十三姨 (通菜街)

营业中

休息中

旺角內街中嘅平民小食店，店內裝修很有古典味，食物也很特別。今日order 左嫩雞粉絲雙拼銀針粉，可以雙拼嘅粉，出面已經吾多，而且湯底也很不錯。天氣開始涼涼地，食番碗熱嘅湯粉，人都會暖D，正呀

食次終於食左呢間好出名嘅黃店!!! 我完全係為左食佢個鵝肝飯而去嘅☺️☺️☺️好彩無令我失望!😋我地每人叫左一個老闆娘鵝肝煎蛋撈飯 加左個西多雞翼! 飲品方面叫左一杯黑牛同一杯400次岩鹽咖啡😛個鵝肝飯真心好好食!!! 啲鵝肝煎得好香 個飯有XO醬 撈埋一齊食好正!!! 我成碗飯清哂😆 性價比都好高 呢碗飯只係$118 有四大塊鵝肝 出面好難食到! 西多雞翼其實係蜜糖單骨雞 都好食 但就係鵝肝飯咁特別! 飲品方面都中規中矩 無話好有surprise😌總括黎講 我絕對會再encore呢個鵝肝飯 但記得早啲去 佢一開就排哂長龍😂I finally gave this one a shot!! I was purely coming for the foie gras on rice tbh 🤩 I was glad it didn’t disappoint me! ☺️So we ordered a Lady Boss Foie Gras on Rice for our own, and also a honey glazed chicken wings! For drinks, we got a

出旺角搵食，去左食十三姨。剛開業時去食過一次，嗰時食左佢個招牌菜：「老闆娘鵝肝煎蛋撈飯」，覺得好新穎，很可以。最近經開附近想再食，估唔到開店咁耐都依然大排長龍。今次我叫左呢個名為「十三飛」其實有：安格斯牛肩胛，牛肋條，粉絲拼米粉牛正常，不驚為天人。重點是湯頭濃又不味精，食完不會口渴，呢點非常重要⭕️另外還配上香口的一粒粒炸物？有冇人知其實係咩？同埋有幾條腸粉，增加口感。

天氣轉涼就緊係想食D熱辣辣既野湯麵係個吾錯既選擇睇完場周國賢套新戲已經9點中套戲又熱血wo...睇到我鬼死咁餓又吾係好多地方有野食行到廟街見到十三姨就拎飛等位等左大約20分鐘到先有位每一台都有一個金杯，入面有五顏六色既蝦片脆卜卜，排隊等咁耐，D麵又未到食住蝦片等都幾貼心#1 十三飛(全牛)牛湯、牛腩、牛肉片、糖心蛋湯底濃郁但吾會好咸落D青檸又再fresh d 牛肉片幾滑，有牛味牛腩吾夠唸，不過入味#2 十三么 (全雞) 轉翠肉瓜麵+粉絲雞湯、雞絲、雞叉燒、糖心蛋雞湯清，吾會油，唧埋lemon更香雞絲吾會孩雞叉燒有淡淡既酒味，好嫩，應該係雞脾肉。又真係幾似日式個種叉燒台面上有麵豉油，加D又會變左吾同味個辣椒好辣ga....食吾到辣就吾好落啦好正，一邊食一邊流鼻水#3 西多雞食落真係有西多味, 幾香幾甜

呢間真係超值得推薦啊！！😍當初最吸引我係因為佢竟然有生酮麵底，就連進行緊低碳飲食既我都覺得真心正，所以一定要去試啊😌😍TGIF既晚上九時去到都要等位，果真名不虛傳啊😳餐廳裡面既裝潢採用木系設計，一坐落去成個感覺好舒服～每枱都會附送一杯熱茶☕️同埋超脆口既印尼蝦片😋個人好鐘意食呢個蝦片，雖然都有啲熱氣但都食到唔停口😂唔講唔知原來呢間係食fusion菜，係由老闆娘向在印尼生活多年既婆婆取經，唔怪之得真係有啲印尼既感覺😛-🎈十三么 $68 (+$10 轉翠玉瓜麵拼粉絲)呢度既菜式名其實都好過癮😜有十三飛十三么連大三元都有🤣對於唔係好識打麻雀既我真係聽到一頭霧水啊🤯認真講返今次同閨密叫左個十三么💗好豐富裡面有手撕雞、雞叉燒、溏心蛋🥚最重要係轉左翠玉瓜麵拼粉絲底，亦係我最期待的😍湯底原來係用上雞隻經過數小時熬煮而成的～ 所以飲落味道好濃郁😋而翠玉瓜麵同粉絲完全索哂啲湯汁，食落好入味🥳呢個麵底太健康了，翠玉瓜係用新鮮既翠玉瓜製造，好岩生酮同低碳既朋友食😳手撕雞就好嫩滑，雞叉燒整體不過不失～個人覺得佢既溏心蛋整得幾好，我同閨密仲叫多左半隻添🙆🏻‍♀️-🎈老闆娘鵝肝煎蛋撈飯 $118 呢個真心性價比超高！

