十八座狗仔粉

营业中

休息中

行完花墟，忍唔住又黎食明明又要等，又要受氣，又要隔住斜對面坐，不過都好過無得食既。。。Btw 明明上次黎個陣都仲係bar枱座位，忽然變左摺枱既？唔通我有萬德拉效應？😂😂😂同契爺過黎食火鴨翅，一人叫左一碗，等到頸都長埋喇真係，不過真係太好食。。。契爺第一次黎，佢都話好重火鴨味，愈食愈好食添呀！不過好似而家真係太多木耳，無以前咁濃味，咬極都仲有雖然都係門口排晒隊，不過都算等一陣就有位，睇怕下次都會死死地氣黎😭

一向都最怕係平日夜晚踢波，唔係因為唔想踢喎，係唔知食唔食嘢好，食咗先踢又怕肚痛，踢完先食又怕胃痛！今日就最好，要加班，公司已幫我做了選擇，唔洗煩。食宵夜，最好彩有依間舖，又開得夜又係旺區，全靠LEE＂狗仔粉＂支援下我，我已經唔係第一次幫襯，每當踢完波都仲可以嚟食，真係如獲至寶一樣，唯一缺點係坐位迫咗少少啫。佢嘅＂狗仔粉＂同＂鴨肉碗仔翅我最鐘意食，今日就食咗＂狗仔粉＂，煮得軟硬度剛好，口感又唔會太過淋，湯底係有冬菇粒粒同蝦米粒粒，有鹹香味，都算惹味的，而最吸引我嘅就係佢有勁辣菜脯，仲要係任落，真係好正，好夠辣，試過有一次，個朋友落得太多，辣到咳，佢太貪心了，真係比佢笑死。

因為我係好鍾意食粉仔嘅人，所以出到旺角咁多美食之中，我都係揀左粉仔黎食，貪佢醫肚又唔熱氣。$22+3(豬油渣）湯底好濃郁，估計係開粉沖嘅，因為有啲稠粉狀係底。粉仔唔算好彈牙，但好彩都唔係烏冬feel。豬油渣幾脆口，亦好大粒，3蚊覺得好抵。有少少冬菇粒同蔥粒，菜甫就好大方咁放成罐係枱你任加，深色啲嘅係辣版，真係幾辣架，食唔到辣嘅唔好大大羹食，真係會比佢辣死黑白炸丸 $15炸墨丸同炸牛丸，表皮少少脆，入面同平時嘅丸差不多，15蚊其實覺得有少少貴haha 油多左少少～總體黎講都算係唔熱氣嘅醫肚之選，都食左幾次了，服務正正常常。

其實真係唔明，點解每次我嗌親豬肚豬皮，都係嚟咗個豬肚豬腸。。。嗌人換，個阿姐又話有人專門落單，但落單嗰個就永遠睇你唔到。。。係咪我太樣衰，點解我次次去親都係咁。。。

食物差，服務差豬油渣硬得黎無味又有陣油益味！失敗！魚肉粉多過魚失敗！蘿蔔有根 失敗！湯無味 失敗中失敗！服務態度勁差！鴨翅凍嘅！名過於實 真係非常唔掂！對面小食店好過佢！

十八座狗仔粉24小時營業，所以每隔一段時間都會來吃一次宵夜。每次我都一定會叫下脾和火鴨翅，不過這個鐘數下脾有時會沒有，就只好上脾也照要，不過我覺得也很好味。今次還叫了魚蓉燒賣，也是好食之選👍🏿上脾比下脾細小一點，肉不夠滑，但也沒那麼肥，我認為也很好食😋最近過來發現多了豬油渣，加$3有幾粒，便加了試試，試完沒太大感覺，也不太抵。火鴨翅與平時的碗仔翅十分不同，因為加了火鴨入去煮，味道更香濃👍🏿另外，當然要加菜蒲入去一起吃，即時加了不少分😍最後，服務態度方面就不要有太大期望，很看他們的心情，有時沒什麼特別，但有時無論你做什麼，他們都會很大脾氣😓

