十三姨 (通菜街)

营业中

休息中

呢間餐廳講唔停已經食過三次 三次都覺得好好食！🥰老闆娘鵝肝煎蛋撈飯 $118呢個係每次嚟到必點😚 佢有三大塊鵝肝 三塊都好厚 煎到外脆內嫩👍🏻加埋太陽蛋嘅蛋汁 XO醬 炸蒜同埋蔥撈飯好惹味 有少少辣辣地 真係超級超級正😍😍大三元 $68包咗炙燒手撕雞伴雞油飯 炙燒雞叉燒 同埋糖心蛋✨ 講唔停覺得麻麻哋 手撕雞唔係好夠滑 雞油飯亦都唔係好食到雞油味😬雞叉燒雖然夠滑但係都係冇乜味🤭西多雞翼 $36呢個好食！食落似炸咗嘅蜜糖雞翼 而且係單邊雞翼 好方便🥰黑牛 $30除咗雪糕可樂之外佢仲加咗層cream 雖然真係好肥但係好滿足👅整體來講 講唔停覺得呢度個鵝肝撈飯真係好好食 食過返唔到轉頭 ！ 不過之前食過其他面類嘅主食就麻麻哋 所以推薦大家黎嘅話必定要嗌佢嘅鵝肝撈飯❤️

今次係第2次嚟食十三姨之前都係朋友介紹帶我嚟食佢地嘅鵝肝煎蛋撈飯，一試難忘今次同第２個朋友嚟旺角行街食飯我二話不說推介埋新朋友嚟食因為真係超抵超好食！老闆娘鵝肝煎蛋撈飯 $120一如既往保持水準，４塊鵝肝大大塊鋪咗半邊，厚度都有返咁上下，煎得好香好出色，入口軟滑油香，好食到不得了配埋個半熟煎蛋同其他配料食，非常層次豐富十三么 $70另外試咗D未食過嘅新野呢個十三么，有齊手撕雞﹑雞叉燒﹑溏心蛋﹑粉絲拼米粉份量都足夠，食落就清清地唔會太咸，粉絲拼米粉可以食到兩種唔同口感不過如果你食過鵝肝撈飯，都一定係會選擇返鵝肝撈飯因為真係冇得輸😹😹

又係突約飯局，4個人響旺角行左一陣行左入女人街搵野食，日日食咁多都唔係辦法，大家各自頭惡惡搵下有咩食我見到十三姨好多人排隊，裝下餐牌食麵好似幾好咁，博下要等幾張檯，原來等緊的都係2人細檯，我地4個大檯等一張就到，咁就分頭行事，10分鐘後我有位先就試下十三姨啦😜一坐低已經有七彩蝦片招呼，一路食一路睇好快大家選好晒食咩啦，各自一個麵加飲品，加多個招牌雞翼幾串串燒-掂晒👍最先到的係兩杯400次岩鹽咖啡，同行肥仔話「點解咖啡有花生醬」400次咖啡呀大佬，費時理佢我自己試，咖啡打得好厚實帶點點咸味，有無打400次就唔知但鍾意飲咖啡的我就表示滿意😍再來招牌西多雞翼，西多的意思我估計係佢加左西多的糖漿、雞翼煎得好香脆，單骨方便女仔食，不過對我來講單骨雙骨十條骨都一樣，最緊要好食，無經蜜人訓練都係唔好一上檯即刻食，好熱架，唔覺唔覺好快就食晒一碟之後就來串燒，本來擔心有少少伏，仲要有優惠買四送一🤭我地叫小辣一上檯好香孜然味，翠玉瓜食落juicy, 豬腩仔香口唔乾身，雞軟骨相對普通少少不過一定合格食完再來兩杯岩鹽柚子雪碧待應放低成支岩鹽，我見兩個朋友好似比賽鬥落得多咁，原來加左柚子的雪碧係同鹽味好夾，響屋

