北越牛肉粉專門店 (已結業)

早上回公司途中，會到北越食早餐，感覺款式多。味道不差！暖暖的牛角包也軟熟，炒蛋亦都頗有水準。好多地方煮會麵太淋，這裏煮得剛好。唯獨餐廳近洗手间位置有常覺有点異味！要多多改善！！

今日放假番土瓜灣娘家食飯，天氣熱辣辣，真係唔想媽媽煮飯咁辛苦，所以我提議出街食，近近地選擇左尼間越南餐廳試一試餐廳環境尚算舒適，我地三人安排左坐四人卡位餐牌好多選擇，有二人餐，四人餐，我地三個人選擇散叫加小食，可以自由選擇喜歡的食物香茅豬扒反：抵食之選，豬扒大份又入味，我老公讚不絕口必食蝦頭膏海鮮酸辣湯檬：酸酸辣辣，開胃之選，有三隻蝦三隻青口，材料新鮮，檬粉份量多生牛肉湯河：正正常常，河粉份量極多，食淨左好多越南春卷：做得好出色，我地放到最後先食個皮都仲係好脆，不會林左，生菜新鮮大塊香茅雞翼：賣相好吸引，香脆入味，上面加左小小蔥油，令味道更加有層次最後埋單$247，食到好飽好滿意，非常抵食，真心推介比各位試試

聽講土瓜灣多平野食, 就刻意撘船尼試下. 男朋友話想食越南野, 就尼左呢間北越牛肉粉專門店試, 貪佢坐得舒服, 而且好光猛, 坐低談心就一流. 抵讚係佢河粉既份量岩岩好, 岩哂我呢d 成日話要減肥既女仔食最最最重要既係佢既香茅豬排煎得外表好脆, 肉汁仲係度, 同埋食完都唔覺得油, 無阻減肥計劃 (雖然真係有點想encore...忍住左)好推介大家尼一定要食佢!男朋友仔就食左粉卷, 欣賞佢皮薄, 手工係有誠意 放左後2口子係度坐下, 無人趕, 難得咁放鬆到~~~總結既話, 呢間平民餐廳, 幾岩平民情侶去架! 回頭指數我會比8.5/10!!!

今天一行六人找吃速食，再度幫襯翔龍灣北越，上次吃過之後到現在…原來已一年多了， 看過餐牌後，想來想去都係越式香茅豬扒較為吸引決定再吃香茅豬扒飯豬扒份量足夠味道香濃而且肉質新鮮，煎炸後仍能保存豐富肉汁口感，不會變得乾硬果然保持水準餐飲包一般奶茶咖啡，凍飲加三蚊，加六蚊便可轉其他特色飲品雖然奶茶是至愛，但都想 試試特色飲品結果選了椰汁紅豆冰在大熱天時吃一口已透心涼… 心情也愉快題外話…侍應姐姐非常好人見我們六人剛好可用到小房間，雖然比較焗促，但房裏說話傾談私隱度高，即使再嘈也不怕騷擾到其他食客啦

探完係翔龍灣住既朋友…係樓下商場搵晚餐食…就試吓呢間越南野套餐都幾抵食…所以就叫左個北越火車頭套餐碗火車頭都幾大碗…真係夠晒兩個人食裏面有生牛肉牛丸牛筋牛腩牛柏葉…湯底都夠晒味跟餐叫左杯青檸梳打…正常味道叫多左個鳳爪沙律…都入味…但係菜既部分就比較少都算大碗抵食既

週末好得閒在翔龍灣行街～行到夜晚順便食小小野～見到樓下有間越南菜好似無錯～試試～香茅豬扒河粉-分量都多，豬扒炸得岩岩好，肉質ok，而且外面都算脆，香茅味夠重，整體唔錯～酸辣鳳爪-好辣好辣好辣啊～～～～應該好多辣汁，食到係甘飲水～洋蔥都多，不過有d少～春卷河粉餐-味道唔錯，而且香脆爽口～唔會好油膩～咖哩龍蝦-呢個龍蝦不得了～非常好食～而且要等成20分鐘架！雖然肉唔多，但係蝦頭好多蒜蓉，滿曬，用黎撈河粉好好食～

推薦指數：9/10依間越南野真係大件夾抵食，可惜分店得北角同土瓜灣😕期望會開更多分店！！實際價錢已經唔記得，但範圍大約$50-$60。我好中意食豬頸肉！超大塊又juicy 🤤！撈檬同湯河比我覺得撈檬正啲！👍 佢地杯綠豆冰都好好飲架！大大杯，幾有椰香味仲有好多粒粒綠豆咬☺️（雖然冇影到）

今日要嚟翔龍灣搵人，咁睇吓有咩餐廳可以試吓咁，見到有間北越，好過又茶餐廳丫，一於去北越，有冇南越架。下午茶餐，一碗生牛河，加杯熱飲，都係三十八蚊。呢度唔係旺區，下午茶時間真係坐得好舒服，食得好自在架。牛肉薄薄地，有五六塊，都幾有咬口，肉味普通啦。湯頭都係普通過得去啦，河粉份量就好多喇，係唔係正餐嘅份量嚟架。總括嚟講，咁嘅價錢扺食架。

