十三姨 (通菜街)

营业中

休息中

見到咁多人介紹十三姨呢間餐廳，終於有機會去試吓，餐廳嘅裝修有少少古色古香，中午嘅時候人流都算多，每台客人都會有一份彩色嘅蝦餅做小食，今次我叫咗一個十三么，入邊有手撕雞、雞叉燒、糖心蛋，個面底係粉絲拼米粉，湯底比較清淡，感覺冇咩味精，成碗嘅份量都唔算多，味道還可以，第一次食雞叉燒，感覺似雞卷，唔算好特別，餐飲要咗蜂蜜蘋果茶，甜甜地好香蘋果味，仲食到細細粒嘅蘋果粒，好飲！整體來說$70有啲貴，份量如果多啲就好

‧˚₊*̥(* ⁰̷̴͈꒨⁰̷̴͈)‧˚₊*̥十三姨•成日經過見到都好多人等位，今次特登早少少去食！(˶‾᷄ ⁻̫ ‾᷅˵)•🍜《十三么雞湯粉絲拼銀針粉》($70)呢鍋粉有手撕雞、雞叉燒同溏心蛋(⁎⁍̴̛ᴗ⁍̴̛⁎)原鍋上熱辣辣(*≧ω≦)湯底鮮甜，配料巧豐富，有好多蔥花、芽菜、炸蒜同三條腸粉(≧∇≦)手撕雞同雞叉燒都不過不失ʕ •ᴥ•ʔ銀針粉好少地方有賣，小妹叫咗嚟過吓口癮(˶‾᷄ ⁻̫ ‾᷅˵)整體嚟講，份量巧夠，配搭都幾特別，不過食物質素就普普通通╮(╯▽╰)╭•🦪《吉列炸蠔(4件)》($36)上菜嗰陣係啱啱炸好！外層又熱又脆(˶‾᷄ ⁻̫ ‾᷅˵)咬落爆晒汁(⁎⁍̴̛ᴗ⁍̴̛⁎)！隻蠔都巧肥，加埋啲沙律醬好食到傻豬b(*≧ω≦)小妹覺得仲出色過鍋麵～•🦐《蝦片》入座嘅時候枱面已經有杯蝦片同兩杯熱茶，蝦片好脆好好食，不過熱辣辣仲飲熱茶就很反智了(˶‾᷄ ⁻̫ ‾᷅˵)•整體嚟講不過不失，座位有啲逼，小妹坐得唔是很c伏(＞人＜;)旺角仲有好多好嘢食，如果要係大熱天時等咁耐位，小妹就覺得有其他更好嘅選擇(*≧ω≦)！•٩(ˊᗜˋ*)و✧*｡📍 十三姨 (通菜街) (旺角)旺角通菜街1M-1T號華發大廈地下C號舖•💰人均消費：$50-$10

平時唔會寫食評。中意就去多幾次，唔中意就唔返去。今次真係難食到唔寫唔得。 平時都好小心，open rice勁多like，IG 勁多推介過啲經常中伏所以都唔會去，除非有朋友出過。今次經過睇黎唔錯，又話真材實料同埋粉面呢啲嘢都好難唔好食。但係果然好伏， $7X一份，叫咗13么同13飛。價格一般。份量算係咁。但係味道上除左味精味都唔知食出乜嘢黎。仲比譚仔落多好多味精。大食，唔浪費嘅我都食唔落去。環境，衛生，服務黎講， 都ok。但係一間餐廳黎講味道唔得，其他嘢好都無用。價錢-味道，真係完全不值。

