十二味 (赫德道)

营业中

休息中

🏮終於可以食晚巿，終於可以熊妹全家齊腳出外食飯。熊妹家族好食得辣🌶，卡肥大大就提議食《十二味》，比阿豬媽試吓正宗嘅酸菜魚🐟，過一過鋪辣隱。📌裝潢好特別㗎，周圍都掛滿住紅噹噹燈籠，仲有功夫熊貓🐼做招牌，成件事好中華風味。📌等到阿豬媽放工過嚟，‪7:00‬入座，晚市好多人，任何時段都係限時一個半鐘，所以要快快手揀定好食咩就用手機落菜啦。人見人愛酸菜魚，配粉條，$256首先上枱嘅梗係招牌菜-人見人愛酸菜魚啦！哇！個碟真係大得震撼！仲要有深度喎！絕對唔欺場。介紹返，酸菜夠酸，份量夠多；魚肉夠滑，夠淋，冇腥味，冇骨，但又保持到魚味；酸菜魚湯底夠酸夠麻夠辣，有花椒八角調味，辣得真係好過癮，忍唔住連湯都飲埋。仲有啲萵筍片同埋水晶薯粉條🍜，非常之粗嘅一片，索晒啲酸菜魚湯汁，食一兩條已經好飽肚。燒椒皮蛋，$48卡肥誠意再推介，麻辣小食皮蛋，一碟有八件，係糖心皮蛋，中間嘅心係流心嘅，麻辣汁味道好特別，麻得黎之餘又帶少少甜，伴碟仲有少少辣椒皮，真係想撈晒啲汁食落肚。宮保雞丁，$98卡肥提議食宮保雞丁🐥，因為佢都未試過。哇！估唔到號大一碟喎！份量非常之多，雞肉粒好嫩滑，腰果好脆口，阿豬媽最鍾意食。大辣🌶真係好

最愛食酸菜魚嘅我， 呢間真係滿足晒我嘅意欲以午市價錢黎講， 呢間性價比真高👍🏻主菜好食已不在話下， 最欣賞嘅係配菜都夠多！ 平時出去食飯通常都「多肉無菜」， 最鍾意呢度「肉，菜平衡」，正👍🏻另外仲有驚喜嘅係午餐都有辣子田雞食， 田雞唔係人人愛， 所以好難喺街食到田雞， 屋企人唔煮，基本上都無機會有得食， 呢度嘅午餐就有喇😍自己獨享🤩不過田雞係節日限定，想食嘅都要睇時節！愛辣又愛田雞嘅，真係萬中無一！唔試就走寶😆

好耐無番大陸，間中諗起啲水煮魚同酸菜魚，就黎食下。基本上所有菜式都係standard野，都係食開果幾味嘅，choice都算夠齊全。人見人愛酸菜魚，standard酸菜魚，但感覺上係比較重味精，魚好入味但都係偏咸，少辣，辣度都可以。加左個燒辣皮蛋，浸到個蛋白變左透明，都係好重口味，唯一比較可取嘅係佢蛋黃中心有少少流心蛋嘅口感。霸王辣子雞，幾乎都搵唔倒啲雞粒去左邊，搵倒嘅都係超級無敵細粒！都係比較重口味食完成餐飯，只可以講好重味精，食到勁口渴！