.🔻十三姨.今次去到旺角搵食，有幾間bookmark 阻想去既都排長龍，呢間之前都已經想試，今次見等幾張枱就等下啦☺️☺️.🔻西多雞翼（$36)本身以為純粹炸完加蜜糖，食下食下就食得出有加埋牛油，所以叫西多雞翼，食落陣味都真係幾似，唔錯唔錯。.🔻花雕啫喱蕃茄（$32)蕃茄新鮮，個味調得岩岩好，酸酸甜甜，雪得夠凍，花雕味唔係好重，可接受。.🔻灼燒雞叉燒湯米粉（$62)本身以為係雞+叉燒，點知原來雞叉燒係一樣野黎既，明明望落去係雞樣，但食落就冇雞味，好奇妙😅😅.🔻十三飛（$74)入面有牛肩胛，牛肋條，糖心蛋，我就揀咗銀針粉做面底，呢碗好食過個雞叉燒好多，起碼有牛味先😂d 肉都頗淋已咬既.總結：小食好食過主菜好多，佢唔係差，但唔係好值得要排隊去食，坐位都比較迫唔太舒服，有緣再食。

D面麻麻地我試左招牌牛個隻味➕陽春麵，d牛肉很硬同難以下嚥，所以整碗野都麻麻地。有個醬番茄千企無益，太難食。唔明點解咁多人排隊食，羊群心理？？飲凍奶茶，杯凍奶茶都很一般。

見到食評好好所以就過咗嚟食啦！不過嗰個鵝肝散有啲失望啊因為可能好忙嘅時間所以燶晒，唔係特別好食～佢啲配料其實撈埋一齊係好食嘅少少辣～佢個杯白牛好正啊好好飲！係七喜加雪糕同埋忌廉😍perfect match !!!甜得來都好好飲！👍另外呢～～～佢嗰個牛肉13飛我叫咗個翠玉瓜麵以為真係麵啦，點知原來佢係翠玉瓜一條條咋😂不是麵！咁啲牛肉都幾鞋颯颯所以就覺得呢個一般般啦⋯🥶如果店員同我講清楚啲我就唔會叫咗個個。我問佢邊個好食啲佢就話三隻都唔同答唔到。咁因為我以為係麵呀嘛所以我就要晒翠玉瓜啦😂但我個心一直都想食麵，所以嚟到唔係麵嘅時候真係失望呀。咁見到啲人話西多單骨雞翼好食啦又試吓先咁呢個就覺得係好普通嘅蜜糖雞翼～真係好普通味。以為西多士咁好食所以有少少失望啦。最開心開頭有個蝦片❤️！除卜卜肚餓又有嘢食呀太開心了！服務咁忙來講都算唔錯㗎！店員都幾好笑容㗎！態度都好好！又會關心下啲客人去廁所帶領我哋去邊度咁樣！

旺角超多人排隊嘅十三姨🥳🥳🥳平民價食鵝肝飯 仲有特色翠玉瓜麵🧐我哋平日夜晚7點幾嚟到都等左成個鐘 開左咁耐仲係人氣不減👏.🎈老闆娘鵝肝煎蛋飯 ($118)百幾蚊食到三大塊鵝肝可以話係性價比非常高啦😍😍表面煎到金黃色 外脆內軟非常香口🤤仲有生蛋黃同自由添加嘅鼓油 超級下飯😋不過肉碎就有少少辣 唔食得太辣嘅朋友唔好一次過撈哂飯啦🤣🌶評分: 7.5/10.🎈上等牛肉翠玉瓜麵 ($70+轉麵$15)叫麵就係特別為左試下呢款翠玉瓜麵🤣真係冇咩澱粉質全部都係翠玉瓜雖然幾特別 但就一定冇普通麵咁掛湯不過食落就冇罪惡感 係健康之選👏牛肉同湯底就相對比較普通 中規中矩評分: 7/10.🎈總括而言鵝肝飯會比較驚艷 中意食鵝肝嘅人值得一試👏不過就真係要預早排隊 次次嚟到前面都有幾十張枱😲評分: 7/10

中意食鵝肝嘅朋友記住試吓！！🤪✔︎老闆娘鵝肝煎蛋撈飯 $118呢個價錢有三大塊肥美嘅鵝肝真係唔錯😍鵝肝略略煎過 外層香脆 入面就保留到濃香嘅油脂 有入口即融嘅感覺😙💓作為成碗飯嘅主角 可以話做得非常好😛當然加埋流黃嘅太陽蛋 香蔥 炸蒜 XO醬 仲有秘制豉油 真係將碗飯嘅味道昇華到另一個層次🤩XO醬有啲辣辣到 唔食辣嘅朋友記住撈之前撥開佢呀～將所有配料 蛋黃 同埋白飯撈勻晒 再加小片鵝肝係面 再一啖食落肚 就係正到嘩出聲🥺🤍 口感好豐富而且好重鵝肝油脂嘅香味🤭✔︎西多雞翼 $36用整西多嘅方法整嘅雞翼 雞翼本身有牛油香味 再加上淋左層糖漿喺面 所以好似西多士 佢係單骨雞翼 所以好方便就食到😛但係略嫌佢個表皮有啲乾同硬🤭好味指數：♥︎♥︎♥︎♥︎♡︎抵食指數：♥︎♥︎♥︎♥︎♡︎回頭指數：♥︎♥︎♥︎♥︎♡︎

