十六座車仔麵

营业中

休息中

多謝妹妹的介紹，果然係久違咗嘅車仔麵味道。今次我食了油麵，另點了蝴蝶腩，蘿蔔，魚旦，鹵豆腐；再加一客咖喱魷魚。湯底點了少辣，辣度剛好，不會搶了餸菜的味道，很少機會食到蝴蝶腩，蠻不錯，蘿蔔完全入味👍🏻，可以吃得出魚旦裏面是真材實料的魚肉，就是以前那些年的魚蛋😊鹵豆腐就一般般了。而咖喱魷魚是很爽口但又帶點硬身，很好𡁻！值得一讚還有16座的自家飲料，吃完一碗沙嗲車仔麵，再喝一瓶解熱的六花茶，很不錯吧！未食完，便已計劃要再來一次，試埋其他車仔餸😁

十八座車仔麵係鐘意食車仔麵既人既福音,因為佢好食得黎又有一種潮懷舊事既感覺可以食到d special 既自家制餸今次食左韮菜燕餃,蝴蝶腩撈麵加鹵水豆腐， 平日次次都食湯,今次試下唔湯食撈有冇驚喜結果.....一個字正!個乾撈汁好正!!而且個蝴蝶腩唔係度度有得食, 唔肥之餘個鹵水汁超入味再叫左個通菜，係個腐乳汁spicy左少少，or else perfect所以次次經過都encore 再 encore 呢間車仔麵! 旺角都有分店架, 鍾意食車仔麵既你一定要去try 下la

買左兩次外賣，第一次叫左紅菜頭面，拎翻公司開黎睇，原來係幼面，但係佢又收左我貴d個紅菜頭面錢，第二次我又叫紅菜頭面，佢又係比幼面我，但係又收我貴嘅紅菜頭面錢，如果冇呢個款又冇同我講定係有心？之後我叫左魚旦又冇比到我，但又收左我魚旦錢，咁就白比多左錢

今晚想食d 輕便野，咁啱經過見有車仔麵，正！裝修幾有特色，好懷舊feel~~首先要自己剔野食落單，選擇都幾多，麵都有好多種，紅菜頭麵，菠菜麵，芙蓉麵等等，平時食車仔麵都好少見到。我就試下芙蓉麵，唔知乜東東黎。先試個湯，本身係話豬骨雞湯底，加左腩汁都幾濃味，唔錯！芙蓉麵其實即係幼麵，不過係淋身既，我都幾鍾意佢索晒味。韮菜燕餃我覺得咁多樣最好食，味道幾清新不過好細粒。鹵水豆腐同蝴蝶腩都好入味，不過個腩瘦左d無咩特別另一碗叫左蘿白，蘿白真係超淋果種，好甜好入味，不過太淋欠咬口。東菇牛腩都好食，不過size 就有點細同碎濕濕，我個人覺得牛腩好食過蝴蝶腩，不過都係偏瘦。其實樣樣野都好入味好食，不過因為太入味愈食愈頸渴，無可樂真係唔得， 佢可樂玻璃樽裝夠晒氣😂飲左先舒暢d,但食完都仲係好頸渴

Happy Friday冇人約自己一個去行下花園街，早前已聽聞這間車仔麵幾好食，今晚就決定順路過來會一會店內裝修走香港懷舊風，都幾靚，只是座位較密坐得不太舒服麵底有烏冬、蝦子麵、芙蓉麵等特別選擇，我決定試下烏冬湯底有牛腩汁、滷汁和乾撈汁，平時我食開牛腩汁的，但配烏冬實在太怪，試試新組合來個乾撈先配料我選了蝴蝶腩、雞腎、蘿蔔，再加多杯鮮榨檸檬汁套餐一上來就聞到好香的醬料味，個乾撈汁烏冬真係好得!!條條烏冬都上晒色同好入味，真係要推薦下蝴蝶腩、雞腎、蘿蔔全部都滷得好入味，雖然已經唔多似車仔麵，但真心覺得呢個組合好正而檸檬汁唔會好酸，飲到底仲會有少少果肉，都唔錯!最後埋單盛惠$58，以車仔麵來說係貴左點，但我今日點的每樣食物都好食，算係咁啦 =)

今日經過太子,再次光顧此店,水準依舊。點了最愛豬紅蘿蔔,牛筋腩,雞腸魚蛋配米線👍豬紅入味,牛筋腩炆得夠淋但唔會散,雞腸肥美有油香,魚蛋普普通通,但夠煙韌,一流👍👍