妹妹同朋友約左係尖沙咀食飯知我係尖沙咀番工就約埋我一齊食😁一入到黎就已經聞到陣酸菜魚味我地3個人叫左 酸菜魚加粉條(小辣)乾扁四季豆(小辣) 口水雞(中辣) 雞軟骨串燒 同埋 紅糖糍粑酸菜魚夠酸 不過小辣唔夠辣 下次要叫中辣試下 有幾片魚有小骨 但係我OK的 魚既份量夠同埋滑 最緊要個湯上面唔會好大層油係度 (試過食過一間出名既係cwb 層油厚到食唔到 太熱喇！想飲啖湯都飲唔落) 粉條即係寬粉 正！個個搶住食 另外仲會有萵苣 呢個酸菜魚好味👍🏾四季豆好食 夠乾身 唔會多油 少少辣 好野味口水雞個汁夠麻夠辣 不過個雞有啲厭佢凍左啲 一入口第一個感覺好凍 不過唔差既 大部份都係肉 青瓜都爽脆 不過係細粒左啲 下次黎可能會試下其他野先雞軟骨串一般般 無特別紅糖糍粑好好食 每條糍粑都沾到啲黃豆粉 點少少紅糖就夠晒 本身唔好甜 所以只係點少少 下次黎都一定會再叫👍🏾Service都不錯既 有暖既檸檬水 通常枱面都會放低一大樽可以自己黎 唔洗下下叫 上菜都快 用QR code點菜的 不過會員就join唔join都得既我覺得 因為只係儲分 要用錢買既會藉先有折扣😌不過癮起既話我都會再黎食😃

😋 人見人愛酸菜魚 (配粉條) $256湯底有好多香料，加上酸菜嘅淡酸味，十分醒神開胃。最緊要，係個湯底唔會有成層油喺面，食落好舒服，唔會有油膩感！魚同酸菜嘅份量都好多，魚肉食得出都算新鮮，但肉質未到爽口，而且有少量魚骨。酸菜唔算好香，但都幾醒胃。入面仲有幾多配料，例如雞脾菇，寬粉同萵筍，其中萵筍最好食，入味得黎，食落仲好爽口。‼️好味指數 8.5/10‼️推介指數 8.5/10😋 羊肉串 🍢$42 & 雞胗小串 🍢$17羊肉串係一粒肥一粒瘦串起，分別食出半脂嘅油香味，羊肉香口唔酥，肉味香濃，唔需要落太多調味料都好好食！雞腎切得太細粒，但食落都入味又香口！‼️好味指數 9/10‼️推介指數 8/10😋 紅糖糍粑 🍡🍡 $48其實我最期待，反而係依道紅糖糍粑，糍粑內裡軟綿綿，煙煙韌韌咁，而外層稍脆，咬落一脆一軟，配搭紅糖一齊食口感十分好！‼️好味指數 9/10‼️推介指數 9/10🍽 十二味Twelve Flavors (赫德道)📌 尖沙咀赫德道1-3A號利威商業大廈地下6號舖及1樓（港鐵尖沙咀/尖東站 N3 出口, 步行約2分鐘）☎️ 26121298 26121228⏰ 星期一至日

奉勸大家千萬千萬吾好去尖沙咀個間十二味！就算幾肚餓都吾好去尖沙咀個間十二味！有得揀無得揀都吾好去食尖沙咀間十二味！我今日同朋友去位於尖沙咀赫德道既十二味聚餐。呢間鋪有落場時間。我同朋友4:30pm入到店鋪坐低點單。叫左兩杯野飲，一個紅糖糍粑，一個水煮牛肉。落完單過左一陣，有個店員a走黎同我地講：水煮牛肉要等半個鐘。無問題，照等（當時係4:36pm)！等左五十分鐘左右(當時5:30pm），嗌個人黎問下，店員 b 話水煮牛肉一早無哂，話通知左。我同我朋友都話無人同我地講，而左右兩邊枱既人都好好，開口幫我地，話佢地都有聽到：係叫我地等半個鐘，而吾係話無。店員b就話無計啦，真係無哂，話廚房張單都刪左，咁我話：依家叫另一個餸（辣子雞） 叫廚房拿拿臨整好送上黎。店員b 就話無辦法，廚房好忙。我話：依家係你地問題，無個樣餸吾講，照落單。依家叫你整第二樣又話吾得。店員b就叫我地去第二度食，我指住個時間話5點半，我地去得邊度食？店員b就堅持話無辦法。幫吾到我地，叫我地埋單去。呢個時候，另一個店員c 走上黎咩都吾講想直接拉走店員b ！先吾理我地係咪有爭執，一個店員同個客人講緊野，另一個店員走黎拉走佢點都係

