十二味不只是烤魚 (已結業)

有沒有試過有些東西即使你不是特別喜歡吃，但如果太久沒有食，你就會懷念它的味道？川菜對我來說可算是其中一樣，川菜除了以麻辣出名，它的驚人油量也不是每一個港人都能接受的。自從跟朋友上年十月到九寨溝旅行時在成都吃過麻辣火鍋後，已有大半年沒有吃過川菜，正由於上述這種犯賤的心理，我們又想透過那滿滿的紅油去懷念一下當時當地的愉快時光。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊十二味旗下的食店都以川菜作主打，其中這間不只是烤魚前身其實是烤魚九宮格，大抵是後來發現烤魚在香港不算特別受歡迎，所以就索性改名，好讓食客知道它們不只有烤魚吃。食店就位於紅磡半島豪庭前面，對於非黃埔人都算易找，起碼不需要鑽入黃埔村內。店內燈火通明，裝潢雖簡潔，勝在座位不會太擠迫。由於食店始於以烤魚為主打，所以餐牌有一半版面都是烤魚款式和其配菜。不過烤魚以外，仍然有不少四川和重慶的名菜選擇。荔枝玉露($12)來吃川菜，飲品是少不得的，不好酒品所以就選了荔枝玉露，有喝過的都知道入面有粒粒荔枝肉，所以侍應也貼心地奉上粗身飲管。香辣烤江團魚($318)烤魚有四款選擇，怕多骨的我們就選了這款標榜少骨的江團魚，由於不知道食

作為住在附近的街坊，附近幾家烤魚都食云哂，感覺都係十二味比較好味。首先，坐位已經贏左，每次食都坐到卡台，因為卡台感覺比較舒服，而其他既都好迫下，等卡台真係有排等。野食方面，我點左江團魚食，揀香辣湯底，烤魚肉質鮮嫩，辣得幾過引，然後值得一讚係配料多，除左一般打邊爐有既，佢仲有啲特別既例如凍豆腐，可以試多啲唔同既野。另外特飲也不錯，桂花冰釀呢啲係香港真係好少見，係國內就好出名，所以呢度有我都即刻嗌左杯黎飲(主要係因為辣到口乾想飲凍野)，味道一流！！

魚...全部都係魚! 無錯, 我的確係好喜歡食魚ga~~ 約埋志同道合既亞妹黎試下先~~由於平日同較早黎食, 所以店內人不算太多, 夜小小客人就越黎越多了! 雖然店內選用普通木製棕色枱凳, 但地磚卻用上較有色彩既款式, 令整體格局份外新派, 而位與位之間又不會太逼, 坐得都算舒服的~~喜歡那餐牌設計, 除附有圖片外, 還加入可愛插圖, 打破傳統純文字悶到爆既感覺, 不錯不錯~~青椒皮蛋 HK$38食川菜都會叫青椒皮蛋的, 因為感覺皮蛋跟麻辣係最friend底的, 而呢度所出品既青椒皮蛋辣度又啱啱好, 又不會過份油, 勁惹味呀~~水煮牛肉 HK$148而水煮牛肉味道也不錯, 牛肉又嫩又滑, 底部加入了薯粉同芽菜, 兩者吸收了麻辣既精華, 食落同樣非常惹味, 啱晒愛辣既一族呀~~江團魚 (小辣) HK$318主角烤魚出埸啦~~ 另外追加了配料包括有金菇, 豆腐, 黃豆芽, 鮮豆皮同薯粉, 每樣索價只是十多元, 絕對低食的~~我地選了江團魚, 要小辣, 雖則是小辣但其實都不能睇小的, 我也算是食得辣之人, 但也覺得是剛剛好, 呢個辣度沒有蓋過魚既鮮味, 而

