十字冰室 (The Argyle)

营业中

休息中

今日去旺角既寵物街幫我狗仔買糧食，經過見到有間冰室，近近地就去左呢度食飯！入到去地方好乾淨，典型既冰室格局！我就叫左一個香濃蕃茄牛肋肉湯通粉，黎到見到蕃茄湯好濃郁，飲左啖 蕃茄味好濃，仲有點蕃茄碎，食得出係用新鮮蕃茄整成，通粉吸哂湯汁既味道，十分入味，牛肋肉份量都好多，正！之後個黑松露炒滑蛋，呢度既滑蛋仲加左十字牌既鮮奶，所以食落更加香滑！黑松露既味道都好香濃，十分match !飲品我就叫左杯奶茶紅豆冰，我都係第一次飲，呢個奶茶底完全唔苦澀，仲有茶既甘香，配埋甜甜既紅豆粒，有咬口又好飲！無諗過隨意一入既冰室都咁好食，下次會再黎！