十兄弟車仔麵 (已結業)

本身喺灣仔行到好攰，諗住求其經過食啲平平哋啲嘢就算，咁啱就經過呢間十兄弟，點知有驚喜😍😍今次就試咗一牛一豬嘅組合。🐂牛就係：柱侯牛四寶首先相信大家一望落去都會見到份量好大。除咗有四種牛嘅餸菜，仲有青菜同埋另上嘅橙橙紅紅嘅配料。首先湯底方面其實都算惹味得黎唔太漏，所以啲食材吸咗湯汁之後都唔會太鹹。我揀咗呢個河粉底，河粉出奇地好滑。🎿牛腩方面啖啖肉係基本，而且夠曬入味；牛孖筯真係如佢所講咁腍；牛丸爽口彈牙香濃；金錢肚煙韌冇揸。😮🐖豬就係：香脆豬元帥呢個睇落仲更加震撼，比起頭先牛四寶嗰碗麵仲更加多。🤩 佢真係完完全全舖到滿曬，同樣有青菜仲有蔥花。特別係炸豬皮真係第一次試，食落去真係好脆但又唔太油。豬腩肉唔會得啲肥肉，肥瘦相間真係剛剛好。佢呢度嘅炸豬頸肉都只係輕微嗰種咋，個邊小小脆，內裡保持到肉嘅林滑👍🦑最後仲有魷魚因為我哋都幾鍾意食魷魚就忍唔住叫咗。真係如其名似玻璃等脆口，正😜😘三樣嘢係$65 + $68 + $38，所以真係超值！！

同男朋友經過見到呢度環境企理ok，又諗住平平哋食下車仔麵，於是就入去試下啦。🐖我哋鍾意食豬肉就嗌咗呢個“香脆豬元帥”。五款豬嘅餸都非常多，份量真係好夠，兩人食都應該夠😲✍️豬皮食得多，但泰式炸嘅就第一次試。食落真係好脆口，如果點湯汁食又有另一種風味。✍️豬大腸方面亦唔會有臭味，滷得入味入口唔錯。✍️豬頸肉同豬腩肉都啖啖肉，不過不失。✍️豬肉丸真係爽口彈牙。見仲食得落就叫多兩個小食試下。香辣玻璃魷魚真係似玻璃咁脆口🦑。炸雲吞唔會用太重油炸，脆口得嚟又易入口。🥟如果想清熱可以叫返罐王老吉架😆兩個人食都係百幾蚊而且好飽。😌😌

估唔到一個人食車仔麵都咁開心，呢間十兄弟真係有驚喜😆🐂中意食牛嘅我當然就叫左個柱侯牛四寶 大大碗，仲有4餸好足料。🥬特別想一讚既係佢仲有埋菜（出面通常都要加錢）, 而且仲係翠綠新鮮。河粉方面係幼滑嗰種，都幾正。湯底方面惹味得黎不會太濃，同食材都幾夾。🐂牛坑腩就啖啖肉，又夠入味，係好林滑同埋唔韌；牛孖筯基本上成條咬到，又腍又滑又香，唔似出面嗰啲咬唔開又有渣；金錢肚唔會死咸，咬口爽腍，又惹味；牛丸彈牙正常，味道唔假，似用牛湯調製過。✔️整體黎講食得開心滿足，都係60幾蚊

今日喺灣仔食個快食嘅午餐車仔麵，雖然快食但係車仔麵仍然係好高質！灣仔呢間十兄弟車仔麵不嬲都好多人排隊，好彩一個人去好快就有位✌🏻今次自己食就叫咗一個車仔麵同埋一個小食，食到非常之飽亦都好滿足🥰今次我叫嘅柱侯牛四寶分別有五香金錢肚，牛骨濃汁牛丸，柱侯牛坑腩，勁腍牛孖筯。佢四款唔同嘅牛加埋落個湯底度令到湯底都非常香濃嘅牛肉味，而且佢嘅麵質非常掛湯。每件牛坑腩都好大塊，而且牛骨濃汁牛丸非常Juice，而且咬落去好彈牙👍🏻👍🏻因為自己太鍾意食魚，就另外叫多咗一個鮑汁魚肚小食，聽講都好多人推介，食過之後就之後點解🥰因為佢個鮑汁真係好香甜，而且魚肚非常入味。

記得朋友介紹過呢間十兄弟唔錯，今日經過見到，就入去試下。🍜“食神嗱喳麵”樣樣有啲，5餸分量大份唔失禮。賣相睇落夠大夠多，完全覆蓋到個碗表面。聞落去好香，未食已經覺得開胃。味道方面，啲餸其實都唔算太辣，唔食得辣嘅人都啱食。好似豬紅有少少微辣得黎係香口，咬落唔會好易散。牛丸爽口彈牙就基本，做到醬汁會爆就更高一層，再做到醬汁唔油膩就更高水準。🔆我好中意食魷魚，所以叫完一碗有魷魚嘅麵，都另外再叫左個魷魚小食😂😂🦑“香辣玻璃魷魚”真係做得好好，所以另外叫一碟都唔拘。個咖哩汁唔錯，而且更重要係咬落冇渣，塊塊脆口😋。今次嗌咗咁多嘢都唔使一百蚊，而且非常好食，絕對值得一來👍