之間成日經過呢條食街 眼見好多間都排晒隊 等位等到出門口 但一直都冇留意呢幾間餐廳係食啲咩 最近係網上見到有人介紹呢間叫十三姨 佢地有個必食既老闆娘鵝肝煎蛋飯 只係需要一百二十蚊就食到 價錢同賣相都好吸引 就即刻約朋友去試下 我地當日夜晚七點鐘去到餐廳 門口已經企滿晒人係度等位 我地拎左飛 大約要等十幾張枱 我地就行開一陣 係附近行下先再返黎 只係行左一圈 我地七點半再行返去餐廳 岩岩好下一張就到我地了 開頭都以為要等好耐 原來等半個鐘就可以入座了 餐廳雖然細細間 但座位都算幾多下 眼見啲人多數食一鍋鍋既米粉多 我地就叫左兩個都係招牌菜 一個係叫做十三么 一個鍋入面有米粉同粉絲 仲有手撕雞 雞叉燒 溏心蛋 仲會有啲葱同菜係入面 首先 佢一黎到 已經聞到個湯底勁香 係好重好濃既雞湯味 手撕雞同雞叉燒好嫩滑 米粉同粉絲既份量有好多 成個配搭好夾好好味 另一個就係必食既招牌老闆娘鵝肝煎蛋飯 呢個賣相好令 中間有隻太陽蛋俾客人自己撈飯 側邊仲有葱 蒜 Xo醬 最吸引既係有三大舊好肥美既鵝肝 煎到金黃色 入口即溶 食晒都唔會覺得漏 Xo醬真係好辣下 食少少已經好辣 唔食得辣唔建議撈黎食 另外佢仲

鵝肝味道淡，單食乏味油膩覺得漏，單食飯有Xo醬料+雞蛋、配料都食到成碗飯，鵝肝撈埋飯就俾啲飯嵌着晒啲鵝肝味，成件事變咗一齊食又唔係，但單食鵝肝又覺得乏味，仲覺得有漏。試下冇防，但唔會想返兜，加埋一$132，7:05分两個人等到7:35分入座，一個鐘限時用餐、食完想坐一陣飲吓茶都覺得有壓力、服務一般、打電話去問嘢嗰位女士啲態度麻麻、特登搭車去試佢嘅鵝肝飯，一場去到局住要排隊等都冇辦法、滿心期待係有啲失望

經常我都大排長龍，今日少左人排，所以等一等，其實都好似等左差唔多半個鐘😅菜名都好特別，所以要留意下括孤嘅餸名。大三元：有炙燒手撕雞伴雞油飯，炙燒雞叉燒，溏心蛋。我覺得最特別係雞叉燒，做法似日本拉麵嘅叉燒。不過溏心蛋蛋黃冇咁熟會更好食。手撕雞油飯係日本珍珠米，加埋自家製醬料會更好味。十三飛 ： 有安格斯牛肩胛、牛肋條、溏心蛋、粉絲拼米粉 （我轉咗銀針粉）湯底濃，上面張相係安格斯牛肩胛，牛肋條我覺得好似牛腩。整體黎講都好味。無論食乜嘢，都會有蝦片。脆脆的秘制飯豉油

呢間主打湯麵既食店又係一間長期排隊既鋪頭，粉麵係用印尼湯底，有印尼特色但又不失港式風味既餐廳。小店非常照顧減肥/生酮人士，等位睇menu既時候已經見到，麵底可以轉翠玉瓜麵。等左一輪位終於到我地。每張枱都會有一杯蝦餅，味道可以，但唔夠脆🥢十三飛十三飛入面有安格斯牛肩胛、牛肋條、溏心蛋、粉絲拼米粉，粉麵有好幾個選擇，我轉左銀針粉。牛肋條炆得夠淋，但味道唔算驚喜，雖然牛肩胛唔似牛肋條要花時間煮，但我覺得係比前者好食。牛骨湯有改進空間，而湯底仲有芽菜、炸乾蔥、腸粉、椰菜、洋蔥，令我聯想起越南粉🥢十三么以雞為主題既十三么有手撕雞、雞叉燒、溏心蛋、粉絲拼米粉配上雞湯做湯底，雞湯比牛肉湯做得好。自家製炙燒雞叉燒係用雞腿肉捲成雞卷再切件，肉質都唔錯，唔會乾身🥢西多雞翼蜜糖墊底配上加左牛油炸脆既單骨雞翼，味道不錯，如果話似西多，我反而覺得似印尼蜜糖雞翼*加啲十三姨自家製青辣椒醬絕對可以令味道提升

