐食咗好多新菜式下次有機會再嚟試吓牛奶雪糕

已經很久没有去冰室進餐了，上一次已是華嫂，說實話，没有常去的主要原因是，不想以一個比其價值貴十多倍的價錢，吃一些没有驚喜的食物；即是，付三、四十多元，買一個普通的餐蛋治，我是抗拒的。當然我明白，在香港，租金呎價婁創新高，所以一個餐蛋治的價格，除了材料成本外，還包含了昂貴的租金和人工；所以如果該店有一些招牌食物，或是富有特色的裝潢，我還是原意光顧的。很幸運地，今天碰巧跟父母去了這家叫十字的冰室，因為被其懷舊的外觀佈置吸引了眼球，便與父母走進去；果然自己的直覺，還是非一般的準，我們點了黑松露炒滑蛋、朱古力榛子醬厚多士、椒鹽燒賣、黑松露櫻花蝦炒飯、瑞士雞翼撈丁、十字鮮奶，和雪糕紅豆冰。說實話，我還真未嚐過黑松露炒蛋，雖然份量不算多，但味道卻没得說，濃濃的黑松露味，覆蓋整個口腔，隨之，淡淡的蛋香和牛奶味漸漸溢出，這個炒蛋絕對喜出望外。我本人是Nutella的忠實粉絲，所以看到這裡的厚多士是Nutella 朱古力榛子醬，我便迫不及待點了，味道也是我預期的，没有很大驚喜，但絕對没有讓我失望。另外，我發現，餐牌上頗多以十字命名的食物，後來一問才知，這家店，奶類食品大多以十字牌鮮奶製作而成；這是我兒時

中午路過新開張的十字冰室，大排長龍，好似好好食咁，我又去湊熱鬧，排左十五分鐘終於有得入。聽講呢度多款食物都加入了十字牌鮮奶，例如炒滑蛋之類。十字牌鮮奶好出名，品質不嬲好有保障。所以一來到就想試下燉奶，無耐冇貨！唯有食炒滑蛋呢d，于是點左個黑松露炒滑蛋配牛油西多士，黑松露味十足，蛋滑而不膩，好正！于是又再點了一份黑松露炒滑蛋菠蘿包，好有特色，菠蘿包不單調，配合黑松露炒滑蛋，香滑可口，加入十字牌牛奶果然不一樣！新鮮滾熱辣，一大口咬落去，回味無窮！紅豆奶茶，奶味十足，茶味濃，綜合紅豆的甜，很綿密！

十字冰室終於開到旺角啦！見到餐牌上面比一般冰室都好多嘢食！有菠蘿包、三文治、麥皮、多士、口西多士、小食飯及意粉、一丁面，連甜品都多過人！冰室當然唔少得常餐，呢度仲有王牌餐同全日早餐添！今日比較貪心啲所以叫咗返全日早餐！入面有成七樣嘢！有雞扒、腸仔、牛奶炒滑蛋、煙肉、茄汁豆、扒番茄同牛油多士！牛油多士好厚！牛油好香！拎開一睇，件雞扒種驚喜！大大塊仲煎得好靚！真係皮脆肉嫩！炒蛋用返十字奶去炒，啲蛋炒得好嫩，又有蛋香，而且感覺特別飽肚添！煙肉有兩塊，唔會太鹹同太肥，成份早餐真係好豐富令人好滿足！食完早餐份炒蛋唔夠喉，叫多咗個黑松露炒滑蛋。估唔到佢係將啲松露炒埋落滑蛋度，唔會好似其他冰室就咁加少少黑松露上去就算。所以食落松露味超級濃郁！另外再叫咗椒鹽雞全翼配懷舊雜果沙律！雞全翼同件雞扒一樣，啲皮炸到好脆！食落真係脆到有聲架！另外仲有少少雜果沙律配埋，食下雞翼食下沙律酸酸甜甜唔會咁漏！環境仲好光猛同乾淨添！一定會再去！