十二味 (謝斐道)

营业中

休息中

上次喺堅尼地城嘅分店食過覺得幾好食，今次見銅鑼灣都開咗分店，就去咗食酸菜魚。•酸菜魚 辣 （$199）寬粉（$28）白飯（$12）呢度嘅酸菜魚有得揀辣或者唔辣，我哋就要左辣，上菜嘅時候見到佢嘅辣椒都幾少，我哋都覺得佢可以再辣d~酸菜魚係用咗最常見嘅鱸魚，佢嘅肉質口感非常之好同大陸嘅差唔多，而且一啲都唔腥仲要冇骨，味道夠酸不過唔夠辣，可惜魚嘅份量唔夠多，大約有十至十五塊左右，兩個人食好快就食晒。裏面仲有酸菜，菇片，蘿蔔片，個人覺得佢嘅寬粉唔夠入味，白飯比較襯酸菜魚～不過呢個價錢都算抵食㗎啦～

吃辣一樣不分四季川菜有多種口味而且餐點做成小份有辣有麻吃起來無論火喉或精緻度可嚐嚐體會出平民川菜飲食地道文化及四川風味原貌 !十二味坐落地段交通很方便,餐廳以復古風裝潢相當犀利保留異國家鄉情懷形成強烈對比，最為適合喜歡嗜辣刺激的人士及朋友飯聚聊天的好地方細看餐點纸上蠻多款式具備，嫌唔夠喉如 香鍋及酸菜魚)應有盡有騷味十足! ( 蔥油拌麵 )( 川式口水雞 )( 寬麵 / 年糕 / 金針菇 / 士豆 / 美國肥牛經典香辣鍋 )有盡不同配菜主食甜品可給予選擇，因應辣度再按個人調整操作味道溫和過癮，如實呈現正精進化麻辣涮嘴將川菜韻致豐盈淋漓盡致顯現眼前!

謝斐道近堅拿道西附近好多食肆，今天就去咗果間十二味食酸菜魚，進店見地方座位不多，但裝修雅緻，令人感覺舒服！參照餐牌上面菜式，點咗一個人見人愛酸菜魚另加一個最佳拍擋粉條、再一碟清炒萵筍絲！酸菜魚以鱸魚拆骨起肉切片，好新鮮的魚肉，而且廚師刀工一流，魚骨一早處理好，不會有魚刺附在肉內，所以可以放心大大啖食，魚湯可以選擇辣的程度，配合自己口味，酸菜又是醒胃之極，酸菜加魚肉極之匹配！清炒萵筍每條大小相同，爽口清脆，而且絕不油膩，口感極佳！

十二味 其實本人好喜歡食麻辣的食物，貪佢雙重刺激味蕾！今次嚟到銅鑼灣謝斐道、就特登黎試吓呢一間十二味、當日都幾多人、要喺出面排隊等！（已經是晚上八點半左右）不過唔使好耐（五至10分鐘左右）就入咗去了！佢呢度都好多國內遊客、一坐低，就要揀選想食乜嘢鍋、最後我揀咗唔同配料的麻辣香鍋！ 仲揀咗好多配料、有萵筍、金針菇、肥腸、四季豆、鮮魷、薯仔、蓮藕.......哇！其實都幾大碟！兩個人去食、基本上我哋都食唔完、 最後仲要打包添！講返個味道、其實我覺得都唔錯！不算太辣！不過食呢個記得要叫埋寬粉，因為我覺得個款寬粉幾好食、 口感就好似四川粉。

之前係西環佢地開左第一間😎已經好想去試知道佢地開左係銅鑼灣😚地理位置方便所以今晚來試試「人見人愛酸菜魚」🐟湯底夠哂酸😝整體感覺不太油膩而魚肉亦嫩滑可口😌吸收晒湯底精華酸菜亦份量多🤓黯然銷魂飯令你諗起周星馳？薛家燕？🤔今次食黯然銷魂炒飯🍚以後令小妹只想起「十二味」😍必定一定要要要揀有辣🌶望落平平凡凡☺️材料亦好簡單蘿蔔粒、肉粒、豆角粒、欖菜、蛋等等...🤗小妹想話呢個炒飯實情香辣惹味無比😋果種辣令你一食上引😆想添食一碗再一碗🤤再三話你知必定揀有辣呀呀呀😉

十二味出左名裝修好靚坐得舒服真係岩晒放鬆去食入到去, 裝修果然好靚, 我地被安排坐係卡位, 坐得好舒服菜單上都幾多選擇, 樣樣都想食呀!霸王辣子雞-$128入面都幾多雞粒, 雞滲晒D辣同麻入去, 但又不失肉汁, 外脆內嫩, 好好味酸菜魚亦都很不錯，我最驚酸菜魚係冇得飲啖湯，因為酸菜魚整咗出嚟嗰啖湯非常之開胃，除咗會有酸菜嘅酸味之外，仲會有魚肉嘅甜味。但呢一度就唔會有呢個問題，但係建議大家除咗要快啲食晒啲魚肉之外，個湯亦都要趁熱飲味好好多。

