十和田總本店

营业中

休息中

當你有選擇困難症，忽然唔知食乜好，食日本嘢一定係最好選擇！朋友成日都經過呢間，今日終於決定試吓。刺身、壽司質素都唔錯，又新鮮又大件，海膽、拖羅好好味，再叫多一個牛肉烏冬，甜品食個綠茶雪糕，兩個人份量啱啱好！又一次大滿足😊

📍位於香港尖沙咀的十和田總本店,是一間以日式料理為主,偏中價位的餐廳。餐廳的整體設計以淺木色調為主軸,以俐落大方的格局布置,營造出一種雅緻舒適的就餐感覺。當日我地兩人用餐, 點左三件海膽軍艦及兩個壽司拼盤,兩個人可以食到勁飽！刺身10分新鮮，質素令人滿意。海膽軍艦以鮮甜的海膽,搭配上米飯及紫菜,勁滿足😍😍喺出面食海膽,最怕會唔新鮮,但呢間冇令我失望～壽司拼盤則有呑拿魚壽司和呑拿魚紫菜捲,而吞拿魚壽司分左有兩個唔同部位,魚生10分新鮮,口感入口即溶。總體而言,十和田總本店以其精致及新鮮嘅食材,成為一個適合享受高質素日式料理的去處。

座位不算十分寬敞，全店的木製桌椅，略顯有小日本風。唯雖人數齊整才方可安排入坐，而用膳時間只有75分鐘，有點兒倉猝。 火灸三味壽司包括有：火灸三文魚腩、火炙左口魚邊，以及火炙吞拿魚腩。魚腩部位尚算肥美甘甜，而火炙亦恰到好處。但熱度不足，僅有極少量微溫，放涼的口感稍有膩感。 吞拿壽司拼盤分別有：吞拿魚、中拖羅、大拖羅及小卷。刀功顯細膩，沒有根影響口感，愛好者可一試。 香蔥吞拿魚腩丼性價比十足。雖赤醋飯的加持下，會增加日式獨有風味，但吞拿魚腩沒有太突出的魚味。 櫻蝦牛油果三文魚卷比較少有的卷物。櫻花蝦緊緊黏著外圍，又保持到香脆的咬感。但牛油果配搭三文魚的味道略為清淡，建議濃味，如吞拿魚留到最後才品嚐。 蒸蛋白果令味道變酸，火喉過猛。 款式繁多，只是沒有串燒的日式小店。店內定位較廣，提供頗多套餐選擇，如烏冬定食。

第一次黎食果陣都覺得唔錯，都算平靚正，今次叫阻呢個lunch set 香蔥吞拿魚腩丼+麵豉湯+茶碗蒸，同之前一樣都係咁大碗同份量十足，不過就好似食唔返之前既水準咁，好似冇之前咁新鮮，同埋食落好漏好重負擔咁，食幾啖已經唔想食，但個茶碗蒸都仲係好味既～

情人節快樂 !!!上星期去開尖沙咀就約埋係附近返工嘅儍爸食個晏 ~~好乖咁搵好位，沖埋杯綠茶等佢嚟開餐 ~~有多款不同配搭嘅午市套餐有壽司刺身、丼飯和烏冬套餐 ~~儍媽就點了客 ● 壽司拼叉燒湯烏冬配湯和茶碗蒸 (HK$108)有麵豉湯、茶碗蒸、壽司和叉燒湯烏冬真係好豐富，完全滿足哂咩都想食的我 ~~壽司有六件 ... 魷魚、赤海蝦、帆立貝、油甘魚、三文魚、吞拿魚厚切魚生新鮮肥美，配上赤醋調味的壽司飯，更能突出魚生鮮味 ~~叉燒湯烏冬湯頭清甜，烏冬煙靭有咬口有兩大塊帶點厚度的日式叉燒，啖啖肉好滿足 ~~茶碗蒸鮮甜滑嫩入面仲有很多料... 有冬菇、蟹柳、鳴門卷、白果等儍爸的 ... 鰻魚飯配湯和茶碗蒸 (HK$108)鰻魚厚肉又大件，燒得好香肉質滑嫩柔軟，配埋微甜的鰻魚汁，送飯一流 ~~** 以上分享是以我的口味、體質和情況作出分享及感受，一試 / 合用與否請自行決定