街頭小食做得幾有heart，喺第二度未必搵到咁嘅水準，起碼碗翅又真係幾得，狗仔粉有以前屋村feel，蘿蔔豬皮豬腸豬肚雜燴算有誠意，魚皮餃都好食，菜脯有辣唔辣擺檯面任落，d 野食唔覺好有味精。最近仲做大咗，坐得無咁逼，人唔駛面壁，對腳有位放，服務就唔好問啦！話明街頭小食，要搵服務梗係你on 居，落單會錯，錯會唔認，仲會怪個食客無講清楚（其實清楚講咗兩次），食客唯有怪自己嚟錯咗囉！呢樣唔改進，真係好難有下次喇！

員工態度極不友善，而且投訴無門，食物再好也不會幫襯，很後悔到這家食店，跟朋友難得的聚會也被弄得不愉快，食物質素沒想像的好，和其他小食店的食物差不多，連外賣也強制客人要大份，感覺是假的明星餐店

每隔一排都會食一次🤣有時太多人就會下一次先食,今朝咁啱都想食又有位,就點左1碗大狗仔粉同細狗仔粉~見有張海報話有豬油渣新推出……以為狗仔粉都唔錯🤔d豬油渣同×記嘅應該都有7成相似掛!結果3蚊得4粒萬年油渣……搵笨價😫所以呢樣樣千奇唔好叫!先本有嘅先最保險同好味😂

好好味狗仔粉味道一流 但經常要排隊有時收工貪方便都係買外賣但外賣真係好少唔夠飽😓有時間如果唔洗等好多個我就會選擇堂食雖然坐得迫d 但好處係份量會多d再加上我鍾意食辣菜圃堂食可以加多d 😋😋

十八座狗仔粉對我黎講係「久久不吃也是懷念」類嘅食物，冇太驚人嘅「嘩，好好味！」，但食過一次之後，偶爾又會想食下。呢間店仔出名冇服務，對旅客差到不得了，有時都覺得「洗唔洗咁惡呀？」不過如果你乖乖地冇嘢激親阿姐，佢又冇咩嘢嘅，睇佢心情啦，反正食完就走！之前食過火鴨碗仔翅，覺得鴨味太濃、太杰、有啲騷，今次都係簡簡單單叫個狗仔粉食下算，最愛佢湯頭杰杰地，配上菜脯、冬菇，都幾惹味，狗仔粉偏軟，有掛湯力， 我愛食辣，所以鐘意加少少辣菜脯，不過都真係辣，小心份量。

與閨蜜各自活動後會合，肚子有點空洞，打算找點地方小食，但又不想「掃街」，於是決定到這裏。不用多介紹，大雜燴、狗仔粉和金絲火鴨魚肉湯，味道沒有別人形容的必食之選，甚至對魚肉湯更有點失望，大雜燴的醬汁也略甜，不是我的口味。環境雖小，但較想像中清潔，其實這類小店有這樣的環境，相當不錯，何況是旺角地區。除此以外，這裏的「阿姐」也很好，當然也不要期望有什麼服務質素提供。環境：3食物：3侍應/服務：NIL（不要要求這類小店也提供）價錢：5

外賣狗仔粉回家食，打開是裝唔滿，外賣碗已經細，但竟然是裝唔滿，份量1次比1次少，真過份。試過堂食狗仔粉係暖的，唔知點解近幾次食都係暖，暖嘅溫度整到成碗狗仔粉唔好食，d粉黏住一嚿。

落班後唔知吃咩好，果斷去旺角覓食。 本來想試下狗仔粉，但一看覺得一碗一定很飽，而且樣子很像之前去廣州吃過的賴粉（一樣咁傑），最後點了碗仔翅同燒賣。燒賣沒什麼驚奇啦。個人是不會再來點燒賣。而碗仔翅不錯，料不錯，味濃。可惜我一個人吃不完....下次帶朋友再來！點一碗狗仔粉！

受氣嘅一餐，店入面已經勁逼，得幾枱，但短短三十分鐘，三枱食客都比職員語帶呼喝咁大聲話，當然有客人唔忍個女職員，駁返佢口啦。同荃灣個間態度極唔同，下次唔會再黎，比錢受氣，未試過見職員咁樣對客人，第一次見，家陣個職員唔係話一個客，係枱枱都呼喝d客。同其他分店唔同，「下脾」係會帶少少翅係個碗度浸住上枱，呢間就乾珍珍咁上，你拎起隻脾離開個碗食，連個碗都即刻收埋你。服務好到呢，唔識形容。仲有好多螥蠅飛黎飛去