十三姨良心小店，友人帶路，見到好多人食麵，我哋三個女人叫左飯🤣😂下次要試麵...一坐低店員遞上蝦片，好卜卜脆好食呀！勁想叫多「杯」。.黯然雞叉燒飯 😋😋😋份量好多，加上沙律醬幾好味！但叉燒過咸，真的有難度😭，友人食晒飯剩低餸🤣😂.蝦片 😋😋😋😋出色呀！好耐無食過，係新鮮炸起，充滿童年回憶。還要用高杯來裝，好正！

呢間餐廳我已經encore過，上次無寫到食評，今次一於寫翻低。見有食評話要排好耐，好彩地第一次去唔使等，第二次去都只係等咗十分鐘。餐廳唔大但都算坐得ok舒服，感覺係有小小格調既茶餐廳。餐廳菜式都幾特別，食完下次又會想帶其他frds去。今次一共叫咗三款野食:炙燒手撕手撕雞拌雞油飯 ($48)呢個食入口都好香，手撕雞其實雞味就唔係好重，不過勝在雞油同炸蔥香，同埋加小小十三姨提供既鼓油，所以食落都幾惹味。老闆娘鵝肝煎蛋撈飯 ($118)呢個每次必叫，鵝肝煎得外脆內軟，好香鵝油香味，同埋份量都唔少。煎蛋都煎得剛剛好，連埋炸蔥同辣菜圃撈個飯真係無得頂。呢個飯建議同朋友一齊share，因為都幾漏。炙燒雞叉燒($24)呢個小食都唔錯，有d似平時食拉麵上面既叉燒。

🥰今次已經係第三次黎幫襯呢間十三姨啦一開始係比佢個店名同埋鵝肝飯吸引咗去試點知食完之後就返唔到轉頭😂-老闆娘招牌鵝肝撈飯 賣相好吸引 份量都幾足鵝肝厚薄程度適中 外脆內軟煎得啱啱好微焦既外皮配上入口即落既鵝肝 真係好正🤣配菜有大量既炸蒜、蔥、XO醬同埋一隻煎蛋用秘製豉油加半熟蛋漿撈埋飯 成碗飯都冇得剩了😂-十三飛牛湯麵 我哋由粉絲加米粉轉左陽春面除咗牛腩之外仲有肥牛 加多隻溏心蛋整體食落都正正常常 冇鵝肝撈飯咁驚艷-炙燒雞叉燒比想像中細塊啲 食落好重花雕酒味唔係好感覺到炙燒既風味 似係普通嘅雞肉啦🤔-總結嚟講 如果係鍾意食開鵝肝 又想價錢平民啲絕對可以黎試吓 其他食物質素就不過不失入座送嘅蝦片小食好貼心 全部都好脆佢哋啲茶係用三角茶包沖既 都幾好飲 唔怕食到口乾😛好味評分😋：5 /5🌟🌟抵食指數🤑：4/5 🌟🌟餐廳環境 🤪：4/5🌟🌟價錢💰： 老闆娘鵝肝撈飯 $118 十三飛牛湯麵 $74 炙燒雞叉燒$28地址📍： 十三姨 旺角通菜街1M-1T號華發大廈地下C號舖

有日放工覺得口乾乾地想食番啲湯麵濕下個口，路過收藏已久既十三姨門口唔多人等位，即刻去拎番張飛，兩個人大概等左15-20分鐘。一入去坐低好大冷氣，就叫左碗熱辣辣既粉絲野食未到都可以食下蝦片～炙燒手撕雞湯粉絲 $60有半隻溏心蛋，可惜蛋醃得唔夠味，湯好夠味，較重胡椒味，手撕雞份量亦好足夠，口感唔會好「鞋」。粉絲就無咩特別，中規中矩，一個女仔叫左少面都食唔哂。總括嚟講，係好抵食既一餐，可以食到好飽，性價比唔錯～