雖然之前見過大小明星在這間車仔麵店內拍攝，但是本人來到，卻覺得不怎了了。看到很多比較舊的食評，好像2015年或以前的比較好些，而且當時每個餸都只是＄10 、$8 ，而且麵條較多，將碗子放得滿滿的。先是這款「芙蓉麵」，叫什麼做芙蓉麵🤔，沒有特別，由於普通麵店的幼麵，軟硬程度也非常之軟綿綿，完全沒有彈力，上湯能力普通。難道由於芙蓉麵其實亦等於雲吞麵，因此雲吞麵亦稱「細蓉」，故此芙蓉麵其實等於雲吞麵？很多看似特別的菜式，例如牛爽、金沙青，其實說穿了，都只是牛舌芯，與及豬肉（尤如母親煲湯留給我的半肥瘦豬肉）。還有這份雞腸，也非常之普通，甚至有點肥，沒有什麼特別。母親的咖喱魷魚，大表讚賞，我覺得有點兒冷，味道也是一般。報道指咖哩魷魚選用超過40釐米長的阿根廷乾魷魚，但碗內的魷魚僅約4釐米。湯底小辣，其餘也沒有什麼特別，沒有什麼秘製醬汁、沙嗲醬之類。明明就只是普通一個麵條，上面放幾種配料。小小一碗麵，湯浸過麵條，配料不多，賣相也不怎吸引。湯底沒有特別香濃的味道，亦不是什麼特別秘製的醬汁，但是一碗車仔麵就可以索價＄50。16座車仔麵，吃一次便足夠，吃一次也後悔。榮安、文記、鴻運車仔麵、南記粉麵，全都

某天晚上路過太子揾食，見呢間車仔麵店走懷舊風，於是被吸引入去幫襯。車仔麵餸每款由$9至$12不等。我地兩人，一個叫左4餸，一個叫左5餸，另加一枝汽水同油菜一碟，埋單$140，扺唔扺食就見人見置。共9款餸包括魚蛋、鹵水豆腐、冬菇、蝴蝶腩、貢丸、咖喱尤魚、傳統牛腩、日式溏心蛋，仲有樣唔記得。咖哩尤魚個味其實唔錯，不過佢地用左以碟仔另上嘅方法，所以就咁食係凍嘅，自己浸落湯然後先食就會影響左個味啦當然。大致上全部食物味道都ok嘅，都試得過，但唔算特別好食，某些食物份量亦偏少。如果係要排隊或等好耐位嘅情況又唔太值得。

麵底可選紅菜頭麵和菠菜麵，雖然兩隻麵都食不出和普通麵有什麼分別，但都是健康之選。分別叫了鹵水汁湯底和腩汁加小辣湯底，兩者夠味，但我食開淡味，覺得較重味。之於唔食辣既我，小辣已頂唔順，所以唔食得辣千期唔好要辣。飲品叫了自家煲竹蔗水和鮮檸檬汁，兩隻飲品都好好飲，不錯。

我十分喜愛吃車仔麵，常常到不同的食店吃，但有些不是味道不好，就是衛生環境惡劣，雖叫那渣面，但不一定不注重衛生架，知道這點地方就腳，看到裝修很特別，很有舊香港味道，十分有心思，餸大部份都是一般車仔麵有的大路野，有小部分如牛舌尖，温泉蛋，日本烏冬則較為少有，送來是用一個盤上，有獨立包裝的筷子，亦有豆漿，自制飲品，而黃金豆腐更是非常美味的小食，外脆內軟，十分好味，整體都感覺到店主是用心經營，而且地方乾淨，感覺良好。

昨晚和朋友來到尼見車仔麵店試試。裝修好可以 有D特色，不過就餐環境就麻麻地，太窄。店鋪服務OK。尼款係菠菜麵加咖哩麵筋加牛爽（牛舌）還有通菜。牛爽比較好食，薄薄嘅，食起來都幾爽脆，有味道。菠菜麵食起來冇咩菠菜味咯，同普通麵條冇區別，除咗顏色！咖哩麵筋都麻麻地！湯頭嘅話店家話係純豬骨湯，但係冇咩特別，唔夠濃郁。總之又貴 味道冇咩特別！都係一次過。而且每樣東西都唔係好便宜。飲野還貴 所以冇飲野。所以是次冇哎野飲。