岩岩陪完弟弟去報名讀書就去佢附近到順便食埋野因為帶埋呀爸呀媽既關係，所以選擇番D中式D既野食一見到呢間餐廳就有種熟悉既感覺由門面到裝飾都好有內地既烤魚店感覺哈哈加上見到都幾多人幫襯，所以就揀呢間試下！一入到去就一大陣麻辣味個個台面都有盤烤魚，所以我地就嗌個江團魚招牌香辣味小辣($318)再加其他配菜：金針菇($14)，手切牛肉($198)先講條魚一黎到紅卜卜咁好多辣油浸住條魚!!都幾驚小辣都會辣到食唔到好彩，食落其實唔算好辣，可以講係唔辣，下次再食既話都揀中辣，睇下食唔食到講番條魚，其實我未聽過咩係江團魚，不過食落又唔會覺得腥，佢既肉質幾嫩滑，好易就夾到出黎條魚SIZE都算大，不過4人食都係要加D配料先夠飽肚金針菇($14)D金針菇一浸落去，即刻變哂紅卜卜，吸哂魚同辣汁既精華，比起食條魚，呢個同直接飲個湯汁冇分別，原本覺得條魚唔係好辣，但食呢個真係辣手切牛肉($198)呢個係厚切既牛肉，雪花分佈好平均，一睇就知係正野，又係一樣一浸落去就吸哂D魚味同辣味，食到我不停飲水，不過又幾好味既！最後4個都係個嘴紅哂咁走

難得走到紅磡一趟，與男友趁機到>>>十二味不只是烤魚<<<一嚐川式烤魚。餐廳面向大街，與火車站距離相近，不熟紅磡地形的冰只是在火車站B1出口跟著人潮走，瞬間已到達紅磡灣中心。 以烤魚作主打的餐廳，牆上裝修亦以魚群點綴。 餐牌就只兩版，但選擇不會少。 餐牌面積超大，方便與朋友一同閱讀。 先喝一杯桂花冰釀(HKD26)。桂花的香與甜很有解辣功效，凍飲亦助降溫，是值得點一杯的餐飲啊。 烤魚以外的食物，共點了兩款，冷盤是涼拌三絲(HKD42)，當中有豆皮、海帶和蘿蔔，味道麻多於辣，但還是吃得出辣味來。三絲比例不太平均，豆皮太少了。 向陽牛肉炒寬粉(HKD76)是我倆也很喜歡的一道菜，近似乾炒牛河的感覺。此道菜不辣，但味道仍佳。 透明的寬粉十分彈牙，非常有特色。 是晚主角是鯇魚(HKD238)，約三磅重，份量十足。味道共有五個選擇，我倆揀了老少皆宜醬油味，入味非常，但略嫌油膩。伴魚輔菜也是自選，我們選的是以金針菇、黃豆芽、鮮豆皮與嫩豆腐組成的黃金組合。可惜的是冰筷子功力未夠深厚，難以用筷子夾起非常細滑的嫩豆腐，侍應不斷在忙著，結果冰自行走到櫃檯取匙

十二道系列重慶餐廳最近大行其道，今次約左幾個朋友一齊去打大佬，睇下你有幾麻，有幾辣。係門口等緊位既時候，店外的香辣味已經飄哂出黎，令到我地食慾大開我地一行三人諗黎諗去叫咩乜野辣度，因為有朋友就唔係幾食得辣，但係我地就好想試下麻辣滋味，待應哥哥就好詳細咁解釋，同時推介我地食麻辣咁主要會係麻多過辣，岩哂我地多多要求，於是就叫左個經典重慶麻辣鯰魚個一黎到就見到條魚上面佈滿辣椒，紅油，觀感上好震撼，而我唔食得辣既朋友就已經驚到標哂冷汗烤魚下面有個火助熱，包証你食到既魚熱辣辣，條魚個size都幾大條大概都有25cm，魚肉好厚身結實，店鋪仲好細心咁幫你起埋骨，啖啖肉，而味道正正就如侍應所講麻而不辣，真係超滋味，拎黎送飯一流