之前食過佢同系嘅四川麻辣火鍋，超好味，但當時見到左右隔離啲人好多都唔係食火鍋，反而係食麻辣香鍋，所以心思思想試下。今晚係銅鑼灣就拉左位同樣嗜辣嘅朋友仔嚟試。我諗嚐辣嘅一定會鍾意呢個麻辣香鍋🌶️🌶️，我大膽地揀左兩隻辣椒嘅辣度， 材料係自由配搭嘅。必點推介係雞翼同豆皮，田雞應該好味但有人唔敢試所以錯過了。齋食辣餸好寡，所以我地配左白飯，不過如果預左要食白飯的話就唔好點太多樣餸了，會食唔哂架。飲品超大杯，價錢合理，可能預左食辣野會容易口渴吧。

之前老公響西環果間分店買過外賣麻辣乾鍋畀我食，我就鍾意左呢間野！今晚本來諗住去對面X記打邊爐，點知經過見到呢度有間十二味，即刻放棄打邊爐嘅念頭。老公上次買個乾鍋話好辣（小辣都話好辣😑咁我唔勉強佢），今次就決定要試水煮魚或者酸菜魚；因為我好鍾意食寬粉，所以想食水煮魚，但係我老公話想試吓酸菜魚，一問之下酸菜魚都可以加寬粉，皆大歡喜。涼菜叫左個夫妻肺片，我哋都第一次食呢味餸😅平時會叫口水雞多！夫妻肺片係牛展、牛舌同牛肚片！好惹味！我哋鍾意食牛舌同埋牛肚片，好爽跟住主角要來啦！早一個禮拜前，去完灣仔一間私房菜食酸菜魚⋯比較之下，呢度好食好多！首先可以加寬粉我已經勁開心，魚片有魚味（絕對唔係廢話，因為唔係急凍魚柳咁黎hea人囉！）夠酸又夠辣！鍋底本身有萵筍、菇、酸菜同酸蘿蔔！好豐富，送飯一流試過麻辣乾鍋、酸菜魚⋯仲要試水煮魚、土豆絲，麻婆豆腐⋯呢期要成日食呢間野了

Last meal on new year day and we decided to spice it up! We have been here a few times and always loved the authenticity! This time - again - the best 麻辣香鍋 you can fine in HK and probably in China as well. A famous restaurant operator told me that the key for 麻辣香鍋 is how you 收汁 at the end of the cooking therefore the dish is not watery with the full flavor. The chef here definitely got this! The 辣子雞 also demonstrated the chef’s master skill in frying food. Love it! Plus, my new carb delivery fro

本身想去西環試十二味既酸菜魚，上網搵地址見銅鑼灣開左分店，地點更就腳，擇日不如撞日，就冬至黎試下啦。酸菜魚$198應該是鱸魚，算滑，有大量酸菜，岩曬心意，甜酸度適中，仲有雞脾菇，鍋筍，切得薄薄，吸曬味，正。另角比較特別既酸蒜頭粒，好開胃。如果有埋寬條麵就仲正。口水雞$ 68辣油都幾香，雞有咬口，底部青瓜爽口，吸埋辣油味，食得過癮。涼伴土豆絲$28好香麻油味，土豆爽口有薯仔味，配埋好多蔥，好香口。裝修有好多熊貓，都幾出靚。

鐘意食辣野既朋友一定要黎試下啦。餐廳係銅鑼灣地鐵站附近，一入到去已經坐左唔少人，鋪頭裝潢有D川式既風味。今晚凍凍地就一於食辣D暖下身我地叫左個經典香辣鍋，要左中辣，餐牌寫明要選擇5款或以上配菜，我地就揀左肥牛、土豆、金菇、魷魚、蓮藕。唔好睇相以為好細份，其實份量非常多，同兩三個朋友SHARE都夠食，而且仲可以加麻辣，味道又香又辣又麻，非常好食。另外，我地仲叫左個經典既川式前菜，就係夫妻肺片啦，醬汁煮得非常出色，而且份量多，加埋芝麻，愈食愈鐘意食。糖醋排骨賣相非常靚，排骨好有心機切細左，岩岩好一啖一舊，肉質鬆軟，而且最重要係個醬汁，令到成道菜都非常惹味開胃。總結，食物有質素就唔洗多講，而且比起附近銅鑼灣既食肆價錢更加大眾，一句講晒，抵食夾大件。