轉到新環境梗係要睇下附近有咩好食啦~越南菜很適合夏天食口味偏向酸酸甜甜,帶有少少辣對於食慾方面會有所提升本身自己在炎夏的日子,不會食得到很多東西加上會揀凍既食物香茅牛肉撈檬. 同事叫既,有幾款配菜另外,自行落魚露,魚露每一間既口味會有所不同因為魚露中會有糖,水,辣椒等材料加工炭燒豬頸肉撈檬, 豬頸肉分量好多,以前在其他地方食,只會有幾片薄薄的配菜就會有很多,特別是生菜我這一個是走菜,所以沒有椰汁仙沙冰,我原先有期望結果椰汁仙沙冰中,見不到沙冰(上次去其他地方已試過,叫SMOOTHIE,結果係水)椰皇就無影到,不過椰皇算大,分量都有2杯~

土瓜灣區係平民美食既天堂，絕對係我搵食既首選之一。趁地鐵未起好，要多黎呢區支持下小店。呢間小店環境不錯，人唔多，幾好坐，周日同幾位朋友坐左近兩個鐘吹水，食下野，好不自在。食物質素不錯，大愛佢地既叻沙，湯汁濃郁，好有香料及椰子味。我叫左河，貪其吸汁比較好，食得好過癮。配菜叫左牛肉，不過不失啦。朋友既蕃茄扎肉湯麵都好吸引，蕃茄味好香，下次會叫呢個試下。最吸引既係價錢，lunch set 大概50-60元，有野飲，正呀！

係，待應服務態度勁差,冇禮貌，點歺時說話好大聲，好鬼兇甘，我來食野嗜。點解好似比人兇甘,一路食一路谷住度氣,食咩都冇味又點好食呀,食物麻麻地也不是太好食,D待應又甘態度

天時熱，最近都好少出去食飯。今日見天陰陰，又冇帶飯，干脆同同事去食越南野😬呢間北越，就嗨公司附近，食物質素一路都保持得好好，所以我哋經常去。今餐同事照舊食香茅猪扒飯，而我就叫左香茅雞亦河粉。其實呢俩樣我都仲意食，因為佢哋腌得夠入味，炸嘅時間又控制得好好，唔會太乾，連配菜都一樣好好味😋如果胃口好時想加飯都係免費嘅，呢個真係要俾個贊佢👍🏻

是日尖子跟筆者打保齡球, 時間不早, 隨意地來到北越. 週日晚上九時正到達, 店內只有三成滿. 裝修簡約, 走著西式路線, 原本也有點期望, 可是期望愈大, 失望愈大. 看看menu, 選擇不少. 點選了鮮茄牛腩飯(HK$50), 北越生牛肉湯河(HK$49), 金邊軟殼蟹米紙卷(HK$56). 鮮茄牛腩飯, 跟連鎖快餐店的醬汁相似, 水汪汪的質感, 用上新鮮蕃茄或是用上茄膏調制, 很容易判斷. 牛腩質感很鞋, 令人失望的一道. 北越生牛肉湯河, 這應該是港式風味吧? 其湯底, 既不香, 又不清甜, 而且非常油膩, 河粉再好也沒有用. 生牛肉用上普通火鍋店的肥牛, 這令湯底更加油膩, 又一失望的一道. 金邊軟殼蟹米紙卷, 軟殼蟹不新鮮, 淋淋的質感, 很沒有誠意. 米紙卷的檬粉冰凍還帶點糊和黏, 很不新鮮. 配上的醬汁竟然是乳豬醬, 這個配搭會否奇怪了一點?

今天是母親節帶媽媽到這間越南菜館吃午飯，侍應服務態度非常差， 態度愛理不理，食物普通不難吃， 價錢中等，但是今時今日這種服務態度我以後一定不會再去， 節日講求喜慶不是受氣…… 貼錢買難受

週日午餐時段發現土瓜灣區實在有不少"遊客"團，不過…找吃也不會找到旅行團午飯地點，只是路過見到來到九龍城碼頭翔龍灣附近，商場處也有好幾間食肆，跟著另一半約好了友人提議到"北越"，餐廳環境ok，也適合大夥兒中午飯聚！看到餐牌午市套餐供應由上午11點至下午六點價錢亦很相宜，已包飲品選了香茅豬扒飯(走蔥蒜)，賣相都唔錯白飯高高的豎起企住豬扒份量都很多，味道一般，不會太乾身，也不算油膩，都可以吧！餐飲一般咖啡，奶茶，檸水…，選餐飲基本上不用考慮，始終都係奶茶才是我杯茶但當然對奶茶也有要求… 忘記了影相但這裏杯奶茶還算可以吧！👌