#wetdodo_旺角 #wetdodo_佐敦💛又係人氣排隊旺店閒日7點去 等左一個鐘多啲先入到座🥺奉勸各位想食真係早啲黎😇以係旺角呢個中心地段食晚市黎講呢到都真係價錢相宜 份量充足 味道唔錯座位都唔會話太窄 但係出面多人等都係食完拿拿聲閃😂—————————————————————💛十三飛牛湯轉翠玉瓜麵拼粉絲 $84😋：7.5/10預設左係粉絲拼米粉黎 轉翠玉瓜粉絲就要+$10但我覺得都值得一轉～翠玉瓜切到好幼細好似麵條咁仍然留有翠玉瓜果種口感 浸落湯索晒汁！同埋有多啲瓜菜夾啲肉一齊食更滿足牛湯係相對起雞湯味道濃郁牛牛既精華出晒黎咁🤪湯底味就濃郁得黎香醇質地係唔會杰同油！肉分別有安格斯牛肩胛同牛肋條安格斯係薄切 但牛味好香濃 份量都好幾塊 食落都算嫩 唔錯～而牛肋條就同炆得好軟腍😛另外配料仲有溏心蛋 冇咩特別但有流心仲有腸粉同一啲芽菜同椰菜腸粉啱啱開波食係冇咩味 後期食係會索左汁 但其實個味唔夾😀有啲畫蛇添足 但對其他整體都滿意😚💛十三么雞湯粉絲拼米粉 $68😋：7/10粉絲拼米粉索晒湯底🥴雞湯一飲落口真係體現左飲落喉嚨好舒服😂果種陣陣係雞精華味好香亦唔會有平時飲老火雞湯好驚既果陣層

同朋友嚟到旺角拎野未拎之前梗係要填飽個肚先啦話說朋友同我講佢近排減緊肥既然減肥我哋梗係要搵一間比較清淡少少嘅餐廳於是乎我哋搵到呢間十三姨手撕雞湯粉絲💰64我加咗$10要咗翠玉瓜麵拼粉絲翠玉瓜麵口感特別講就係麵，其實係一條條既翠玉瓜食落覺得好健康唔會好肥膩入面仲有芋絲同埋椰菜湯底就有少少黑椒味 十三飛💰72朋友要咗個牛肉麵佢話牛肉肉質都算不錯都唔係好柴湯底有黑椒味嘅同時都帶有少少牛肉汁野飲我哋嗌咗一個黑牛同白牛黑牛就係朱古力雪糕加可樂💰22白牛就係雲呢拿雪糕加雪碧💰22個人認為黑牛好飲過白牛😹一餐食落黎😹其實都無減到肥

🌟呢餐係：「抵食過indomie」嘅一餐唔知大家鍾唔鍾意食鵝肝？😍 我就超級愛🥰 食親buffet都啪起碼789舊🥵 今日去咗食呢間已經save咗好耐嘅餐廳～ 平時就好長龍，今日好好彩等咗一陣就入到🥳 嗌完野都好快就有野食，抵讚👍🏻 🍿 零食印尼彩色脆片入到去坐低就已經上咗一兜零食，類似蝦片。冇乜味，有啲仲淋咗，但係免費就唔好要求咁多啦😂🦆 老闆娘鵝肝煎蛋撈飯 $118呢個飯真係超級滿足！😍 有成4件鵝肝咁多！煎得好香之餘，入面都好淋👌🏻 油脂咁超級重🤤 XO醬，煎蛋同埋蔥撈飯，高級版狗飯就算冇餸都可以食得好滋味，真係冇得輸！XO醬唔算好香，但份量都好足，一啲都唔孤寒😝 煎蛋熟度啱啱好，個黃仲流質。但係因為鵝肝又油，xo醬又多，自己一個食嘅話，真係濟到pk🥵 建議可以3-4個人去，嗌一個鵝肝飯再加3樣其他飯或麵就應該會好好多！🀄️大三元 $68本身飯上面有炙燒手撕雞，蔥花加炸蒜。另外就有粒溏心蛋同埋4塊炙燒雞叉燒。咁多款餸，份量又多，真係好抵食🥰 食落都好香，應該有落到雞油，炸蒜仲脆脆地，增加咗口感🥰 溏心蛋熟度啱啱好，仲流心🤤 但係因為冇醃過嘅關係，感覺少少9😅 就咁食又冇味，同啲返一