第2次外賣，2次都等超過15分鐘。炸雞飯要炸15分鐘以上？仲要係得5舊炸雞。隻雞咩構造要炸咁耐？炸成15分鐘以上，食落又唔係特別好食。上次豬排飯又係要咁既時間。價錢幾平都好無下次。

呢間車仔麵係公司同事成日外賣返去食嘅首選，佢哋餸嘅種類比較新穎，好似有炸燒賣、炸雲吞咁⋯我就點咗豬軟骨、豆腐、豬紅同豬肉丸米線加滷水汁同辣醬。整體我覺得豬軟骨偏淡味，可以再煮得啲～

早一輪都見成日有人排係門口等外賣，呢間新式車仔麵檔餐牌好多選擇，見佢都幾光猛整潔，去試試。🤪👍🏻第一次黎又樣樣都想試，就叫咗個食神嗱喳麵配鮮製油麵，包咗：辣豬紅，蘿蔔，汁魚肚，魷魚同醬爆瀨尿牛丸。😽😽😽哇！好豐富，蘿蔔勁清甜無渣，食咗幾啖麵，油麵無怪味，仲比出面食到嘅油麵更索汁，加埋辣菜脯一齊食，食落脆香粒粒又夠麻辣！😋而粒醬爆牛丸仲驚喜😝一咬落去即爆到周圍都係汁，好彩無整污糟衫同前面係牆黎，即刻抹番！粒丸好有咬口彈牙，真係可以用黎打乒乓波啊！!😂🏓🏓炸雲吞都炸得好酥脆，大大粒有蝦肉，有得揀要一份定半份，過下口癮，已經好滿足！！一口氣飲埋啖汽水，埋單！會再黎食！👍🏻👍🏻👍🏻😬

🎵 放 假 出 走 一 遍 平 日 太 匆 趕 這 秒 先 發 現 常 路 過 那 街 市 開 滿 新 店 🥢┊@tenbros.noodles┊// ♬ 憶年以前成日經開春園街 已經覺得有好多唔同餐廳選擇🤤最近發現原來個邊又開咗間比較新式嘅車仔麵店 仲竟然有鮑魚食！😳◍「呢碗唔嘢少」🍜 $75呢碗真係唔嘢少🤤有鮑魚、冬菇、魚肚做配料 食材夠晒矜貴🤑另外仲有玻璃魷魚同珍寶蟹柳 樣樣野都好食😋◍「柱侯牛四寶」🐮 $65另外要咗碗同樣出色嘅牛四寶！有金錢肚、牛骨濃汁牛丸、牛坑腩、牛孖筋🐄特別推薦一下佢哋嘅濃汁牛丸超重牛味🧡另外麵仲可以選擇菠菜麵呢🤪📍十兄弟車仔麵 (灣仔) #lala_foodie_wanchai 灣仔春園街地下16號舖

見到車仔麵關注組都有谷友介紹呢間，身為一份子，當然要去試下啦！😎😎柱候牛四寶$65，未食前😌以我揾食觸覺話我知，佢必定係呢度嘅top 1/2/3，食到就好確信係！😂牛味好濃，我連湯底都加腩汁食河粉，索湯啊嘛！金錢肚份量好多，😆片片切到好厚，啖啖肉，牛孖筋都幾特別，呢個位淋得黎，咬入中間又少少膠，口感好獨特，唔同一般牛筋😽牛坑腩肥瘦適中，牛丸如果係醬爆牛丸就仲perfect 啊！🤤🤤八寶麵$55，呢個抵食，有八款食材配搭好晒，快靚正🤤有齊車仔麵必食嘅蘿蔔豬皮豬紅，仲要有粟米粒雲耳呢啲自己嗌唔捨得，送嘅又嗌得嘅配菜！影相顏色又豐富，老闆好醒！😎👍🏻要贊下個蘿蔔索晒牛腩汁，好多汁得黎入口即化，靚蘿蔔🌝又有試埋雞翼同炸墨丸，雞翼唔錯有啲甜甜滷水汁，個調味幾啱我重口味！炸墨魚丸簡直香口，炸得唔油膩，脆身彈牙，肚仲有位嘅，可以加單呢款！😋😋😋報告完畢，係附近嘅街坊有福了！

呢度嘅車仔麵配菜好多選擇，而有時無乜idea想食乜時，佢配搭好嘅八寶麵同嗱喳麵都幾抵食，有驚喜有創意。加埋辣菜脯一齊食，好開胃，唔覺唔覺就食晒成碗麵。最鍾意食佢個玻璃魷魚，一試驚人，再試失魂！秘製香辣汁玻璃魷魚，辣汁麻香帶勁配埋魷魚蘇啲爽身口感有咬勁，D香辣鮮味真係一秒上腦！所以佢可以一碟咁叫，係有原因㗎！！！👍🏻👍🏻😬😝炸墨魚丸都好生鮮，炸到上碟一滴油都無，無油益味，個皮脆卜卜，墨丸勁彈牙，落足料，食到有墨魚粒粒，鮮味十足🤤🤤🤤總結而言，選擇夠多，油麵都係必食啦，見餐牌話係鮮製，其實我都為咗食油麵先想食車仔麵，香港特色黎啊嘛！