成日睇到身邊朋友或者介紹呢度既鵝肝煎蛋飯..今日終於同到朋友黎試喇..星期日晚8點半，等左10張枱左右就入座了。小食叫左個餐牌上面推介既- 花雕啫喱蕃茄一黎到就聞到好香花雕味..生蕃茄浸住落酒度..食左帶小小甜同酒味..不過原來精粹係啲啫喱度..個啫喱係濃濃嘅花雕味..帶點苦..相信食哂啫喱應該會有醉意燒翠肉瓜 燒得唔會太乾身..好Juicy主角 - 鵝肝煎蛋飯鵝肝size都幾大..仲有3塊咁多..呢個價錢真心抵！最正係側面既醬..帶有小小辣同咸香..同埋乾蔥，蔥花..撈埋一齊食真係好和味..不過都真係好滯..最後都食剩咗少少飯。

琴日經過女人街搵野食，其實次次經過女人街都見十三姨好多人排。朋友話想試下，咁就拎飛等。都等左一個鐘，其實等到燥燥地，終於等到我地。一入到去見到已經擺好2杯茶同埋蝦片。由於我地係外面已經揀好食咩，所以好快落order，也都好快上菜。我地叫左老闆娘鵝肝煎蛋飯、十三么、芝士年糕同黑牛。 鵝肝煎蛋飯真係好好食！好好食！好好食！本身都好鍾意食鵝肝，配飯/多士真係好好食。佢個飯仲有XO醬，甜豉油真係好夾，辣辣地令到個飯無咁膩同埋好開胃。我食到飽左都仲係好想繼續食。朋友食左個十三么，湯底好好飲，有陣胡椒既香味，然後加埋檸檬又好似變左另一個湯底咁好清新。但係個芝士年糕就一般，佢中間流心係甜，但佢面果塊芝士係咸，個人覺得又咸又甜太複雜。可能個飯實在係太驚艷，將佢比下去。原本等左一個鍾燥燥地，食完個飯開心返曬。

無論午市晚市都超多人排隊🤢行咗陣過咗Number要重新排過😭各位要聽實啦🥲十三么Price：$74📌招牌十三么有手撕雞、雞叉燒、溏心蛋、粉絲拼米粉，配料十足🥳大家應該比較少聽雞叉燒，其實就係一塊圓切既雞髀肉😂手撕雞同雞叉燒肉質唔算粗糙，食落仲有陣煙薰既味道🤩今次真係「雞，全部都係雞」🤣半隻溏心蛋都幾Creamy，好香既流心蛋黃味👍🏻未試過雙拼麵底，食落又幾夾，好嫩滑有口感😚Lunch仲包飲品一杯，凍飲唔駛加$3😉鵝肝蒜蓉多士Price：$76📌鵝肝有半隻手掌咁大🤚🏻望落真係超邪惡😋食落有一陣牛油味，d油脂咇哂出黎😍多士好脆，夾埋一齊食無咁膩同咁濟😚鵝肝控既朋友可以嗌「老闆娘鵝肝煎蛋撈飯」，有3大塊鵝肝🤪個口滿足完之後膽固醇都好滿足😎

好耐冇二個人撑枱腳，上開飯網慕名而來: 見到咁多好評又多人等位就以為一定無伏?! 朋友你太年靑了! 六點幾拎咗飛，行幾個圈都未叫到。明明見到啲票號有喐，啊原來錯覺只畀四人枱(當時才叫十多張飛，但二人枱到五十幾號)。向近門口店長查詢，佢話規定了左邊細枱，右邊大枱，玩大小絕不能彈性改動!最後企咗成個鐘腳都軟，叫咗期待已久嘅串燒，但我肯定並唔係燒因為雞髀菇翠玉瓜等都出水: 大概川湯汆水後係再灑孑然粉嘅效果。 其他食物普通並非如食評般咁好食。坐嘅位置迫，冷氣亦唔夠，雖然入秋但邊食背脊出汗。老實，有資源請打手寫鱔稿，不如專注改善吓門口個兩位唔憂做不可一世嘅嘴臉.. 旺角大把嘢食選擇，真係拜拜你條尾! 後記：食咗無耐旁邊食客一走店員即把細枱合併變大。説好的絕不改動呢？！(奉勸如果閣下只是兩位用膳除飛大把時間，否則要諗過先)