近期想實行低碳外食既試驗，四處搵食。今次輪到想食麵，但自己知，係唔可能，所以想搵下替代麵既東東，就搵到翠玉瓜麵了。店舖格局偏暗，乾淨企理，只係都犯左普遍香港食店既通病，太迫。幸好環境氣氛都比較舒適，呢度加返啲分。加上櫈下有儲物袋，貼心。主菜味道有水準，雞肉好滑，低碳又可以食埋雞皮，正斗!!不過翠玉瓜麵就有啲失望，可能期望太高。感覺都係一下子就食到係瓜絲，未能夠呃到自己既大腦不過整體水準仍係不過不失既，如果唔計青瓜麵，我覺得算係比較有水準既外食。不竟係香港呢个彈丸之地，有時食得貴都唔見得好食得去邊

實在不知多久沒打過麻將了，我想應該有十年吧！想當年偶然會和朋友麻將耍樂的日子，牌藝不精的我有時候都會拿到一手好牌，特別是當自己做大牌，拿著十三隻筒索萬番十三不搭的奇牌叫十三飛食十三么，又食得出的時候，簡直會覺得幸運之神正在眷顧自己。俱往矣，往事如煙，前塵若夢，十三么已成記憶，不過這一天，我仍可在這間「十三姨」吃到一碗「十三飛」（$72）。其實這「十三飛」是這裡的招牌出品之一，材料有安格斯牛肩胛、牛肋條、溏心蛋和米粉拼粉絲。粉麵吃得多，但米粉拼粉絲，這次還是第一次。這「十三飛」的湯頭雖然鹹了點，味道可是不錯的，米粉和粉絲都極之索湯，牛肩胛和牛肋條份量不少，口感可以，不過就不太吃到安格斯牛的特矜貴的地方。至於那隻溏心蛋，及格的，不差。因為這是午餐的開係，是有飲品跟餐的，而我揀了不用加錢的「烏龍冰茶」，冰凍的烏龍茶，不甜不膩，夠健康。其實這裡的餐飲有些是較特別的，例如「400轉岩鹽咖啡」，冷熱都有，跟餐價只是另加 $16而已，麵底更可轉為我還是第一次見到的「翠玉瓜麵」（+$15）。下次再來幫襯的話，我都幾有興趣一試。「十三飛」我吃過了，這店子的另一款招牌出品「十三么」我之前也吃過了，下次再來

平日lunch,都要等下位。左右兩邊座位空間比例懸殊，一邊六人大卡位，一邊逼爆茶記位，都係兩個人入既話，大卡位體驗爽好多（然而我地唔係，唔好彩）。lunch set有埋飲品，有幾款揀添，唔錯。麵底可以轉，米粉、粉絲份量都夠，比較幼身。有三舊腸粉，好滑喎！雞叉燒特別，係切片雞肉捲。手撕雞我覺得太碎，mix埋個湯底撈唔到。湯底就得意，我果個冇胡椒，妹果個有，但餐牌係冇標明，我就覺得胡椒果個太重口，搶晒湯底雞味。可能入得太匆忙，一直冇人俾蝦片，食到一半出聲問，先發覺會俾埋口罩袋，職員即刻講唔好意思同俾返蝦片。蝦片好脆呀，正。飲品都唔細杯，不錯。作為lunch set整體黎講不錯，食得飽，算完整。不過加埋一$139兩人，呢個價係旺角平日可以有更多好選擇。

呢間餐廳都bookmark左好耐見到好多好評就打算試試佢去到試左佢個鵝肝飯好好味！😋極度推薦！但係西多雞翼同湯麵就都算中上CP值好高，一定會再回頭幫襯！不過係長期好多人，一定要等位。