最近聽同事介紹紅磡的美食，當中就講到了這一家餐廳，餐廳裝修簡約企理，兼有空間感！烤魚店當然還有其他肉食，不過我們還是挑選了招牌的 "香辣烤鯰魚" (中辣$268/條)，鯰魚味道新鮮、香滑，加上用辣椒荳牙菜製成惹味的湯底，確是風味十足的烤魚配搭👍🏻份量適中，但配菜方面如加上一些麵條、酸菜或粉絲等則要另外收費！我們另外加上了“鮮腐皮”($16)及“木耳”($14)爽脆的木耳，加入香辣湯底份外美味，是啤酒的良伴！🍺鮮腐皮略為硬身，若喜歡軟稔稔的話建議煮食時間放長一些！“加拿大肥牛”($68 )不過不失，牛味濃郁，但賣相一般，可能因為雪藏解凍關係吧😁

店內服務比較差，其中一個服務員仲唔記得你落咗咩單同唔會去寫低你點咩。埋單時候cancel咗的照收錢，跟住話唔記得就算數。食物一般，但好貴⋯⋯快餐的質素但係酒樓的價錢⋯⋯吃得非常不爽⋯⋯

上次黎到紅磡見到餐廳名咁特別都想試下,可惜上次見到個時趕住番屋企今次專登黎到紅磡就係為左食呢間先黎一碟小菜 - 回味無窮蔥爆牛肉究竟有幾回味無窮呢?蔥同洋蔥爆得好香好入味,而牛肉都非常腍身滑溜完全吸收哂啲汁,用黎送飯一流呀!經典重慶麻辣味鯰魚烤魚既辣度有分好多種,主要係香辣(分大,中,小辣), 麻辣同酸菜味我地就揀左麻辣,一黎到見到一大堆辣椒,心諗今次實辣到變孖潤腸啦誰不知辣椒只係假象,味道係麻而不辣烤魚爐下仲有個火可以熱住啲魚,確保啖啖都係熱既麻辣既特式在於既唔會食到噴火,亦唔會因辣味而嗆喉而鯰魚好厚肉,肉質鮮嫩,又香又滑,一啲都唔腥有原條鯰魚比你,中間主要得一條大骨,所以啖啖肉魚亦都入哂味,食完個口好麻呀!魚下面仲有一堆芽菜,吸哂啲麻辣汁既味道,正呀!

最近不是熱得很，就是下雨不停，胃口都無乜，決定同朋友一行4人黎紅磡食烤魚招牌香辣味沙巴龍躉魚整得好脆香，浸在惹味的辣汁中煮，又香又滑。點了少辣，愈食愈想食，極速將咁大條魚吃光下次可以挑戰中辣。回味無窮蔥牛肉牛肉滑溜，炒得很香。川式口水雞雞處理得太好，加上麻辣汁，吃後嘴會麻麻的很過癮。還點了好特別的桂花冰釀，桂花香配上烤魚更有風味。唔太食得辣的朋友就點了欲望酸梅，酸酸甜甜中和了辣味。

食辣真係會上癮的, 耐唔時就辣癮發作….想食, 今日找來二位辣妹子 GATHERING, 來到紅磡十二味不只是烤魚滿足吓。呢間應該係好野, 事關入座時見隔離檯的客人係一位女士, 獨自叫了一個烤魚鍋食, 一個人都來吃, 我地推斷烤魚鍋味道應該不差, SO 今晚目標明確…… 烤魚鍋店內提供4大烤魚鍋; 有鯇魚、 鯰魚、江團魚及沙巴龍躉, 其他魚成日食, 今晚點了未食過的江團魚。好鬼多4川辣食唔食烤魚鍋也有味味皆辣的小菜, 流口水….川式口水雞 ($68)雞件浸在鮮紅的辣油上, 再加上麻辣醬、芝麻、脆香花生及青瓜, 麻辣醬夠麻夠香辣, 且帶川式鹹香, 雞肉浸得嫩滑, 花生炸得香脆, 食完個咀變左孖潤腸, 辣得過癮烤魚鍋 ~ 江團魚香辣~小辣 ($318)另外加了配料; 金菇、鮮豆皮、大豆芽、寬粉、豆腐及木耳, 每碟配料十多元, 抵到爛烤魚鍋底我地揀左香辣的小辣, 好彩叫左小辣, 小辣其實都唔野少, 好夠辣, 湯底用上很多川式香料炮制,加埋元茜, 夠香夠惹味, 但又唔太鹹。江團魚肉質原來都幾嫩滑, 比桂花魚肉紥實,又無鯰魚肉咁腍, 魚味較濃,很不錯, 個人覺得好食過鯇魚、 鯰魚及沙巴龍躉, 最