有一日同朋友講起好耐冇食酸菜魚， 所以朋友就帶咗我嚟食呢間佢覺得好好食嘅酸菜魚🐟🐠我哋三個人叫咗一個酸菜魚（配粉條） （ $256），另外再加左一個乾煸肥腸（$98）。本身好鍾意食酸菜魚，而且自問都食唔少，但都覺得個酸菜魚真係超晒班😋以前間唔時可以返大陸食下酸菜魚，但呢年幾真係冇得返去，而且香港整嘅酸菜魚真係相對上比較遜色，但今次呢個酸菜魚真心有驚喜👍🏻👍🏻酸菜魚份量都算多，而且夠辣，魚肉好滑，又冇骨，下面啲薯粉煙韌有咬口🤤乾煸肥腸都好好食，同樣份量都算多。啲腸有炸過，所以外層超脆，而且加埋辣椒炒好夠辣🥵好耐都冇食過啲咁有水準嘅四川菜，本身都好鍾意食辣嘅我可以嚟呢度過吓癮。呢度真係越食越辣，越辣越興奮💃👯‍♀️

本人無辣不歡，尤其是最近冷到身體打顫，鼻涕長流的日子，的確要吃一吃辣增加身體熱量。礙於限聚令，最近晚上禁堂食，唯有趁放假的日子才可以約朋友lunch, 朋友在尖沙咀返工，順理成章到尖沙咀吃午飯。我是先到的一個，於是就打算去先攞位，怕人遲來人多。哈，誰知不但沒人排隊，樓下還有一排座位供客人坐着等。朋友雖然因工作遲了過來，但完全没有問題，我可以在坐位上悠然的邊講電話邊等。上了樓梯，到達餐廳，侍應帶着我們到卡位坐下。這裡坐位十分寬闊，完全不須担心坐得太密增加感染風險，而點餐亦真先進，可以掃二維碼。朋友没有跟我一樣喜愛吃辣，我當然不可太放肆，一定要稍微收斂。點了中辣的泡椒牛肉，及小辣的麻婆豆腐，跟套餐二碗白飯。但結果剛相反，麻婆豆腐比泡椒牛肉更辣。牛肉鲜嫩多汁夠入味，但口感最突出的卻是那粒咬下去酸酸辣辣的椒，汁液跟種籽在口中爆發開來，味道在口中瀰漫四散，吃完一粒又一粒，惹味極了，吃了一半才發覺忘記拍照。至於麻婆豆腐也十分出色，雪白的豆腐被濃稠的辣汁渾染得金黃，而且粒粒分明，只是看著已刺激得口水直流，堪稱白飯神偷。兩碗飯不消多久已經吃光，再來多一碗白飯就剛好。

大辣招牌麻辣香锅 烧椒皮蛋 红糖糍粑都是温热的 好吃到流泪 来了两次 我们点了美国肥牛 鸡脆骨 牛百叶 花菜 藕片 肥肠 虾 饮料 中辣大辣也是完全可以接受的范围 提前预定了五点入座的半价优惠 两个人才吃两三百 太值了 皮蛋也是完全不臭的 蛋黄仿佛溏心蛋 👍🏻👍🏻👍🏻第一次是朋友预订的 第二次我预定又约了其他朋友 我们都是赞不绝口 没想到这么好吃 希望五折活动还可以继续下去 美中不足的就是五点开始落座 六点之后不能再堂食了 只能埋头苦干哈哈哈

好食😋味道正宗，叫了少辣口味剛剛好，魚🐟量都算多，份量適中，如果喜歡食辣野可以叫中至大辣，除咗酸菜仲有雞髀菇，酸菜很夠味。另外叫咗口水雞，味道都唔錯，甜品叫了冰粉好好食口感特別

價錢不貴,下午5點半來吃,有半價優惠,真的平靚正!餸菜一流,值得推介!特別是酸菜魚一定要點!炒豆角爽,麻婆豆腐夠滑,宵暈炒飯乾爽好吃!八香果果汁好好味.兩個小時足夠有餘,已第2次去食!

