十八座狗仔粉

营业中

休息中

很早就聽說狗仔粉了，一直想試試，今天終於找到機會了！店舖面積不大但是十分好找。和朋友一起點了大份的狗仔粉，碗仔翅，鴨上脾還有炸丸子。鴨脾端上來的時候我們都嚇了一跳。真的份量非常足了！超級大一個，味道也很好，鹹淡剛剛好，肉質細膩，鴨皮也很好吃！炸丸子稍微有點乾，但是很Q彈。狗仔粉和碗仔翅口味很獨特，碗仔翅料很足，真的可以吃到很多鴨肉，狗仔粉是第一次吃，有一種在吃烏冬麵的感覺。環境一般，剛坐下來的時候發現桌子都沒有擦乾淨，上菜速度倒是很快。沒有吃過的還是推薦去試一試的

狗仔粉這名字很熟識，但從來未吃過。今日經過旺角，所以決定來試一試。狗仔粉$29外表似烏冬的感覺，喜歡吃辣的朋友，可以配上他們特製辣菜䔕一起吃，簡直無得輸，味道一流

狗仔粉：整體味道不錯。狗仔粉食落煙韌有口感。狗仔粉同冬菇粒、菜甫粒味道非常配合，而且冬菇粒及菜甫粒為狗仔粉增加咬口。如果喜歡濃味，枱面上都有菜甫粒可以無限添加。如果食得辣，可以試下加辣味菜脯。由於狗仔粉整體味道偏咸，食既時候最好叫埋飲品。豬雜：非常惹味，唔食開內藏既人都可以一試，豬既內藏唔會有怪味。環境：整體衛生環境比較差，始終街鋪，食緊既時候會有小昆蟲係隔離飛黎飛去。同鋪面面積較少，所以位置都比較窄。如果黎食黎，建議唔好拎太多野，因為無位放。

自小喺大角咀區長大嘅我,由十幾歲開始已經識得去食油渣麵㗎喇,嗰陣時以為油渣麵已經算係「嗱渣麵」嘅主角嚟...但係估唔到長大去到廿幾歲之後,會發現「嗱渣麵」其實另有其人喎當時候喺Instagram度發現,原來有好多香港人都鍾意食呢碗叫做"狗仔粉"嘅物體,而嗰一年喺九龍區亦只有佐敦一間店舖,由於舖面地踎,客人亦要坐喺街邊度食,所以都俾好多人叫佢做「嗱渣麵」。為食嘅我,當然喺嗰陣時已經狗衝咗去嘗試呢碗神奇「嗱渣麵」啦,直至今時今日呢碗麵愈嚟愈多人識,更加多咗人鍾意食,所以佢哋嘅分店亦都愈開愈多,成為咗香港嘅地道美食之一,今日我嘅晚餐就同阿肥出咗嚟旺角呢間分店一齊「嗱喳」喇。佢哋嘅餐牌主要都係得兩版,基本上全部都可以算係佢哋嘅主打招牌小食,亦都幾乎全部都可以話係對健康冇乜益嘅"垃圾食物"但係冇計啦...人就係犯賤,愈墮落愈快樂,愈冇益愈好食間唔中心癮起,的確係要出嚟止一止癮。阿肥同我嘅口味截然不同,佢嚟到十八座,永遠唔會食狗仔粉,反而呢碗招牌火鴨翅($22蚊)就係佢嘅至愛必點,由於我係討厭食鴨嘅,所以我從來都冇試過佢係乜嘢味,我諗......應該都係好足料嘅碗仔翅然後多咗鴨味呱,餐牌上面嘅介紹