📍十三姨 😍 喺旺角附近又唔知食咩好就繼續睇落去啦，其實旺角女人街附近有好多隱藏嘅小店 🤫 之後再逐一介紹俾大家，呢間餐廳一定唔會令大家失望 😋 又抵食又好食 ，排隊就大約排咗15分鐘，想知食咗咩就繼續睇落去啦 🙏🙏———————————————-大三元 🍛 $ 68 1️⃣火焰手撕雞伴雞油飯 2️⃣ 4塊雞叉燒 3️⃣溏心蛋🥚🍳 係咪好多嘢食呢 😉 都只係$68咋，飯上面就會有好多蔥同炸蒜，佢再會更多一個汁比你，加埋好香真係有燒過嘅手撕雞👍，飯嘅溫度啱啱好 ❤️ 撈埋所有嘢一齊嚟食，冇得輸，反而要講吓佢嘅糖心蛋真心唔好食，完全冇溏心 😢，雞叉燒🐔就不過不失啦 😅小建議❗️ 可以叫一個(火焰手撕雞伴雞油飯)$48 再加自己鍾意嘅小食 咁樣可能會正啲👅——————————————————-金牌牛肋條 🍜 $ 67呢個真心又係超好食 🤣 牛肋條份量好多切得太大舊，牛肉炆得好淋好有口感，加埋佢個好濃牛味湯底 🙊 正 ar ❗️❗️❗️❗️佢仲可以選擇你自己鍾意嘅麵款 😉 總有一款啱你口味 😍———————————————————-環境 - 雖然地方唔係好大，但係唔會好逼，門口都幾多人排隊 😫 多數都係10至20分鐘

鵝肝煎蛋飯 第一啖鵝肝入口有種驚人既感覺 食得出佢好細心咁煎香塊鵝肝做到外脆 又唔會太乾 而且鵝肝味道十足 雖然只有三塊但用黎送飯都好足夠，煎蛋做到流心！不過撈飯個XO醬略嫌過於濃味 影響左撈飯既平衝 略為失分

夜晚去旺角行街，見到呢間小店主打雞既主食，啱曬我地既口味，就入咗去試吓。一坐低，就有茶包茶同埋蝦片，蝦片都幾脆，只略嫌油咗少少素菜春卷總共有4條，份量ok，而且炸得夠脆，唔會好油，餡料都算足西多雞翼第一次見到呢種囗味既雞翼，估唔到真係有西多蜜糖既香味，同雞翼出奇地夾。而且採用咗單骨雞翼，方便食用十三么 (粉絲 + 米粉) / (銀針粉)都幾足料，有齊手撕雞、雞叉燒，同埋唐心蛋，而且湯底都夠味，d粉絲吸咗湯好入味。而雞叉燒比較特别，都係第一次試，算唔錯，幾好味！三個人食咗＄2XX ，cp值ok

叫咗一個雞湯粉絲、牛陽春麵同埋少少串燒。牛陽春麵啲牛肉幾淋幾入味，麵底都好夠，不錯。雞湯粉絲第一啖口係好濃厚好熟悉好香港地道嘅雞粉味道....串燒都唔錯，但好快凍曬。後記：味精好重。

朋友極力推介，晚上八點幾去到，仍然排長龍。等咗大約半個鐘，終於有位☺️.Menu 有好多選擇，朋友推介下，叫咗招牌十三么。上菜速度超快，本身好鍾意食粉絲，所以覺得超好食。佢落咗好多炸過嘅蒜，好香好惹味。粉絲配料有兩塊雞肉、半隻半熟蛋、菜同三塊腸粉🥰新奇既配搭。我仲試咗佢嘅辣醬，落咗少少都真係幾辣🥵.蜜糖雞翼西多全部都係單骨雞翼，食落好方便。剛剛炸起，新鮮滾熱辣。外皮好脆，內裏Juicy。食完好飽😂

路經旺角午市見到呢間十三姨見門面唔錯就入去試，cp值都比想像中高價錢適中而且啲嘢食都算幾大份👍🏻叫咗一個雞飯一個米線🍜跟餐仲送咗一杯仔嘅薯片，當餐前小食咁食都非常唔錯😆由於太鍾意食糖心蛋所以另外都加咗一隻，但係糖心蛋就冇想像中咁正，可以自行考慮加唔加。跟餐亦都會有嘢飲送返，叫咗兩杯茶都正正常常。坐位嘅位置都非常寬闊，環境都算係中上，服務質素亦都非常不錯！個人覺得呢間絕對可以再返嚟試，絕對係喺鬧市中一個唔錯嘅選擇！