十六座車仔麵

📍 最近喺太子试咗间叫「16座车仔面」嘅小店，嗌咗一碗三𩠌车仔面，拣咗麻辣汤底，配料有牛心舌（店家叫「牛爽」）、咖哩鱿鱼同卤水鸡翼。🍜 汤底方面：麻辣汤底辣度适中，唔算太刺激，但够香够惹味，啱晒钟意微辣嘅朋友。🥩 牛爽（牛心舌）：绝对系亮点之一，口感爽滑，味道浓郁，真系超水准，值得一试！🦑 咖哩鱿鱼：鱿鱼爽口弹牙，咖哩味渗透得好，唔会太腻，系我心目中嘅第二名。🍗 卤水鸡翼：就比较普通，味道唔算突出，但都算入得口，唔会拖低整体分数。💰 价钱方面：以太子区嚟讲，呢个价钱算系合理，食材新鲜，份量足，性价比唔错。🏠 装修风格：有啲似旧式秀茂坪茶记嘅感觉，怀旧味浓，虽然唔算时尚，但有种亲切感。…查看更多

多次光顾，质量一直无变，完全唔同传统感觉，新派车仔面，味道特别，好多款𩠌外面店舖都冇，而家仲有下午茶，简直超值👍食物质素非常好，睇得出用上等食材，值得一赞，希望可以坚持，良心小店…查看更多

讲起车仔面，16座绝对系我近期嘅心水！佢哋嘅汤底真系灵魂所在——浓郁到不得了，唔系得个咸字咁简单，饮得出系真材实料熬出嚟，带住啲肉香同微微嘅甜，饮一啖成个人暖笠笠，捞面一流！主角油面好有咬口，唔会淋pat pat，挂汤能力满分，每啖都索晒啲精华汤汁，正！我嘅至爱配搭系佢哋嘅招牌猪肠同卤水鸡翼尖：猪肠处理得超干净，炆得软糯入味，入口即化，一啲异味都冇；鸡翼尖就吮骨都香，卤水味好够，送啤酒一流！仲有必试嘅萝卜，清甜冇渣，吸晒汤汁超好味。整体嚟讲，16座嘅车仔面唔系得个快字，而系真系食得出用心。汤底浓、面质爽、𩠌料入味，每样都交足功课。味道够晒地道，系𠮶种食完会挂住，想快啲再encore嘅街坊好滋味。**平、靓、正，绝对系车仔面界嘅实力派！…查看更多

临近过年，花园街很热闹，由于太多人，所以就冇行入花园街，路过十六座车仔面，其实唔多肚饿，但由于对车仔面情有独钟，所以不自觉地进去。大约三点，食客未算多⋯⋯明显地装修七十年代格局，怀旧一番⋯⋯最令笔者注意的就是墙上面的一个算盘，多么有趣，相信年青的一代真的未知怎样打这如意算盘。首次到访，QR CODE 落单，还可以直接电子支付，奈何笔者首次到来，笨手笨脚，未能直接付款，最后QR Code落单后到柜枱付款，都算灵活弹性处理。首次到来决定嚟个招牌项目:九品鲍鱼面~在QR CODE落单时，加$2有菜底，于是笔者决定走面加菜底 ，结果策略上错误，冇面食，明显比较冷清，加$2菜底，只得一点点，帮不了忙，经过今次，相信下次会更明智。…查看更多

过年同嚟太子办年货，买定水仙，为屋企增添过年气氛！买完花之后，喺太子都有唔少餐厅选择，我就嚟到十六座车仔面，呢度以公屋为装修格局，细心啲睇，连电掣都系行怀旧路线，而且车仔面系亲民价钱，够抵食款式又多！讲起最抵食嘅选择，当然就系怀旧四品面餐，配料有鸡翼、鱼蛋、猪红同通菜（本身系唐生菜，但今日货未返，所以改为通菜）。鸡翼卤得好入味，大大只；鱼蛋系陈皮鱼蛋，好有口感！至于面底就拣咗米粉，加上辣汁，好惹味。拣咗呢度嘅名物，包括限量金沙青、五香蝴蝶腩、咖喱面筋同猪皮。金沙青比较肥，所以佢就唔系太钟意喇，不过，我又觉得唔错，肉质嫩滑，肉味香浓；蝴蝶腩好有口感，腩肉鲜嫩；而咖喱面筋同猪皮都索晒辣汁，味道浓郁。四品面餐同四𩠌车仔面都会赠送一罐咸柠檬梳打，食完辣汁，饮番罐梳打就够晒爽。…查看更多