《香港特色狗仔粉》今日同朋友去旺角行街，來個快食，就去咗食狗仔粉。平時兩點，冇乜人，但係今日超多人😫🙈可能係10月黃金周，而且狗仔粉愈來愈有名，所以好多內地人去食。等左15分鐘，終於有位。招牌火鴨翅$29呢碗火鴨翅大有來頭，因為餐牌上說是用四隻火鴨煲六個秘製而成，所以味道超級濃郁，而且真材實料。他們會加幾粒豬油渣，令到整個口感更好👍🏻馳品狗仔粉$29必食之選！有啲似烏冬，但係粗過，所以好有口感！而且超推介大家加豬油咋，因為經油炸嘅豬油渣會令到成碗狗仔粉嘅香味提升咗好多，而且配上秘製嘅菜脯，味道一流！如果食得辣嘅朋友，可以嘗試他的秘製嘅勁辣菜脯，出面係食唔到呢個勁辣菜脯。

今日踢完波經過旺角黎左食十八座狗仔粉。雖然呢度鴨翅同狗仔粉都出名。但我最後叫左狗仔粉同九雜繪食。大雜會有羅白 ，豬皮，豬腸同，個汁係千味醬，非常重口味。羅白好入味，不過有小小根。豬腸就有小小肥呢度叫得十八座狗仔粉。咁一定要試下狗仔粉啦，我覺得狗仔粉有d似油渣麵。湯底有d杰，麵質軟淋。最好既係可以自行加菜甫，菜甫有辣有唔辣。辣既非常之過隱。總括黎講，夏天黎食其實好熱好辛苦，一路食d汗一路流出黎，冬天黎食感覺會好好多

有日係旺角行街行到好肚餓，醒起呢間出名既地道小食就黎試下，門口有幾個人排，但好快就到我。叫左招牌火鴨翅同狗仔粉。火鴨翅係超濃既鴨味，超杰，每一啖都食到滿滿既鴨肉絲，同平時既碗仔翅好唔同，味道好實在狗仔粉本身味道還好，都係主要味精，不過用黎餸既菜圃粒好好食呢！有辣同唔辣，辣既菜圃唔係講笑，落幾粒成碗粉都已經超辣，同時又好惹味！本身想叫魚肉燒賣，不過一個人食兩碗已經好飽

今日響旺角行街，突然勁口痕，好多小食店都係立食，但係又有d攰，想搵間有得坐下抖抖既，就諗起呢間。叫左個魚皮餃 $12要左小辣，佢個醬寫住用一個鐘秘製，好惹味呀，我重口味所以都幾鐘意。魚皮餃都好爽口彈牙，$12小食泥講算唔錯。金絲火鴨魚肉湯$29餐牌寫住用火鴨殼熬清湯，似乎同一般生菜魚肉唔同，即管試下。的確係比平時既濃味d，但唔係話勁特別，魚肉好食，菜少魚肉多，不過價錢唔算話平，整體幾清爽，加埋檯面辣菜脯仲正，更加惹味，都算幾鐘意食。可惜都幾多人，唔坐得幾耐，廢時霸住個位啦。

十八座狗仔粉係佢淨係得佐敦個間既時條我已經好中意食而家香港係愈來愈難揾到好食既碗仔翅細細個屋企人會推住木豆車既碗仔翅俾我食但呢十年木頭車已經消失得八八九九想食好味既碗仔翅係好難終於係十八座揾到我覺得拍得上當年木頭車水準既碗仔翅喇！呢碗野真係不得了首先佢係好杰身然後入面基本上係好足料 有好多火鴨肉 雪耳可以睇番餐牌 寫到明用四隻燒鴨煮六個鐘所以個味係好濃真係全港最好食既碗仔翅另外呢間舖叫得做十八座狗仔粉佢既狗仔粉點可以唔食我其實覺得個粉冇咩特別但佢既獨家既菜脯真係好正堂食既話會有兩款 一個辣一個唔辣辣個個真係好好好好好辣至於外賣就係自己倒落個外賣到冇得另要菜脯架佢個菜脯係好甜同個狗仔粉係好夾次次我都食到好似菜脯撈狗仔粉咁通常兩個食會加多隻上脾or下脾其實我唔太知差左係邊但價錢上就有分別囉佢既燒鴨脾都好好食雖然出街食鴨脾係好麻煩但因為真係好正我每次都不顧儀態咁食隻鴨脾會淋少少碗仔翅食個陣冇咁dry仲有佢既皮係有少少肥會令到個燒鴨更加香如果都係唔夠食仲可以叫其他小食我自己就成日食個咖哩魚蛋個咖哩係勁辣 仲有陣類似陳皮既味道粒魚蛋係好實既個款 唔係發到好大既魚蛋PS圖入面既狗仔粉同碗仔翅都係大