呢間長期多人排隊,隔一排我就會好掛住佢個鵝肝飯,配埋個辣醬,真係回味無窮!今日又再次幫襯,平日晚市等左半個鐘,終於有位火炙手撕雞配翠肉瓜麵難得會有生酮飲食,翠玉瓜麵幾特別,口感清脆,手撕雞香口就不嬲都係配呢個麵都幾夾鵝肝多士鵝肝同樣出色,外脆,入口即溶,滿滿油香係口腔,多士脆帶蒜香西多士雞翼即單骨蜜糖雞翼,雞翼外皮香脆肉嫩滑,調味岩岩好練奶芝士炸年糕多重口感,不過由於太多重,分唔到奶味,芝士味重上面仲有花生碎 會再次幫襯

好耐之前已經見啲人介紹十三姨，搞到成日心思思想試😤今次仲唔俾小編我試到！餐廳菜單好有趣，用常見食糊組合命名🀄可謂gimmick十足，平日約唔齊腳/食唔到糊咪食吓呢間當補番數囉~ 餐檯面積就比較細，兩個人去就要有搭檯嘅準備。一坐低就俾咗杯蝦片我地 口痕食幾塊都ok嘅🤪不過好快變淋。🌟黯然雞叉燒飯 ($54)面頭鋪滿木魚碎同沙律醬🤣味道好似章魚燒，雞叉燒油脂比例偏低 口感唔係滑嘅路線。味道不過不失 但口感差咁啲，Cp值取勝啦！🌟大三元 ($70)一上枱成個組合係幾豐富嘅，仲有壺應該係雞油撈飯😁係幾香幾惹味嘅。不過手撕雞唔係好滑 雞叉燒味道正常但唔驚艷🧐溏心蛋就無咩蛋味。整體味道普通 試過就夠。🌟400次岩鹽咖啡 ($18)之前hit果陣好想食 但係又懶得自己整，未飲過嘅強烈推薦嗌呢杯嘢試吓，真係一個幾有趣嘅體驗😆作為餐飲味道都唔錯。🌟薯絲蝦卷 ($18)幾特別嘅小食，外面嘅薯絲幾脆口 味道似點心麵，裡面有啲似蝦滑 幾彈牙，可以一試。*另收加一服務費味道：🌕🌕🌕🌕🌘環境：🌕🌕🌕🌕🌘價錢：🌕🌕🌕🌘🌑

呢間人氣小店十三姨，每逢飯市都好快爆場，菜式選擇雖然唔多，但貴精不貴多，每樣都好吸引咁喎其中鵝肝煎蛋飯係招牌菜之一鵝肝可算係高檔嘅食材，估唔到喺呢度百元鬆啲都可以食到。香煎鵝肝份量都唔少，賣相肥美充滿油光，好邪惡！外層煎微脆，油脂加埋蛋汁，再撈埋XO醬、香蒜、蔥，辣辣的超惹味記得要加旁邊嘅秘製豉油，鹹味就可以自行調節。

個fd 講到呢間好好食，所以我放假果陣約左另一個fd 去試下夜晚7點幾晚飯時間都幾多人，大概等左一個鐘先入到環境中國風一坐低己經有兜free 蝦片同fd 點左兩個一樣既 上等牛肉陽春麵，我轉左翠玉瓜麵拼四蔬，fd 就轉翠玉瓜麵翠玉瓜麵真係似麵，唔會話好短散哂咁，口感偏淋但有咬口 多蔬菜，完全可以補充到一日菜既份量 牛肉嫩口唯獨個湯偏咸蕃茄鮮甜得黎帶有酒味 總括黎講算唔錯，下次會黎試埋其他