番完POLY拎野行左去紅磡行下下午茶時間又有D肚餓 見到依間野叫不只是烤魚就入去睇下有咩食XD由於晏晝唔係好肚餓兩個人就諗住叫D小食食下一叫就叫左三碟XD鵝腸唔係度度有, 所以我朋友就叫左好爽口好乾淨, 一D都唔臭!食落索索聲 調味又香!口水雞都唔敢叫太辣, 叫左小小辣又幾易接受朋友唔多食得辣都OK!個雞都算滑既, 唔會鞋同痴牙同埋我好鍾意佢夠麻 我自己鍾意麻多過辣個嘴食完會震XDD最後我仲叫左個豬耳 一樣係好爽個軟骨又唔會好似第度咁硬加上辣辣地其實好開胃本身諗住過下口癮醫下肚, 點知愈食愈肚餓XD 香辣野都係得人歡心!

今晚同媽咪二人世界，我地都喜愛食辣，所以黎哩度食我地既燭光四川晚餐，四川菜一般都出名食烤魚，但又怕大份食唔哂，所以我地叫左兩款小菜另加白飯，簡單吃就可以了霸王辣子雞 - 勁多辣椒炒炸雞粒，雞粒食落有濃郁既孜然粉味，仲有陣陣既香辣味，份量都多，好惹味麻婆豆腐 - 入口陣陣麻香味，食到半個咀唇都無哂感覺，辣得黎幾好味，豆腐好滑，撈飯一齊食好正

今日同男朋友突如其想想食辣野過下癮所以大搜查發現附近依間食麻辣既四川烤魚店由於我地兩個都好食得辣所以一於去試下佢有幾真功夫我地大約七點幾到餐廳，店內已經座無虛席我地等左陣就有張空枱店員亦都好友善帶我地入座，店內格局新派地磚都以色彩為主，我地坐低左就左望右望見到大部分其他枱既客人都享用緊烤辣魚但我地又唔想叫烤魚係因為兩個人食唔哂所以決定叫小菜類最後我地叫左三款菜+兩碗白飯+兩罐飲品😋「霸王辣子雞」菜如其名，用大量四川辣椒粒炒雞粒雞粒以孜然粉先醃製，再落穫炸至金黃色味道甘香可口，辣味浸透每粒雞肉內愈食愈惹味，霸氣十足「極品麻婆豆腐」一心諗住依道菜唔會好辣點知一入口麻味已灌切係每件豆腐粒辣椒同醬汁已融為一體，辣得過癮而豆腐粒粒軟滑，整個菜伴飯食真係一流「家常乾扁四季豆」用酸菜絲炒四季豆再加左少量既辣椒粒一齊炒每條四季豆已帶有麻味，夠穫氣又炒得入味整體上，味道不錯，保持到四川菜獨有既特色味道，夠辣夠大膽

點了烤魚加配菜。首先，由下單至上菜，等了30分鐘。等不是問題但侍者並沒有向顧客說明等待時間，要再追問先知。配菜點了四款，只落了兩款。問侍應要水，4個人，佢問我係咪要兩杯。仲配埋不屑表情。有任何落單問題，問返落單唔嗰個侍應，佢話唔係佢落單，吹賬！