今晚等老公收工一起吃晚飯，之後還要揀選一份禮物，因為過兩天就是堂妹生日了。不知不覺已經很晚，雖然吃過晚飯，竟然又肚餓了，路經十八座狗仔粉，嘻嘻... 消夜時間，一人吃了一碗加了菜脯的火鴨翅同狗仔粉，雖然我很怕辣，但這裡的辣菜脯又真的特別滋味。

什麼叫十八座狗仔粉⋯今天趕住食D野返工⋯叫了一碗細粉$30⋯其實真係幾細碗⋯原來很似油渣麵⋯不過湯底杰身⋯似𡙡⋯加左$3...加了脆卜卜油渣粒⋯簡簡單單又幾有特色⋯

兩個人係旺角諗唔到食乜野好，咁岩行經火車站附近，見到十八座狗仔粉，友人就提議不如去試下呢間，反正都未食過。因為今次我地想試多點唔同既小食，所以就點了一個魚蓉燒賣，黑白炸丸，招牌火鴨翅，同埋狗仔粉。狗仔粉上面加咗菜甫，令到碗粉係非常之惹味，不過有少少咸同埋油。魚蓉燒賣就普普通通，黑白炸丸炸得好香同好脆，唔錯！火鴨翅係用火鴨絲來做的，湯入面無乜生粉，又唔會太杰，覺得好味過普通的碗仔翅！不過店入面的空間有限，令人坐得好唔舒服。

去到旺角,經過十八座狗仔粉，又忍唔住入去食啦。嗌咗一個細粉和細趐。 狗仔粉有葱有菜脯粉煙韌， 火鴨絲翅濃度適中好夠料。 一如以往嘅好食😋 行街醫肚首選🤗一碗細粉都係22蚊， 又有座位畀你坐喺度食， 又唔使大熱天時企喺街度食， 窮人餓鬼 恩物

這天來到旺角寵物街為我的小可愛添置糧食，志不在食，也不太餓，見倒十八座狗仔粉，想都不想就進去了，因為都是搭枱快食不尷尬。-今次叫了細雜燴大腸豬皮豬肚蘿蔔各有幾件，4款食物都夠哂淋，蘿蔔有小小筋。基本上都是靠個千味醬提味，屬重口味。只可以說，喜歡個汁便會喜歡此店大半數食物。個人是幾喜歡再加小小辣菜脯增加口感。只吃小食不夠過癮，叫多個細鴨翅，據稱煲六小時，確實比坊間碗仔翅濃郁厚重，略嫌木耳肉絲太細碎不夠口感。-20分鐘KO，快靚正。

夜晚收工收得夜，所以就去咗屋企附近買少少小食，又唔想食正餐，因為驚訓唔到🤣🤣行咗兩條街,都搵唔到小食,諗住去麥當勞之際，見到對面有18座狗仔粉 見到Menu嘅嘢食都幾吸引，其實之前有食過，不過都係佐敦第一間店嘅時候試過咋🤣 我揀咗魚皮餃，因為印象中佢都幾好食～ 店員好細心，叫我等一陣，因為要熱一熱啲食物！仲同我講咗幾次，驚我聽唔到 等咗大概1分鐘左右，就拎得。見佢俾左好多醬我$12有5粒，魚皮餃整得好味，比較好味嘅係佢特製嘅醬汁，其實18座狗仔粉都係出名佢嘅醬汁，有少少咖哩，又有少少似蠔油，唔係好識形容添，大家可以去試吓 呢個價錢呢個質素都算抵