同朋友星期五晚收工後去食呢間係尖沙咀既十二味。去到當然要點酸菜魚同埋紅糖糍粑。酸菜魚同埋燒椒皮蛋都可以揀辣度，因為我哋都怕太辣食唔到，所以都揀咗小辣。酸菜魚嘅辣度岩岩好，不過就落咗好多花椒，所以咬到就會覺得好麻，整體感覺都幾酸，配白飯可以食多幾碗。糍粑同皮蛋都係$48, 相比之下，糍粑真係好好食。飲品就點左熱情果蘇打，唔點飲品都有水飲。食完餐飯個胃好暖同埋好口渴。3個人埋單$492

口水雞真係唔太掂，雞肉完全冇乜味。酸菜魚可能係我地冇叫好辣，所以辣味就唔多夠。建議嗌中辣。皮蛋就不過不失啦。如果想解下酸菜魚既癮，咁都係可以試一次既！！！！！！

每隔一段時間，都會與幾姐妹聚在一起，談天說地！我們四個都是吃辣愛好者經網上介紹及某個姐妹想試這間的酸菜魚，最後決定前來探店我們被安排坐卡位，地方寬躺，感覺舒服每枱附有QR Code供客人自行下單食物！我們覺得食物種類不算很多，所以叫了幾樣較為熱門的食物1.人見人愛酸菜魚加粉（小辣）由於第一次食，所以點了小辣試試水溫，對於我們來說，下次可以點中辣會更好！哈哈！先講酸菜，味道略淡，唔夠香唔夠酸。盆底有咼旬及寬粉配合，咼旬口感爽脆，寬粉個人覺得還不錯。至於魚片？魚肉大片，肉質嫩滑，但是魚既份量多一些會更好吧！2.經典香辣鍋可以自己揀配料，我們揀左豬手、五花腩、咼旬、田雞、菜花五個餸！尼個整得干身D，真係好惹味，食到我們都讚不絕口好有返左大陸食川菜果種辣的感覺呀！如果你也是喜歡重口味，不妨一試！3.蔥油拌麵由於我好飽，沒機會試上。但見姐妹都食得津津有味，我想應該不錯吧！4.紅糖糍粑食完辣野，食返D甜野中和一下飯後一點甜！我好喜歡它的紅糖醬，不太甜，食完唔會覺得太膩。5.幺妺兒冰粉唔記得影相！但味道一般，有D似桂花膏，伴有提子乾！個人覺得可以不用試！最後，飲品我們叫了2杯芒果梳打及2杯熱情果梳打

叫了辣子雞、夫妻肺片、干扁四季豆午市套餐。1. 夫妻肺片，個兜細到...， 我以為嚟咗碟花生咸菜小碟，冇乜紅油，切片厚，少少硬，碟細，好難夾，味道OK。2. 辣子雞，炸得唔算好脆，味道OK，有好多舖頭做得好過佢。3. 干扁四季豆，四季豆走油唔夠時間，唔夠乾身，有水味，調味OK夠麻。3. 已經揀沒有coupon的時段去，想靜靜地食飯，疫情期間，成間餐廳得三枱客，唔明點解要將人客安排咁近嘅座位，雖然是卡位，都可以隔一卡坐，餐廳靜，後面卡位人客講嘢聽到晒。4. 冇茶冇水冇花生小吃，賣單、叫上菜都要自己去counter搵人，唔明收加一係for 乜嘢。5. 最經典係個廁所，唔算太污糟，而係好雜亂好生銹好多雜物冇人打理咁，近住後樓梯，貨、用品、吉盒、雜物全部堆晒喺度，好似廢置嘅後樓梯咁。一間唔算好差，但係試過就唔需要再來嘅餐廳。