黎開朋友屋企附近，諗住食個快餐，朋友介紹呢間十六座車仔麵幾正，又話幾懷舊，一於就去試下啦~黎到門口，門口睇落幾新派丫~好彩唔使等位，入到去環境裝修好吸引呀，好有懷舊feel~由於太趕時間， 唔記得影低環境既相，就快快脆脆點嘢食~我叫咗蘿蔔，牛筋腩，魚皮餃，粗麵 ~蘿白煮得夠林, 入晒D精華, 食蘿白就最緊要D汁勒~牛筋腩都煮得好入味，唔會痴牙, VERY GOOD~有得選擇大中小辣， 我叫左小辣，黎到岩岩好, 辣味適中~朋友叫咗豬腸，芝士腸，魚蛋，米線豬腸乾淨好食~ 想再encore 多份~芝士腸魚旦正常啦~見到隔離人哋叫咗啲招牌小食，好似個五香蝴蝶腩幾吸引，下次要嚟試下啲招牌小食先~同店員傾開計, 店員話巴西黑心肉攪到小店唔敢賣雞翼、雞翼尖，留返員工自己食喎~ 都算係良心小店啦~朋友話會繼續黎支持既~

上次行過呢條街，已經被呢間舖頭的裝修吸引左，但當時約了朋友試唔到。今日終於可以來吃，星期六傍晚時分，店內都坐左大半的食客。我對鋪頭內的裝修同舖頭名好好奇，於是膽粗粗問下店員，原來老闆爸爸以前在秀茂坪十六座賣車仔麵，而呢度已經開業一年多，暫時只得一間店。雖然我唔太認識秀茂坪呢個地方，但都好欣賞呢度的裝修。落單係畫落一張已過膠的餐牌上，夠晒環保。我今日食左4餸，分別係：韮菜燕餃（$10）-原來燕餃係小巧版的韭菜餃，可以一試咖哩魷魚（$10）-夠貼心分開裝，魷魚幾香咖哩味五香蝴蝶腩（$10）-呢個大推，連筋肉一齊食有咬口又唔韌羅蔔（$8）-夠淋但唔入味，建議加冰糖會好味d同米線（$10）-略嫌過淋加左牛腩汁同小辣辣汁整體質素還好，特別推介五香蝴蝶腩同咖哩魷魚。

16座車仔麵既店鋪裝修好有自己特色，好似返左去8,90年代舊式屋村咁～有係黑板晝既粉筆畫，亦有舊式電燈開關制電標制等等。客人可以已過膠既餐牌上用蠟筆點菜，三餸起。朋友叫左蘿白大腸墨丸鹵水汁米線~ 蘿白好入味！正！墨丸都好爽口彈牙～而我就叫左流心蛋鹵水雞腎魚皮餃干撈汁米線中辣流心蛋比我想像中冇咁流心，不過都幾好食。雞腎大約5,6舊，都幾爽口！魚皮餃都OK！但係個中辣真係睇少左佢，辣到跳舞啊！拿拿林嗌多支可樂。。。

全店裝修都係舊屋邨風格，懷舊海報、多款舊電掣裝飾，充滿七八十年代香港味道。老闆好聰明，選用了美術用的蠟筆去俾客人落單，而餸單就過咗膠，所以客人點選了餸單之後，可以用濕布輕輕一抹就可以重用，十分環保值得欣賞！三十幾款車仔餸，老闆話係佢親自調味炮製。必食嘅咖喱魷魚，係用咗長過40cm嘅阿根廷乾魷魚去整，用三日時間浸透，超香魷魚味，會唔會誇張咗D。仲有限量供應的金沙青，同埋薄切牛舌芯，真係勁爽勁入味！媽咪疴打咗三碗唔同餸唔同麵嘅車仔麵，D麵又紅又綠又烏卒卒，勁得意小朋友勁想食車仔餸咁多款都好食，我至愛嘅豬腸都冇甩拖，好爽好入味麵底又夠大，食極都仲有，一定會飽肚！呢個椒鹽豆腐都好正，外面鬆脆唔會一夾就散流心蛋真係流心，無花無假啱啱好！呢塊牛舌芯真係........無得傾，超爽超好味蝴蝶腩都好「林」好入味每碗價錢都只係40幾蚊，真係抵食