去到尖沙咀當然揾小編嘅至愛，食下日本嘢，未有計劃去日本之前都要享受吓日本嘅美食先。室內外都好有日本風格。葱吞拿細卷👇壽司係包住厚厚吞拿魚、的的骰骰、一啖一口、口感豐富、好食👍味噌牛肉飯配上日本珍珠米、好軟綿、牛肉濃郁惹味、牛肉好餸飯、好食到停唔到口😋唐揚炸雞湯烏冬、配上昆布、烏冬質地煙煙靭靭、好有口感、炸雞卜卜脆、雞肉嫩滑配上沙律醬一流👍甜品嗌了黑芝麻同埋水蜜桃雪糕各一、先講黑芝麻雪糕、這個雪糕、食落去真係好似食緊碗芝麻糊、濃郁芬芳冇得頂👍👍👍水蜜桃雪糕就有淡淡嘅水蜜桃味、都係好似食緊水蜜桃生果咁、這兩個甜品冇得輸推薦🥰

🐟火炙左口魚邊丼 $138左口魚邊火炙過之後充滿油脂，海膽新鮮唔苦，入面仲有蔥花同埋紫蘇葉解膩～值得一提呢度嘅壽司飯用赤醋調味，同埋本身已經撈左啲壽司豉油😙食落就更加方便🍣三文魚親子丼 $138三文魚的份量比想像中多好多😍 同飯嘅比例差唔多1:1，唔使擔心食晒啲魚生仲剩低好多飯唔知點好🤣 角切三文魚嘅size啱啱好，而且新鮮唔會有筋，面頭嘅三文魚籽都好鮮甜😝 食落非常之滿足Lunch set會配埋味噌湯同茶碗蒸😍 味噌湯同平時飲開嘅味道差唔多，茶碗蒸好滑，而且入面都幾多配料😙-覺得呢度lunch set幾抵食，性價比非常高，魚生飯新鮮份量足，如果女仔嚟食嘅話可以考慮吓少飯😆-味道: 8.5/10服務: 8/10環境:8/10回頭率: 8/10總評: 8.5/10💰人均消費: $150

平時lunch time 想食壽司或日本野會嚟呢度，價錢唔貴。▶️壽司拼叉燒湯烏冬配湯、蒸蛋$108壽司新鮮，有6件：三文魚、魷魚、吞拿魚、油甘魚、帶子、赤海蝦。帶子好厚接木鮮甜。赤海蝦大隻新鮮。魷魚雪白。吞拿魚、三文魚肥美。叉燒湯烏冬好大碗，有兩片厚厚叉燒，烏冬煙韌。呢個餐有蒸蛋幾滑。▶️午市壽司套餐配湯$1088件壽司🍣加3件卷物：蔥吞拿魚軍艦、三文魚籽軍艦、海鰻、三文魚、吞拿魚、油甘魚、帶子、熟蝦。份量夠飽。蔥吞拿魚軍艦、三文魚籽軍艦紫菜脆。麵豉湯夠濃有海帶。

餐廳以簡約木系為裝潢 由日本師傅主理 食材更是由日本空運到港 主打刺身壽司🍣刺身都新鮮肥美 質素很不錯.ᐟ‪‪.ᐟ整體感覺刺身丼飯較划算 大大碗好滿足( •̤ᴗ•̤ ).▫北海道帆立貝松葉蟹丼 $168佈滿了松葉蟹肉的刺身丼( ⌯'֊'⌯)每口都有飽滿的蟹香 飯粒加入了赤醋味道更香且不單調 還有爽脆的三文魚籽增添魚油的甜香口感.ᐟ‪‪.ᐟ主角帆立貝更是肥美鮮甜還好滑溜耶～.▫吞拿魚 $24▫油甘魚 $28▫火炙左口魚邊 $32▫火炙芝士蝦 $15另外還點了四款壽司🍣 兩款魚生都魚香滿溢 魚質軟嫩鮮美而且不腥左口魚柔軟充滿香濃油脂香還入口即溶呢.ᐟ‪‪.ᐟ芝士蝦原來以為平平無奇但有驚喜甜美的蝦多了芝士的鹹香味道更香口耶～