又獨自一人開飯，天氣熱，想食碗麵，就緊係黎呢度開餐啦！今日同往常一樣都係叫咗八寶面，同埋一整份炸墨魚丸，雖然墨魚丸有得半份咁叫，但係又點會夠我食呢，你試過就知點解要叫一份而唔係半份啊哈哈！😆😆😆鮮炸墨魚丸炸得外皮鬆脆，內裏有咬口！小心睇熱，真係即叫即炸！八寶面入面有柱候牛坑腩其實呢個配搭更顯得牛坑腩嘅珍貴，牛坑腩肥瘦適中，我仲要叫埋腩汁底真係牛上加牛啊！好食唔黐牙！🐄🐄🐮跟麵魚蛋並不是普通魚蛋，而呢度就用咗陳皮製魚蛋，識落有陳皮香，煙煙韌韌更加彈牙！🐟🐟🐟豬紅蘿蔔食落無渣。噢，食得辣嘅，記得叫辣菜脯啊，一試難忘啊，啱食嘅，有得買樽番屋企㗎！🤤咁啱見到隔離枱食麻辣蓮藕，下次黎都要試下！👅💦

八寶麵，呢款我至愛黎，每次黎我都介紹朋友食呢款，一黎一定夠飽，二黎我覺得有種好似兒童餐嘅感覺，均衡營養，好味嘅食物就係有營養㗎啦，你話係咪！八寶麵入面嘅大腸，清洗得乾淨，但又夠厚度，脂肪感十足。👍🏻😋😋😋食神嗱喳麵，呢個香港情懷黎，細細個睇食神嘅時候，已經叫阿媽帶我去食，阿媽話邊有可以打乒乓波嘅醬爆瀨尿牛丸㗎，廿年後，真係有！😂😂😂爆晒啲湯餡，好好味啊！mamma Mia！炸雲吞，每粒實的的，堅係真材實料，花肉同豬肉嘅比例調配非常之好，唔會話淨係得肉冇蝦！炸到雲吞皮好似配粥食嗰啲卜卜脆咁！雞翼都滷得幾入味！買單嗰陣時仲買埋佢哋舖頭自家製嘅辣菜脯，返屋企餸麵真係一流呀！！

車仔麵總有間在左緊，競爭激烈，鬥味道之餘，服務及週邊其他野都好緊要今次食十兄弟既體驗唔錯，怪唔得佢下午茶時間都密密有客，絕無冷場間店唔算大，一個人食都係坐面壁位，店員都會好有禮貌咁請客人坐埋一邊，盡量令後邊入座既客人可以快啲入座， 點餐就用QR code, 點餐系統都算friendly, 好易睇同揀野食今次叫個淨餸車仔+小食紫菜，蠔油冬菇，香辣豬紅，滷水豬大腸，加辣菜脯上菜時真心有啲surprise, 估唔到淨車仔餸既擺碟咁有誠意，仲要湯另上，以為自己去左拉面店， 我叫左小辣， 辣汁會放在匙更內，幾好， 可以自己揀要落幾多在湯滷水豬大腸同豬紅都有5件， 豬大腸都幾大塊，有膏同無膏都有，豬紅好入味，冬菇就有三粒， 都幾厚身入味，另外菜脯真係必加， 辣得來好惹味，撈埋啲蔥好和味另外追加既吉列豬扒只係$20， 真心抵食， 塊豬扒大塊又炸得好

今次終於唔使門口排隊，兩個人直入坐低，用QR Code極速完成落單等食！😝😝😝🏃🏻‍♀️🏃🏽🌬落完單無耐，阿姐極速上飲品，即係收到我order啦，叫咗個嗱喳麵同八寶麵同小食炸墨丸！😬😬😬嗱喳麵個組合有我想食嘅醬爆牛丸同豬紅蘿蔔，粒牛丸漲卜卜，都知佢會爆，食得極小心，係碗度用筷子開個窿試探下先，一插爆曬汁，啜曬啲牛肉汁，咬開一半，原來個真面目係有好多肉餡！記得要食得小心啲啊！！蘿蔔清甜無喳又大舊，豬紅處理得乾淨，配埋腩汁，簡直係最佳組合！😆😆😆👍🏻八寶麵，其實比嗱喳麵更健康，入面有埋粟米雲耳，拼埋嗰色水好靚！炸墨魚丸推介！👍🏻呢個係見隔離枱食得好滋味加單嘅，生鮮炸起，彈牙，仲食到入面有墨魚粒口感，炸到超香口！😬👍🏻😬👍🏻下次帶朋友黎食牛牛牛牛四寶先！😋