十二味不只是烤魚 (已結業)

番完POLY拎野行左去紅磡行下下午茶時間又有D肚餓 見到依間野叫不只是烤魚就入去睇下有咩食XD由於晏晝唔係好肚餓兩個人就諗住叫D小食食下一叫就叫左三碟XD鵝腸唔係度度有, 所以我朋友就叫左好爽口好乾淨, 一D都唔臭!食落索索聲 調味又香!口水雞都唔敢叫太辣, 叫左小小辣又幾易接受朋友唔多食得辣都OK!個雞都算滑既, 唔會鞋同痴牙同埋我好鍾意佢夠麻 我自己鍾意麻多過辣個嘴食完會震XDD最後我仲叫左個豬耳 一樣係好爽個軟骨又唔會好似第度咁硬加上辣辣地其實好開胃本身諗住過下口癮醫下肚, 點知愈食愈肚餓XD 香辣野都係得人歡心!