前日放假約左朋友食晏～因為朋友接著要返公司做野，所以去左佢公司附近既壽司店開餐：）呢度中午有十多款不同種類配搭既套餐，既有壽司刺身，又有丼飯，仲有烏冬set添～價錢由六七十蚊至二三百蚊不等，要視乎叫邊款=］當日要左豚肉烏冬配壽司定食～跟餐會配有日式蒸蛋同味噌湯！！！估唔到烏冬既份量都唔少仲有兩塊厚切豚肉叉燒添😚😚仲有六件壽司，其中既帆立貝超厚身，鮮甜鮮甜❤️朋友就要左一份壽司定食✨當中除左手握壽司，仲有軍艦同卷物，望落都好豐富！！！朋友話壽司既質素平均都唔錯，特別欣賞呢度軍艦壽司～我地呢兩個set都係$108，性價比都幾高🤗🤗🤗😉

喺尖沙咀返咗工咁耐， 成日都想搵間有日本當地風味的壽司店， 見到十和田個門口 就同朋友仔入去試下， 一打開個menu， 發現佢個午餐選擇有差唔多二十款， 上次夜晚嚟食已經試咗佢個壽司，係配赤醋飯， 所以今時專登食埋佢個烏冬同便當， 不過尖沙咀食lunch時間真係好繁忙， 大家最好預多少少時間今日同朋友嗌左2個set:豚肉生薑燒定食（配麵豉湯同蒸蛋）炸蠔湯烏冬 （配三文魚壽司）個烏冬份量好夠大，女生食半碗都夠飽，個質感都好彈牙，可以encore呢間豚肉生薑燒比較特別啲， 個汁調得好 濃郁，豚肉有咬口

尖沙咀十和田總本店壽司以赤醋飯調制，除了壽司外，刺身、丼、燒物也很有水準三色丼以吞拿魚蓉、海膽、蟹肉蟹膏，用料新鮮，份量十分澎湃👍👍👍👍👍壽司、刺身類鮮味十足🍣油甘魚壽司👍👍👍明太子壽司👍👍👍👍活鮑魚壽司👍👍👍中吞拿魚腩壽司👍👍👍👍火炙吞拿魚腩壽司👍👍👍赤貝刺身👍👍👍👍牡丹蝦刺身👍👍👍👍燒原條明太子好開胃美味👍👍👍👍

朋友提議新年後約食飯，咁啱有人講起十和田，小弟約幾年前喺呢到食過丼飯，覺得都幾有水準，當然歡迎再訪今次一行三人來到，朋友想嗌壽司share食，咁大家都係嗌左d三味同魚生壽司為主。餐廳水準保持得好好，魚料好新鮮，醋飯亦都唔會好實或者好散，唯一要挑剔一下係wasabi唔夠辣，不過呢個純粹個人口味。個人最推介係係帆立貝同拖羅，帆立貝新鮮得來厚實，拖羅肥美得來伴隨油香，正不過來之前記得訂枱，否則可能都要等一陣，同埋空間唔算闊落，一班人食飯想舒舒服服傾下計就未必會好適合

呢到好胋心， 提供埋抹茶粉俾你自己決定落幾多， 想飲有幾濃既抹茶都有呀😘❣ 火炙左口魚邊丼 $138 (必食)份量大既火炙左口魚 仲要有海膽! 左口魚油脂好豐富 入口即溶既感覺, 成個口腔都係有陣魚油味😍愛上咗呢到既左口魚呀～ 海膽新鮮鮮甜～ 而且仲要好多🥰配埋赤醋飯～ 一流呀！ 呢個丼飯CP值好高, 而且高質！ ❣ 火炙牛肉湯鳥冬 $88牛肉味濃而且好林， 烏冬硬度岩岩好，唔會煮到過林或者太硬❣ 帆立貝 $28 （必試）呢到既食材好新鮮～ 帆立貝仲要厚切， 鮮甜， 唔加醬油都好好食呀！❣ 蝶魚邊 $32色澤有光澤， 魚油香味濃！

睇到各界好評如潮抵食魚生飯，今日有時間終於可以試吓。我哋本身以為要排隊，所以專登早咗6點左右到店，唔使排隊都不特止餐廳裏面得個三枱人。等我哋仲心諗咁好彩，唔需要等位。我哋兩個人點咗兩份一小食，豚肉生薑燒汁甜豬頸肉肥，魚生丼飯啲魚生就唔新鮮，最諗唔到係唔會失手嘅蒸蛋都好失色。食完飯都聽到隔籬枱都忍唔住問侍應話，你平時你哋要排長龍嘅咩？點解今日唔使排隊嘅？。我同朋友聽到都笑咗，冇諗過食物咁普通甚至稱唔上啲咩好食嘅魚生飯不如外界好評，非常失色