北越牛肉粉專門店 (已結業)

星期一因為工作關係，遲咗食午餐，於是就搵下午茶食，行咗成個翔龍灣，啲下午茶都好似唔係好平，連茶餐廳都係貴價版，呢間越南菜下午茶都只係30幾蚊，於是就入去食。一入到去，個感覺比我覺得地方都坐得幾舒服，幾乾淨，而且餐廳有悉心佈置過，有啲畫架同埋越南裝飾，睇落都幾舒服。再睇下個餐牌，下午茶都好似幾多選擇，而且全部都係三十幾蚊，今時今日嘅香港呢個價錢真係算係咁。自己一個人食，只係叫咗一碗生牛肉河粉，送一杯熱飲，落單我諗幾分鐘左右，好快就有得食。份量都算正常唔會得好少，有齊晒生牛肉河應有嘅配料，個湯底都幾甜幾濃郁，牛肉都好嫩滑，我覺得幾好食同夠飽肚，如果下次多幾個人，我都想試吓佢啲小食同埋其他嘢食。

啱啱搬咗黎呢度附近，放咗工又咁攰，都唔想行遠d，就揀咗呢間餐廳醫肚其實今次係第三次食，但依然覺得好好味。值得推介係蒜香牛油雞翼，夠脆、有牛油味、又有蒜香味。除咗雞翼，今次仲食咗煎扎肉湯河同生牛肉湯河，都唔錯。但都係上次食嘅香茅豬扒飯抵食d，有兩塊大豬扒仲有叫咗隻大頭蝦，感覺上覺得新鮮嘅蝦肉係應該爽口，但佢係比較稔身，因為第一次，唔知係唔係呢款蝦係咁嘅呢？其實叫大頭蝦有套餐，但老公好快就叫咗兩碗河粉，而個煎扎肉河仲無得跟餐。不過落單嘅姨姨都好好人，照幫我地轉。

一一一一一一一一一一一一一一一一一一咖哩牛🐂腩：賣相👍，熱辣辣，味道ok。一一一一一一一一一一一一一一一一一一值得一試，價錢亦唔算貴。一一一一一一一一一一一一一一一一一一

與朋友飯聚，我們都喜歡食越南菜，便找上北越這餐廳。這間舖位已轉手幾次，希望這店可長做。越式扎肉米紙卷，包得結實， 清新可口 ，生菜新鮮，開胃之菜。香茅豬扒湯河，豬扒份量算多，肉質較乾，香茅味較小，一般食味，只可說香口。河粉順滑，湯頭清甜。香茅牛肉伴濱海， 濱海即是越南米粉餅，一大片生菜包住彈牙的濱海和惹味的牛肉，配上乾及新鮮的䓤，味道很豐富。

晚餐時間見都幾多人食同女友入左去試。我點左個札肉番茄湯金邊粉，個番茄湯好濃但味有d假，d札肉正常，整體不過不失啦。女友點左生牛肉湯檬，生牛肉應該係越南菜最基本靈魂，女友話d牛肉ok，唔會韌，但個湯冇咩味，比較失色。

重看亦舒的他比煙花寂寞，無限感慨中.....想起新聞中原來偶像亦舒年少時有個私生子，戲劇人生在書意中體驗出來.....忽想起很久沒吃了的北越生牛河，淸清甜甜酸酸辣辣正是此時感受......如何食生牛河？餐墊上自有詳細介紹清湯加上九層塔的香味，紅色的牛肉簿片用手榨上青擰，加上指天椒，淸清甜甜酸酸辣辣從此開始旁邊的辣醬甜醬海鮮醬撈來點牛肉佷一流滿足偷得浮生半日閒，原來寂寞也是一種享受，感謝有你的陪伴

Happened to be around the area over the weekend, found this Vietnamese place and was quite impressed! Partner had a pho with raw beef and I had a tomato soup with noodles and brisket. They were both really good, tomato soup was rich in flavor and the brisket was tender. We also ordered some rice paper rolls, they were decent as well! Everything turned out to be good, the portions were huge, and service was exceptional! I'd definitely go back!

上次Lunch 食過番尋味，但得小弟一個，今次叫多D人黎試，5:45去到，仲有下午茶餐食，點左﹕鮮茄牛腩湯河粉(茶餐)﹕同Lunch 一樣唔大份，我食左8成都要投降。佢個鮮茄湯底得一舊鮮茄，其它都係业筍搭夠，個鮮茄湯同出面有少少唔同，佢有少少重牛味，可能用牛肉湯河做底，所以都算味濃，但係唔夠稠身同唔夠茄肉，美中不足。牛腩雖然唔係靚部位，看似乾身，好彩食落都淋身同有肉汁。 越式蒸粉卷(茶餐)﹕三大件，餡料十足脹卜卜又香口，比出面同價位既好得多。 香芧豬扒﹕無咩驚喜，大路貨，唔夠厚同唔夠肥美。牛油蒜茸雞翼﹕牛油味都幾出，炸漿油左少少但都香脆，雞翼肉汁多，味道唔會過咸，算可以。整體性價比好高下，茶餐價錢約35一set，正餐份量，坐得舒適，食物質素絕對係同級之中比較出色一間。

近排真係食得太多，今晚諗住食得清清地，朋友就話佢屋企附近有間叫"北越"。見到門口都OK而且卡座都闊落。對我來講，食越南粉最緊要有辣椒醬及甜醬，望入去見到枱面有海鮮醬、青辣醬及紅辣醬，相信這間店應該不會太差吧，所以就入去試一試。一去到坐底就叫咗個冰凍椰青解解渴，好大個椰青，非常清涼。越南春卷春卷係必叫的，炸得非常香脆，又有微微芋頭味，配上新鮮生菜，用料新鮮，都合格。 椰菜雞絲沙律沒有炒菜供應只有幾款沙律。所以我們點了椰菜雞絲沙律，有椰菜絲，青瓜絲及紅蘿蔔絲同雞絲，各份量比較算平均，個汁酸酸地，唔辣，都幾開胃！ 生牛肉拼牛坑腩湯河湯底熱辣辣，有濃濃的牛味。牛肉分量十足肉質不錯但牛坑腩有小小靭，好有咬口！加埋我喜愛的辣醬混海鮮醬，都幾好食！ 偷吃了朋友的香茅豬排，香茅味十足，有肉汁但偏油！雖然店員全部都是auntie，但服務態度幾好！以呢個價錢，我覺得不錯，可以再來多次！

今日又去翔龍灣搵食，本來去英皇餐聽，但係食物唔岩胃口，就走左去北越。呢期翔龍灣D食肆好似水準高左。只係食個Lunch，餐牌湯粉檬粉選擇多得很，反而其它小食同主食選擇唔係好多。第一次到訪，叫左個生熟牛肉河粉。一上黎湯底香氣撲鼻，生熟牛各放一邊，生牛內先壓係湯底浸一浸熟，飲啖湯，味濃，感覺有少少味精，但唔多，亦都唔係好覺有花椒、八角和肉桂。再食一舊熟肥牛，牛味濃郁，唔算韌，就係略肥！生肥牛相對嫩滑…唔好睇少呢隻碗，河粉份量係出面潮州面店河粉既一倍有多，食左8成…都係要投降。整體滿意，但要黎同一班朋友食正餐的話，可能要考慮，感覺都係以湯粉檬粉為主打…

收工同老公經過翔龍灣附近，見到好耐冇食越南野，見到依間，決定一試！入到去，侍應好快過來，餐牌望落去都系越南野，最後試左最經典的火車頭2人餐，我叫左椰汁冰，老公叫左椰汁红豆冰椰汁冰几香濃，不會因為有冰而好谈味。 而老公飲个杯椰汁红豆冰，佢話红豆有d硬，吾太淋，如果淋d會更好！至於重点个火車頭呢，見到个面有香葉，試下啖湯先，几濃，好香牛味，不過又不失香味，个湯又吾会濃到好濁！牛肉滲入d湯，岩岩熟！个侍應拎左个火車頭之後，又拎左d青擰辣椒，加埋去湯度，令个湯又昇華！ 题外話，侍應介紹旁邊有3支越南調味，有支青辣椒醬，其他2支吾記得 他教人可以將牛肉加d醬料去食，更正甘話！overall,依間冇加一，以晚飯價錢甘既質素好吾錯！

區內少有的越南餐廳，我已來過幾次，食過香茅豬扒湯金邊粉和生熟牛肉河粉，好食，湯夠味，冇味精，牛不太肥，平均，份量剛好。豬扒切好分開上，足一塊，好多。2點後下午茶，份量同午餐一樣，只係30幾跟飮品，好抵！所以而家改食下午茶。

本來想係土瓜灣隨便找間餐廳食飯，見有間新開越南嘢，就試下，我可能九點入去，冇乜人，叫左蕃茄牛腩，蕃茄幾大件，汁好酸，似忘記加糖煮，牛腩幾淋，香矛朱扒，冇香矛味，同一般朱扒一樣只是加了薑䈡吧，跟醬汁，都酸，牛油雞翼，冇牛油味，但炸的香脆，新店有代改進吧！價錢比較貴，但賣相幾好